কেমিকেল্স অমসুং ফর্তিলাইজর মন্ত্রালয়

ভারত জেনেরিক মেদিসিন খ্বাইদগী য়াম্না পুথোকপা অমসুং মালেম শীনবা থুংনা মপান্দা থাদোকপা লৈবাক অমনি: শ্রী দি.ভি. সাদানন্দা গৌরা


ভারত্তা কেমিকেল অমসুং পেত্রোকেমিকেলশিংগী কৈথেলগী পাক-চাউবা বিল্লিয়ন দোল্লর ১৬৫ রোমনি;২০২৫ ফাওবদা বিল্লিয়ন দোল্লর ৩০০দা হেনগৎলবা য়ারি: শ্রী দি.ভি সাদানন্দা গৌরা

Posted On: 15 OCT 2020 10:14AM by PIB Imphal

কেমিকেলস অমসুং ফর্তিলাইজরসকী য়ুনিয়ন মিনিস্তর শ্রী দি.ভি সাদানন্দা গৌরানা হায়খি ভারত জেনেরিক মেদিসিন খ্বাইদগী য়াম্না পুথোকপা অমসুং মালেম শীনবা থুংনা মপান্দা থাদোকপা লৈবাক অমনি। অহানবা হৌরকপদা, কোবিদ-১৯ লায়েংনবা চৎন-কাংলোনশিংগী মখাদা ঐচ.সি.ক্বিউ অমসুং এজিথ্রোমাইসিন শীজিন্নখি। হায়রিবা হিদাক-লাংথকশিং অসি ভারতনা মালেমগী লৈবাক ১২০ হেনবদা ফংহনখি অমসুং হিদাকশিং অসি ফংহনবগীদমক ভারতকী মিংচৎ ফংখি।

শ্রী গৌরানা হায়খি ভারত অসি য়ু.এস.এগী ৱাংমদা য়ু.এস-এফ.দি.এনা অয়াবা পীরবা ফার্মা প্লান্ত(এ.পি.আই ২৬২ হেন্না য়াওনা) মশিং খ্বাইদগী য়াম্না লৈবা অমতা ঙাইরবা লৈবাক্নি অমসুং য়ু.এস অমসুং য়ুরোপ য়াওনা অৱাংবা থাকশিং চৎনবা তোঙান তোঙানবা লৈবাকশিংদা দোল্লর বিল্লিন ২০গী হিদাক-লাংথকশিং মপান্দা থাদোক্লি।

এফ.আই.সি.সি.আইনা শীন্দুনা ঙরাং পাংথোকখিবা লিদস ২০২০ মনুংদা ‘রিইমাজিনিং দিসতেন্সেস’তা লেতিন অমেরিকা অমসুং করিব্বিয়ান ভর্চুএল সেসন্দা ৱা ঙাংবদা শ্রী গৌরানা হায়খি ২০২৪ ফাওবদা ভারতকী হিদাক-লাংথোক শুংবগী থবক দোল্লর বিল্লিয়ন ৬৫ য়ৌবা ঙমগনি। লৈবাক শীনবা থুংনা ব্লক দ্রগ পার্ক অহুম অমসুং মেদিকেলগী খুৎলায়শিং শানবা পার্ক মরি শেমগৎনবা হন্দক ঐখোয়না স্কিমশিং হৌদোক্লে। অনৌবা পোৎ-চৈ শাবা কম্পেনিশিং প্রদক্সন লিঙ্ক ইন্সেনতিপ (পি এল আই) স্কিমগী মখাদা অহানবা চহি ৫-৬ মখোয়গী পোৎশিৎতা য়ুম্ফম ওইরগা শেন-থুমগী মতেং লৌবা য়াগনি।

মিনিস্তরনা মখা তানা হায়খি হিদাক-লাংথক শুংনবা ভারত্তা মফম অমা লিংখৎপা অমসুং শেন থাদবা অসি চপ চারবা মতম অমনি। অপুনবা থবকশিং ওইনসু কনাগুম্বা অমনা ভারতকী কৈথেলদা চঙলকপা য়াগনি। ফর্মা সেক্তর অসি য়াম্না মরুওইবা মরম্না অদোম্না ভারতকী খুৎথাংদা ভারতকী চাউরবা কৈথেলশিং, য়ু.এস, জপান,ই.য়ু অমসুং খা-নোংপোক এসিয়াগী কৈথেলশিংদা চঙবা ফংগনি। কনাগুম্বা অমনা ভারতকী ফর্মা সেক্তরদা থৱায় য়াওরবদি মীওই অমনা হেক্ত ঐগী ওফিসতা পাউ  ফাওনবা য়াগনি , ঐখোয়না পাংবা য়াবা মতেং পাংগনি অমসুং পুন্না থবক তৌমিন্নগনি। 

