সাইন্স অমসুং তেক্নোলোজী মন্ত্রালয়
সি.এস.আই.আর.-কে.পি.আই.তি.না হাইদ্রোজেন ফ্যুল সেল ফিত তৌরবা কার চাংয়েং তৌখ্রে
পি.ই.এম. ফ্যুল সেল তেক্নোলোজী অসিদা মরু ওইনা শিজিন্নরিবা অসি সি.এস.আই.আর.গী মপুং ওইবা স্কিল মেমব্রেন ইলেক্ত্রোদ এসেমব্লীনি
Posted On:
10 OCT 2020 5:52PM by PIB Imphal
মশা মরোমদোম শাজবা ফ্যুল সেল স্তেক শিজিন্নদুনা ভারতকী ইহান হানবা হাইদ্রোজেন ফ্যুল সেল(ঐচ.এফ.সি.) প্রোতোতাইপ কার পুনেদা লৈরিবা সি.এস.আই.আর.-নেস্নেল কেমিকেল লেবোরেতরীদা কাউন্সিল ওফ সাইন্তিফিক অমসুং ইন্দস্ত্রিয়েল রিসর্চ(সি.এস.আই.আর.) অমসুং কে.পি.আই.তি.না মাই পাক্না চাংয়েং তৌখ্রে৷ ফ্যুল সেল অসি ভেহিকুলর এপ্লিকেসনশিং চান্নবা ৬৫-৭৫ সেন্তিগ্রেদ ফাওবগী মনুংদা ওপরেত তৌবা ঙম্বা তেমপরেচর য়াম্না নেম্বা পি.ই.এম.(প্রোতোন এক্সচেঞ্জ মেমব্রেন) মখলগী ফ্যুল সেল অমনি৷
সি.এস.আই.আর.গী লৈরিবা স্কিল অদুগী মতুং ইন্না সি.এস.আই.আর. অমসুং কে.পি.আই.তি.না ১০ কে.দবল্যু.ই. ওতোমেতেদ গ্রেদ এল.তি.-পি.ই.এম.এফ.সি. ফ্যুল সেল স্তেক অমা মাই পাক্না শাখ্রে৷ পি.ই.এম. ফ্যুল সেল তেক্নোলোজী অসিদা মরু ওইনা শিজিন্নরিবা অসি সি.এস.আই.আর.গী মপুং ওইবা স্কিল মেমব্রেন ইলেক্ত্রোদ এসেমব্লীনি৷ অয়াংবা মেতেল বাইপোলর প্লেত অমসুং গাস্কেৎ দিজাইন, বেলেন্স ওফ প্লান্ত(বি.ও.পি.) শেমগৎ শাগৎপা, সিস্তেম পুনশিনবা, ফ্যুল সেল ভেহিকল অদুবু চেনহল্লিবা ইলেক্ত্রিক পৱার ত্রেন অমসুং কন্ত্রোল সোফতৱেয়র য়াওরিবা স্তেক ইঞ্জিনিয়রিং অসিদা কে.পি.আই.তি.না মখোয়গী এক্সপর্তশিং য়াওহনখ্রে৷ ফ্যুল সেল স্কেত অসিনা য়াম্না পাবা মেতেল বাইপোলর প্লেতশিং শিজিন্নৈ অমসুং মসিনা স্তেক্কী অরুম্বা অদু শরুক অহুম থোকপগী অনি হন্থহল্লি৷.
২০১৬দা ওতোমেতেদ গ্রেদ পি.ই.এম.ফ্যুল সেল তেক্নোলোজী অমা শেম্ননবগীদমক ন্যু মিলিনিয়ম ইন্দিয়ন তেক্নোলোজী লিদরশিপ ইনিসিয়েতিব(এন.এম.আই.তি.এল.আই.) স্কিমগী শরুক অমা ওইনা সি.এস.আই.আর.-এন.সি.এল. অমসুং সি.এস.আই.আর.-সি.ই.সি.আর.আই.না কে.পি.আই.তি.গা খোংবু শেমখ্রে৷ ফোজিল ফ্যুল শিজিন্নদনা ইলেক্তিকেল ইনর্জী পুথোক্ননবগীদমক হাইদ্রোজেন ফ্যুল সেল (ঐচ.এফ.সি.) তেক্নোলোজী অসিনা হাইদ্রোজেন অমসুং ওক্সিজেনগী(নুংশিৎতগী) মরক্তা চৎথরিবা কেমিকেল রিয়েক্সন অদু শিজিন্নৈ৷ মখাতানা ফ্যুল সেল তেক্নোলোজী অসিনা য়াম্না হকচাং শোকহনবা গ্রীন হাউস গ্যাসশিং অমসুং অতোপ্পা নুংশিৎ শেংহন্দবা পোৎচাকশিং থাদোরকপা অদু হন্থহন্দুনা ইশিং খক্তমক থাদোরকই৷ তেক্নোলোজী অসি মখাতানা শিজিন্নবা অসিনা মালেম অসিদা পুথোক্লিবা পোলুসনগী চাং অসি হন্থহন্দুনা য়াম্না শেংবা অফবা মফম অমা ওইহনবা য়ারগনি৷
