PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
20 OCT 2020 6:05PM by PIB Imphal
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- অনৌবা কেস মশিং থা ৩লোমগী মতুংদা অহানবা ওইনা ৫০,০০০গী মখাদা লৈরে
- এক্তিব কেস অপুনবা কেস মশিংগী চাদা ১০দগী হন্থরে, এক্তিব কেস মখা তানা হন্থরক্লি; হৌজিক লাখ ৭.৫গী মখাদা লৈরে
- লৈবাক্কী ফগৎলকপগী চাং মখা তানা চাদা ৮৮.৬৩ ফাওবা য়ৌখ্রে
- খ্বাইদগী মীশিং য়াম্না ফগৎলকপা অমদি মী শিবগী চাং খ্বাইদগী নেমবা লৈবাক মালেমগী মনুংদা ভারতখক্তমক ওইদুনা মী শিবগী চাং অসি চাদা ১.৫২ ওইরি
#Unite2FightCorona
#IndiaFightsCorona
ভারতনা মশক থোকপা মায় পাকপা কয়া ফংলে, অনৌবা কেস মশিং থা ৩লোমগী মতুংদা অহানবা ওইনা ৫০,০০০গী মখাদা লৈরে, এক্তিব কেস অপুনবা কেস মশিংগী চাদা ১০দগী হন্থরে, এক্তিব কেস মখা তানা হন্থরক্লি; হৌজিক লাখ ৭.৫গী মখাদা লৈরে
ভারতনা কোবিদগী লান্থেংদা মশক থোকপা মায় পাকপা কয়া ফংবা ঙমখ্রে। থা অহুমলোমগী মতুংদা অহানবা ওইনা হৌখিবা পুং ২৪ থেংনখিবা অনৌবা কেস মশিং ৫০,০০০ (৪৬,৭৯০)গী মখাদা লৈরে। অতোপ্পা মায় পাকপা অমদা, এক্তিব কেসকী পর্সেন্তেজ চাদা ১০গী মখাদা লৈরে। ঙসি লৈবাকসিগী অপুনবা পোজিতিব কেস মশিং লাখ ৭.৫গী (৭,৪৮,৫৩৮) মখাদা লৈরে অমদি অপুনবা কেসকী চাদা ৯.৮৫খক্তমক ওইরি। এক্তিব কেস মশিং হন্থরক্লিবা অসিদা ফগৎলকপগী চাং অসুম অসুম ৱাংখৎলকপনসু মতেং পাংলি। অপুনবা ফগৎলক্লবা কেস মশিং লাখ ৬৭ (৬৭,৩৩,৩২৮) লান্থোক্লে। এক্তিব কেস অমসুং ফখ্রবা কেস অনিগী মরক্তা লৈরিবা খেন্নবা চাং নাইনা হেনগৎলক্তুনা ঙসি ৫৯,৮৪,৭৯০ ওইরে। হৌখিবা পুং ২৪দা অনাবা মশীং ৬৯,৭২০ ফদুনা দিসচার্জ তৌখ্রে। লৈবাক্কী ফগৎলকপগী চাং মখা তানা চাদা ৮৮.৬৩ ফাওবা য়ৌখ্রে। নৌনা ফগৎলকখিবা মীশিংগী চাদা ৭৮দি স্তেত/য়ু.তি. ১০দা থেংনখি। মহারাস্ত্রনা নোংমদা ফগৎলকপা মশিং ১৫,০০০ হেন্দুনা মকোক চিংলি অদুগা কর্নাতকানা মীওই ৮,০০০গী মথক্তা ফগৎলক্তুনা মতুং ইল্লি। অনৌবা কনফার্ম কেসশিংগী চাদা ৭৫দি স্তেত অমসুং য়ু.