প্রধান মন্ত্রী নরেন্দ্র মোদীনা মৈসুর য়ুনিবর্সিতীগী সেন্তিনরী কনভোকেসন ২০২০দা ঙসি ভিদিও কন্ফরেন্সিংগী থোংদা ৱা ঙাংখি।

থৌরম অদুদা ৱা ঙাংলদুনা প্রধান মন্ত্রীনা মৈসুর য়ুনিবর্সিতী অসি অরিবা মতমগী ভারতকী অচৌবা এজুকেসন সিস্তেমগী ময়োল-লম ওইরম্মি, তুংদা লাক্কদবা ভারতকী আসা অমসুং পাঙ্গল ওইগনি অমসুং মসিদা "রাজর্শি" নালবারি কৃষ্ণরাজা ৱারিয়ার অমসুং এম. ভিসবেস্বারিয়াজিগী মংলান মংফাওনহনখ্রে হায়না ফোংদোকখি।

মহাক্না য়ুনিবর্সিতী অসিদা তাকপী তম্বীরম্বা শক্নাইরবা ভারত রতনা দা. সর্বপল্লি রাধাকৃষ্ণনজিবু পনখি।

প্রধান মন্ত্রীনা মহৈরোইশিংদা এজুকেসন্দগী ফংলকপা মহৈশিংবু মখোয়গী তশেংবা পুন্সিগী তাংকক কয়াদা শীজিন্ননবা পুক্নিং চিংশিনখি। মহাক্না তশেংবা পুন্সি হায়বসি মহৈবু শীজিন্নবা য়াবা লম্বী কয়া অমা তাকপীরিবা য়ুনিবর্সিতী অমনি হায়না হায়খি।

প্রধান মন্ত্রীনা শক্নাইরবা কনারাগী অইবা অমসুং ৱাখল ৱাংবা গোরুরু রামস্বামী আয়ঙ্গরজিনা হায়বীরম্বা "পুন্সিগী অরুবা তাংকক্তা এজুকেসন্না মঙাল পীবী" হায়বা ৱাহৈ পরেং অসি পনখি।

মহাক্না হায়খি মদুদি ভারতকী এজুকেসন সিস্তেম অসিনা ২১শুবা চহী চাগী তঙাইফদবশিং পীবা ঙম্নবগীদমক ইনফ্রাস্ত্রকচর শেমগৎপা অমসুং স্ত্রকচরেল রিফোর্মশিংদা অখন্নবা মীৎয়েং থম্লি। মহাক্না হায়খি মদুদি ভারতপু হায়র এজুকেসনগী মালেমগী ময়োল-লম অমা ওইনবা অমসুং ঐখোয়গী নহাশিংবু হেন্না চাংদম্নবগী ইথিল পোকহন্নবগীদমক, ক্বালিতেতিব ওইনা অমসুং ক্বান্তিতেতিব ওইনা হোৎনবা য়াবা কয়া হোৎনরি।

প্রধান মন্ত্রীনা হায়খি মদুদি নীং তম্লবা মতুং চহী কয়াগী মতুংদফাওবা, ২০১৪দা লৈবাক অসিদা আই.আই.তি. ১৬তমক লৈরম্মি। হৌখিবা চহী ৬ অসিদা, চাংচত্তা চহী খুদিংগী আই.আই.তি. অনৌবা অমমম লিংখৎলি। মখোয়গী মনুংদা অমদি, ধারবাদ, কর্নাতাকানি। মহাক্না মখা তারদুনা হায়খি মদুদি ২০১৪গী ফাওবদা আই.আই.আই.তি. ৯, আই.আই.এম. ১৩ অমসুং এ.আই.আই.আই.এম. ৭তমক লৈবাক অসিদা লৈরম্মি। অদুবু মসিগী মতুং চহী মঙা অসিদা আই.আই.আই.তি. ১৬, আই.আই.এম. ১৬ অমসুং এ.আই.আই.এম.এস. ৮ শেমগৎখ্রে অমসুং খরা অমনা শেম্বগী থবক পায়খৎলি।

