(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• রাজ্য/য়ু.তি. ৩৫না তেস্ত/নুমিত/মিলিয়ন পোপুলোসন ১৪০ হেন্না পাঙথোক্লি
• রাজ্য/য়ু.তি. ২২না লৈবাক্কী চাংচত্তগী নেম্বা পোজিতিব ওইবগী চাং লৈরি
• হৌখিবা পুং ২৪দা অনৌবা কনফর্ম কেস ৭৮,৫২৪ লাকপদা নাবা ফবগী মশিংনা ৮৩,০১১ ওইখি
• নুমিৎ ১৭নি থংন থংননা এক্তিব কেসকী মশিং অসি লাখ ১০দগী হেন্না তাথরি
• পি.এম.না মীয়ামগী ওইবা ইহৌ হৌদোকখ্রে অমসুং কোরোনাগী মায়োক্তা লান্থেংনবদা মীয়াম পুন্না চৎমিন্ননবা ফোঙদোকখ্রে।

রাজ্য/য়ু.তি. ৩৫না নোঙমদা তেস্ত/নুমিত/মিলিয়ন ১৪০ হেন্না পাঙথোক্লি, রাজ্য/য়ু.তি. ২২না লৈবাক্কী চাংচত্তগী নেম্বা পোজিতিব ওইবগী চাং লৈরি, ১৭শুবা নুমিৎ ওইনা এক্তিব কেসকী মশিং অসি মিলিয়ন ১দগী তানা লৈরি

ভারতনা দবল্যু.ঐচ.ও.না হায়রিবা তেস্ত/নুমিত/মীশিং মিলিয়ন ১৪০ পাঙথোকপা হায়বগী থৌওং অসি নীংথিনা ইন্দুনা চৎলি। মাই পাকপগী অতোপ্পা থৌওং অমা ওইনা রাজ্য/য়ু.তি. ৩৫না পাঙথোক্কদবা তেস্ত মশিংদগী হেনবা ঙম্লে। নোঙমদা মীশিং মিলিয়নগী ওইবা তেস্ত পাঙথোকপগী চাংচৎ অসি হৌজিক ৮৬৫ লৈরি। লৈবাক অসিদা হৌখিবা পুং ২৪দা চাউরাক্না তেস্ত লাখ ১২ পাঙথোকখি। মমাংগী পুং ২৪দা তেস্ত ১১,৯৪,৩২১ পাঙথোকখিবা অদুগা লোয়ননা অপুনবা তেস্ত তৌবা মশিং অসি করোর ৮.৩৪ (৮,৩৪,৬৫,৯৭৫ হেনখ্রে। রাজ্য/য়ু.তি. ৭না পোজিতিব ওইবগী চাং অসি ৫%দগী তাথনা লৈরি। রাজ্য/য়ু.তি. ২২না লৈবাক্কী চাংচত্তগী নেম্বা পোজিতিব ওইবগী চাং লৈরি । অপুনবগী ওইনা পোজিতিব ওইবগী চাং অসি ৮.১৯% ওইরি অমসুং লেপ্তনা তাথরক্লি। অনৌবা কনফর্ম কেস মশিংদগী নাবা ফবগী চাংনা হেনবগী থৌওং লেপ্তনা চত্থরি অমসুং হৌখিবা পুং ২৪দা অনৌবা কনফর্ম কেস ৭৮,৫২৪ লাকপদা নাবা ফবগী মশিংনা ৮৩,০১১ ওইখি। নাবা ফবগী অপুনবা মশিং অসি ৫৮,২৭,৭০৪ ওইরি। নাবা ফবগী মশিং অমসুং এক্তিব কেসকী মশিংদা খেন্নবা অসি লাখ ৪৯ (৪৯,২৫,২৭৯) হেনখ্রে। নুমিৎ ১৭নি থংন থংননা এক্তিব কেসকী মশিং অসি লাখ ১০দগী হেন্না তাথরি। হৌজিক্কী ওইনা অপুনবা পোজিতিব কেসকী ওইনা এক্তিব কেসনা ৯,০২,৪২৫ ওইদুনা শুপ্নগী ১৩.২০%গী চাংদা লৈরি। নাবা ফবগী চাং হেনগৎলকপা অসিনা লৈবাক্কী নাবা ফবগী চাং অসি ৮৫.২৫%দা হেন্না ফগৎহনখ্রে। অনৌবা নাবা ফবগী ৭৫% অসি রাজ্য/য়ু.তি. ১০দগী লাকখি। মহারাস্ত্রানা নোঙমদা ১৬,০০০ হেন্না নাবা ফদুনা খ্বাইদগী য়াম্বা ওইরি। হৌখিবা পুং ২৪দা অনৌবা কেস ৭৮,৫২৪ লাকখি। অনৌবা কেসকী ৭৯% অসি রাজ্য/য়ু.তি. ১০দগী লাকখি। মহারাস্ত্রানা অনৌবা কেস ১৪,০০০ হেন্না মশিং য়াম্লবা কেস লাক্তুনা মাংজিল থারি অমসুং করনাতকানা কেস ১১,০০০তগী হেন্না লাক্তুনা তুং ইন্নরি। হৌখিবা পুং ২৪দা মীওই ৯৭১ লৈখিদবগী পাউ লাকখি। মসিগী মনুংদগী চাউরাক্না ৮২%দি রাজ্য/য়ু.তি. ১০, মহারাস্ত্রা, করনাতকা, তমিল নাদু, নোংচুপ বেঙ্গোল, উত্তর প্রদেশ, আন্ধ্র প্রদেশ, পঞ্জাব, ছতিসগর, দিল্লী অমসুং মধ্য প্রদেশতগী লাকপনি। অনৌবা লৈখিদবা মীওইগী ৩৬% হেনবা অসি (৩৫৫) অসি মহারাস্ত্রাদগী লাকপনি।

