প্রধানমন্ত্রীগী লোইশঙ

ফুদ এন্দ এগ্রিকলচর ওর্গনাইজেসন(এফ এ ও)গী ৭৫সুবা মপোক কুমওন থৌরম পাংথোক্নবা প্রধান মন্ত্রীনা লুপা ৭৫গী নিংশিং শেনয়েক ফোঙগনি

হন্দক পুথোকপা মহৈ-মরোং ৮গী বাইওফোর্তিফাইন্দ ভেরাইতি ১৭ লৈবাক মীয়ামদা প্রধান মন্ত্রীনা কৎথোক্কনি

Posted On: 14 OCT 2020 11:13AM by PIB Imphal

২০২০গী ওক্তোবর ১৬দা ফুদ এন্দ এগ্রিকলচর ওর্গনাইজেসন(এফ এ ও)গী ৭৫সুবা মপোক কুমওন থৌরমদা ভারত অমসুং এফ.এ.ওগী কুইরবা মরী নিংশিংবা ওইনা প্রধান মন্ত্রী শ্রী নরেন্দ্র মোদীনা লুপা ৭৫গী নিংশিং শেনয়েক অমা ফোঙগনি। হন্দক পুথোকপা মহৈ-মরোং ৮গী বাইওফোর্তিফাইন্দ ভেরাইতি ১৭সু লৈবাক মীয়ামদা প্রধান মন্ত্রীনা কৎথোক্কনি।

লৌউ-শিংউ অমসুং মচি ওইবা চীঞ্জাক্কী মতাংদা সরকারনা খ্বাইদগী মরুওইনা লৌরি হায়বদু থবক অসিনা উৎলে অমসুং চারা হেনবা, চাবা ৱাৎপা অমসুং মচি ওইবা চীঞ্জাক চাবা ৱাৎপা মপুংফানা মুৎথৎনবা ৱারেপ লৌবগী খুদম অমনি। থৌরম অসিদা লৈবাক শীনবা থুংনা লৈরিবা অঙ্গনৱাদিশিং, কৃষি বিগ্যান কেন্দ্রশিং, ওর্গনিক অমসু হোর্তিকলচর মিসনশিং শরুক য়াগনি। থৌরম অদুদা য়ুনিয়ন এগ্রিকলচর মিনিস্তর, ফাইনান্স মিনিস্তর অমসুং ৱুমেন অমসুং চাইল্দ দিবলপমেন্ত মিনিস্তরসু শরুক য়াগনি।

ভারত অমসুং ফুদ এন্দ এগ্রিকলচর ওর্গনাইজেসন

খুদোংথিনিংঙাই ওইরবা কাংলুপশিং অমসুং মীয়ামগী শেন-থুমগী ফিবম ফগৎনবা অমসুং মচি ওইবা চীঞ্জাক চাবা ফংনবা ফুদ এন্দ এগ্রিকলচর ওর্গনাইজেসনগী খোঙচৎ অসি লাম্বা লৈতে। ভারতনা ফুদ এন্দ এগ্রিকলচর ওর্গনাইজেসনগা পুৱারি ওইরবা মরী অমা লৈনরি। ১৯৫৬-১৯৬৭ মনুংদা ভারতকী সিবিল সর্বিস ওফিসার দোক্তর বিনয় রঞ্জন সেন্না ফুদ এন্দ এগ্রিকলচর ওর্গনাইজেসনগী দিরেক্তর জেনেরেলগী ফিবম পুখি। ২০২০গী নোবেল পিছ প্রাইজ ফংখ্রবা ৱার্ল্দ ফুদ প্রোগ্রাম মহাক্কী মতমদা লিংখৎখিবনি। ২০১৬দা মালেমগী হৱাইশিংগী চহি অমসুং ২০২৩দা মালেমগী মিল্লেৎশিংগী চহি পাংথোক্নবা ভারতনা পুখৎলকপা ৱাফম ফুদ এন্দ এগ্রিকলচর ওর্গনাইজেসন্না অয়াবা পীখ্রে।

মচি ওইবা চীঞ্জাক চাবা ৱাৎপা কোকহন্নবা হোৎনবা

চাওজনথিবা, মচি ওইবা চীঞ্জাক চাবা ৱাৎপা, এনেমিয়া অমসুং অরুম্বা শুদনা পোকপা হন্থহন্নবা পান্দমদা মীওই মিল্লিয়ন ১০০ হেন্না কোনশিন্নবা পান্দম থমদুনা ভারতনা পোসান অভিয়না পায়খৎলে। মীওই বিল্লিয়ন ২ মাইক্রোনিউত্রিয়েন্ত ৱাৎপগী অৱাবা মায়োক্নদুনা মচি ওইবা চীঞ্জাক চাবা ৱাৎপা অসি মালেমগী পোৎলুম অমনি। অঙাংশিং শিবগী চাদা ৪৫ মচি ওইবা চীঞ্জাক চাবা ৱাৎপগা মরী লৈনৈ। য়ু.এনগী স্তেনেবল দিবলপমেন্ত গোল ১৭গী মনুংদা মচি ওইবা চীঞ্জাক চাবা ৱাৎপা কোকহন্নবা হোৎনবা য়াওরি।  

মাইক্রোনিউত্রিয়েন্তশিং হায়বদি আইরন, জিঙ্ক, কেলসিয়ম, প্রোতিন, লাইসিন অমসুং ত্রাইপতোফান চাং য়াম্না য়াওবা মগুন লৈবা প্রোতিন, প্রোভিতামিন এ অমসুং ওলিক এসিদ য়াওবা মহৈ-মরোং মখলশিং পুথোক্নবা অমসুং মচি ওইবা চীঞ্জাক চাবা ফংদবগী মরমশিং হন্থহন্নবা মালেমগী ওইনা মরুওইনা লৌরিবা অসিগা চুন্নবা থবক পায়খৎনবা সরকারনা মিৎয়েং চঙলে। ইন্দিয়ান কাউন্সিল ওফ এগ্রিকলচরেল রিছর্স(আই সি এ আর)গী লমজিং মখাদা নেসনেল এগ্রিকলচরেল রিছর্স সিস্তেমনা হৌখিবা চহি ৫দা অসিগুম্বা মহৈ-মরোং মখল ৫৩ পুথোক্লে। ২০১৪গী মমাংদা শুপ্নগী বাইওফোর্তিফাইদ মখল অমা পুথোকখি।

ভারতকী থালি নিউত্রি-থালি ওন্থোকপা

প্রধান মন্ত্রীনা লৈবাক মীয়ামদা কৎথোক্কদৌরিবা হন্দক পুথোকপা মহৈ-মরোং ৮গী বাইওফোর্তিফাইন্দ ভেরাইতি ১৭ অসি মচি ওইবা শরুক য়াওবগী চাং শরুক অহুম হেনগৎলগনি। ফৌ মখল সি.আর ধন ৩১৫দা জিঙ্ক য়াম্না য়াওরে; গেহু মখল হাই ১৬৩৩দা প্রোতিন, আইরন অমসুং জিঙ্ক য়াম্না য়াওরে; গেহু মখল ঐচ.দি ৩২৯৮দা প্রোতিন অমসুং আইরন অমসুং দি.বি.দব্লিউ ৩০৩ অমসুং দি.দি.দব্লিউ ৪৮দা প্রোতিন য়াম্না য়াওরে; মিল্লেৎ(সি.এল.এম ৬)তা আইরন অমসুং জিঙ্ক য়াম্না য়াওরে; পুসা মস্তার্দ ৩২দা য়ুরিক এসিদ হন্থনা য়াওরে; লৈবাক হৱাই গিরনার ৪ অমসুং ৫তা ওলিক এসিদ য়াম্না য়াওরে অমসুং শ্রী নিলিমা অমসুং দি.এ ৩৪০গী হা(য়াম) মখলশিংদা জিঙ্ক, আইরন অমসুং এন্থোসিয়ানিন য়াম্না য়াওরে।

হায়রিবা মহৈ-মরোং মখলশিং অসিগা অতোপ্পা চীঞ্জাকশিংগা লোয়ন্না ভারতকী মহৌশাগী থালি অসি নিউত্রি-থালি ওন্থোক্কনি। হায়রিবা মহৈ-মরোং মখলশিং অসি মফম অমদা মহৌশাদগী হৌরম্বা মখলশিং অমসুং লৌমীশিংগী মহৈ-মরোং মখলশিং শীজিন্নদুনা পুথোকপনি। গারো চীংশিংদগী খোমজিনবা অসামগী ফৌ মখলশিংদগী জিঙ্ক য়াম্না য়াওবা চেং পুথোকপনি অমসুং গুজরাতকী দাং জিলাদগী খোমজিনবা ফিঙ্গর মিল্লেৎশিংদগী জিঙ্ক য়াম্না য়াওবা মখল পুথোকপনি।

মাইক্রো অমসুং মাইক্রোনিউত্রিয়েন্ত মরাং কাইনা য়াওরবা হকচাংদা কান্নরবা মখল কয়াগী চীঞ্জাক ফংহন্নবা মচি ওইবা মহৈ-মরোং পুথোকপা খুঙ্গংশিং শেমগৎনবা অমসুং মফম অমগী অকক্নবা নিউত্রিসন গার্দেন মোদেলশিং কে.ভি.কেশিংনা শেমগৎনবা আই.সি.এ.আরনা নিউত্রি-সেন্সিতিপ এগ্রিকলচরেল রিছোর্সেস এন্দ ইন্নোবেসন(নারি)প্রোগ্রাম হৌদোক্লে।

বাইও-ফোর্তিফাইদ মহৈ-মরোং মখলশিং পুথোকপা হেনগৎহল্লগনি অমসুং মচি ওইবা  চীঞ্জাক চাবা ফংদবা হন্থহন্নবা অমসুং কুপোসান মুক্তা ভারত ওইহন্নবা সরকারগী মিদ-দে মিল অমসুং অঙ্গনৱাদিগী থবকশিংগা শম্নরে। মসিনা লৌমীশিংগী শেন্থোক হেনগৎহনগনি অমসুং ওন্ত্রেপ্রেনিউয়রসিপ চাউখৎহন্নবগী অনৌবা খুদোংচাবা কয়া পীরগনি।

******



(Release ID: 1664332) Visitor Counter : 155