প্রধান মন্ত্রীনা হায়খি মদুদি হৌখিবা চহী ৫-৬ অসিদা হায়র এজুকেসন্দা পায়খৎলিবা থবকশিং অসি অনৌবা ইন্সতিত্যুসন হাংবা খক্তমক নত্তনা ইন্সতিত্যুৎশিং অসিদা ক্বালিতী এজুকেসন অমসুং সোসিএল ইনক্লুসিবনেস লৈহন্নবগীদমক গবর্নান্স রিফোর্মশিংসু পায়খৎখ্রে। অসিগুম্বা ইন্সতিত্যুসনশিং অসিদা অহেনবা ওতোনোমী পীরবনা মখোয়না মখোয়গী তঙাইফদবগী মতুং ইন্না ৱারেপ লৌজবা য়ারগনি।

মহাক্না হায়খি মদুদি অহানবা আই.আই.এম. এক্তনা লৈবাক অসিদা লৈরিবা আই.আই.এম.শিংদা অহেনবা হক পীখ্রে। নেসনেল মেদিকেল কম্মিসন শেমদুনা মেদিকেল এজুকেসন্দা অহেনবা মনুং মপান ফাওনা উবা ঙমহল্লগনি। অনৌবা লো অনি অমসু লিংখত্তুনা হোমিওপেথী অমসুং অতোপ্পা ভারতকী মেদিকেল প্রেক্তিসশিংদা শেমদোক শাদোকপা কয়া পুরক্লগনি।

প্রধান মন্ত্রীনা লৈবাক অসিগী এজুকেসনগী থাক খুদিংদা নুপীমচাশিংনা গ্রোস এনরোল্মেন্ত রেসিও নুপামচাশিংদগী হেনবা উবদা হরাওবা ফোংদোকখি।

প্রধান মন্ত্রীনা হায়খি মদুদি অনৌবা এজুকেসন পোলিসী অসিনা এজুকেসন সেক্তর পুম্বদা তঙাইফদবা অহোংবা কয়া পুরক্তুনা অনৌবা মপাঙ্গল হাপ্লগনি।

মহাক্না হায়খি মদুদি নেসনেল এজুকেসন পোলিসীগী পান্দম অসি ঐখোয়গী নহাশিং অসিবু ফ্লেক্সিবল অমসুং এদাপতেবল ওইবা এজুকেসন সিস্তেম অমা ওইহন্দুনা চাংদম্নবগী ইথিল পোকহন্নবগীদমক মায়কৈ কয়া অমা লোংই। মহাক্না হায়খি মদুদি স্কিল্লিং, রিস্কিল্লিং অমসুং অপস্কিল্লিং হায়বসি হৌজিক্কী মতমদা খ্বাইদগী তঙাইফদবা অমনি।

লৈবাক অসিগী খ্বাইদগী ফরবা এজুকেসন ইন্সতিত্যুৎশিংগী মরক্তা অমা ওইরিবনা মৈসুর য়ুনিবর্সিতীবু হোংলক্লিবা অনৌবা ফিবম কয়া অসিগী মতুং ইন্না অনৌবা কয়া অমা পুরক্নবগীদমক তকশিনখি। মহাক্না ইন্সতিত্যুৎ অসিবু ইনক্যুবেসন সেন্তর, তেক্নোলোজী দিবেলপমেন্ত সেন্তর, 'ইন্দস্ত্রী-একাদেমিয়া লিঙ্কেজ' অমসুং 'ইন্তর-দিসিপ্লিনরী রিসর্চ'তা মীৎয়েং চঙনবা পুক্নিং চিংশিনখি। মহাক্না য়ুনিবর্সিতী অসিবু লোকেল কলচর, লোকেল আর্ত, অমসুং অতোপ্পা খুন্নাইগী ইস্যু কয়াগা লোইননা মালেমগী অমসুং হৌজিক মতমগী ইস্যু কয়াদা রিসর্চ তৌবদা পুক্নিং থৌগৎনবা পুক্নিং চিংশিনখি। মহাক্না মহৈরোইশিংদা মখোয়গী মশা মশাগী পাঙ্গলশিংদা য়ুম্ফম ওইদুনা মীথোই মীহেনবা তান্নবা হোৎননবা পুক্নিং চিংশিনখি।

*****