অকুপ্পা ৱারোলগীদমক:

পি.এম.না মীয়ামগী ওইবা ইহৌ হৌদোকখ্রে অমসুং কোরোনাগী মায়োক্তা লান্থেংনবদা মীয়াম পুন্না চৎমিন্ননবা ফোঙদোকখ্রে

প্রধান মন্ত্রী শ্রী নরেন্দ্র মোদীনা ঙসি মীয়ামগী ওইবা ইহৌ অমা হৌদোকখ্রে কোরোনাগী মায়োক্তা লান্থেংনবদা মীয়াম পুন্না চৎমিন্ননবা ফোঙদোকখ্রে। ত্বীৎ অমদা প্রধান মন্ত্রীনা কোরোনাগী মায়োক্তা লান্থেংনবদা মীয়াম পুন্না চৎমিন্ননবা ফোঙদোকখ্রে। “মাস্ক অমা উপ্পা, খুৎ-শা হাম্বা, সোসিএল দিস্তেন্সিং ঙাক্না চৎপা অমসুং গজ অনিগী অরাপ্পা” থম্নবা মরুওইবা পাউজেল অদুবু অমুক হন্না নিংশিংলদুনা প্রধান মন্ত্রীনা হায় ঐখোয়গী অপুনবগী পাঙ্গলনা কোবিদ-১৯দগী মাই পাকপা ঙমগনি। কোবিদ-১৯গী ৱাশকপগী কেম্পেন অসি মীপুম খুদিংমক্না পাঙথোক্কনি। কেন্দ্র সরকারগী মন্ত্রালয়শিং/বিভাগশিং অমসুং রাজ্য সরকারশিং/য়ুনিয়ন তেরিতরীশিংনা মখাদা পীরিবশিং অসিগা লোয়ননা অপুনবগী এক্সন প্লান অমা ইমপ্লিমেন্ত তৌগনি: কেস-লোদ ৱাংবা জিলাশিংদা অকক্নবা মফম খনগৎলগা ই-পাউ ফাওনবা, প্রজা খুদিংমক্তা অচম্বা অমসুং লাইনা লৌশিনবা ঙম্বা পাউজেলশিং য়ৌহনবা, মীদিয়া প্লেৎফোর্ম পুম্নমক শীজিন্নদুনা লৈবাক শিনবা থুংনা য়ৌহনবা, ফ্রন্তলাইন ৱার্করশিং অমসুং সরকারগী স্কিমশিংগী বেনিফিসরীশিং য়াওরগা মীয়াম তিনবা মফমশিংদা বেনরশিং অমসুং পোস্তর থেৎপা, সরকারগী লোয়শঙশিংদা হোর্দিংশিং/ফকলাংগী লাইশিং/ইলেক্ত্রোনিক দিসপ্লে বোর্দশিং থেৎপা, য়ুমথোংশিংদা পাউজেল অসি য়ৌহন্নবা লোকেল অমসুং নেস্নেল ইনফ্লুয়েন্সরশিং য়াওশিনবা, চাং নাইনা এৱের্নেস পীনবা মোবাইল বেনশিং চেলহনবা, এৱের্নেসকী ওদিওগী পাউজেলশিং; পেমপ্লেৎশিং/ব্রোচরশিং শন্দোকপা, কোবিদকী পাউজেলশিং শন্দোক্নবা লোকেল কেবল ওপরেতরশিংগী মতেং লৌবা, মপুং ফানা আউৎরীচ তৌনবা অমসুং কান্নবা ফংনবা প্লেৎফোর্মশিংদা মীদিয়াগা লোয়ননা কেম্পেন চত্থবনি।

