(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতনা তেস্ত তৌবদা নৌনা তাঙ্কক অমা লানখ্রে, তেস্ত তৌখিবগী অপুনবা করোর ৯ লান্দুনা রেকোর্দ অমা থমখ্রে
• রাজ্য/য়ু.তি. ২০না পোজিতিবিতী রেৎশিং লৈবাক অসিগী লৈরিবা চাংচৎতগী তানা রিপোর্ত তৌরকখ্রে
• এক্তিব কেসশিং তপ্না –তপ্না হন্থরক্লি অমসুং ঙসিগী ওইনা ৮,২৬,৮৭৬ ওইরি অমসুং মসিদা লৈবাক অসিগী অপুনবা পোজিতিব কেসশিংগী ১১.৪২% খক্তা ওইরি
• হৌখিবা পুং ২৪দা কোবিদ কেস ৭৪,৬৩২ নাবা ফগৎখ্রে অমসুং দিসচার্জ তৌখ্রে অমরোমদা অনৌবা কনফর্ম কেসশিং ৬৩,৫০৯ ওইরি
• নাবা ফগৎলকপগী মশিং ৱাংবা অসিনা লৈবাক অসিগী নাবা ফগৎলকপগী চাংদা মখাদা তানা হেনগৎহন্দুনা ৮৭.০৫% য়ৌখ্রে
• রেলৱেনা হরাও-কুমহৈগী মতম্না লাকপদা য়াত্রীশিংনা ইনগদবা চৎন-কাঙলোন ফোঙখ্রে

#Unite2FightCorona

#IndiaFightsCorona

ভারতনা তেস্ত তৌবদা নৌনা তাঙ্কক অমা লানখ্রে, তেস্ত তৌখিবগী অপুনবা করোর ৯ লান্দুনা রেকোর্দ অমা থমখ্রে, রাজ্য/য়ু.তি. ২০না পোজিতিবিতী রেৎশিং লৈবাক অসিগী লৈরিবা চাংচৎতগী তানা রিপোর্ত তৌরকখ্রে