তি. ১০দগীনি। মহারাস্ত্র, কর্নাতকা অমসুং কেরলানা নৌনা থেংনবা কেস মশিংদা ৫,০০০ হেন্না হাপচিল্লি। হৌখিবা পুং ২৪দা মীওই ৫৯৭ লৈখিদবগী রিপোর্ত তৌরকখি। মসিগী মনুংদা চাদা ৮১গী ময়াদি স্তেত/য়ু.তি. ১০দগীনি। থংন-থংননা নুমিৎ নিনি চুপ্না নৌনা শিবা মীশিং ৬০০গী মখাদা লৈরি। মহারাস্ত্রদা নোংমদা শিবা মীশিং খ্বাইদগী য়াম্না (মীওই ১২৫ শিদুনা) রিপোর্ত তৌরকখি। খ্বাইদগী মীশিং য়াম্না ফগৎলকপা অমদি মী শিবগী চাং খ্বাইদগী নেমবা লৈবাক মালেমগী মনুংদা ভারতখক্তমক ওইরি। ঙসি ফাওবগী ওইনা মী শিবগী চাং অসি চাদা ১.৫২ ওইরি।
অকুপ্পা ৱারোলগীদমক :
ভারত্তা নেস্নেল দিৱার্মিং দেগী খুদম-চাংদমদা য়ুমফম ওইদুনা লৈখিবা ইমপেক্ত, রাজ্য ১৪দা তিন লৈবগী চাংদা হেন্থরকপগী পাউ লৈখি; ৯না য়াম্না হন্থরকপা উৎলি
সোইল-ত্রান্সমিত্তেদ হেলমিন্থ্যসিস (এস.তি.ঐচ.), পেরসাইতিক ইন্তেস্তিনেল ৱার্ম ইনফেক্সন হায়নসু খঙনবা অসি মরু ওইনা রিসোর্স য়াম্না নেম্বা মফমশিংদা য়াম্না মরু ওইবা পব্লিক হেল্থ কনসর্ন অমনি। হায়রিবশিং অসি অঙাংশিংগী মশা ইনখৎলকপদা অমসুং হকচাং ফনা লৈবদা শোকহল্লি অমসুং অনেমিয়া অমসুং অন্দর-ন্যুত্রিশন থোকহনবা য়াই। ৱার্লদ হেল্থ ওর্গনাইজেশন্না তাকপীখিবা অদুগী মতুং ইন্না চাং নাইনা দিৱার্মিং তৌবনা এস.তি.ঐচ. বর্দন য়াম্না ৱাংনা লৈবা মফমশিংদা লৈবা অঙাংশিং অমসুং নহাশিংগি মরক্তা তিন লৈবা অসিদগী ফহল্লি, মসিনা অফবা ন্যুত্রিশন অমসুং হকচাং ফনা থম্বদা য়াম্না চাউনা মতেং পাংঙি। ২০১৫দা হৌদোকখ্রবা মতুংদগী, নেসনএল দিৱার্মিং দে (এন.দি.দি.), হায়রিবা অসি হকশেল অমসুং য়াইফ-য়ুম্বাল মন্ত্রালয়গী য়াম্না মরু ওইবা প্রোগ্রাম অসি সউলশিং অমসুং অঙ্গনৱাদিশিংগী প্লেতফোর্মগী খুত্থাংদা চহি অমদা অনিরক পাংথোকপা নোংমগী ওইবা প্রোগ্রাম অমা ওইনা চৎনহনখি। ৱার্লদ হেল্থ ওর্গনাইজেশন (দবল্যু.ঐচ.ও.)না অয়াবা পীরবা অলবেঞ্জোল তেব্লেত অসি মালমগী থাক্তা, মাস দ্রগ এদমিনিস্ত্রেশন (এম.দি.এ.)গী শরুক অমা ওইনা অঙাশিং অমসুং নহাশিং ইন্তেস্তিনেল ৱার্মশিং লাইয়েংনবগীদমক্তা শিজিন্নখি। লৈবাক অসিদা হন্দক্কী চহি অসিগী হৌরকপদা দিৱার্মিং তৌবগী অরোইওবা তাঙ্কক্তা (কোবিদ লাইচৎনা মরম ওইরগা মরক্তা লেপখিবা), রাজ্য/য়ু.তি. ২৫ অল্বনঞ্জোল তেব্লেত অসি অঙাং অমসুং নহা করোর ১১দা এদমিনিস্তর তৌখি।
