কেমিকেল্স অমসুং ফর্তিলাইজর মন্ত্রালয়

শ্রী মান্দাবিয়ানা জি.এস.এফ.সি.গী ইন্দিজিনিয়স ভেরাইতি ওইবা ‘কেলসিয়ম নাইত্রেৎ’ অমসুং ‘বোরোনেতেৎ কেলসিয়ম নাইত্রেৎ’ হৌদোকখ্রে


“আত্মানির্ভর ভারত অমসুং আত্মানির্ভর কৃশি” দা অকনবা খোঙথাং অমা চংশিনবা

Posted On: 09 OCT 2020 11:16AM by PIB Imphal

কেমিকেল অমসুং ফর্তিলাইজরগী স্তেতকী য়ুনিয়ন মিনিস্তর শ্রী মানসুখ মান্দানিয়ানা গুজরাত স্তেত ফর্তিলাইজরস অমসুং কেমিকেলস -.এস.এফ.সি.না পুথোকপা ইন্দিজিনিয়স ভেরাইতি ওইবা ‘কেলসিয়ম নাইত্রেৎ’ অমসুং ‘বোরোনেতেৎ কেলসিয়ম নাইত্রেৎ’ অমা ভিদিও কনফরেন্সকী খুত্থাংদা হৌদোকখ্রে।  

 ‘কেলসিয়ম নাইত্রেৎ’ অমসুং ‘বোরোনেতেৎ কেলসিয়ম নাইত্রেৎ’ অসি অহানবা ওইনা ইন্দিয়াদা শুংবনি, হৌজিক ফাওবদা মসি অতোপ্পা লৈবাক্তগী পুশিল্লকপনি।

শ্রী মন্দাবিয়ানা হায় মদুদি প্রধান মন্ত্রী শ্রী নরেন্দ্র মোদীনা কন্না হায়রকপগী মতুং ইন্না কম্পনি অসিনা “আত্মানির্ভর ভারত অমসুং আত্মানির্ভর কৃশি” অসিদা অকনবা খোঙথাং অমা চংশিনখিবনি।

জি.এস.এফ.সি.না পোত্থোক অনি অসি অহানবা ওইনা হিমাচল প্রদেশকী সোলান অমসুং গুজরাতকী ভাবনাগরদা রিতেল মার্কেত ওইনা হৌদোকখিবনি। হৌজিক্কী ওইনা জি.এস.এফ.সি.গী পোত্থোক অনি অসিগী অপুনবা পুথোকপা অসি চহিদা মেত্রীক তোন (এম.তি.) ১০,০০০নি। থা অহুমগী মনুংদা পুথোকপা অসি চহিদা এম.তি. ১৫০০০নি।  জি.এস.এফ.সি.না থা ৯দগীনা ১২ ফাওবা এম.তি. ৩০,০০০দা হেনগৎনবা থৌরাং তৌরি।

লৈবাক অসিগী জি.এস.এফ.সি.গী ওফিসশিংনা মসিগী দিজিতেল লোনচিং প্রোগ্রাম অসিদা শরুক য়ারি। লাক্কদৌরিবা থা খর অসিদা হায়রিবা ওফিসশিংনা লৈবাক অসিদা ‘কেলসিয়ম নাইত্রেৎ’ অমসুং ‘বোরোনেতেৎ কেলসিয়ম নাইত্রেৎ’ য়োনবা হৌরগনি।

শ্রী মান্দাবিয়ানা হায়খি মদুদি ইন্দিজিনিয়স ভেরাইতি ওইবা ‘কেলসিয়ম নাইত্রেৎ’ অমসুং ‘বোরোনেতেৎ কেলসিয়ম নাইত্রেৎ’ অসি অফবা পোত্থোক ওইহনবা অমসুং মসি লৌমীশিংদা মপাল লমদগী পুরকপা অদুদগী হেন্না হোংনা পীগনি। মহাক্না হায় মদুদি পুথোকইবা পোত্থোক অনি অসি এফ.সি.ও. গ্রেদ ওই অমসুং মসি ভারত সরকারগী ফর্তিলাইজর দিপার্তমেন্তগী শকখংলবা লেবোরেতোরিনা অয়াবা পীরবনি। হৌজিক ফাওবদা হায়রিবা পোত্থোকশিং অসি মপাল লমদগী পুশিল্লকপনি অমসুং জি.এস.এফ.সি. অসিনা ইশানা শুংজনবা খোঙথাং লৌরকপনি। হায়রিবা পোত্থোক অসি দোমেস্তিক মার্কেত্তা মায় পাক্না য়োনবা হায়বা অসিদা চিংনবা লৈতে। 

মমাংগী চহিদা, কেলসিয়ম নাইত্রেৎ অসি চাওরাক্না মেত্রীক তোন লাখ ১.৫ (১,২৩,০০০ তোন্স) রোম লৈবাক অসিদা পুশিল্লকখি হায়রিবা অসি চাইনাদগী ৭৬% পুশিল্লকখি অমসুং অতৈনা অতোপ্পা লৈবাক হায়বদি নোর্ৱে অমসুং ইজরেলদগী পুরকপনি।

কেলসিয়ম নাইত্রেৎ অসি লৌ-উবদা ঈশিংদা তুম্বা হার ওইনা শিজিন্নবনি। মখা তারবদা, পোত্থোক অসি ঈশিং শেংদোকপা অমসুং সিমেন্তগী মপাঙ্গল কনখৎপা হেন্নবা অসিদা শিজিন্নবনি।

*****



(Release ID: 1663013) Visitor Counter : 221