প্রধানমন্ত্রীগী লোইশঙ

প্রধান মন্ত্রীনা কোবিদ-১৯ ঙাকথোক্নবা রিসর্স অমসুং ভেক্সিন দিপ্লোইমেন্ত ইকোসিস্তেমগী য়েংশিন মীফমগী ময়াই তাংবল লৌখ্রে

प्रविष्टि तिथि: 15 OCT 2020 5:30PM by PIB Imphal

প্রধান মন্ত্রী শ্রী নরেন্দ্র মোদীনা কোবিদ-১৯ লাইচত্তগী ঙাকথোক্নবা তেস্তিং তেক্নোলোজী, কন্তেক্ত ত্রেসিং, হিদাক লাংথক অমসুং থেরাপ্যুতিক্স অসিনচিংবা য়াওনা রিসর্স অমসুং ভেক্সিন দিপ্লোইমেন্ত ইকোসিস্তেমগী য়েংশিন মীফমগী ময়াই তাংবল লৌখ্রে।

মীফম অদুদা কেন্দ্রগী হকশেল মন্ত্রী শ্রী হর্শ ভর্ধন; মেম্বর (হেল্থ), নিতি আয়োগ; প্রিন্সিপাল এদভাইজর; সেনিয়র সাইন্তিস্ত; অমসুং অতোপ্পা ওফিসিএলশিং শরুক য়াখি।

প্রধান মন্ত্রীনা ভারতকী ভেক্সিন পুথোক্লিবা অমসুং শারিবশিংনা কোবিদ-১৯গা শিংনবা হেনগৎনবগীদমক হোৎনরিবা কয়াবু শিংথাখি অসিগুম্বা কয়া অসিদা সরকারনা মতেং পাংবগী থবক মখা তানা লেপ্তনা চত্থখিনবা লেপ্লি হায়খি।

প্রধান মন্ত্রীনা হায়খি মদুদি রিগুলেতরী রিফোর্ম অদু য়াম্না মমাই লোঙবা থৌওং অমনি অমসুং হৌজিক লৈরিবা অমসুং হৌরক্লিবা দোমেনশিংদা হৈ-শিংলবশিংবু রিগুলেতরনা খুমাং চাওশিন্নবা শীজিন্নগদবনি, মরমদি অনৌবা খোঙথাং কয়া অমা হৌরক্লিবনি।

প্রধান মন্ত্রীনা হকশেল মন্ত্রালয়না লৌখৎলিবা ভেক্সিন য়েন্থোক্নবা অমসুং য়ৌহন্নবগী মেকানিজমগী মতাংদা য়েংশিনখি। মসিদা মতীক চানা লৈশিন্নবা, অমসুং অপুনবা ওইনা পৈশিন্দুনা থম্নবগী তেক্নোলোজী, য়েন্থোক্নবা অমসুং মতীক চানা য়ৌহন্নবগী ভাইলশিং হানবগী মেকানিজমশিং য়াওরি।

প্রধান মন্ত্রীনা সেরো-সর্ভে অমসুং তেস্তিংগী থবক অনীমক য়াঙশিলহনগদবনি হায়খি। মহাক্না হায়খি মদুদি চাং নাইনা তেস্ত তৌনবা, য়াঙখৎহন্নবা অমসুং মমল ৱাংহন্দনা তৌনবগী খুদোংচাবশিং অঙনবদা মফম খুদিংমক্তা য়ৌহনগদবনি হায়না পাউতাক পীখি।

প্রধান মন্ত্রীনা মহৌশাগী ওইবা মেদিসিন ত্রিৎমেন্তশিং লেপ্পা লৈতনা অমসুং খুমাং চাওশিন্না সাইন্তিফিক তেস্তিং তৌবা অমসুং ভেলিদেসন তৌবগী তঙাইফদবা লৈরিবসিগী মতাংদা থমখি। মহাক্না আয়ুশ মন্ত্রালয়না ইভিদেন্সতা য়ুম্ফম ওইবা রিসর্স তৌরিবা অমসুং অরুবা মতমদা থাজবা য়াবা পাম্বৈ পুথোক্লকপগীদমক শিংথাখি।

প্রধান মন্ত্রীনা ভারত খক্তদা নত্তনা মালেম পুম্বদা মমল ৱাংদবা, ইরাই লায়না ফংবা অমসুং চাং ওনবা য়াবা তেস্তিং, ভেক্সিন অমসুং হিদাক লাংথক পীনবা লেপখিবা ৱারেপ অমুক্কা হন্না নিংশিংখি।

প্রধান মন্ত্রীনা লাইচৎ অসিদগী ঙাকথোক্নবা লেপ্পা লৈতনা য়েংশিন্নবা অমসুং অৱাংবা থাক্তা শেম শাদুনা লৈনবা পুক্নিং চিংশিনখি। 

*****


(रिलीज़ आईडी: 1664849) आगंतुक पटल : 280
इस विज्ञप्ति को इन भाषाओं में पढ़ें: English , Urdu , Marathi , हिन्दी , Assamese , Bengali , Punjabi , Gujarati , Odia , Tamil , Telugu , Kannada , Malayalam