অকুপ্পা ৱারোলগীদমক :
লাক্লিবা শাংলবা কুম্মৈ-হরাও মতমদা প্রধান মন্ত্রীগী জন অন্দোলন থবক ওইনা পাংথোক্নবা দোক্তর হর্স ভর্ধন্না গুজরাতকী দিপুতি চীফ মিনিস্তর এস.ঐচ. নিতিনবাই পতেলগা ৱা খন্নখ্রে
ঙরাং হেল্থ অমসুং ফেমিলি ৱেলিফয়ারগী য়ুনিয়ন মিনিস্তর দোক্তর হর্স ভর্ধন্না গুজরাতকী দিপুতি চীফ মিনিস্তর অমসুং হেল্থ অমসুং মেদিকেল মিনিস্তর এস.ঐচ. নিতিনবাই পতেল অমসুং জিলা খুদিংমক্কী দিস্ত্রিক কল্লেক্তরশিং অমসুং রাজ্য অমসুং কেন্দ্রগী সেনিয়র হেল্থ ওফিসিএলশিংগা লোয়ন্না ৱারি শানখ্রে। হৌজিক লৈবাক অসি লাইচৎ মায়োক্নরকপা থা ১০ শুরকপা অসি মীয়াম নিংশিংহল্লদুনা দোক্তর হর্স ভর্ধন্না হায়খি হৌজিক অপুনবা এক্তিব কেস মশিং ৭,৭২,০০০ লৈদুনা থা অমদা কেস লাখ ১০গী মখাদা লৈরে। হৌখিবা পুং ২৪দা কেস ৫৫,৭২২ থেংনখি অমসুং কেস ৬৬,৩৯৯ দিসচার্জ তৌখ্রে। কেস মশিং শরুক অনিদা হেনগৎলকপগী মতম হন্থরক্তুনা নুমিৎ ৮৬.৩দা লৈরে অমসুং অথুবদা লৈবাক অসিগী অপুনবা তেস্ত মশিং করোর ১০ য়ৌরগনি। গুজরাত্তা কোবিদ লাকশিন্নবা পায়খৎলিবা থবকশিংগী মতাংদা মহাক্না হায়খি, মমাংদা খ্বাইদগী শোকহনবা রাজ্যশিংগী মকোক্তা লৈরম্বদগী রাজ্য অসি ফিবম ফগৎলক্তুনা ভারতকী অনাবা ফগৎলকপগী চাং চাদা ৮৮.২৬গা চাংদম্নবদা অনাবা ফগৎলকপগী চাং চাদা ৯০.৫৭দা লৈরে। লৈবাক অসিগী ওইনা মীওই মিল্লিয়ন অমদা পাংথোকপা তেস্ত মশিং ৬৮,৯০১ ওইবদা রাজ্য অসিনা তেস্ত ৭৭,৭৮৫ পাংথোকপদা মহাক্না রাজ্য অসি থাগৎখি। মহাক্না হায়খি লাক্লিবা নিংথমথা অমসুং শাংলবা কুম্মৈ-হরাও মতম অসিদা কোবিদ-১৯গী অচৌবা শিংনবা অমা মায়োক্নরি। লাক্লিবা মথংগী থা অহুম অসি ঐখোয় মিকুপ-নাহুম শিংনা লৈগদবনি। মাক্স/মাইখুম উপ্নবা, থাপ্না লৈনবা অমসুং য়াম্না তোইনা খুৎ-শা হাম্নবা প্রধান মন্ত্রীগী পাউজেল মীয়ামদা য়ৌহনগদবনি। মীয়াম্না থবক ওইনা পাংথোক্তবা অদু য়েংশিন্দুনা থবকশিং লৌখৎকদবনি। কোবিদকা চুনবা লমচৎ-শাজৎ ঙাকপা অসি য়াম্না লাইবনি।
