প্রধান মন্ত্রী শ্রী নরেন্দ্র মোদীনা ওক্তোবর ২৪দা ভিদিও কন্ফরেন্সিংগী থোংদা গুজরাত্তা মরুওইবা প্রোজেক্ত অহুম শঙ্গাগনি। প্রধান মন্ত্রীনা গুজরাৎকী লৌমীশিংগীদমক 'কিসান সুর্য়োদয় য়োজনা' হৌদোক্কনি। মহাক্না য়ু.এন. মেহতা ইন্সতিত্যুৎ ওফ কার্দিওলোজী অমসুং রিসর্চ সেন্তরদা এতেচ তৌবা পেদিয়াত্রিক হার্ত হোস্পিতাল শঙ্গাগনি অমসুং অহেমদবাদকী অহেমদবাদ সিভিল হোস্পিতালদা তেলি-কার্দিওলোজীগী মোবাইল এপ্লিকেসন অমা হৌদোক্কনি। মহাক্না থৌরম অসিদা গির্নারদা রোপৱে শঙ্গাগনি।

কিসান সুর্য়োদয় য়োজনা

অয়ুক নুংথিলগী মতমদা ঈথৈ লৌখোংগী মৈ পীনবগীদমক গুজরাৎ সরকারনা মুখ্য মন্ত্রী বিজয় রুপানিগী মখাদা হন্দক্তা 'কিসান সুর্য়োদনা য়োজনা' লাউথোকখি। স্কিম অসিগী মখাদা লৌমীশিংনা অয়ুক পুং ৫দগী নুমিদাং পুং ৯ ফাওবা মৈ ফংগনি। রাজ্য সরকার অসিনা ২০২৩ ফাওবদা ত্রান্সমিসন ইনফ্রাস্ত্রকচর লিংখৎনবগীদমক স্কিম অসিগী মখাদা  লুপা করোর ৩৫০০কী বজেৎ কাইথোকখি। কে.ভি. সবস্তেসন ২২০গী মথক্তা অপুনবা সর্কিৎ কিলোমিতর (সি.কে.এম.) ৩৪৯০ শাংবা '৬৬-কিলোৱাৎ' ত্রান্সমিসন লাইন ২৩৪ প্রজেক্ত অসিগী মখাদা লিংখৎকনি।

দাহোদ, পতান, মাহিসাগর, পঞ্চমহল, ছোতা উদেপুর, খেদা, তাপি, ভলসাদ, আনন্দ অমসুং গির-সোম্নাথসু ২০২০-২১গী স্কিম অসিদা য়াওরি। লেমহৌরিবা জিল্লাশিংসু ২০২২-২৩ ফাওবদা তাংকক তাংকক নাইনা হাপচিল্লকখিগনি।

য়ু.এন. মেহতা ইন্সতিত্যুৎ ওফ কার্দিওলোজী অমসুং রিসর্চ সেন্তরদা এতেচ তৌবা পেদিয়াত্রিক হার্ত হোস্পিতাল

প্রধান মন্ত্রীনা য়ু.এন. মেহতা ইন্সতিত্যুৎ ওব কার্দিওলোজী অমসুং রিসর্চ সেন্তরদা এতেচ তৌবা পেদিয়াত্রিক হার্ত হোস্পিতাল শঙ্গাগনি অমসুং হমেদবাদকী অহমেদবাদ সিভিল হোস্পিতালদা তেলি-কার্দিওলোজীগী মোবাইল এপ্লিকেসন অমা হৌদোক্কনি। য়ু.এন. মেহতা ইন্সতিত্যুৎ অসি হৌজিক্তি মালেমগী থাক্তা লৈবা মেদিকেল ইনফ্রাস্ত্রকচর অমসুং মেদিকেল ফেসিলিতী লৈবা মালেমগী অখন্নবা হোস্পিতালশিংগী মনুংদা ওইবগী মথক্তা ভারতকী খ্বাইদগী চাউবা কার্দিওলোজীগী হোস্পিতাল অমা ওইরগনি।

য়ু.এন. মেহতা ইন্সতিত্যুৎ ওব কার্দিওলোজী অসি লুপা করোর ৪৭০ চঙনা পাকথোক চাউথোকহন্নবগী থবক পায়খৎলি। পাকথোক চাউথোকহন্নবগী প্রোজেক্ত অসিনা হেক লোইবগা হান্না ফমুং ৪৫০ লৈরম্বদগী ১২৫১দা হেনগৎলগনি। ইন্সতিত্যুৎ অসি হৌজিক্তি লৈবাক অসিদা লৈবা খ্বাইদগী চাউবা সিঙ্গল সুপর স্পিসিএলিতী কার্দিএক তিচিং ইন্সতিত্যুৎ অমা ওইরগনি অমসুং মালেমগীনা খ্বাইদগী চাউবা সিঙ্গল সুপর স্পিসিএলিতী কার্দিএক হোস্পিতালশিংগী মনুংদা অমা ওইরগনি।

বিল্দিং অসি য়ুহা হাবদা শোক্নিংঙাই ওইদবা কন্সত্রক্সনগী মওং, ফায়র ফাইতিং হায়দ্রেন্ত অমসুং ফায়র মিস্ত সিস্তেমগুম্বা অশোই অঙাম ঙাকথোক্নবা কয়া অমা য়াওরি। রিসর্চ সেন্তর অসিনা ভারতকী অহানবা এদভান্স কার্দিএক আই.সি.য়ু. ওন ৱীল ৱিথ ও.তি. লৈবা মফম ওইরি, মসিদা ভেন্তিলেতর, আই.এ.বি.পি., হেমোদাইলাইসিস, ই.সি.এম.ও. অসিনচিংবা য়াওরি। ইন্সতিত্যুৎ অসিদা ওপরেসন সেন্তর ১৪ অমসুং কার্দিএক কেথেতরাইজেসন লেবশিংসু হৌদোক্লগনি।

গির্নার রোপৱে

প্রধান মন্ত্রীনা ওক্তোবর ২৪, ২০২০দা গির্নারদা রোপৱে অমা হৌদোকপগা লোইননা  গুজরাৎ অসি অমুক্কা হন্না লামেগী তুরিজম মেপতা মশক তাক্লগনি। অহৌবদা, কেবিন ২৫-৩০ য়াওগনি, মসিদা কেবিন অমদা মীওই ৮গী মফম লৈগনি। রোপৱে অসিনা মিনিৎ ৭.৫দা কিলোমিতর ২.৩গী অশাংবা কোনশিনবা ঙমগনি। মসিগী মথক্তা, রোপৱে অসিনা গির্নার চীংশাংগী অকোইবদা লৈবা অশং অমানগী ফজরবা মীৎয়েংফম অমা মীয়ামদা পীগনি।  

******