ভারতনা জনুৱারীদগী হৌনা কোবিদ-১৯গী তেস্ত তৌখিবশিংগী অপুনবা মশিংদা চাউনা হেনগৎলে হায়বা উৎখ্রে। ঙসি তেস্ত তৌখিবগী অপুনবা অসি করোর ৯ হেনখ্রে। হৌখিবা পুং ২৪দা তেস্ত ১১,৪৫,০১৫ তৌখিবগা লোয়ননা, হৌজিক্কী ওইনা পুন্না তেস্ত তৌখিবা অসি ৯,০০,৯০,১২২ ওইরি। লৈবাক অসিদা লেব ১৯০০ হেন্না লৈবা অমসুং কেন্দ্র অমসুং রাজ্য/য়ু.তি. সরকারশিংনা পুন্না হোৎনরিবশিং অসিগা লোয়ননা লৈবাক অসিগী তেস্ত তৌবা ঙম্বগী চাং অসি শরুক কয়া হেনগৎখ্রে। নুমিৎ খুদিংগী সেম্পল লাখ ১৫ হেন্না তৌবা য়াখ্রে। তেস্তিং ইনফ্রাস্ত্রকচর লেপ্তনা হেনগৎলকপা অসিনা তেস্ত তৌবগী মশিং খঙহেন হেনগৎহনবদা মরু ওইবা থৌদাং অমা লৌখ্রে। লৈবাক অসিদা সরকারগী লেবোরেতরী ১১১২ অমসুং লনাই লেবোএতরী ৮২৩ য়ারবা তেস্তিং লেব ১৯৩৫কা লোয়ননা নোংমদা তৌবা ঙম্বা তেস্তকী চাং অসি চাউনা হেনগৎহনখ্রে। লৈবাক শিনবা থুংনা মশিং য়াম্না তেস্ত তৌরকপা অসি লৈবাক অসিগী পোজিতিবিতী রেৎ হন্থহনবা ঙমখ্রে। মসিনা তাক্লি মদুদি লাইনা অসি শন্দোকপগী চাং অসি মপুং ফানা লাকশিল্লি হায়বা। রাজ্য/য়ু.তি. ২০না পোজিতিবিতী রেৎশিং লৈবাক অসিগী লৈরিবা চাংচৎতগী তানা রিপোর্ত তৌরকখ্রে। অপুনবগী পোজিতিবিতী রেৎ অসি ৮.০৪%নি অমসুং লেপ্তনা হন্থরক্লি। হন্দক নুমিৎ খরা অসিদা ভারতনা অনৌবা কেসশিং অসিদগী নৌনা নাবা ফগৎলকপশিংনা হেনবগী রেজিস্তর তৌরক্লি। মসিনা মরম ওইরগা এক্তিব কেসশিং তপ্না –তপ্না হন্থরক্লি অমসুং ঙসিগী ওইনা ৮,২৬,৮৭৬ ওইরি অমসুং মসিদা লৈবাক অসিগী অপুনবা পোজিতিব কেসশিংগী ১১.৪২% খক্তা ওইরি। হৌখিবা পুং ২৪দা কোবিদ কেস ৭৪,৬৩২ নাবা ফগৎখ্রে অমসুং দিসচার্জ তৌখ্রে অমরোমদা অনৌবা কনফর্ম কেসশিং ৬৩,৫০৯ ওইরি। নাবা ফগৎলকপগী মশিং ৱাংবা অসিনা লৈবাক অসিগী নাবা ফগৎলকপগী চাংদা মখাদা তানা হেনগৎহন্দুনা ৮৭.০৫% য়ৌখ্রে। পুন্না নাবা ফগৎলকখ্রবা কেসশিং ৬৩,০১,৯২৭ ওইরি। নাবা ফগৎখ্রবা কেসশিং অমসুং এক্তিব কেসশিংগী মরক্তা লৈরিবা খেৎনবা অসি ৫৪,৭৫,০৫১নি। নাবা ফগৎলকপগী মশিং হেনগৎলকপগা লোয়ননা খেৎনবা অসি মখা তানা হেনগৎলক্লি। নৌনা নাবা ফগৎলকখ্রবা কেসশিং অসিগী ৭৯%দি রাজ্য/য়ু.তি. ১০দগী ওইরি মখোয় অদুদি মহারাস্ত্র, কর্নাতকা, কেরেলা, অন্ধ্র প্রদেশ, তামিল নাদু, উত্তর প্রদেশ, ৱেস্ত বেঙ্গল, ছত্তিসগর, ওরিশা অমসুং দিল্লীনি। মহারাস্ত্রনা নোংমদা ১৫,০০০ হেন্না নাবা ফগৎলক্তুনা খ্বাইদগী য়াম্বা ওউইরি। হৌখিবা পুং ২৪দা অনৌবা কনফর্ম কেস ৬৩,৫০৯ রেকোর্দ তৌখ্রে। অনৌবা কেসশিংগী ৭৭%দি রাজ্য অমসুং য়ু.তি. ১০দগীনি। নৌনা রিপোর্ত তৌরকপা কেসকীমশিং খ্বাইদগী য়ামদুনা কেরেলানা মহারাস্ত্রদগী মশিং হেনখ্রে। মকোক্তা লৈরিবা রাজ্য অহুম মদুদি কেরেলা, মহারাস্ত্র অমসুং কর্নাতকাদা কেস ৮,০০০ হেন্না রিপোর্ত তৌরকখি মতুংদা তামিল নাদু অমসুং অন্ধ্র প্রদেশ অনিদগী কেস ৪,০০০/৪,০০০ হেন্না থেংনখি। হৌখিবা পুং ২৪দা কেস ৭৩০ শীখিবগী রিপোর্ত তৌরকখি। মসিগী মনুংদা ৮০%গী ময়াদি রাজ্য/য়ু.তি. ১০দগী ওইখি। নৌনা শীখিবগী ২৫% হেনবদি মহারাস্ত্রদগী রিপোর্ত তৌরকখি (শীখিবা ১৮৭)।