অকুপ্পা ৱারোলগীদমক:
প্রধান মন্ত্রীনা গ্রান্দ চেলেঞ্জেসকী চহিগী মীফম ২০২০দা মরু ওইবা ৱারোল পীখ্রে
প্রধান মন্ত্রী শ্রী নরেন্দ্র মোদীনা গ্রান্দ চেলেঞ্জেসকী চহিগী মীফম ২০২০গী থৌরমদা মরু ওইবা ৱারোল পীখ্রে। থৌরম অসিদা ৱা ঙাংলদুনা, প্রধান মন্ত্রীনা হায়খি সাইন্স অমসুং ইনোবেসন্দা ইনবেস্ত তৌরিবা খুন্নাইশিংনা তুংলমচৎ শেম্বা ঙমগনি। মতম খরগী ওইবা এপ্রোচ লৌখৎপগী মহুতা মাংজৌননা ইনবেস্ত তৌদুনা সাইন্স অমসুং ইনোবেসনগী কান্নবশিং অসি মতম চানা ফংবা য়াগনি হায়না মহাক্না ফোঙদোকখি। মহাক্না হায়খি ইনোবেসনশিং অসি চুংশিন্নদুনা অমদি মীয়াম পুন্না শরুক য়াদুনা শেমগদবনি। মহাক্না মখা তারদুনা হায়খি খুৎশম্ননা চৎমিন্নদ্রবদি সাইন্সনা কৈদৌনুংদা চাউখৎপা ঙমলোই অমসং গ্রান্দ চেলেঞ্জেস প্রোগ্রাম অসিনা হায়রিবা ৱাখল্লোনশিং অসি মমুৎ তানা খঙই। প্রধান মন্ত্রীনা হায়খি মালেমগী ওইবা লায়চৎ অসিনা মরম ওইরগা ঐখোয়দা পুন্না থবক তৌমিন্নবগী কান্নবা অদু খঙহনবা ঙমহল্লি। মহাক্না হায়খি লাইনাশিং অসিদা লমগী ঙমখৈশিং অমসুং ধর্ম, কাংলুপ, জেন্দর নত্ত্রগা কুচুদা য়ুম্ফম ওইরবা খেন্নবা লৈতে। মহাক্না হায়খি লাইনাশিং অসিদা মীয়ামদা নাহল্লিবা তোঙান তোঙান কম্ম্যুনিকেবল অমসুং নন-কম্ম্যুনিকেবল লাইনাশিংসু য়াওরি। মহাক্না হায়খি মরু ওইনা হৌখিবা থা খরা অসিদা কোবিদ-১৯গা লান্থেংনবদা ভারত্তা লৈরিবা অফবা পাঙ্গল কনবা সাইন্তিফিক কম্ম্যুনিতী অমসুং অফবা সাইন্তিফিক ইন্সতিত্যুসনশিং অসিনা ভারতকী অচৌবা লন ওইখি । মহাক্না হায়খি মখোয়না লাকশিনবদগী হৌরগা কেপাসিতী বিল্দিংদা অঙকপা ফংনা মাই পাকখ্রে।
অকুপ্পা ৱারোলগীদমক:
গ্রান্দ চেলেঞ্জগী চহিগী মীফম ২০২০দা প্রধান মন্ত্রীনা মরু ওইবা ৱা ঙাংবা
অকুপ্পা ৱারোলগীদমক:
ভারত-ওমান জোইন্ত কম্মিসন ভর্চুএল মীফমগী ৯শুবা সেসন পাঙথোকখ্রে
