কোবিদ-১৯গী লায়না শন্দোক্লকপগা লোয়ননা ময়ুমদা হল্লক্লবা মাইগ্রেন্ত শিন্মীশিং অমসুং মান্ননা শোকহল্লবা খুঙ্গংগী মীওইশিংদা থবক পীদুনা মখোয়গী পুন্সি মহিংদা তেংবাংনবগীদমক্তা হৌদোকখিবা গরীব কল্যান রোজগার অভিয়ান অসিনা রাজ্য তরুক্কী ময়ুমদা হল্লক্লবা মাইগ্রেন্ত শিন্মীশিংদা থবক পীবা ঙম্নবা মিসন মোদতা থবক কন্না পায়খৎলি। অভিয়ান অসিনা রাজ্যশিং অসিগী জিলা ১১৬কী খুঙ্গংগী মীওইশিংদা পুন্সি-মহিং কায়হন্দনবা থবক পীদুনা মখোয়বু মপাঙ্গল হাপ্লি।

মসিগী ১৫শুবা চয়োলগী মনুংদা মীওই করোর ৩২মুক্কী নোঙমগী থবক পীখ্রে অমসুং অভিয়ান অসিগী পান্দম ফংনবা হায়দুনা লুপা করোর ৩১৫৭৭কী শেনফমসু চাদিং তৌখ্রে। মসিগী শরুক অমা ওইনা মশিং য়াম্লবা স্ত্রকচর কয়া অমা শাখ্রে অমসুং মসিগী মনুংদা য়াওবশিংদি ঈশিং থম্নবা স্ত্রকচর ১৩২১৪৬, খুঙ্গংগী য়ুম ৪১২২১৪, শন-লোয়ফম ৩৫৫২৯, লবুক্কী পুখ্রি ২৫৬৮৯ অমসুং খুন্নাইগী সেনিতরী কমপ্লেক্স ১৬৫২৩নি। দিস্ত্রিক্ত মিনরেল ফন্দগী খুত্থাংদা থবক ৭৩৪০ পায়খৎখ্রে, গ্রাম পঞ্চায়ৎ ২১২৩দা ইন্তর্নেৎ ফংহনখ্রে, মহি অমসুং মপংগী ফত্ত-হৌদি শেন্নবগা মরী লৈনবা থবক ২১৫৯৫ পাঙথোকখিবগা লোয়ননা অভিয়ান অসিগী মনুংদা কৃশি বিগ্যান কেন্দ্র (কে.ভি.কে.)গী খুত্থাংদা কেন্দিদেৎ ৬২৮২৪দা স্কিল ত্রেনিং পীখ্রে।

হৌজিক ফাওবদা ফংলিবা অভিয়ান অসিগী মাই-পাকপা অসি মন্ত্রালয়/বিভাগ ১২ অমসুং রাজ্য সরকারশিংনা পুন্না হোৎনমিন্নবগী মরমদগী ওইথোকপনি অমসুং মখোয়শিং অসিনা মাইগ্রেন্ত শিন্মীশিং অমসুং খুঙ্গংগী খুন্নাইশিংদা চাউরবা খুদোংচাবা কয়া ফংহল্লি। য়ূমদা লৈরগে হায়না খনবা মীওইশিংগীদমক্তা অশাংবা মতমগী থবক অমসুং পুন্সি মহিং পীনবা তুং কোইনা লৈরগদবা য়ুম্ফম অমা শেম্বা লোইরে।

******