অকুপ্পা ৱারোলগীদমক:

রাজ্য ২০দা লুপা করোর ৬৮,৮২৫ শাগৎপগী অয়াবা পীখ্রে

শেল-থুম মন্ত্রালয়গী এক্সপেন্দিচর বিভাগনা ঙসি রাজ্য ২০দা কৈথেলদগী পুবগী থৌওংগী খুত্থাংদা লুপা করোর ৬৮,৮২৫গী অহেনবা শেনফম শাগৎপগী অয়াবা পীখ্রে। জি.এস.তি.বু থবক ওইনা পাঙথোকপদা শোত্থবগী শেনফম মেনখৎনবা শেল-থুম মন্ত্রালয়না রাজ্যশিংদা পীখিবা ওপসনশিংগী মনুংদা ওপসন-১ খনখিবা রাজ্যশিংগী ওইনা মখোয়গী গ্রোস স্তেৎ দোমেস্তিক প্রদক্ত (জি.এস.দি.পি.)কী ০.৫০%গী চাংদা শেনফম পুশীনবগী অয়াবা পীখ্রে। ওগস্ত ২৭, ২০২০দা পাঙথোকখিবা জি.এস.তি. কাউন্সিলগী মীফমদা মসিগী ওপসন অনি অসি পুথোকখিবনি অমসুং মসিগী মতাংদা রাজ্যশিংদা ওগস্ত ২০, ২০২০দা পাউ ফাওখিবনি। রাজ্য ২০না ওপসন-১ খনখি। রাজ্য নিপালদি মখোয়গী অপাম্বা ওপসন হৌজিক ফাওবা খন্দ্রি। এক্সপেন্দিচর বিভাগনা মে ১৭, ২০২০দা রাজ্যশিংনা জি.এস.দি.পি.গী ২% ফাওবগী অহেনবা শেনফম পুবগী অয়াবা পীখ্রে। মসিগী অকক্না লৈবা ২%গী ০.৫%গী অরোইবা ওইনা থীগদবা ইন্সতোল্মেন্ত অসিগা ভারত সরকারনা পীরিবা শেমদোকপগী হীরম মরিগী মনুংদগী অহুমগা মরী লৈনৈ। অদুবু, ওপসন-১ খনখিবা রাজ্যশিংগী ওইনদি জি.এস.তি.বু থবক ওইনা পাঙথোকপদা থেংনরিবা শোত্থরিবা শেনফম অসি মেনখৎনবা জি.এস.দি.পি.গী ০.৫%গী অরোইবা ইন্সতোল্মেন্ত ফংনবা শেমদোকপগী থৌওং পাঙথোকপগী হীরমশিং য়াওহন্দ্রে। মতৌ অসুম্না ওপসন-১ খল্লিবা রাজ্যশিংনা কৈথেলদগী শেল পুবগী থৌওংগী খুত্থাংদা অহেনবা শেনফম লুপা করোর ৬৮,৮২৫ শাগৎপগী অয়াবা পীখ্রে। অখন্নবা শেল পুবগী ৱিন্দোগী মতাংগী থবকশিং অসিদি তোঙান্না পাঙথোক্কনি।

অকুপ্পা ৱারোলগীদমক:

ভিদিও কনফরেন্সকী খুৎথাংদা স্বিৎজরলেন্দ, মালতা অমসুং বোৎস্বানাগী এনভোইশিংনা শক্তাকচে পীশিনখ্রে