ভারত-ওমান জোইন্ত কম্মিসন মীফমগী ৯শুবা সেসন ভর্চুএল প্লেৎফোর্মগী থোংদা ঙরাং পাঙথোকখ্রে। মীফম অসিদা শ্রী হর্দীপ সিংহ পুরী, কম্মর্স অমসুং ইন্দস্ত্রীগী রাজ্যগী মন্ত্রী অমসুং হীজ এক্সিলেন্সী শ্রী কাস বিন মোহমদ অল য়ুসেফ, ওমানগী সুলতানেৎকী কন্মর্স, ইন্দস্ত্রী অমসুং ইনভেস্তমেন্ত প্রোমোসন মন্ত্রীনা পুন্না ময়াই তাংবল লৌখি। মীফম অদুদা নাকল অনিমক্কী তোঙান-তোঙানবা সর্কারগী বিভাগ/মন্ত্রালয়শিংগী মীহুৎশিংনা শরুক য়াখি। মীফম অদুগী মনুংদা, নাকল অনিমক্না লল্লোন ইতীক অমসুং ইনভেস্তমেন্তকী মরীদা নৌনা লাক্লিবা খুমাং চাওশিল্লিবশিং য়েংশিনখি অমসুং মখোয়না নাকল অনিগী মরী পাকথোক চাউথোকহন্নবা হোৎনবদা অমসুং শীজিন্নদনা লৈরিবা কম্মর্সিএল অমসুং ইকোনোমিক্কী মরীগী পাঙ্গল হেন্না কলহন্নবা লল্লোন ইতীক তৌবশিংনা লৈবাক অনিমক্না শেল থাদনবদা য়ানখি। নাকল অনিমক্না কোবিদ-১৯ লাইচৎনা মরম ওইদুনা ওইরক্লিবা মালেমগী হকশেল অমসুং শেন্মিৎলোনগী অনৌবা ফিবমগী মতাংদা ফোংদোক্নখি।
অকুপ্পা ৱারোলগীদমক:
পি.আই.বি. ফিল্দ ওফিসশিংদগী ফংবা পাউ
• অরুনাচল প্রদেশ: অরুনাচলদা কোবিদ-১৯ এক্তিব কেসশিংগী মশিং অসি ২৮৩৩ শুখ্রে; ঙরাং অনৌবা পোজিতিব কেস ২৩৮ থেংনখ্রে, ফগৎখিবশিংগী অপুনবা মশিং ১০,৭৮০ শুখ্রে।
• অসাম: অসামদা পোজিতিব ওইবগী চাং ২% ওইবগা লোইননা পাংথোকখিবা তেস্ত ৩৪,৯৫৬কী মনুংদা কেস ৬৯৮ থেংনখি, অদুগা পেসেন্ত ১,৫৩০ দিসচার্জ তৌখ্রে। অপুনবা কেস মশিং ২,০১,৪০৭ শুখ্রে। ৮৫.৯৯% ফগৎখ্রে, এক্তিব কেসশিং ১৩.৫৬% শুখ্রে হায়না রাজ্যগী হকশেল মন্ত্রীনা ত্বীত তৌরকখি।
• মঘালয়া: মেঘালয়াদা কোবিদ-১৯গী অপুনবা এক্তিব কেসশিং অদু হৌজিক ২,০৬৯ শুখ্রে, বি.এস.এফ. অমসুং আর্মদ ফোর্সেসশিংগী অপুনবা কেস মশিং ১০০নি, অতোপ্পশিংগী অপুনবা মশিং ১,৯৬৯ অমসুং ফগৎখিবশিংগী অপুনবা মশিংনা ৬,৩৯২ য়ৌখ্রে।
• মিজোরাম: মিজোরামদা ঙরাং কোবিদ-১৯গী অনৌবা কেস ২৭ কনফর্ম তৌখ্রে। অপুনবা কেসশিংগী মশিং ২,২৮০ শুখ্রে, এক্তিব কেসশিংগী মশিংনা ১২৯ শুখ্রে।
