প্রধান মন্ত্রীনা ময়াই তাংবল লৌরগা ফমখিবা কেন্দ্রগী মন্ত্রী মন্দলগী মীফমদা হৌখিবা পনথা হায়বদি ২০১৯-২০দা জে. অমসুং কে.দা চৎনখিবা চপ মান্নবা তর্ম অমসুং কন্দিসন্দা চৎলিবা পনথা হায়বদি ২০২০-২১গী অসিদসু জম্মু অমসুং কশ্মীর (জে. অমসুং কে.)দা শেম লৈশিন্নবা মার্কেৎ ইন্তর্বেন্সন স্কীম (এম.আই.এস.) অসি মখা তানা চৎননবা অয়াবা পীখ্রে।

          শেম লৈশিনবগী থবক অসি শেম থারিবা জে. অমসুং কে.গী লৌমীশিংদগী হকথেংননা রাজ্যগী মরী লৈনবা এজেন্সী হায়বদি দিরেক্তোরেৎ ওফ প্লানিং এন্দ মার্কেতিং, হোর্তিকলচর বিভাগ অমদি জম্মু এন্দ কশ্মীর হোর্তিকলচর প্রোসেসিং এন্দ মার্কেতিং কোর্পরেসন (জে.কে.ঐচ.পি.এম.সি.)গী খুত্থাংদা সেন্ত্রেল প্রোক্যুরিং এজেন্সী হায়বদি নেস্নেল এগ্রিকলচরেল কোওপরেতিব মার্কেৎতিং ফেদেরেসন লিমিতেদ (নাফেদ)না পাঙথোক্কনি অমসুং পেমেন্ত অসিনা শেম থারিবা লৌমীশিংগী বেঙ্ক একাউন্তদা দাইরেক্ত বেনিফিৎ ত্রান্সফর (দি.বি.তি.)গী খুত্থাংদা তৌগনি। স্কীম অসিগী মখাদা শেম এল.এম.তি. ১২ লৈশিনগনি।

          সরকারনা মসিগী থবক থৌরম অসিগীদমক লুপা করোর ২,৫০০গী গবর্মেন্ত গরেন্তী শীজিন্ননবা নাফেদতা অয়াবসু পীখ্রে। মসিগী থবক থৌরম অসিদা করিগুম্বা অমাংবশিং লৈরবদি ৫০:৫০ ওইবা মওংদা কেন্দ্র সরকার অমসুং য়ু.তি. এদমিনিস্ত্রেসনগী মরক্তা শিয়র তৌগনি।    

হৌখিবা পনথাদা শেমখিবা মরী লৈনবা প্রাইস কম্মিতীনা হন্দক্কী পনথা অসিগীসু শেমশিংগী তোঙান তোঙানবা মখল অমসুং গ্রেদশিংগী মমল লেপ্নবা মখা তানা মথৌ তৌখিগনি। জে. অমসুং কে.গী য়ু.তি. এদমিনিস্ত্রেসন্না মরী লৈনবা মান্দীশিংদা তঙাই ফদবা পোৎলমশিং পীগনি।

         লৈশিনবগী থৌওং অসি ফজনা অমসুং লেপ্পা লৈতনা চত্থরিবা অসি কেন্দ্রগী থাক্তা কেবিনেৎ সেক্রেতরী অমগী চিয়র্মেনশীপকী মখাদা শেম্বা মোনিতরিং কম্মিতীনা অমসুং য়ু.তি.গী থাক্তা চীফ সেক্রেতরীগী চিয়র্মেনশীপকী মখাদা শেম্বা ইম্প্লিমেন্তেসন এন্দ কোওর্দিনেসন কম্মিতীনা য়েংশিনগনি। 

ভারত সরকারনা লাউথোকপা অসিনা শেম থারিবশিংদা পোৎ য়োন্নবগী কান্নরবা প্লেৎফোর্ম অমা পীরগনি অমসুং মফম অদুগী মীয়ামদা থবক পীরগনি। মসিনা শেমশিংগী মতিক চাবা মমল পীরদুনা জে. অমসুং কে.গী লৌমীশিংগী অপুনবা শেন্মিৎলোন হেনগৎহল্লগনি।  

**********