ঙসি ওক্তোবর ১৪, ২০২০দা ভর্চুএল ওইনা পাংথোকপা থৌরম অমদা স্বিৎজরলেন্দ, মালতা অমসুং বোৎস্বানাগী এম্বেসেদর/হায় কম্মিসন্নরশিংদগী পীরকপা শক্তাকচেশিং ভারতকী রাস্ত্রপতি শ্রী রাম নাথ কোবিন্দনা অয়াবা পীখ্রে। শক্তাকচেশিং পীশিল্লকখিবশিং অদুদি : স্বিৎজরলেন্দ এম্বেসেদরগী দোক্তর রাল্ফ হেকনর, মালতাগী হায় কম্মিসন্নরগী রুবেন গৌসি, বোৎস্বানাগী হায় কম্মিসন্নরগী জিলবার্দ শিমানে মঙ্গোলনি। থৌরম অদুদা ৱা ঙাংবদা, মখোয় থবক পায়বা হৌবদা রাস্ত্রপতিনা এনভোইশিংদা মহাক্কী য়াইফ-পাউজেলশিং পীখি। রাস্ত্রপতিনা হায়খি কোবিদ-১৯ লাইচৎ অসিনা ঐখোয় অপুনবা ওইনা হকশেল অমসুং শেন-থুমগী ফিবম ফনা থম্নবগীদমক মালেমগী ওইনা মতেং হেন্না পাংনবগী দরকার ওইবা অদু হেনগৎহল্লে। অথুবদা মালেমগী লৈবাকশিংনা লাইচৎ অসিগী পাম্বৈ অমা ফংলগনি অমসুং অৱাবা অসি হেন্না মপাঙ্গল কন্না অমসুং হেন্না খাংবা কন্না থেংনরগনি।

অকুপ্পা ৱারোলগীদমক:

রেলৱে মিনিস্ত্রীনা জুরা ১৯৬কী “ফেস্তিবেল স্পেসিএল”গী থবকশিং অয়াবা পীখ্রে

ফেস্তিবেলগী অচিনবা কোক্নবা রেলৱে মিনিস্তরনা জুরা ১৯৬কী (৩৯২ ত্রেনশিং) “ফেস্তিবেল স্পেসিএল”গী থবকশিং তৌন্নবা হায়বদি ২০২০গী ওক্তোবরগী ২০দগীনা ২০২০গী ওক্তোবরগী ৩০ ফাওবা চৎন্নবা অয়াবা পীখ্রে। ফেস্তিবেলগী অখন্নবা ত্রেন অসিগী ফেয়র অসি অখন্নবা ত্রেন অদুদা পীরিবা অদুগা মানগনি। ত্রেনশিং অদু মখাগী লিঙ্ক অসিদা পীরি।

অকুপ্পা ৱারোলগীদমক:

২০২০-২১ খরিফ মার্কেতিং সিজন অসিগী মনুংদা এম.এস.পি.গী ফৌ লৌশিনবা অসি লেপ্পা লৈতনা হেঙ্গৎখ্রে

২০২০-২১গী খরিফ মার্কেতিং সিজন(কে.এম.এস.) অসি মাংজৌননা হৌখ্রে অমসুং মমাংগী চহীশিংদা লৈরম্লিবা এম.এস.পি. স্কিম অসিগী মখাদা লৌমীশিংদগী এম.এস.পি. মমলদা ২০২০-২১গী খরিফ মহৈ-মরোংশিং সরকার অসিনা লেপ্পা লৈতনা লৌশিনখ্রে৷ ২০২০-২১দা রাজ্যশিংনা কে.এম.এস.কী ফৌ লৌশিনবগী চাং অদু কা হেন্না হেঙ্গৎখ্রে৷ ভারতকী ফুদ কোর্পোরেসন অমসুং অতোপ্পা সরকারগী এজেন্সীশিং অসিগা লোইননা ১২.১০.২০২০ ফাওবদা লৌমী লাখ ৪.১৬ হেন্না কান্নহন্দুনা লুপা কোতি ৯১৬৪.৩০ এম.এস.পি. মমল ওইরিবা ফৌ এল.এম.তি. ৪৮.৫৩ লৌশিনখ্রে৷ ১২.১০.২০২০ ফাওবদা সরকার অসিনা নোদেল এজেন্সীশিংগী খুৎথাংদা তামিল নাদু, মহারাস্ত্র অমসুং হরিয়ানাদা লৌমী ৫৫৪ কান্নহন্দুনা লুপা কোতি ৪.৫৩গী এম.এস.পি. মমল ওইরিবা মুঙ্গ অমসুং উরদ এম.তি. ৬৩০.০৬ লৌশিনখ্রে৷

অকুপ্পা ৱারোলগীদমক:

রেলৱে প্রোতেক্সন ফোর্সনা হরাও-কুমহৈগী মতম্না লাকপদা য়াত্রীশিংনা ইনগদবা চৎন-কাঙলোন ফোঙখ্রে

রেলৱে প্রোতেক্সন ফোর্সনা হরাও-কুমহৈগী মতম লাকপগা লোয়ননা য়াত্রীশিংনা ইনগদবা চৎন-কাঙলোন ফোঙখ্রে। রেলৱে স্তেসনশিং, ত্রেন্সিং নত্ত্রগা রেলৱেগী অতোপ্পা মফমশিংদা মীয়াম্না থৌওংশিং অসি তৌবীদনবা হায়রি। মসিগী থৌওংশিং অসিবু ইন্দবনা কোরোনা ভাইরস অসিবু শন্দোকপদা হেন্না তেংবাংগদবা ওইবনা মসিবু ইন্দবা অসিনা পেসেঞ্জরশিংগী নুংঙাইহন্নবা থম্লিবা খুদোংচাবশিংদা অয়েৎপা পীবা ওইনা লৌগনি হায়না রেলৱে এদ্মিনিস্ত্রেসন্না হায়খ্রে।
অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           হিমাচল প্রদেশ: ত্রান্সপোর্ত মিনিস্তরনা হায়খি মদুদি রাজ্য সরকারনা ২০২০গী ওক্তোবর ১৪দগী হিমাচল রোদ ত্রান্সপোর্ত কোর্পোরেশনগী ইন্তরস্তেত বস সার্বিস মথৌ তৌবা হৌনবা ৱারেপ লৌখ্রে। ইন্তরস্তেত বস সার্বিস অসিনা অহানবা তাঙ্কক্তা রুত ২৫ চেনবা হৌগনি, মসিদা চান্দিগর, পথানকোত, বদ্দি, হোশিয়ারপুর, লুধিয়ানা, অম্বালা, হরিদ্বার অসিনচিংবশিং অসি য়াওহনখি।

•          অরুনাচল প্রদেশ: অরুনাচল প্রদেশতা ঙরাং, কোবিদ-১৯গীদমক্তা মীওই ১৯৩ অমুক পোজিতিব ওইবা থেংনখি, পেসেন্ত ১৭০ দিসচার্জ তৌখ্রে অমসুং মরি শিখিবগী পাউ লৈখি। রাজ্য অসিদা কোবিদ-১৯গা মরী লৈননা শিখিবা ২৮ অদুগী মনুংদা ১১দি ওক্তোবর থা অসি খক্তদা থেংনখি।

•          অসাম: অসামদা ঙরাং, কোবিদ-১৯গীদমক্তা মীওই ১৪৮২ অমুক পোজিতিব ওইখ্রে অমসুং পেসেন্ত ১০২০ দিসচার্জ তৌখ্রে। অপুনবা কেস মশিং অদু ১৯৬৭৮৬তা হেনগৎখ্রে, দিসচার্জ তৌখিবা পেসেন্তশিংগী অপুনবা মশিং ১৬৭০৫৬শুখ্রে, এক্তিবনা ২৮৮৯৭নি অমসুং শিখিবনা ৮৩০নি।