• নাগালেন্দ: কোবিদ-১৯ ত্রান্সমিশন অসি লোকলদগী কম্যুনিতীদা ওন্থরক্লে হায়না করিঙৈগী শরক অসিদা, নাগালেন্দগী অপুনবা মশিং অসি ৮০০০ ময়া নকশিল্লক্লে। নিংথৌকাবা নুমিত্তা লৈখিবা অপুনবা কেসকী মশিং অদু ৭,৯৫৩ ওইখি।
• সিক্কিম: হৌখিবা পুং ২৪দা অনি অমুক শিখিবগা লোইননা, সিক্কিমদা কোবিদ-১৯না মরম ওইরগা শিখিবশিংগী মশিং অসি ৬২দা হেনগৎখ্রে।
• মহারাস্ত্র: মহারাস্ত্রগী হকশেল মন্ত্রী, শ্রী রাজেশ তোপেনা হায়খি মদুদি লনাইগী দোক্তর পুম্নমক্তা কোবিদ প্রিভেন্সন মিশনদা শরুক য়াননবগী য়াথং পীরকখ্রে অমসুং নোংমদা য়ামদ্রবদা পুং অনিদগীনা অহুমগীদমক্তা কোবিদ সেন্তরশিংদা চৎকদবনি। নিংথৌকাবা নুমিত্তা মহারাস্ত্রদা কেস ৫,৯৮৪ থেংনখি অমসুং ১৫,০৬৯ ফগৎখি, মসিনা এক্তিব কেসশিংগী মশিং অদু লাখ ১.৭৩দা হন্থহনখ্রে।
• গুজরাত: গুজরাত্তা কোবিদ-১৯গী অনৌবা কেসশিং অদু নুমিৎ ৯০নিগী মনুংদা অহানবা ওইনা লিশিং ১গী থাক অসিগী মখাদা লৈখ্রে। মরক অসিদা, সেন্তরনা গুজরাত সরকারনা কোবিদ-১৯ লাকশিনখিবা অসিবু থাগৎপা ফোংদোকখি। গুজরাত্তা এক্তিব কেসশিংগী মশিং অসি ১৪,২৭৭ ওইখি।
• রাজস্থান: নিংথৌকাবা নুমিত্তা রাজস্থান্দা কোবিদ-১৯না মরম ওইরগা ১২ অমুক শিকীবা থেংনখি, মসিনা রাজ্য শিখিবগী মশিং অদু ১,৭৬০ য়ৌহনখ্রে, অদুগা অনৌবা কেস ১,৯৬০ থেংনখিবগা লোইননা ইনফেক্সনগী মশিং অদু ১,৭৫,২৬৬ য়ৌহনখ্রে। হেল্থ বুলেতিনগী মতুং ইন্না, লাইয়েংলবা মতুংদা হৌজিক ফাওবদা মীওই ১,৫২,৫৭৩ দিসচার্জ তৌখ্রে, অদুগা এক্তিব কেসশিংগী মশিং অদুনা ২০,৮৯৩ য়ৌখ্রে।
• ছত্তিসগর: ছত্তিসগরগী কোবিদ-১৯গী মশিং অদু নিংথৌকাবা নুমিত্তা মীওই ২,৩৭৬ ইনফেক্সনগীদমক্তা থেংনখ্রবা মতুংদা লাখ ১.৬২দা হেনগৎখ্রে। রায়পুর জিলাদা অনৌবা কেস ১৯৬ থেংনখি, মসিনা অপুনবা মশিং অদু শিখিবা ৫২৩ য়াওরগা ৩৯,২৮৫ য়ৌখ্রে, অদুগা অতোপ্পশিং অদুগী মনুংদা জঞ্জগির-চমপাদা অনৌবা কেস ২০০ থেংনখি, বিলাসপুরদা ১৯৫ থেংনখি, দুর্গতা ১৯১ থেংনখি অমসুং রায়গরদা ১৭২ থেংনখি।
