(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতকী ফেতেলিতী রেৎ অসি মার্চ ২২দগী য়েংলকপদা খ্বাইদগী নেম্বা ওইরে
• হৌখিবা পুং ২৪দা মীওই ৫০০দগী তাথনা লৈখিদবগী পাউ লাক্লি
• রাজ্য/য়ু.তি. ১৪গী কেস ফেতেলিতী রেসিও অসি ১%দগী তানা লৈরি
• হৌখিবা পুং ২৪দা অনৌবা নাবা ফবা মীওই ৫৯,১০৫ লৈখি অমসুং অনৌবা কেস মশিংনা ৪৫,১৪৮নি
• হৌজিক হৌজিক লৈবাক্কী ওইনা নাবা ফবগী চাং ৯০.২৩% ওইরি

#Unite2FightCorona

#IndiaFightsCorona

ভারতকী ফেতেলিতী রেৎ অসি মার্চ ২২দগী য়েংলকপদা খ্বাইদগী নেম্বা ওইরে, হৌখিবা পুং ২৪দা মীওই ৫০০দগী তাথনা লৈখিদবগী পাউ লাক্লি, রাজ্য/য়ু.তি. ১৪গী কেস ফেতেলিতী রেসিও অসি ১%দগী তানা লৈরি

কেন্দ্র অমসুং রাজ্য/য়ু.তি. সরকারশিংনা হোস্পিতালদা পুখৎলকপা কেসশিংবু লায়েংবগী থৌওং শেন্নবদা নীংথিনা মিৎয়েং চঙবদগী ভারতকী কেস ফেতেলিতী রেৎ অসি ১.৫%দা য়ৌবা ঙমহল্লে। হৌখিবা পুং ২৪দা মীওই ৫০০দগী তানা (৪৮০) শিখিবগী পাউ লাকখি। ভারতনা মালেমগী ফেতেলিতী রেৎ খ্বাইদগী নেম্বগী মনুংদা লৈরি। কেস ফেতেলিতী রেৎ অসি মার্চ ২২দগী য়েংলকপদা খ্বাইদগী নেম্না লৈরি অমসুং লেপ্তনা তাথরক্লি। হৌজিক হৌজিক খোঙফম চেৎপা কোবিদ হোস্পিতাল ২২১৮না মগুন লৈবা লায়েংবগী থৌওং পাঙথোক্লি। লৈমাইগী থাক্তনা আশা অমসুং এ.এন.এম.গুম্বা হকশেলগী থৌমীশিং অসিনা মাইগ্রেন্ত মীশিংবু শেন্নবা অমসুং খুন্নাইগী থাক্তা মীয়ামদা খঙহনবগী থৌওং কয়া পাঙথোক্তুনা য়াম্না থাগৎনিংঙাই ওইবা থৌদাং পাঙথোক্লি। পুম্নমক অসিনা মরম ওইদুনা সি.এফ.আর. ১%দগী তাথবা রাজ্য অমসুং য়ু.তি. ১৪ লৈরে। হৌখিবা পুং ২৪দা অনৌবা নাবা ফবা মীওই ৫৯,১০৫ লৈখি অমসুং অনৌবা কেস মশিংনা ৪৫,১৪৮নি। মসিগা লোয়ননা অপুনবা নাবা ফরবা মশিং অসি লাখ ৭১ (৭১,৩৭,২২৮) হেনখ্রে। লৈবাক্কী নাবা ফবগী চাং লেপ্তনা হেনগৎলক্তুনা হৌজিক হৌজিক ৯০.২৩%দা লৈরিবা অসিদা নোঙমদা নাবা ফবগী চাং ৱাংবগী ফিভম অসি উবা ফঙই। ভারতনা এক্তিব কেস মশিং লেপ্তনা হন্থবগী চৎনবী লৈবগী পাউদম লাক্লি। হৌজিক হৌজিক লৈবাক্কী অপুনবা পোজিতিব কেস মশিং অসিদা এক্তিব কেস মশিংনা শুপ্নগী ৮.২৬% ওইদুনা কেস ৬,৫৩,৭১৭ লৈরি। মসিনা ওগস্ত ১৩দা এক্তিব কেস মশিং ৬,৫৩,৬২২ লৈখিবা অদুগী মতুংদা খ্বাইদগী নেম্বনি। অনৌবা ফবগী ৭৮%দি রাজ্য/য়ু.তি. ১০দগীনি হায়বসি উবা ফংই। করনাতকানা নোঙমদা নাবা ফবগী মশিং খ্বাইদগী য়াম্বা ওইনা কেস ১০,০০০দগী হেন্না লাকখি অমসুং কেরলানা কেস মশিং ৭০০০ হেন্দুনা তুং ইল্লি। হৌখিবা পুং ২৪দা লৈবাক অসিদা অনৌবা কেস ৪৫,১৪৮ লাকখি। মসিগী অসিনা জুলাই ২২দা অনৌবা কেস ৩৭০০০ লাকখিবা মতুংগী খ্বাইদগী হন্থবনি। অনৌবা কেসশিং অসিদগী ৮২%দি রাজ্য অমসুং য়ু.তি. ১০দগীনি অমসুং মহারাস্ত্রানা অনৌবা কেস মশিং খ্বাইদগী য়াম্না ৬০০০ হেন্না লাকখি অমসুং করনাতকা, দিল্লী অমসুং নোঙচুপ বেঙ্গোলনা কেস মশিং ৪০০০দগী হেন্না লাক্নদুনা তুং ইন্দুনা চৎলি। হৌখিবা পুং ২৪দা মীওই ৪৮০ শিখি। মসিগী মনুংদগী ৮০% দি রাজ্য/য়ু.তি. ১০দগীনি। অনৌবা শিবগী মশিং অসিদগী ২৩% হেনবদি (লৈখিদবা মীওই ১১২) মহারাস্ত্রাদগীনি।

অকুপ্পা ৱারোলগীদমক:

পি.এম.না ২৫.১০.২০২০দা ঙাংখিবা ‘মন কী বাত’কী ১৭শুবা তাঙ্কক্কী মনিপুরী ৱাহন্থোক

অকুপ্পা ৱারোলগীদমক:

প্রধান মন্ত্রীনা ওক্তোবর ২৭তা য়ু.পি.গী পি.এম. স্বনীধি স্কিমগী বেনিফিশরীশিংগা ৱারী শাগনি

প্রধান মন্ত্রী শ্রী নরেন্দ্র মোদীনা য়ু.পি.গী পি.এম. স্বনীধি স্কিমগী বেনিফিশরীশিংগা ওক্তোবর ২৭কী অয়ুক্কী পুং ১০.৩০দা ভিদিও কনফরেন্সিংগী খুত্থাংদা ৱারী শাগনি। থৌরম অদুদা উত্তর প্রদেশকী মুখ্য মন্ত্রীসু শরুক য়াগনি। প্রধান মন্ত্রীগী স্ত্রীৎ ভেন্দরশিংগী আত্মনির্ভর নীধি (পি.এম. স্বানীধি) স্কিম অসি কোবিদ-১৯না শোকহল্লবা লম্বীদা দুকান ফম্বা লায়রবা মীওইশিংবু মখোয়গী পুন্সি-মহিংবু নৌনা অমুক মখা চত্থহনবদা তেংবাংনবা হায়দুনা জুন ১, ২০২০দা হৌদোকখিবনি। ঙসি ফাওবগী মনুংদা, স্কিমসিগী মখাদা অপুনবা এপ্লিকেসন লাখ ২৪ হেন্না লাকখি অমসুং মসিগী মনুংদগী লাখ ১২গী অয়াবা পীখ্রে অমসুং লোন লাখ ৫.৩৫দি য়েন্থোকখ্রে।

অকুপ্পা ৱারোলগীদমক:

প্রধান মন্ত্রীনা গুজরাত্তা মরুওইবা প্রোজেক অহুম শঙ্গাখ্রে, গুজরাতকী লৌমীশিংগীদমক ‘কিষান সুর্য়োদয় য়োজনা’ হৌদোক্লে

প্রধান মন্ত্রী শ্রী নরেন্দ্র মোদীনা ভিদিও কনফরেন্সকী খুৎথাংদা থাংজা নুমিৎতা গুজরাত্তা মরুওইবা প্রোজেক অহুম শঙ্গাখ্রে। লৌমীশিংদা পুং ১৬ মৈ ফংহন্নবা কিষান সুর্য়োদয় য়োজনা শ্রী মোদীনা হৌদোকখ্রে । মহাক্না য়ু.এন মেহতা ইন্সতিতুৎ ওফ কার্দিওলোজি এন্দ রিছর্স সেন্তরতা লৈবা পেদিয়াত্রিক হার্ত হোস্পিতাল অমসুং অহমেদবাত্তা অহমেদবাত সিবিল হোস্পিতালদা তেলি-কার্দিওলোজিগী মোবাইল এপ্লিকেসন অমসু হাংদোকখি। থৌরম অসিদা প্রধান মন্ত্রীনা গিরনারদা রোপৱে অমসু শঙ্গাখি। থৌরম অদুদা মহাক্না হায়খি মীচম মীয়ামগী কৎথোকপগীদমক মতম পুম্নমক্তা গুজরাত অসি তমজনফম নমুনা অমা ওইদুনা লাক্লি। সুজালাম-সুফ্লাম অমসুং সাওনি স্কিম, কিষান সুর্য়োদয় য়োজনা পায়খৎলবা মতুংদা গুজরাতকী লৌমীশিংগী দরকার ওইবশিং ফংহন্নবা অচৌবা মাইপাকপা অমা পাংথোকপা ঙম্লে। চহি কয়া ইলেকত্রিসিতিগী লমদা গুজরাত্তা পায়খৎখিবা থবকশিংনা য়োজনা অসিগী য়ুম্ফম ওইরে। প্রধান মন্ত্রীনা হায়খি মখোয়গী শেন্থোক শরুক অনি হেনগৎহন্দুনা অমসুং মখোয়না চাদিং তৌবা হন্থহন্দুনা অমসুং মখোয়গী অৱাবশিং কোকহন্দুনা লৌমীশিং মতেং পাংনবা মতমগী হোংলক্লিবা অসিগা ইরোইন্না মখা তানা থবক তৌগদবনি। লৌমীশিংগী শেন্থোক শরুক অনিদা হেনগৎহন্নবা এফ.পি.ওশিং লিংখৎলে, নিম তৈরবা য়ুরিয়া ফংহল্লে অমসুং সোইল হেল্থ কার্দশিং ফংহল্লে অমসুং অনৌবা থবক কয়া পায়খৎলে।

অকুপ্পা ৱারোলগীদমক:

ভিদিও কনফরেন্সকী থোংদা গুজরাত্তা মরুওইবা প্রোজেক্ত অহুম শঙ্গাবদা প্রধান মন্ত্রীনা থম্বিখিবা ৱারোল

অকুপ্পা ৱারোলগীদমক:

২০১৮-১৯গী এন্যুএল রিতর্ন অমসুং রিকন্সিলিএসন স্তেৎমেন্তগী দ্যু দেৎশিং শাংদোক্লে

কোবিদ-১৯ লায়চৎ অসিগা মরী লৈননা লোকদাউন অমসুং অথিংবশিংনা মরম ওইরগা বিজিনেসশিংগী মহৌশাগী থবক থৌরম অসি লৈবাক অসিগী তোঙান তোঙানবা শরুকশিংদা পাঙথোকপা ঙমদবা অসি য়েংলগা এন্যুএল রিতর্ন (ফোর্ম জি.এস.তি.আর.-৯) অমসুং রিকন্সিলিএসন স্তেৎমেন্ত (ফোর্ম জি.এস.তি.আর.-৯সি)গী ফাইলিং তৌবগী দ্যু দেৎশিং শাংদোকপগী মথৌ তাবগী মতাংদা অপাম্বা মশিং কয়া সরকারদা লাক্লি। বিজিনেসশিং অমসুং ওদিতরশিংদা হিরম অসিদা খুদোংচানবা হায়রিবা অসিগী দ্যু দেৎশিং অসি ওক্তোবর ৩১দগী মখা তানা শাংদোক্নবা হায়রক্লি। জি.এস.তি. কাউন্সিলগী রিকম্মেন্দেসনশিং য়েংলগা শেনবা চহি ২০১৮-১৯গী এন্যুএল রিতর্ন (ফোর্ম জি.এস.তি.আর.-৯/ জি.এস.তি.আর.-৯এ) ফাইল তৌবগী দ্যু দেৎ অসি ওক্তোবর ৩১, ২০২০দগী দিসেম্বর ৩১, ২০২০ ফাওবা শাংদোক্নবা ৱারেপ লৌখ্রে।

অকুপ্পা ৱারোলগীদমক:

ইনকম তেক্স রিতর্ন অমসুং ওদিৎ রিপোর্ত থাজিনবগী দ্যু দেৎ শাংদোকপা

কোবিদ-১৯ শন্দোক্লকপনা মরম ওইদুনা তেক্সপেয়রশিংনা স্তেত্যুতোরী অমসুং রিগুলেতরী কমপ্লাইএন্সশিং ইনবা ঙমদবশিং অসি য়েংদুনা, সরকার অসিনা মার্চ ৩১, ২০২০দা থোকখিবা তেক্সেসন এন্দ অদর লোস (রিলেক্সেসন ওব সর্তেন প্রোবিজন) ওর্দিনান্স, ২০২০ ('দি ওর্দিনান্স') অদু অতোপ্পা কয়াগা লোইননা শান্দোক্লে। ওর্দিনান্স অসি তেক্সেসন এন্দ অদর লোস (রিলেক্সেসন এন্দ এমেন্দমেন্ত ওব সর্তেন প্রোবিজন) এক্তনা মহুৎ শিনখ্রে। সরকার অসিনা জুন ২৪, ২০২০দা ওর্দিনান্সকী মখাদা নোতিফিকেসন অমা থোকখি, মসিদা এফ.ৱাই. ২০১৯-২০ (এ.ৱাই. ২০২০-২১)গী ইঙ্কম তেক্স রিতর্নগী দ্যু দেৎ অদু নবেম্বর ৩০, ২০২০ ফাওবা শান্দোকখিবনি। মরম অসিদগী জুলাই ৩১, ২০২০ অমসুং ওক্তোবর ৩১, ২০২০ ফাওবদা থাজিনবগী তঙাইফদবা লৈবা ইঙ্কমগী রিতর্নশিং অদু নবেম্বর ৩০, ২০২০ ফাওবদা থিজিনবা য়ারগনি। মসিগী মখা তাবদা, ইঙ্কম তেক্স এক্ত, ১৯৬১ (দি এক্ত)গী মখাদা লৈবা তেক্স ওদিৎ রিপোর্ত য়াওনা তোঙান-তোঙানবা ওদিৎ রিপোর্তশিং থাজিনবগী মতমসু ওক্তোবর ৩১, ২০২০ ফাওবদা শাংদোকখ্রে।

অকুপ্পা ৱারোলগীদমক:

শ্রী গাঙ্গৱারনা য়ু.পি.গী বরেলীদা ফমুং ১০০ লৈবা অনৌবা ই.এস.আই.সি. হোপিতালগী ভুমি পুজন পাংথোকখ্রে

য়ু.পি.গী বরেলীদা ফমুং ১০০ লৈবা অনৌবা ই.এস.আই.সি. হোসপিতালগী ভুমি পুজন অসি ঙরাং লেবর অমসুং এমপ্লোইমেন্তকী রাজ্য মন্ত্রী (আই./সি.), শ্রী সন্তোশ কুমার গাঙ্গৱারনা পাংথোকখি। মহাক্না মীয়ামদা ৱা ঙাংবা মতমদা, শ্রী গাঙ্গৱার, বরেলিদগী মেম্বর ওফ পার্লিয়ামেন্ত নিপাল্লক ওইরবা অসিনা কেন্দ্র সরকার, রাজ্য সরকার অমসুং জিলাগী এদমিনিস্ত্রেশনশিংবু মহাক্কী কন্সতিত্বেন্সী অসিগী মীয়ামগীদমক মেদিকেলগী ওইবা মথৌ তারিবা অসিগী মঙলান অদুবু মঙফাওনহনবীবগীদমক্তা মখোয়গী হোৎনজমন অদুগীদমক্তা থাগৎখি অমসুং তৌবীমল খঙবা উৎখি। হোপিতাল অসিনা হৌজিক্তি আই.পি.শিং অমসুং বেনিফিসরীশিংনা ময়োক্নরিবা অৱাবা অদু হৌজিক্তি কোকহল্লগনি, হান্নদি মখোয়না অৱাংবা থাক্কী মেদিকেল ত্রীতমেন্ত তৌনবগীদমক্তা এ.আই.আই.এম.এস., দিল্লী নত্রগা লখনৌদা চৎপা তারম্মি হায়নসু মহাক্না হায়খি। মন্ত্রী অসিনসু লাউথোকখি মদুদি আই.এস.আই.সি. হোসপিতাল অসিগী ফেসিলিতীশিং অসি য়ামদবা য়ুজর ফী লৌদুনা মীচম প্রজাদা ফংহল্লগনি। মহাক্না মখাতানা হায়খি মদুদি মসিগী হোসপিতাল অসি তুংদা লাক্কদবা মতমদদি মোদেল হোসপিতাল অমা ওইনা ওন্থোক্লগনি।

অকুপ্পা ৱারোলগীদমক:

নেসনেল ফার্মাসিউতিকেল প্রাইসিং এথোরিতী (এন.পি.আর.এ.)গী মখাদা গোৱাদা প্রাইস মোনিতরিং অমসুং রিসোর্স য়ুনিত লিংখৎখ্রে

প্রাইস মোনিতরিং এন্দ রিসোর্স য়ুনিৎ (পি.এম.আর.য়ু.) অমা গোৱাদা ভারত লৈঙাক্কী কেমিকেল্স অমসুং ফর্তিলাইজর মন্ত্রালয়গী দিপার্তমেন্ত ওফ ফার্মাসিউতিকেল্সকী নেসনেল ফার্মাসিউতিকেল প্রাইসিং ওথোরিতীগী (এন.পি.পি.এ.) মখাদা লিংখৎলে‍। এন.পি.পি.এ.না গোৱা স্তেত দ্রগ কন্ত্রোল দিপার্তমেন্তকা খুৎশম্নরগা ওক্তোবর ২২, ২০২০দা প্রাইস মোনিতরিং এন্দ রিসোর্স য়ুনিৎ অমা লিংখৎখ্রে‍। পি.এম.আর.য়ু. অসিনা এন.বপি.পি.এ.গা শম্নবা হেনগৎহন্নবগীদমক স্তেত দ্রগ কন্ত্রোলরগী হেক মখাদা স্তেতকী থাক্তা মথৌ তৌগনি‍। পী.এম.আর.য়ু.শিং অসি মখোয় মশাগী মেমোরেন্দম ওফ এসোসিএসন/বাই লোশিং লৈজবা সোসাইতিজ রেজিস্ত্রেসন এক্তকী মখাতা রেজিস্তর তৌরবা সোসাইতীশিংনি‍। পি.এম.আর.য়ু.গী বোর্দ ওফ গভর্নরসতা কেন্দ্র লৈঙাক অমদি মরী লৈনবা স্তেত লৈঙাক অমসুং অতৈ স্তেকহোল্দরশিংগী মীহুৎশিং য়াওরি‍। এন.পি.পি.এ.না কোবিদ-১৯ লাইচৎ মনুংসিদা মেদিকেল ওক্সিজেন য়াওনা ঐচ.সি.ব্যু., পেরাসিতামোল, ভেক্সিন, ইন্সুলিন অমদি কোবিদকী চৎন-পথাপকী মখাদা লৈবা অতৈ হিদাক লাংথকশিং য়াওনা পুন্সি কন্ননবা হিদাক লাংথকশিং অপনবা লৈতনা ফংহন্নগীদমক স্তেত লৈঙাকশিংদা থোং মান্ননা থবক তৌমিন্নখি‍। স্তেত লৈঙাকশিংগা পুন্না থবক তৌমিন্নদুনা এন.পি.পি.এ.না লৈবাক শিনবা থুংনা দ্রগ ৱাৎহন্দনবা থবক পায়খৎখি‍।

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           অসাম: অসামদা হৌখিবা পুং ২৪ অসিগী মনুংদা পোজিতিব ওইবগী চাং চাদা ২.৩৩% ওইবগা লোইননা তেস্ত ৮৭৫৩ পাংথোকখিবগী মনুংদা কোবিদ-১৯গী পোজিতিব কেস ২০৪ থেংনখি।

•           মঘালয়া: রাজ্য অসিদা ঙসি কোরোনাভাইরসতগী মীওই ১০৪ ফগৎলকখ্রে। এক্তিব কেসশিংগী অপুনবা মশিং অসি ১৬০৫ য়ৌখ্রে। মখোয়শিং অদুগী মনুংদা ৫৩দি বি.এস.এফ. অমসুং আর্মদ ফোর্সশিংদগীনি।

•           মিজোরাম: মিজোরামদা ঙরাং কোবিদ-১৯গী অনৌবা কেস ১,৪৬ কনফর্ম তৌখ্রে। অপুনবা কেসশিংগী মশিং অদু ২৪৯৩ য়ৌখ্রে। মিজোরাম সরকারনা হেনগৎলক্লিবা লোকল ত্রান্সমিসনগী চেন অদু থুগাইনবা ‘কোবিদ-১৯ নো তোলেরেন্স ফোর্তনাইত’ ঙসিদগী হৌদোকখ্রে।

•           নাগালেন্দ: নাগালেন্দগী ফেক অমসুং লোংলেন জিলাদা মখাতানা অদুমক কোবিদ ফ্রী ওইদুনা লৈরি। রাজ্য অসিগী এক্তিব কেস ১৮৬৫গী মনুংদা দিমাপুর খক্তদগী কেস ১৩৭২ থেংনখি।

•           কেরলা: হকশেল মন্ত্রী, কে.কে. শাইলাজানা হায়খি মদুদি রাজ্য অসিদা কেসশিং অসি হেনগৎলকপনা মরম ওইরগা আয়ুশ দিপার্তমেন্তকী মতেংগা লোইননা পোস্ত-কোবিদ কেয়র ক্লিনিকশিং থম্লগনি। রাজ্য অসিদা তেস্ত পোজিতিব ওইবগী চাং অসি হেনগৎলকখিবগী মরম অসি ক্লস্তরশিংগী মশিং হেনগৎলকপননি হায়না তাক্লদুনা, খ্বাইদগী মরু ওইবা মীৎয়েং থমগদবা অসি শিবগী মশিং হন্থহনবনি হায়না মন্ত্রী অসিনা হায়খি। কেরলাদা শিবগী চাং অসি চাদা ০.৩৪নি অদুগা অতোপ্পা রাজ্যশিংদদি চাদা ১গি মথক্তা লৈ। ভাইরস অসিনা মরম ওইরগা অমমুক লৈখিদ্রে, মসিনা শিখিবশিংগী অপুনবা মশিং অদু ১৩৩৩ শুহনখ্রে।

•           তামিল নাদু: তি.এন.গী লৌউ-শিংউগী মন্ত্রী, আর. দোরাইকন্নু, ওক্তোবর ১৩ কোবিদ-১৯গীদমক পোজিতিব ওইখিবা অদু অরুবা ফিভমদা লৈরি; সি.এম.না হোসপিতালদা মহাক্কা উনবা চৎখি। শগোলশেল নুমিত্তা হোসপিতালদগী থাদোরকপা মরোল অমদা হায়খি মদুদি চহি ৭২ শরুবা মন্ত্রী অসিমল্তিপল কোমোর্বিদিতীশিং লৈ হায়খি। রাজ্য অসিনা নোংমদা কোরোনাভাইরস ইনফেক্সন লৈখিবগী মশিংদা হন্থরকপা থেংনখি, ঙরাং অনৌবা কেস ২,৮৬৯ থেংনখি অমসুং ৩১ শিখিবা লৈখি অমসুং মসিনা অপুনবা মশিং অদু লাখ ৭.০৯ য়ৌহনখি অমসুং শিখিবশিংগী মশিং আদু ১০,৯২৪ য়ৌহনখি।

•           কর্নাতকা: এক্সপার্তশিংনা চাএশিন্নবা খঙহল্লকখ্রে মদুদি করিগুম্বা মীয়াম্না কুম্হৈগী পন্থা অসিগী মনুংদা এস.এম.এস.কী স্তেন্দার্দ গাইদলাইনশিং (সোসিয়েল দিস্তেন্সিং, মাস্কিং অমসুং সেনিতেশন) ঙাক্না চৎত্রবদি কর্নাতকানা নবেম্বরগী অহানবা তঙ্খাইদা কোবিদ-১৯গী কেস অসি অমুক হন্না হেনগৎলকপা থেংনবা য়ানা লৈরি। কোবিদ, ঈশিং-ঈচাউ অমসুং মীখলনা রাজ্যোতসভা এৱার্দস সেরেমোনীবু নমশিন্দুনা থম্লি: নোবেম্বর ১দা পাংথোক্কদবা কন্নদা রাজ্যোতসভা এআর্দস সেরেমোনী অসি য়ৈথোকপা য়ানা লৈ।

•           অন্ধ্র প্রদেশ: অন্ধ্র প্রদেশতা ফগৎলকপগী চাং অসি চাদা ৯৫.৩৬.দা ফগৎলকখ্রে অদুগা শিবগী চাংনা চাদা ০.৮২দা লৈদনা অদুমক লৈরি। হৌখিবা নুমিৎ খরনি অসিদা কোরোনাভাইরস কেসশিং অসি হন্থরক্লি। রাজ্য অসিদা নোংমাইজিং নুমিত্তা অনৌবা কেস ২,৯৯৭ থেংনখি, ৩,৫৮৫ ফগৎখি অমসুং ২১ শিখি। মসিগা লোইননা কোবিদ-১৯ কেসশিংগী অপুনবা মশিং অসি লা ৮.০৭দা হেনগৎখ্রে, ফগৎখিবশিংগী মশিংনা লাখ ৭.৬৯দা হেনগৎখ্রে অমসুং শিবগী মশিংনা ৬,৫৮৭দা হেনগৎখ্রে। রাজ্য অসিদা কোরোনাভাইরস ইনফেক্সনগী এক্তিব কেস ৩০,৮৬০ লৈরি।

•           তেলঙ্গনা: হৌখিবা পুং ২৪ অসিদা অনৌবা কেস ৫৮২ থেংনখি, ১৪৩২ ফগৎখি অমসুং ৪ অমনা শিখিবগী পাউ লৈখি; কেস ৫৮২গী মনুংদা জি.ঐচ.এম.সি.দগী কেস ১৭৪ থেংনখি। অপুনবা কেসশিং: ২,৩১,৮৩৪; এক্তিব কেসশিং: ১৮,৬১১; শিখিবশিং: ১৩১১; দিসচার্জ তৌখিবশিং: ২,১১,৯১২। রাজ্য অসিদা ফগৎলকপগী চাং অসি মখাতানা চাদা ৯১.৪০দা হেনগৎলকখ্রে, অমরোমদনা লৈবাক অসিগি ফগৎলকপগী চাং অসি চাদা ৯০.২নি। রাজ্য অসিদা কেস ফেতেলিতী রেত অসি চাদা ০.৫৬নি অদুগা লৈবাক পুম্বগী ওইনা চাদা ১.৫নি।

•           মহারাস্ত্র: মহারাস্ত্রগী মুখ্য মন্ত্রী, উধব থাখ্রেনা কোবিদ-১৯ লৈরিঙৈ মরক অসিদা ধর্মগী ওইবা মফমশিং হাংদোক্তবগী মহাক্কী ৱারেপ অদুগী মতাংদা শেংদোকখি। মহাক্না সি.এম ওইরবা মতুংদা চহিগী ওইবা দসহরা রেলীদা অহানবা ওইনা মীয়ামদা ৱা ঙাংবদা মহাক্না হায়খি মদুদি মহাক্কী সরকার অসিনা কোরোনাভাইরসকী ময়াওক্তা লান্থেংনবদা রাজ্য অসিগী মীয়ামদা মতেং পাংনবা কৎথোক্লিবনি হায়খি।

•           গুজরাত: গুজরাত্তা ফগৎলকপগী চাং অসি চাদা ৮৯.৪৬তা ফগৎলকখ্রে। রাজ্য অসিদা নোংমাইজিং নুমিত্তা অনৌবা কেস ৯১৯ থেংনখি, মসিগী মনুংদা সুরত্তগী অনৌবা কেস ২২৭ লৈখিদুনা খ্বাইদগী য়াম্না থেংনখি, অদুগা এহমদাবাদনা অনৌবা কেস ১৭৪ লৈখি। রাজ্য অসিদা থেংনখিবা কেসশিংগী অপুনবা মশিং ১,৬৭,১৭৩গী ময়োক্তা এক্তিব কেসশিংগী মশিং অসি ১৩,৯৩৬ ওইখি। 

•           মধ্য প্রদেশ: মধ্য প্রদেশতা, রাজ্য অসিগী কোবিদ-১৯ শন্দোরকপগী চাং অসি তপ্না-তপ্না হন্থরক্লি। অসি নোংমাইজিং নুমিত্তা অনৌবা কেস ৯৫১ থেংনখ্রবদা এক্তিব কেসশিংগী মশিং ১১,২৩৭ য়ৌখ্রে, অদুগা ১,১৮১না ফগৎখ্রে।

•           ছত্তিসগর: ছত্তিসগরগী কোবিদ-১৯ কেসশিংগী মশিং অসি মীওই ১,৩৬৮ ইনফেক্সন তৌখিবা থেংনখিবদগী নোংমাইজিং নুমিত্তা লাখ ১.৭৫ হেনখ্রে। মীওই ২৫ অমুক লৈখিদ্রে মসিনা রাজ্য অসিদা শিখিবশিংগী অপুনবা মশিং অদু ১.৮১৮ য়ৌহনখ্রে। রাজ্য অসিদা এক্তিব কেস ২৩,৭৪৩ লৈরি।

ফেক্ত চেক

*****