ঙাকশেল মন্ত্রালয়
নই-দিল্লীদা নেভেল ইনভেস্তিচর থৌরম ২০২০ পাঙথোকপা
Posted On:
14 OCT 2020 3:25PM by PIB Imphal
লুচীংবগী থৌওং উৎপা, থবক্কী লমদা মাই-পাকপা ফংবা অমসুং অৱাংবা থাক্তা মশক থোকপা থবক পাঙথোকপা নেভীগী মীওইশিংবু ইকায় খুম্নবা উৎপগী নেভেল ইনভেস্তিচর থৌরম অমা ওক্তোবর ১৪, ২০২০দা নই-দিল্লীগী আই.এন.এস. ইন্দিয়াদা পাঙথোকখ্রে। নেভেল স্তাফকী চীফ হন্দক্কী চহিগী গন্তন্ত্র-দীবস নুমিত্তা লাওথোকখিবা মশক থোকপা সর্বিসকী মনা অসি এদ্মিরেল করম্বির শিংহনা ফংলিবা মীওইশিংদা য়েন্থোকখি। য়ুধসেবা মেদল অমা, নৌ-শেনা মেদল (থবক্তা থৱাই য়াওবা) অমা অমসুং ভিশিশ্ত সেবা মেদল (মতম কুইনা থবক নীংথিজনা তৌরকপা) তরুক য়াওনবা অপুনবা মনা ৮নি।
থৌরম অসি মহৌশাদগী হৌনা চৎনবী অমা ওইনা ইন্দিয়ন নেভীগী মনা ফংলবা মীওইশিংনা শরুক য়াদুনা পুন্না পাঙথোকপনি। অদুমওইনমক, হৌজিক লৈরিবা লায়চৎ অসি য়েংদুনা নেভেল ইনভেস্তিচর থৌরম অসি নেভীগী কম্মান্দশিংনা মাগী মাগী মফমদা ওইনা পাংথোক্নরি। মনা পীবগী থৌরম অসি ইন্দিয়ন নেভীগী মরু ওইবা অকক্নবা মীওইশিং অমসুং মনা ফংলবা মীওইশিংগী লোয়নবীশিংনা শরুক য়াদুনা পাঙথোকখি। থৌরম অসিগী মনুংদা সোসিএল দিস্তেন্সিংগী কাঙলোন য়াওনা কোবিদ-১৯গী কাঙলোন খুদিংমক ইনখি। অচম্বা ওইনা পাঙথোক্লবসু থৌরম অসিনা মনা ফংবা মীওইশিংগীদি নীংশিংনিংঙাই ওইবা মওংদা পাঙথোকখি।
****
(Release ID: 1664353)
Visitor Counter : 129