প্রধানমন্ত্রীগী লোইশঙ
পি.এম.না য়ু.পি.দগী পি.এম. স্বনিধি য়োজনাগী বেনিফিসরীশিংগা লোয়ননা ৱারী শাখ্রে
Posted On:
27 OCT 2020 1:57PM by PIB Imphal
প্রধান মন্ত্রীনা ভিদিও কনফরেন্সিংগী খুত্থাংদা উত্তর প্রদেশকী পি.এম.স্বনিধি য়োজনাগী বেনিফিসরীশিংগা লোয়ননা ৱারী শাখ্রে।
বেনিফিসরীশিংগা ৱারী শানবদা প্রধান মন্ত্রীনা দিজিতেল পেমেন্তগী কান্নবশিং অমসুং করম্না কেশবেক ফংগনি হায়বগী মতাংদা পাউতাকশিং পীখি। শেল অসি লৈরবদি কনাগুম্বা অমনা মহৈ মশিং তম্বা অমসুং কেরিয়র শেমজবা ঙম্লগনি হায়নসু মহাক্না হায়খি।
মতুং তারকপদা মহাক্কী ৱারোলদা প্রধান মন্ত্রীনা হায়খি মমাংদা তোলোপ চাবা মীওই ফাওবনা লোনগীদমক বেঙ্কতা চৎপা অসিা া চবনা লোনগপ চাবা ম্রীনা হাবখরম তক অৱাবা ওইরম্মি অমরোমদা লাইরবা অমসুং স্ত্রীৎ বেন্দরশিংদা বেঙ্ক চৎপগী ৱাখল ফাওবা খল্লমদে। অদুবু হৌজিক্তি স্ত্রীৎ বেন্দরশিংগী হৌদোকচনবা লোনশিং পীবদা মতেং পাংনবা মীয়ামগী য়ুমথোংশিংদা বেঙ্কশিংনা চৎলি হায়না মহাক্না হায়খি।
প্রধান মন্ত্রীনা বেনিফিসরীশিংবু য়াইফবা ওইনবা পাউজেল পীখি অমদি বেঙ্করশিংনা হোৎনরিবশিং অসিবু থাগৎপা ফোঙদোকখি। মহাক্না হাবখি মখোয়না হোৎনরিবশিং অসিনা লাইরবশিংনা মখোয়গী হরাও-কুম্মৈশিং পাঙথোকপদা মতেং পাংলগনি। মহাক্না হায়খি নুমিৎ অসি আত্মানির্ভর ভারত অমা ওইনবগীদমক অমসুং স্ত্রীৎ বেন্দরশিংবু ইকাই খুম্নবা উৎনবা মরু ওইবা নুমিৎ অমনি। মহাক্না হায়খি মখোয়না ভারত অসি মরোমদোম লেপচবা ঙম্নবা হোৎনরিবা অদু লৈবাক অসিনা খংঙি। মহাক্না হায়খি কোরোনাগী লায়চৎ অসি শন্দোরকপা মতমদা অতোপ্পা লৈবাকশিংনা মখোয়গী শিন্মীশিংনা করম্না মায়োক্নগনি হায়না ৱাখি অদুবু ঐখোয়গী লৈবাক অসিদদি ঐখোয়গী শিন্মীশিংনা অৱাবা খুদিংমক থেংনবা ঙম্মি অমসুং মায়োক্নদুনা মাই পাকপা পুরকপা ঙম্মি হায়বা উৎখি।
প্রধান মন্ত্রীনা হায়খি লায়চৎ অসিগী মনুংদা লাইরবশিংগী অৱাবা কোকহন্নবা সরকারনা লুপা করোর লাখ ১গা লিশিং ৭০গী পেকেজ অমগা লোয়ননা গরিব কল্যান য়োজনা হৌদোকখি। মহাক্না হায়খি লুপা করোর লাখ ২০গী ইকনোমিক স্তিমুলস অসিনা লাইরবদা মীৎয়েং চংখি। স্ত্রীৎ বেন্দরশিংনা মখোয়গী থবক অমুক হন্না হৌবা অমসুং অমুক হন্না মরোমদোম লেপচবা ঙম্বা অসিদা মহাক্না নুংঙাইবা ফোঙদোকখি।