অকুপ্পা ৱারোলগীদমক:

ওল ইন্দিয়া ইন্সতিত্যুৎ ওব আয়ুর্বেদনা এমিতী য়ুনিবর্সিতীগা আয়ুর্বেদ রিসর্চকীদমক য়ানচেদা খুৎয়েক পীনখ্রে
আয়ুশ মন্ত্রালয়না হকশেলদা আয়ুশকী পথাপ পাক চাউহন্নবা অমসুং শেমগৎনবগীদমক মপাং শেম্বগী থৌরাং মখা চত্থরকপা ওইনা ওল ইন্দিয়া ইন্সতিত্যুৎ ওব আয়ুর্বেদ (এ.আই.আই.এ.), নৈ দিল্লীনা মন্ত্রালয় অসিগী মখাদা মেমোরেন্দম ওব অন্দর্স্তেন্দিং অমা এমিতী য়ুনিবর্সিতীগা লোইননা খুৎয়েক পীনখ্রে। য়ানচে অদুনা আয়ুর্বেদিক সাইন্সেস্তা রিসর্চ হেনগৎহন্নবা মীৎয়েং থম্লি। এ.আই.আই.এ.না খুৎয়েক পীনরিবা য়ানচে অসি এমিতী য়ুনিবর্সিতীনা ভারতকী হিদাক লাংথক্কী পথাপ অসিগী মরুওইবশিং খুমাং চাওশিল্লক্লিবসিবু শকখঙবা ওইনা ২০১৮তা হাংদোকখিবা এমিতী ইন্সতিত্যুৎ ওব ইন্দিয়ন সিস্তেম ওব মেদিসিনগনি। এম.ও.য়ু. অসিনা আয়ুর্বেদিক্কী হিদাকশিংগী মগুন অমসুং থাক লেপ্পা অমসুং নেচরেল প্রদক্ত কেমিস্ত্রী অমসুং ফার্মাসীদা পি.ঐচ.দি. প্রোগ্রামদা মপাং ওইননবা মীৎয়েং থম্লি। ফার্মাস্যুতিক্স, ফার্মাকোদাইনামিক অমসুং ফার্মাকোকাইনেতিক্স নৈনববু মপাং শেম্বা য়াবা লম অমনি হায়না শকখঙনরক্লি। য়ানচে অসিনা অপুনবা ওইনা প্রোজেক্ত অমসুং পাব্লিকেসন পায়খৎপগী লম্বী য়াৎলগনি।

অকুপ্পা ৱারোলগীদমক:

কেন্দ্রগী গৃহ মন্ত্রী শ্রী অমিত সাহনা মীয়ামবু পি.এম. মোদীগী কোবিদ-১৯ লান্থেংগী মীয়ামগী ইহৌদা শরুক য়াশিন্ননবা আপিল তৌখ্রে