•          মেঘালয়া: মেঘালয়াদা, রাজ্য অসিদা ঙসি কোবিদ-১৯দগী মীওই ১৩৩ ফগৎখ্রে। অপুনবা এক্তিব কেস ২৩৬৭ শুখ্রে অমসুং ফগৎখিবশিংগী অপুনবা মশিংনা ৪৫০৬নি।

•          নাগালেন্দ: নাগালেন্দদা, কোবিদ-১৯গীদমক্তা মীওি ১২৩ অমুক পোজিতিব ওইখ্রে।

•          কেরলা কেরলানা কোবিদ-১৯ পেসেন্তশিংগী দিসচার্জ তৌবগীদমক্তা ওইবা গাইদলাইনশিং শেমদোকখ্রে। শেমদোক্লবা গাইদলাইনশিং অসিগী মতুং ইন্না পেসেন্তশিং অদু ইনফেক্সনগী ফিভম অদুগী লুবগী মওং অদুগী মতুং ইন্না দিসচার্জ তৌবগীদমক্তা কেতেগোরী কয়া অমদা খাইদোক্লগনি। হকশেলগী মন্ত্রীনা হায়খি মসিগী অনৌবা দিসচার্জ তৌবগী গাইদলাইনশিং আসি রাজ্য অসিদা কোবিদ কেস হেনগৎলকপা অসিগী মতুং ইন্না শেমখিবনি। কেতেগোরী পুম্নমক্কী পেসেন্তশিংনা নুমিৎ ৭নিগী ক্বারন্তিন তৌগনি অমসুং পোত্থাগনি। কেরলাদা ঙরাং কোবিদ-১৯গী অনৌবা কেস ৮,৭৬৪ থেংনখি। হৌজিক পেসেন্ত ৯৫,৪০৭ লাইয়েংদুনা লৈরি অমসুং মীওই লাখ ২.৮২না ওবজার্ভেশন্দা লৈরি। হৌজিক রাজ্য অসিদা শিখিবশিংগী মশিং অসি ১,০৪৬নি।

•          তামিল নাদু: তি.এন. চীফ সেক্রেতরী, কে. শন্মুগমবু কোবিদ-১৯গী লৈরিবা ফিভম অসি য়েংলগা থা অহুমগী ওইনা মতম শাংদোকখ্রে; মহাক অসি ওক্তোবর ৩১দা ফম থাদোক্কদবনি অদুবু মহাক্কী তার্ম অদু জানুৱরী ৩১, ২০২১ ফাওবা শাংদোকখ্রে; শ্রী শন্মুগমগীদমক্তা ওইনদি মতম শাংদোকখিবা অসি মসিনা অনিরক শুবনি। থংননা নুমিৎ নিনিশুবা ওইনা, তামিল নাদুদা কোবিদ-১৯গী কেস অসি ঙরাং  ৫,০০০দগী তানা থেংনখি। লৈবাকপোকপা নুমিত্তা কেস ৪,৬৬৬ থেংনখি অমসুং ৫৭ শিখি, মসিনা অপুনবা মশিং আদু ৬,৬৫,৯৩০ য়ৌহনখি অমসুং শিখিবশিংগী অপুনবা মশিংনা ১০,৩৭১ ওইখি।

•          কর্নাতকা: হাইকোর্তনা লাক্কদবা কুম্হৈগী সিজন অসিগী মনুংদা কোবিদ-১৯গী নোর্মশিং চৎনহনগনি হায়না রাজ্য সরকারদা হংখ্রে; হাইকোর্ত অসিনা কোবিদ পেসেন্তশিংগীদমক্তা লৈরিবা ফমুংশিংগী মতাংদা এফিদাভিত অমা ফাইল তৌনবসু রাজ্য অসিদা খঙহল্লকখ্রে। রাজ্য অসিদা লৈরিবা মুভী থিয়েতরশিং হয়েংদগী ফিলমশিংগী স্করীনিং হয়েংদগী হৌরগনি। কর্নাতকাদা কোবিদ-১৯গী ফখিবশিংগী অপুনবা মশিং অদু ঙরাং লাখ ৬ হেনখ্রে; ওক্তোবর ১দগী লাখ ১.১৭ ফগৎখ্রে।