লৈবাক শিনবা থুংনা স্কিম অসি ইমপ্লিমেন্ত তৌনবা পাইখৎলিবা থবক্কী খোঙজেল অসি শ্রী নরেন্দ্র মোদীনা থাগৎখি। প্রধান মন্ত্রীনা হায়খি স্বনিধি স্কিমগী মখাদা লোনশিংঈ গরেন্তর মথৌ তাদে অমসুং লোনশিং লৌবগী মওং অসি য়াম্না লাই। কম্মন সর্ভিস সেন্তর নত্রগা ম্যুনিসিপাল ওফিস অমা হেক্তা নত্রগা নত্রগা বেঙ্ক অমদা চৎতুনা ইশাবা ওনলাইন্দা এপ্লিকেসন অপলোদ তৌবা য়াগনি।
প্রধান মন্ত্রী হায়খি নীংখা তম্লবা মতুংদা অহানবা ওইনা স্ত্রীৎ বেন্দরশিংনা লাইনা সেক্যুরিতী য়াওদবা লোনশিং ফংলি। মহাক্না হায়খি অর্বান স্ত্রীৎ বেন্দরশিংগী অয়াম্বা এপ্লিকেসনশিং অসি য়ু.পি.দগী লাকখি। মহাক্না হায়খি স্কিম অসিগী মখাদা লৈবাক অসিদা লাকখিবা লোনগী এপ্লিকেসন লাখ ২৫গী মনুংদা এপ্লিকেসন লাখ ৬.৫ হেনবদি য়ু.পি. খক্তদগী ওইখি। য়ু.পি.দগী লাকখিবা এপ্লিকেসন লাখ ৬.৫কী মনুংদা এপ্লিকেসন লাখ ৪.২৫তি অয়াবা পীখ্রে। মহাক্না হায়খি য়ু.পি.দা স্বনিধি য়োজনাগী লোনগী এগ্রীমেন্তদা স্তাম্প দ্যুতী লৈহন্দ্রে।
লায়চৎ মনুং অসিদা স্ত্রীৎ বেন্দর লাখ ৬তা শেলগী তেংবাং ওইনা লুপা ১০০০ পীবগীদমক য়ু.পি. সরকারবু প্রধান মন্ত্রীনা থাগৎখি।
মহাক্না হায়খি স্বনিধি স্কিমগী খুত্থাংদা লোন লৌখিবা স্ত্রীৎ বেন্দর অয়াম্বনা মখোয়গী লোন অদু মতম চানা শিংগৎতুনা অপীকপা শেল পুরিবা মীওইশিংনা মখোয়গী পুকচেল শেংবা অমসুং পীখিবা থাজবা অদু মাংহন্দে তাক্লি।
প্রধান মন্ত্রীনা মীওই কয়াদা স্কিম অসিগী মতাংদা এৱের্নেস পীবা মথৌ তাই হায়না ফোঙদোকখি। মহাক্না হায়খি স্কিম অসিগী মখাদা মতম চানা শিংগৎলকপা মতমদা চাদা ৭গী দিস্কাউন্তসু পীগনি অমসুং দিজিতেল ত্রাঞ্জেক্সন তৌবদা থা অমদা লুপা ১০০গী কেশবেক লাক্কনি হায়না হায়খি।
মীয়াম্না জন ধন একাউন্ত অসিদা থাজবা ৱাৎলম্মি অদুবু ঙসিদা মসিনা অৱাবা তারবা মতম অসিদা লাইরবশিংদা মতেং পাংলি হায়না প্রধান মন্ত্রীনা ফোঙদোকখি।তম ত অসিদা থাজবা ৱাৎেক লা প
লাইরবশিংগী য়াইফ-থৌরাংগীদমক সরকারনা লৌখৎখিবা থৌরাংশিং অদু মহাক্না থমখি।
থৌরম অসিদা প্রধান মন্ত্রীনা স্ত্রীৎ বেন্দরশিং, শিন্মীশিং অমসুং লৌমীশিংদা লৈবাক অসিনা মখোয়গী ললোন-ইতিক খুমাং চাউশিন্নবা অমসুং মখোয়গী পুন্সিবু ফগৎহন্নবা অঙম্বা থাক্তা হোৎনগনি হায়না থাজবা পীখি।
***
(Release ID: 1667842)
Visitor Counter : 165
Read this release in:
Assamese
,
English
,
Urdu
,
Hindi
,
Marathi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam