কেন্দ্রগী শেলথুম অমসুং কোর্পোরেৎ এফিয়র্স মন্ত্রী শ্রীমতি নির্মলা সিতারমন্না ঙসি চৎলিবা শেনবা চহী অসিগী কেপিতেল এক্সপেন্দিচর (কেপেক্স) য়েংশিন্নবগীদমক  পেত্রোলিয়ম অমসুং নেচরেল গ্যাসকী মন্ত্রালয় অমসুং কোইলা মন্ত্রালয়গী সেক্রেতরীশিং অমসুং হায়রিবা মন্ত্রালয়শিং অসিগী সি.পি.এস.ই. ১৪গী সি.এম.দি.শিংগা লোইননা ভিদিও কন্ফরেন্স পাঙথোকখ্রে। মসিনা কোবিদ-১৯গী তাল্লক্তা শেন্মিৎলোন চাওখৎপদা খুমাং চাওশিলহন্নবা তোঙান-তোঙানবা স্তেকহোল্দরশিংগা লোইননা শেলথুম মন্ত্রীনা কৌবা মীফমশিংগী পরিংগী ৪শুবনি।

শেনবা চহী ২০১৯-২০দা, সি.পি.এস.ই. ১৪ অসিনা কেপেক্সকী পান্দম লুপা করোর ১,১১,৬৭২ থমখিবগী মাইয়োক্তা লুপা করোর ১,১৬,৩২৩ হায়বসি চাদা ১০৪ য়ৌনা কাখি। শেনবা চহী ২০১৯-২০গী ঐচ.১দা ফংখিবসি লুপা করোর ৪৩,০৯৭নি (৩৯%) অমসুং শেনবা চহী ২০২০-২১গী ঐচ.১গীনা লুপা করোর ৩৭,৪২৩ (৩২%)নি। ২০২০-২১গী কেপেক্সকী পান্দম্না লুপা করোর ১,১৫,৯৩৪নি।

সি.পি.এস.ই.শিংগী পার্ফোর্মেন্স য়েংশিল্লবা মতুংদা শ্রীমতি সিতারমন্না হায়খি মদুদি সি.পি.এস.ই.শিংগী কেপেক্স অসিনা শেন্মিৎলোন চাওখৎনবগী চুপ্লি পায়রিবনি অমসুং মসি শেনবা চহী ২০২০-২১ অমসুং ২০২১-২২গী ওইনা ৱাংখৎহনবা তঙাইফদে। শেলথুম মন্ত্রী অসিনা মরী লৈনবা সেক্রেতরীশিংদা শেনবা চহী ২০২০-২১গী ক্যু.৩ লোইশিল্লকপদা থাদখিবা শেলগী চাদা ৭৫গী চাংদা কেপিতেল এক্সপেন্দিচর ওইহন্নবগীদমক সি.পি.এস.ই.শিংগী পার্ফোর্মেন্সশিং য়েংশিন্নবা অমসুং মসিগী মতীক চাবা থৌরাং শীন্নবা খঙহনখি। শ্রীমতি সিতারমন্না ফোংদোকখি মদুদি মরী লৈনবা মন্ত্রালয়গী সেক্রেতরী অমসুং সি.পি.এস.ই.গী সি.এম.দি.শিংগী থাক্তা কেপেক্সকী পান্দম ফংনবগীদমক হেন্না থোং মান্না হোৎনমিন্নবা চঙই।

ভারতকী শেন্মিৎলোন চাওখৎনবগীদমক সি.পি.এস.ই.শিংগী মশক থোকপা থৌদাংশিংবু য়েংশিল্লদুনা শেলথুম মন্ত্রীনা সি.পি.এস.ই.শিংবু মখোয়গী পান্দমশিং অসি ফংনবগীদমক অমসুং শেনবা চহী ২০২০-২১গী থাদখিবা শেনফমশিং মতীক চানা অমসুং অপীবা মতমগী মনুংদা শীজিন্ননবা পুক্নিং থৌগৎখি। শ্রীমতি সিতারমন্না হায়খি মদুদি সি.পি.এস.ই.শিংনা হেন্না ফনা থবক পায়খৎপনা কোবিদ-১৯না পীরিবা শাফুসিদগী কনবা ঙম্নবগীদমক শেন্মিৎলোন্দা চাউনা মতেং পাংবা ঙমগনি।

সি.পি.এস.ই.গী কেপেক্স য়েংশিনবা অসি ইকোনোমিক এফিয়র্স অমসুং পব্লিক ইন্তর্প্রাইজ বিভাগনা পুন্না পাঙথোকমিন্নরি।

***************