•          অন্ধ্র প্রদেশ: অন্ধ্র প্রদেশকী জিলা ১৩দগী ফিলম একঝিবিতরশিংনা ৱজয়াৱাদাদা ঙসি মীফম পাংথোকখি অমসুং হয়েংদগী থিয়েতরশিং হাংদনবা ৱারেপ লৌখি। এ.পি.দা অহানবা কোবিদ ইনফেক্সন থেংনখিবা অদুদগী থা তরেতকী মতুংদা লৈবাকপোকপা নুমিত্তা অপুনবা মশিং অদু ৭,৬৩,৫৭৩দা হেনগৎখি। শিখিবশিংগী মশিং অদু ৬,২৯১ ফাওবা হেনগৎখি। হৌজিক ফাওবদা লাইনা অসিদগী পেসন্ত ৭,১৪,৪২৭ ফগৎখ্রে। হৌজিক ফাওবদা আন্ধ্র প্রদেশনা সেমপল লাখ ৬৭ তেস্ত তৌখ্রে।

•          তেলঙ্গানা: হৌখিবা পুং ২৪দা অনৌবা কেস ১৪৪৬ থেংনখি, ১৯১৮ ফগৎখি অমসুং ৮ শিখিবগী পাউ লৈখি; কেস ১৪৪৬কী মনুংদা কেস ২৫২দি জি.ঐচ.এম.সি.দগীনি। অপুনবা কেসশিং: ২,১৬,২৩৮; এক্তিব কেসশিং: ২৩,৭২৮; শিখিবশিং: ১২৪১; দিসচার্জ তৌখিবশিং: ১,৯১,২৬৯। হাইদ্রবাদতা ইন্দিয়ন মেত্যোরোলোজিকেল দিপার্তমেন্তকী মতুং ইন্না লৈবাকপোকপা নুমিত্তা নোং খ্বাইদগী কন্না চুবা থেংনখি। গ্রেতর হাইদ্রবাদ মুনিসিপাল কোর্পোরেশন লিমিতশিংদা লৈরিবা লোকেলিতী কয়া অমদা নোং য়াম্না কন্না চুখিবা লৈখিবনা মরম ওইরগা সিতী অসিদা লম্বি কয়া অমদা অমসুং খরা হেন্না নেম্না লৈবা মফমশিংদা ঈশিং চেনবা ঙমদদুনা তুংশিন্দুনা লৈবা থেংনখি।

•          মহারাস্ত্র: মহারাস্ত্রদা য়াদবা আর.তি.-পি.সি.আর. তেস্ত কিত লাখ ১২.৫ সার্কুলেত তৌদুনা লৈরি, হায়রিবশিং অসি অথুবা মতমদা শন্দোক্লগনি হায়না রাজ্যগী হকশেল মন্ত্রী, স্রী রাজেশ তোপেনা হায়খি। মন্ত্রী অসিনা হায়খি মদুদি সরকার অসিনা মসিগী কিতশিং অসিগী সপ্লাই অদু খুদক্তা লেপহনখ্রে অমসুং কমপনী অদুগী ময়োক্তা এক্সন লৌখৎলগনি। রাজ্য অসিনা লৈবাকপোকপা নুমিত্তা কোবিদকী অনৌবা কেস ৮,৫২২ থেংনখি, অদুগা ফগৎলকখিবশিংগী অপুনবা মশিং অদু ১৫,৩৫৬ ওইখিবগা লোইননা এক্তিব কেসশিংগী মশিং অদু ২,০৫,৪১৫তা হন্থহনখ্রে।