শ্রী গৌরানা হায়খি ভারত্তা কেমিকেল অমসুং পেত্রোকেমিকেলশিংগী কৈথেলগী পাক-চাউবা বিল্লিয়ন দোল্লর ১৬৫ রোমনি। মসিগী পাক-চাউবা অসি ২০২৫ ফাওবদা বিল্লিয়ন দোল্লর ৩০০দা হেনগৎলবা য়ারি।ভারত্তা কেমিকেলগী লমদা খুদোংচাবা কয়া মরাংকাইনা লৈরি। খুদম ওইনা, দরকার ওইবশিং পীবা ঙম্নবা ২০২৫ ফাওবদা ভারতনা ক্রেক্কর ৫ দরকার ওইগনি অমসুং ২০৪০ ফাওবদা অহেনবা ১৪ দরকার ওইগনি। কেমিকেল অমসুং পেত্রোকেমিকেলশিংগী হিরমদা ভারত সরকারনা থৌশিলশিং অমুক হন্না য়েংশিল্লে। ঐখোয়গী হিদাক-লাংথক শুংবগী লমদা পীরিবা শেন-থুমগী খুদোংচাবশিং অসিগা মান্নবা খুদোংচাবশিং পোৎশিৎতা য়ুম্ফম ওইরগা খুদোংচাবশিং পীনবা ঐখোয়না খন্নরি। ঐখোয়না পি.সি.পি.আই.আরশিং অমসুং প্লাস্তিক পার্কশিং হায়না খঙনরিবা ঐখোয়গী কেমিকেল ইন্দস্ত্রিএল ক্লস্তরশিং মপাঙ্গল কনখৎহন্নবা ঐখোয়না ঐখোয়গী থৌশিলশিং শেমদোক্লে। মতেং পাংনবা সরকারগী থৌশিলশিং অসিনা কেমিকেল অমসুং পেত্রোকেমিকেলশিংগী হিরমশিং য়াওনা ভারত্তা ললোন-ইতিক পাংথোক্নবা খ্বাইদগী ফবা ফিবম অমা পীরগনি।

মিনিস্তরনা হায়খি হারগী হিরম অসিসু ভারত্তা য়াম্না পাম্নবা হিরম অমনি। চহি খুদিংগী ঐখোয়গী লৌমীশিংনা হার য়াম্না শীজিন্নৈ। অদুবু দরকার ওইরিবা হারশিং লৈবাক অসিনা পুথোকপা ঙমদে। ঐখোয়না য়াম্লবা য়ুরিয়া, পোতাস অমসুং ফোসপরস হারশিং মপান্দগী পুশিল্লক্লি। খুদম ওইনা, ২০১৮-১৯দা ভারতনা মপান্দগী য়ুরিয়ন তন মিল্লিয়ন ৭.৫, দি.এ.পি তন মিল্লিয়ন ৬.৬, এম.ও.পি তন মিল্লিন ৩ অমসুং এন.পি.কে হার তন মিল্লিয়ন ০.৫ পুশিল্লকখি।

মহাক্না মখা তানা হায়খি লেতিন অমেরিকা অমসুং করিব্বিয়ান লৈবাকশিং অসি হার য়াম্না লৈবা লৈবাকশিংনি হায়বা ঐ খঙলে। পোৎ লৈবা লৈবাকশিং ওইনা কৈথেলদা চাংদম্নবগী মহুৎতা, অহোংবা মমলদা অপাম্বা পোৎথোকশিং লৈবা ঙম্নবা ঐখোয়না সপ্লাই চেনশিং শেম্নবা মতেং পীনগদবনি।

শ্রী গৌরানা হায়খি ঐখোয়না হার শীজিন্নবা হন্থহনবা ঙম্বা নানো ফর্তিলাইজরশিং য়াওনা অতোপ্পা মখলগী হারশিং পুথোক্নবা অমসুং মপান্দগী লৈরিবা অসি হন্থনবা মতেং পাংনবা দরকার ওইরে। অতোপ্পা হারশিং পুথোক্নবা রিছর্স অমসুং দিবলপমেন্তগী লমদা পুন্না থবক তৌমিন্ননবা ঐগী ৱাফম অসিদা লাকপা ৱারোলশিং ঐনা তরাম্না ওক্কনি। 

মহাক্না মখা তানা হায়খি হায়রিবা হিরমশিং অসিদা লাকপা ৱাফম অমা হেক্তা ঐখোয়না তরাম্না ওক্কনি অমসুং ভারত্তা পুন্না থবক তৌমিন্ননবা দরকার খুদিংমক মতেং পাংগনি।

****



(Release ID: 1664672) Visitor Counter : 119