ত্রায়েলশিং অসি ফ্যুল সেল স্তেক ফিৎ তৌরবা বেতরী-ইলেক্ত্রিক পেসেঞ্জর কার প্লেতফোর্ম অমদা পাংথোকখ্রে৷ অদুমওইনমক মসিগী তেক্নোলোজী অসি কম্মর্সিয়েল ভেহিকলশিং(সি.ভি.) খুদম ওইনা বসশিং, ত্রকশিংদনা হেন্না চান্নগনি হায়না থাজনরি৷ বেতরীনা চলাইবা ইলেক্ত্রিক বসশিং/ত্রকশিং অসিনা পাম্লিবা ওপরেস্নেল রেঞ্জ অদু থৌনবা হোনবদা অচৌবা বেতরী অমা দরকার ওই৷ অদুবু ঐচ.এফ.সি. তেক্নোলোজী অসিদি য়াম্না চাউনা ওপরেস্নেল রেঞ্জ অমা থৌবা মতমদা অপিকপা বেতরী অমা দরকার ওই৷ মরম অদুনা সি.ভি. সেগমেন্ত অসিগীদমক ঐচ.এফ.সি. তেক্নোলোজী অসিনা হেন্না অফবা কান্নবা পী৷
এফ.সি. ভেহিকল অসিদা তাইপ III কম্মরসিয়েল হাইদ্রোজেন তেঙ্ক অমা ফিৎ তৌই৷ মদুগী কেপাসিতী অদু চাওরাক্না হাইদ্রোজেন কে.জি.১.৭৫ ওই অমসুং মদু বার প্রেসর ৩৫০দা হাপ্পী, এফ.সি. ভেহিকল অসি ভারতকী লম্বীগী ফিভম অসিদা চাৎচৎতা পুং অমদা কি.মি. ৬০-৬৫গী খোঙজেলদা থৌদুনা চাওরাক্না কি.মি.২৫০রোম থৌবা য়াগদবনি৷ মপুং ওইবা ফ্যুল সেল স্তেক অমসুং পৱার ত্রেনগা লোইননা য়াওরিবা মচাকশিং অদু ফমফম ৫ লৈবা স্তেন্দর্দ সেদন কার অমদা ফিৎ তৌখি৷
অসিগুম্বা য়াম্না মরু ওইবা মাইলস্তোন অসিদা কে.পি.আই.তি.গী চিয়রমেন শ্রী রবি পন্দিত অসুম্না ফোংদোকখ্রে, " তেক্নোলোজী অসি তুংগী অশা লৈ অমসুং মীপান তাংদনা শেমগৎ শাগৎলিবা অসিনা মমাংশিংগা য়েংনবদা কম্মরসিয়েল্লী ওইনা হেন্না মাই পাক্লগনি হায়না থাজনরি৷ মসিনা পোলুসনবু য়াম্না হন্থহন্দুনা অমসুং ফোজিল ফ্যুল মপান্দগী পুশিল্লক্লিবা অসি হন্থহন্দুনা ভারতকী মতেং পাংগদবা য়াম্না মরু ওইবা তেক্নোলোজী অমনি৷"
ইন্দিজিনিয়র্স সি.এস.আই.আর.-এন.এম.আই.তি.এল.আই. তেক্নোলোজী শিজিন্নদুনা অমসুং কে.পি.আই.তি.গা ইন্দস্ত্রী পার্নের ওইনা চৎমিন্নদুনা হাইদ্রোজেন ফ্যুল সেলদা মাই পাক্না কার থৌবা য়াবগীদমক মদুদা য়াওরিবা তীমশিং অদুবু সি.এস.আই.আর.-এন.সি.এল.গী দাইরেক্তর প্রোফেসর এশৱিনি কুমার নাঞ্জিয়ানা থাগৎলদুনা অসুম্না ফোংদোকখ্রে,“ লৈবাক অসিদা ত্রান্সপোর্তেসন্দা রিনিৱেবল ইনর্জী অমা ওইরিবা হাইদ্রোজেন অসি ফ্যুল ওইনা শিজিন্নবগী মতম অদু লাক্লে৷ মসিনা পেত্রোল, দিজন পুশিল্লকপদা চংলিবা শেনফম অদু হন্থহনবতা নত্তনা হাইদ্রোজেন অসিনা ইশিং খক্তমক বাই-প্রদক্ত অমা ওইনা পীথোক্তুনা খ্বাইদগী ফরবা ফ্যুল ওই৷ এন.এম.আই.তি.এল.আই.গী মখাদা ইনর্জীগী মফমশিংদা মতম শাংনা সি.এস.আই.আর.না শেল থাদরকপা অসি মহৈ য়াল্লে৷”
****
(Release ID: 1665632)
Visitor Counter : 199