•          গুজরাত: গুজরাত্তা এক্তিব কেসশিংগী মশিং অসি অহানবা ওইনা ৯.৯%দা ১০%গী মখাদা লৈখি। হৌখিবা পুং ২৪দা পুন্না পেসেন্ত ১,৩৭৫ দিসচার্জ তৌখি, মসিনা এক্তিব কেসশিংগী মশিং অদু ১৫,২০৯দা হন্থহনখ্রে। রাজ্য অসিনা লৈবাকপোকপা নুমিত্তা তেস্ত ৫০,৯৩৩ পাংথোকখি, মসিনা তেস্ত তৌখিবশিংগী অপুনবা মশিং অদু লাখ ৫১.১৪ হেলহনখি। মরক অসিদা গুজরাত সরকারনা নর্মদা জিলাদা লৈবা স্তেচু ওফ য়ুনিতী অদু ওক্তোবর ১৭তগী অমুক হন্না হাংদোক্নবা ৱারেপ লৌখ্রে।

•          রাজস্থান: রাজস্থানগী গোভর্নর, কলরাজ মীশ্রানা লৈবাকপোকপা নুমিত্তা অরুবা ফিভমদা লৈরিবা পেসেন্তশিংগী পুন্সি কনবা ঙম্নবা কোবিদ-১৯ ইনফেক্সনদগী ফখিবা মীয়ামদা প্লাস্মা দোনেত তৌনবা আপীল তৌখ্রে। মআক্না হায়খি মদুদি রাজ্য অসিদা মীওই লাখ অমগী মথক্তা কোরোনাভাইরস ইনফেক্সনদগী ফগৎখ্রে, অমসুং মখোয়না প্লাস্মা দোনেত তৌনবা চোংথোরক্কদবনি। রাজস্থান্দা এক্তিব কেসশিংগী মশিং অসি ২১,৯২৪নি।

•          মধ্য প্রদেশ: মধ্য প্রদেশতা, রাজ্য অসিগী ফগৎলকপগী চাং অসি ৮৮.৪%দা হেনগৎলকপগা লোইননা হৌখিবা চয়োল অহুমদা কৌবিদ-১৯গী অনৌবা কেসতা ৩৭%দা হন্থরকখিবা থেংনখি। রাজ্য অসিদা হৌজিক ফাওবদা এক্তিব কেস ১৪,৬৬১ লৈরি।

•          ছত্তিসগর: ছত্তিসগরদা কোরোনা ইনফেক্সন শন্দোরকপা অসি লাকশিন্নবা পাংথোকখিবা ইন্তেন্সিভ কম্যুনিতী সর্ভে কেমপেন অদু ওক্তোবর ১২দা লোইশিনখ্রে। মসিগী য়ুমথোং খুদিংগী তৌবা সর্ভে অসিগী মখাদা রাজ্য অসিগী রুরল অমসুং অর্বান এরিয়াশিংদা কোবিদ-১৯গী সীম্তমেতিক পেসেন্তশিং খঙদোকপা ঙমখি। কেমপেন অসিগী মখাদা য়ুমথোং লাখ ৫৬তা সর্ভে তৌখি। মীওই লাখ লিশিং তরেতকী মথক্তা তেস্ত তৌখি, মসিদা পোজিতিব কেস ৬,০০০কী মথক্তা খঙদোকপা ঙমখি।

•          গোৱা: গোৱা সরকারনা সেন্তরগী গাইদলাইনশিং অদুগী মতুং ইন্না শগোলশেল নুমিত্তগী সিনেমা হোলশিং অমুক হন্না হাংদোকপগী অয়াবা পীখ্রবসু, রাজ্য অসিগী থিয়েতরগী মপুশিংনা হায়রিবা ফেসিলিতীশিং অসি অনৌবা ফিলমশিং রিলীজ তৌনবগীদমক্তা লৈত্রিবা ফাওবা হাংদোকখিরোই হায়না হায়খি।

*****