কেন্দ্রগী গৃহ মন্ত্রী শ্রী অমিত সাহনা মীয়ামবু প্রধান মন্ত্রী শ্রী নরেন্দ্র মোদীগী কোবিদ-১৯ লান্থেংননবা মীয়ামগী ইহৌ অসিদা শরুক য়াননবা আপিল তৌখ্রে‍। মহাক্কী ত্বীত্তা, শ্রী অমিত সাহনা হায়খি, “কোবিদ-১৯গুম্বা মালেমগী লাইচৎ অমবু লৈবাক মীয়াম্না পুন্না লেপমিন্নরবা মতমদতা থেংনবা ঙমগনি‍। পি.এম. মোদীনা হৌদোক্লমবা মীয়ামগী ইহৌ অসিদা য়াওশিন্দুনা ঐখোয় পুম্নমক কোদিব-১৯গী লান্থেংদা পুনশিল্লসি অমদি মীপুম খুদিংমকপু লাইচৎ অসিগী মরমদা খঙহন্দুনা ভারতপু কোবিদ-১৯ লৈতবা লৈবাক অমা ওইহন্নবা মরুওইবা থৌদাং লৌমিন্নরসি‍।” মহাক্না মখা তাখি মদুদি “কোবিদ-১৯দগী ঐখোয় ইশাবু ঙাকথোকচনবা লাইৱা অহুমখক লৈ: মায়খুম উপ্পা, মিতর অনিগী সোসিএল দিস্তেন্সিং থমবা অমদি খুৎ-শা তোয়না হামবনি‍। অদোমখক্তা নত্তনা অদোমগী ইমুং মনুং, মরূপ মপাঙ অমদি হৌমিন কামিন্নবশিংবু কোবিদ-১৯দগী শাফনা থম্নবগীদমক্তা পি.এম. মোদীগী লাইৱা অহুমসি ইন্দুনা চৎপিয়ু।

অকুপ্পা ৱারোলগীদমক:

ই.এস.আই.সি.না বিনিফিসিয়রীশিংদা পর্মেনেন্ত দিসএবলমেন্ত বিনিফিত অমসুং দিপেন্দেন্ত বিনিফিতগী শেনফম পীথোক্নবা ফিরেপ লৌরে
কোবিদ-১৯ লাইচৎগী ফীভম য়েংলগা, ই.এস.আই.সি.না মখোয়গী রিজন অমসুং সব-রিজন পুম্নমক্কী মকোকশিংদা পর্মেনেন্ত দিসএবলমেন্ত বিনিফিত অমসুং দিপেন্দেন্ত বিনিফিতশিং ইন্স্যুর্দ পর্সন্স (আই.পি.) অমসুং মখোয়গী মপান তাংলিবশিংদা থা খুদিংগী পীথোক্নবা খঙহনখ্রে‍। রিজন অমসুং সব-রিজন পুম্নমক্না ইন্স্যুর্দ পর্সনশিংগী শেন তানবা ঙম্বগী মতিং মাঙবা খঙদোক্নবা চাং নাইনা মেদিকেল বোর্দ পাঙথোকপগী মথক্তা কোবিদ-১৯ মনুংদা থাগী পীফম থোকপা পি.দি.বি. অমসুং দি.বি.গী শেনফমশিং শুকশোয় শোয়দনা ইন্স্যুর্দ পর্সনশিং অমসুং মখোয়গী মপান তাংলিবশিংদা পীদুনা লাক্লি‍। রাজস্থান্দা সিলিকোসিস/বাইসিনোসিসকুমবা ওকুপেসনেল লায়না নারিবা রাজস্থানগী সিরোহি দিস্ত্রিক্তকী পিন্দৱারাদা থবক তৌরিবা ই.এস.আই.সি. ইন্স্যুর্দ পর্সন ৪৮গীদমক্তা জয়পুরদা লৈবা মোদেল হোস্পিতালদা মেদিকেল বোর্দ অমা শীনখি‍। মদুগী মমাঙদা, ওকুপেসনেল লায়না নারিবা ইন্স্যুর্দ পর্সনশিং য়েংশিন্নবা অতোপ্পা মেদিকেল বোর্দ অমসু ফমখ্রে‍। মতাঙসিদা পনবা য়াবা ৱাফমদি ইন্স্যুর্দ পর্সন ৪৮মক মেদিকেল বোর্দ পাঙথোক্ত্রিঙৈ মমাঙদা কোবিদ-১৯ তেস্ত তৌখি‍। মেদিকেল বোর্দকী ফিরেপকী মতুং ইন্না ওকুপেসনেল লায়না নারমবা থেংনবা বিনিফিসিয়রী ৮৫গী পর্মেনেন্ত দিসএবলমেন্ত বিনিফিত পীবা হৌখ্রে‍। মসিগী মথক্তা, সিলিকোসিস/বাইসিনোসিসনা মরম ওইরগা শিখ্রবা ইন্স্যুর্দ পর্সন তরুক্কী মপান তাংবা মীওইশিংদসু দিপেন্দেন্ত বিনিফিত থা অসিদগী পীবা হৌখ্রে‍।

অকুপ্পা ৱারোলগীদমক:

ভারত-যুরোপিয়ন য়ুনিয়ন(ই.য়ু.)পার্তনরশিপতা ত্রেদ অমসুং ইকোনোমী অসিনা খ্বাইদগী মরু ওইবা পিল্লর ওই হায়না শ্রী পিয়ুশ গোয়লনা ফোংদোকখ্রে

ভারত-যুরোপিয়ন য়ুনিয়ন(ই.য়ু.)পার্তনরশিপতা ত্রেদ অমসুং ইকোনোমী অসিনা খ্বাইদগী মরু ওইবা পিল্লর ওই হায়না রেলৱে অমসুং কম্মর্স অমসুং ইন্দস্ত্রীগী কেন্দ্রগী মন্ত্রী শ্রী পিয়ুশ গোয়লনা ফোংদোকখ্রে৷ ই.য়ু.-ভারত কোলাবোরেতিব ইকোনোমিক গ্লোথকী মতাংদা ঙরাং পাংথোকখিবা দিপ্রোমেতিক অমসুং ইন্দস্ত্রী লিদরশিপ সেসন অদুদা ৱা ঙাংলদুনা মহাক্না ফোংদোকখ্রে মদুদি আউতকমশিং য়াম্না থুনা ফংনবা প্রিফিরেন্সিয়েল ত্রেদ এগ্রিমেন্তদগী হৌদুনা এফ.তি.এ. রোমদা চংশিন্নবা ই.য়ু.গা পুন্না থবক তৌমিন্ননবা ঐখোয়না অশা তৌরি হায়না মহাক্না ফোংদোকখ্রে৷ কোবিদ ক্রাইসিস অসি থেংন্নবা, তোঙান তোঙানবা য়ুরোপিয়ন লৈবাকশিংদা হিদাক লাংথক মরাং কাইনা ফংনবা নত্রগা কোরোনা ভাইরস অসি লান্থেংনবদা চংবা অতোপ্পা পোৎশিং অসি ফংহন্নবা ভারত অমসুং য়ুরোপনা পুন্না হোৎনমিন্নখ্রে হায়না শ্রী গোয়লনা ফোংদোকখি৷ লোকদাউন অসিগী মনুংদা ঐখোয়গী ইনফোর্মেসন তেক্নোলোজী সেক্তরনা অয়েৎ অপন অমতা লৈতনা মখাতানা য়ুরোপ্তা ব্যুজিনেস তৌরি হায়না মহাক্না ফোংদোকখি৷ “ ঐখোয়না ঐখোয়গী ইন্তরনেস্নেল ওব্লিগেসন পুম্নমক থেংনরে অমসুং মরম অদুনা ভারত অসি ই.য়ু.গী থাজবা য়াবা পার্তনর অমনি হায়না খঙনরে৷ ভারত অসি সিঙ্গল সোর্স সপ্লাই চেন্দগী লাপথোক্নবা থাজবা য়াবা পার্তনর ওইবা য়াই অমসুং গ্লোবেল সপ্লাই চেন অসি লেপ্পা লৈতনা কাইদনা তৌনবা অতোপ্পা লৈবাকশিংনা ভারতকা পুন্না চৎমিন্নদুনা থবক তৌবা য়ারগনি৷ লাইনা-লাইচৎ অসিগী মনুংদা, ভারতনা ঐখোয়গী মরুপ ওইরিবা লৈবাক অমতা নাথৈখিবা লৈতে, ” হায়না মহাক্না মখাতানা ফোংদোকখি৷ কোবিদ-১৯ লাইনা অসি ভারততা শন্দোরকপা মতমদা, ঐখোয়না মীওইবগী পুন্সিশিং কন্নবা অমসুং কোবিদ লাইনা অসি থেংন্নবা ঐখোয়না শেম শাদুনা লৈবা য়ান্নবগীদমক ঐখোয়না লোকদাউন তৌখ্রে হায়না শ্রী গোয়লনা ফোংদোকখি৷

