প্রধানমন্ত্রীগী লোইশঙ
য়ু.এস.এ.গী সেক্রেতরী ওব স্তেৎ অমসুং দিফেন্সনা প্রধান মন্ত্রীগা উনখ্রে
Posted On:
27 OCT 2020 5:29PM by PIB Imphal
য়ু.এস. সেক্রেতরী ওব স্তেৎ হিজ এক্সিলেন্সী মাইকেল আর. পোম্পিও অমসুং সেক্রেতরী ওব দিফেন্স হিজ এক্সিলেন্সী দা. মার্ক তি. এস্পরনা ঙসি প্রধান মন্ত্রী শ্রী নরন্দ্র মোদীগা উনখ্রে।
মখোয়না য়ুনাইতেদ স্তেৎস ওব অমিরিকাগী রাস্ত্রপতিনা প্রধান মন্ত্রীদা য়াইফ পাউজেল পীরকখি হায়না তমখি। রাস্ত্রপতি ত্রম্পনা ভারত্তা ফেব্রুৱারী ২০২০দা মায় পাক্না লেঙবীরকখিববু নিংশিংলদুনা, প্রধান মন্ত্রীনা য়াইফ পাউজেল অদুবু হরাও তয়াম্না পাউখুম পীখি।
সেক্রেতরীশিংনা প্রধান মন্ত্রীগী মফমদা ঙসিগী অঙনবা শরুক্তা পাঙথোকখিবা মখোয়গী লৈবাক অনিগী মীফম অমসুং মহৈ য়ান্নিংঙাই ওইরবা অহুমশুবা ভারত-য়ু.এস. ২+২ দাইলোগকী মতাংদা পাউদমখি। য়ু.এস. সরকারনা ভারতকা লোইননা লেপ্পা লৈতনা হেন্না মপাঙ্গল লৈরবা মরী থম্নিংবগী অপাম্বা অমসুং মান্নবা ৱাখল্লোন অমসুং পান্দম ফংমিন্ননবগীদমক পুন্না থবক পায়খৎমিন্ননিংবগী অপাম্বা ফোংদোকখি।
প্রধান মন্ত্রীনা অহুমশুবা ২+২ দাইলোগ মায় পাক্না লোইশিনখিবদা অপেনবা ফোংদোকখি। চহী খরসিদা লৈবাক অনিগী ওইবা গ্লোবেল স্ত্রেতেজিক পার্ত্নর্শিপতা মায়কৈ কয়া লোঙনা চাউখৎপা পুরক্লিবা অসিদা প্রধান মন্ত্রীনা অপেনবা ফোংদোক্লদুনা মহাক্না মপাঙ্গল লৈরবা থাজবগী য়ুম্ফম, মান্নবা ভেল্যু অমসুং লৈবাক অনিমক্কী প্রজাশিংগী ওইবা মপাঙ্গল লৈরবা মরীগী মতাংদা পনখি।
***************
(Release ID: 1668076)
Visitor Counter : 167
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam