কেন্দ্র অমসুং রাজ্য/য়ু.তি. সরকারশিংনা হোস্পিতালদা পুখৎলকপা কেসশিংবু লায়েংবগী থৌওং শেন্নবদা নীংথিনা মিৎয়েং চঙবদগী ভারতকী কেস ফেতেলিতী রেৎ অসি ১.৫%দা য়ৌবা ঙমহল্লে। সরকার অমসুং লন্নাইগী হোস্পিতালশিংদা অনাবা শেন্নবগী মপুং ওইবা কাঙলোনশিংদা য়ুম্ফম ওইদুনা কন্তেন্মেন্ত তৌবা, পাক শন্না তেস্ত তৌবা অমসুং থাক খায়বা ক্লিনিকেল মেনেজমেন্তকী কাঙলোনশিং নীংথিনা পাঙথোকপদগী অনৌবা শিবগী মশিং য়াম্না হন্থরে।

হৌখিবা পুং ২৪দা মীওই ৫০০দগী তানা (৪৮০) শিখিবগী পাউ লাকখি।

ভারতনা মালেমগী ফেতেলিতী রেৎ খ্বাইদগী নেম্বগী মনুংদা লৈরি। কেস ফেতেলিতী রেৎ অসি মার্চ ২২দগী য়েংলকপদা খ্বাইদগী নেম্না লৈরি অমসুং লেপ্তনা তাথরক্লি।

কোবিদ শেন্নবা অমসুং লাকশিন্নবা হোৎনবগী পোলিসীগী শরুক অমা ওইনা, কেন্দ্র সরকারনা কোবিদ লাকশিনবদা অকনবা মিৎয়েং চঙবতা নত্তনা কোবিদনা ফিভম লুনা নাহল্লবা অনাবশিংদা মগুন লৈবা লায়েংবগী থৌওং পাঙথোক্তুনা শিবগী চাং হন্থহন্দুনা অমসুং মীওইবগী পুন্সি কনবগী থৌওংশিংদসু অকনবা মিৎয়েং চঙলি। কেন্দ্র অমসুং রাজ্য/য়ু.তি. সরকারশিংনা পুন্না হোৎমিন্নবনা মরম ওইদুনা লৈবাক শিনবা থুংবগী হকশেলগী ফেসিলিতীশিং য়াম্না ফগৎহনবা ঙম্লে। হৌজিক হৌজিক খোঙফম চেৎপা কোবিদ হোস্পিতাল ২২১৮না মগুন লৈবা লায়েংবগী থৌওং পাঙথোক্লি।

শিবগী চাং হন্থহন্নবা হায়দুনা শাথিনা নারবা অনাবশিংবু লায়েংনবা আই.সি.য়ু. দাক্তরশিংগী তৌবা ঙম্বা হেনগৎহন্নবা তোপ-তোপ্পা খোঙথাং অমা, ই.-আই.সি.য়ু. অসি নই-দিল্লীগী এ.আই.আই.এম.এস.না হৌদোকখ্রে। রাজ্যগী হোস্পিতালশিংগী আই.সি.য়ু. শেন্নরিবা দাক্তরশিংগীদমক্তা নোলেজ অমসুং দোমেন এক্সপর্তশিংনা চয়োল অমদা, লৈবাকপোকপা অমসুং ইরাই নুমিত্তা, তেলি/ভিদিও-কন্সলতেসন অনিরক পাঙথোক্লি। মসিগী সেসন অসি জুলাই ৮, ২০২০দগী হৌখিবনি।

ঙসি ফাওবদা, তেলি-সেসন ২৫ পাঙথোকখ্রে অমসুং মসিদা রাজ্য/য়ু.তি. ৩৪গী ইন্সতিত্যুসন ৩৯৩না শরুক য়াখি।

শাথিনা নারবা অনাবশিংবু লায়েংনবা দাক্তরশিংগী আই.সি.য়ু./ক্লিনিকেল মেনেজমেন্তকী তৌবা ঙম্বশিংবু মখা তানা হেনগৎহন্নবা হায়দুনা নই-দিল্লীগী এ.আই.আই.এম.এস.না হকশেল মন্ত্রালয়গা খুৎশম্নদুনা এফ.এ.ক্যু. অমা পুথোকখ্রে। মসিগী ৱারোলশিং অসি এম.ও.ঐচ.এফ.দবল্যু.গী ৱেবসাইত্তা হাপ্লে অমসুং মখাগী লিঙ্ক অসিদা য়েংবা য়াগনিঃ

https://www.mohfw.gov.in/pdf/AIIMSeICUsFAQs01SEP.pdf

মসিগা লোয়ননা রাজ্য কয়া অমনা অহল ওইরবা, মীরোনবী অমসুং মতম কুইনদগী লায়না নারকপশিংগুম্বা খুদোংথীবা নঙবা য়াবশিং মশক খঙদোক্নবা মীশিংগী সর্ভেসু তৌখ্রে। মোবাইল এপকুম্বা তেক্নোলোজীগী সোল্যুসনশিংনা তেংবাংবা অসিগুম্বা থৌওংশিং অসিনা খুদোংথীবা তাবা য়াবা মীওইশিংবু য়েংশিন্দুনা থম্বা ঙমহন্দুনা অনাবশিংবু নৌনা মশক খঙদোকপা, নৌনা লায়েংবা হৌবা অমসুং মী শিবগী চাং হন্থহনবদা অমুক তেংবাংই। লৈমাইগী থাক্তনা আশা অমসুং এ.এন.এম.গুম্বা হকশেলগী থৌমীশিং অসিনা মাইগ্রেন্ত মীশিংবু শেন্নবা অমসুং খুন্নাইগী থাক্তা মীয়ামদা খঙহনবগী থৌওং কয়া পাঙথোক্তুনা য়াম্না থাগৎনিংঙাই ওইবা থৌদাং পাঙথোক্লি।

পুম্নমক অসিনা মরম ওইদুনা সি.এফ.আর. ১%দগী তাথবা রাজ্য অমসুং য়ু.তি. ১৪ লৈরে।

হৌখিবা পুং ২৪দা অনৌবা নাবা ফবা মীওই ৫৯,১০৫ লৈখি অমসুং অনৌবা কেস মশিংনা ৪৫,১৪৮নি। মসিগা লোয়ননা অপুনবা নাবা ফরবা মশিং অসি লাখ ৭১ (৭১,৩৭,২২৮) হেনখ্রে। লৈবাক্কী নাবা ফবগী চাং লেপ্তনা হেনগৎলক্তুনা হৌজিক হৌজিক ৯০.২৩%দা লৈরিবা অসিদা নোঙমদা নাবা ফবগী চাং ৱাংবগী ফিভম অসি উবা ফঙই।

ভারতনা এক্তিব কেস মশিং লেপ্তনা হন্থবগী চৎনবী লৈবগী পাউদম লাক্লি। হৌজিক হৌজিক লৈবাক্কী অপুনবা পোজিতিব কেস মশিং অসিদা এক্তিব কেস মশিংনা শুপ্নগী ৮.২৬% ওইদুনা কেস ৬,৫৩,৭১৭ লৈরি। মসিনা ওগস্ত ১৩দা এক্তিব কেস মশিং ৬,৫৩,৬২২ লৈখিবা অদুগী মতুংদা খ্বাইদগী নেম্বনি।

অনৌবা ফবগী ৭৮%দি রাজ্য/য়ু.তি. ১০দগীনি হায়বসি উবা ফংই।

করনাতকানা নোঙমদা নাবা ফবগী মশিং খ্বাইদগী য়াম্বা ওইনা কেস ১০,০০০দগী হেন্না লাকখি অমসুং কেরলানা কেস মশিং ৭০০০ হেন্দুনা তুং ইল্লি।

হৌখিবা পুং ২৪দা লৈবাক অসিদা অনৌবা কেস ৪৫,১৪৮ লাকখি। মসিগী অসিনা জুলাই ২২দা অনৌবা কেস ৩৭০০০ লাকখিবা মতুংগী খ্বাইদগী হন্থবনি।

অনৌবা কেসশিং অসিদগী ৮২%দি রাজ্য অমসুং য়ু.তি. ১০দগীনি অমসুং মহারাস্ত্রানা অনৌবা কেস মশিং খ্বাইদগী য়াম্না ৬০০০ হেন্না লাকখি অমসুং করনাতকা, দিল্লী অমসুং নোঙচুপ বেঙ্গোলনা কেস মশিং ৪০০০দগী হেন্না লাক্নদুনা তুং ইন্দুনা চৎলি।

হৌখিবা পুং ২৪দা মীওই ৪৮০ শিখি। মসিগী মনুংদগী ৮০% দি রাজ্য/য়ু.তি. ১০দগীনি।

অনৌবা শিবগী মশিং অসিদগী ২৩% হেনবদি (লৈখিদবা মীওই ১১২) মহারাস্ত্রাদগীনি।

****