• কেরলা: এর্নাকুলম জিলাদা কোবিদনা মরম ওইরগা শিখিবশিংগী মশিং অসি হেনগৎলক্লি। ঙসি ভাইরস অসিদা মীওই মরি অমুক লৈখিদ্রে, মসিনা রাজ্য অসিগী কোবিদনা মরম ওইরগা শিখিবশিংগী মশিং অদু ১১৮৬ য়ৌহনখ্রে। জিলা অসিদা ঙসি কেমপ অমদা পিলিস মেন হুমদ্রা কোবিদ পোজিতিব ওইখি। রাজ্য অসিদা ঙরাং অনৌবা কেস পুন্না ৫,০২২ থেংনখি। হৌজিক পেসেন্ত ৯২,৭৩১ লাইয়েংদুনা লৈরি অমসুং জিলা কয়া অমদা মীওই লাখ ২.৭৭ অমনাওবজার্ভেশন তৌদুনা লৈরি।
• তামিল নাদু: থা তরুক ময়া নক্না কান্নরবা মতুংদা নিংথৌকাবা নুমিত্তা রাজ্য অসিদা লৈরিবা রিজনেল ত্রান্সপোর্ত ওফিসশিং (আর.তি.ও.) অমুক হন্না মথৌ তৌবা হৌখ্রে; হীজিক তৌরিবা লাইচৎ অসিগী মরক অসিদা, সেন্তরনা ফেব্রৱারি ১ অমসুং সেপ্তেম্বর ৩০ ফাওবগী মরক্তা লোইখিবা ত্রান্সপোর্ত দোক্যুমেন্ত পুম্নমক্কী ভেলিদিতী অদু দেসেম্বর ৩১ ফাওবা শাংদোকখ্রে।
• কর্নাতকা: থা তরেত কান্নরবা মতুংদা, কর্নাতকা অমসুং তি.এন.গী মরক্তা অহানবা পেসেঞ্জর ত্রেন ওক্তোবর ২৩দগ চেল্লগনি। হৌজিক তৌরিবা নৱরাত্রি অমসুং দিৱালিগী কুম্হৈ অসিগী খুদম অমা ওইনা, সাউথ ৱেস্তর্ন রেলৱে (এস.দবল্যু.আর.)না ওক্তোবর ২৩দগী দিসেম্বর ২ ফাওবা কুম্হৈগী অখন্নবা ত্রেন জুরা মঙা চেল্লগনি।
• অন্ধ্র প্রদেশ: রাজ্য অসিনা নোবেম্বর ২দগী স্কুলশিং অমুক হাংদোকপগী মতাংদা থৌরাং তৌরি। মসিদা স্কুলশিং অসিনা লেপখিবা মতম অদুদা কোরোনাভাইরসনা নারবা মহৈরোইশিং অদুগা হাদোক্কদ্রা হায়বগী মতাং অদুদি হৌজিক ফাওবা খঙবা ঙমদ্রি। নিংথৌকাবা নুমিত্তা কেস ৩,০০০ থেংনখিবগা লোইননা রাজ্য অসিদা করোনাভাইরসকী কেস অসি য়াম্না হন্থরকখিবা থেংনখি।
• তেলঙ্গনা: তেলঙ্গনাদা হৌখিবা পুং ২৪দা অনৌবা কেস ১৪৮৬ থেংনখি, ১৮৯১ ফগৎখি অমসুং ৭ শিখিবগী পাউ লৈখি; কেস ১৪৮৬কী মনুংদা জি.ঐচ.এম.সি.দগী কেস ২৩৫ থেংনখি। অপুনবা কেসশিং: ২,২৪,৫৪৫; এক্তিব কেসশিং: ২১,০৯৮; শিখিবশিং: ১২৮২; দিসচার্জ তৌখিবশিং: ২,০২,৫৭৭ ওইখি। রাজ্যগী হকশেল মন্ত্রীনা হেল্থ ওফিসিয়েলশিংদা সরকারগী হেল্থকেয়র ফেসিলিতীশিংদা ফ্লুগুম্বা লাইওংশিং লৈবা ৱাক-ইন পেসেন্ত পুম্নমকপু তঙাইফদনা কোবিদ-১৯ তেস্তশিং তৌথোক্নবা খঙহল্লকখ্রে।
ফেক্ত চেক
*****
(Release ID: 1666349)
Visitor Counter : 181