ঙসি সেন্ত্রেল য়ুনিবর্সিতী ওফ জম্মুগী কেম্পস্তা পন্দিৎ মদন মোহন মালবিয়াগী মমিং লৌদুনা থোনখিবা অনৌবা এজুকেসন কম্প্লেক্সকী উরেপ উয়ুং তম্বদা দা. জিতেন্দ্র সিংহনা হায়খি, সেন্ত্রেল য়ুনিবর্সিতী জম্মু অসি অসিগুম্বা শ্রী মলবিয়াগী মমিং লৌদুনা থোনবা এজুকেসন কম্প্লেক্স লৈবা ভারতকী অহানবা সেন্ত্রেল য়ুনিবর্দিতী অমনি।

মহাক্না হায়খি, পন্দিৎ মদন মোহন মালবিয়া অমসুং দা. শ্যামা প্রসাদ মুখর্জী অসি ২০শুবা চহিচাগী অহানবা শরুক্কী মাংজিল থারিবা একাদেমিসিয়নশিংগী মরক্তা য়াওখি অদুবু মখোয়না তৌজখ্রিবা অদুগী ফংফম থোকপা ইকাই খুম্নবা অদু ফংখিদে অমসুং, মরম অসিনা, মসি মখোয়বু ইকাই খুম্নবা পীবগী চপ চারবা খোঙথাং অমনি। মহাক্না হন্দক্তা য়ুনিবর্সিতী অসিমক্তা দা. শ্যামা প্রসাদ মুখর্জীগী মমিং লৌদুনা থোনবা হোস্তেল কম্প্লেক্স অমা শঙ্গাবা ফংখিবা অদুসু নীংশিংখি, হায়রিবা অসি কোলকতাগী মপান্দা লৈবা সেকারগী য়ুনিবর্সিতীদা মুখর্জীগী মমিং লৌদুনা থোনখিবা অহানবা ব্লোক ওইখি।

দা. জিতেন্দ্র সিংহনা হায়খি জম্মু অসি অৱাং ভারতকী এজুকেসন হব ওইনা খুমাং য়াংনা চাউশিল্লক্লি অমসুং কি.মি. ১০০দগী তাবা রেদিয়সকী মনুংদা এম্স, আই.আই.তি., আই.আই.এম. য়াওনা অচৌবা য়ুনিবর্সিতী অনি মমিং ওইনা পল্লবদা সেন্ত্রেল য়ুনিবর্সিতী অমসুং য়ুনিবর্সিতী ওফ জম্মু, এম্স য়াওনা মেদিকেল কোলেজ মরি, সরকারনা চল্লাইবা এঞ্জিনীয়রিং কোলেজ অনি লোয়ননা শেমগৎলক্লিবা অৱাং নোংপোক্কী অহানবা বাইওতেক তেক্নোলোজী পার্ক কম রিসর্চ সেন্তর অমসুং অৱাং নোংপোক্কী মন্ত্রালয়গী খুত্থাংদা বেম্বু তেক্নোলোজী ত্রেনিং সেন্তর হায়রিবশিং অসি য়াওনা মরু ওইবা প্রোফেস্নেল অমসুং হায়র এজুকেস্নেল ইন্সতিত্যুসন কয়া লৈহনবা ঙম্বা হায়বা অসি অতাংবা অমনি।

অগস্ত ৫, ২০১৯গী মতুংদা কন্সতিত্যুসনগী ওইবা অহোংবশিং পুরকখিবগা লোয়ননা এজুকেস্নেল ইন্সতিত্যুসনশিং অসিগীদমক লৈবাক শিনবা থুংবদগী খ্বাইদগী ফবা ফেকল্তী থম্নবা হোৎনবদা চাউনা অপনবা থোক্লম্বা অদু কোকহনবা ঙমগনি হায়না দা. জিতেন্দ্র সিংহনা আশা তৌখি। মহাক্না হায়খি, প্রোফেসনেলিজম লৈরবা অমসুং মেরিৎতা য়ুম্ফম ওইরগা স্কোলর খনবদা অরানবা তৌদবা অমসুং ইন্সতিত্যুসন অদুনা খ্বাইদগী ফবা ফেকল্তী লৌবা অমসুং থম্নবা হোৎদুনা তাকপী তম্বীবগী থৌদাং লৌহন্নবা শেম শারবা মতমদা খক্তদা ইন্সিতিত্যুসন অমগী অফবা থাক অদু ঙক্তুনা থম্বা ঙমগনি। হিরম অসিদা মহাক্না অমুক হন্না পন্দিৎ মদন মোহন মালবিয়াবু পনখি অমদি নৌহৌনা নীংশিংদুনা হায়খি মতম অদুদসু মালবিয়ানা দা. এস. রাধনকৃষ্ণবু ওক্সফোর্দতা ওজা ওইবগী মহাক্কী শিনফম অদু থাদোকহন্দুনা বনারস হিন্দু য়ুনিবর্সিতী (বি.ঐচ.য়ু,)গী ভাইস-চানচেলর ওইনবা হল্লকহন্নবা হায়জবদা মাই পাকখি।

দা. জিতেন্দ্রনা সিংহনসু হায়খি মদুদি স্পেস বিভাগকী খুত্থাংদা অৱাং ভারতকী অহানবা ওইনা সেন্ত্রেল য়ুনিবর্সিতী জম্মুদা স্পেস অমসুং রিসর্চ স্তদী সেন্তর লিংখৎখি অমসুং মালেমগী শকনাইরবা স্পেস সাইন্তিস্ত অমা ওইরিবা ফাদর ওফ মার্স মিসন হায়নসু খঙনরিবা দা. কে রাধাকষ্ণনবু এদভাইজর ওইনা খনখি।

এজুকেস্নেল ইন্সতিত্যুসন অমা হেক্তবু পাকশন্না শকখঙননবগীদমক মাংজৌননা তঙাই ফদবা হিরম অনি লৈহনবা মথৌ তাই হায়না দা. জিতেন্দ্র সিংহনা ফোঙদোকখি। মালেমগী থাক্কী ওইবা রিসর্চ পব্লিকেসনশিং পুথোকপা ঙম্বা থোইদোক হেন্দোক্লবা ফেকল্তী লৈবা নৎত্রগা পাক্না তম্বা ফংদবা অখন্নবা বিভাগশিং লৈহনবা তাই।

ভাইস চানসেলর প্রোফেসর অশোক আইমানা মহাক্কী থৌরম হৌদোকপগী ৱারোলদা হৌখিবা মতম খরা অসিদা য়ুনিবর্সিতী অসিনা তোঙান তোঙানবা চাউনা মাই পাকপা ঙমখিবা অদু ফোঙদোকখি। সেন্তর অসিদা অনৌবা প্রোজেক্তশিং পাইখৎপদা দা. জিতেন্দ্র সিংহনা লেপ্তনা মতেং পাংখিবা অদুসু পাউদমখি।

প্রোফেসর আইমানা হন্দক্তা দি.আর.দি.ও.গী খুত্থাংদা ভারত সরকারনা অয়াবা পীখিবা সেন্তর অদুসু পনখি।

<><><><><>