অকুপ্পা ৱারোলগীদমক:

কোবিদ লৈনা-লৈনা এফ.ৱাই. ২০২০-২১গী অহানবা শরুক্কী তংখায় চল্লকপা অদুৱাইদা মমাং চহিগী হায়রিবা মতম অসিগা চাংদম্নবা মতমদা ৬০% হেন্না শাংবা প্রোজেক্তশিং এন.ঐচ.এ.আই.না শাখ্রে

রোদ ত্রান্সপোর্ত অমসুং হাইৱেগী মন্ত্রালয়গী মখাদা নেস্নেল হাইৱে ওথোরিতী এফ ইন্দিয়ানা চৎলিবা শেঞ্জাগী চহি অসিদা পুন্না ১৩৩০ কি.মি. শাংবা প্রোজেক্তশিং শানবা খঙহনখ্রে৷ চৎলিবা শেঞ্জাগী চহি অসিগী অহানবা শরুক্কী তংখায় চল্লকপা অসিফাওবগী মনুং অসিদা তৌগদৌরিবা প্রোজেক্তশিং অসি এফ.ৱাই. ১৯-২০দা শেমখিবা ৮২৮ কি.মি. অসিদগী শরুক ১.৬ হেন্না শাংই অমসুং এফ.ৱাই. ১৮-১৯গী হায়রিবা মতম অসিদা শাখিবা ৩৭৩ কি.মি. শাংবা অদুগী শরুক ৩.৫ হেন্না শাংই হায়না ওথোরিতী রিপোর্ত অদুনা পল্লি৷ শারিবা প্রোজেক্তশিং অদুগীদমক এন.ঐচ.এ.আই.না মাংজৌননা য়ামদ্রবদা চাদা ৮০ দগী ৯০ য়ৌনা লম লৌশিনখ্রে, মফম চাদবা মখৈ হোংদোকহনখ্রে অমসুং তোঙান তোঙানবা ফোরেস্ত অমসুং এনভাইরনমেন্ত ওথোরিতীশিংদগী দরকার লৈরিবা ক্লিয়রেন্স অদু ফংখ্রে৷ এন.ঐচ.এ.আই. ৱারোলগী মতুং ইন্না, ২০২০গী এপ্রিলদগী সেপ্তেম্বর ফাওবগী মনুং অসিদা ১৩৩০ কি.মি. শাংবা অপুনবা প্রোজেক্ত ৪০ শাখ্রে৷ হায়রিবা প্রোজেক্ত ৪০ অসিগী সিভিল ৱর্ক্কী মমল, লম লৈশিনবগী অমসুং অতোপ্পা শাবা হৌদ্রিঙৈগী থবকশিংদা পুন্না চংখিবা মমল অদু লুপা কেতি ৪৭,২৮৯ ওই৷ হৌজিক চৎলিবা শেঞ্জাগী চহি অসিদা এন.ঐচ.এ.আই.না ৪৫০০ কি.মি. শাংবা প্রোজেক্তশিং তৌনবা পান্দম থম্লি অমসুং থম্লিবা পান্দম অসি হেল্লকপসু য়ানা লৈরি৷ ২০২০গী মার্চ থাদা, এন.ঐচ.এ.আই.না ওনলাইনগী খুৎথাংদা লুপা কোতি ১০,০০০গী শেনফম কাইথখ্রে অমসুং লোকদাউন অসিগী মনুংদা ওফিসশিং অসি হাংদবনা পেমেন্ত অমতা পীথোক্তনা থম্লরোই হায়না হায়খ্রে৷ চৎলিবা শেঞ্জাগী চহী অসিগী অহানবা শরুক্কী ক্বাতর অদুৱাইদা, ভেন্দরশিংদা এন.ঐচ.এ.আই.না লুপা কোতি ১৫,০০০ হেন্না কাইথখ্রে৷

অকুপ্পা ৱারোলগীদমক:

স্কীলিং, রি- স্কীলিং, অপ-স্কীলিং অমসুং ইন্দস্ত্রী-কনেক্তা স্কীলিং অসি য়ু.এস.দি. ত্রিলিয়ন ইকোনোমী ৫গী অমসুং সেলফ-রিলিএন্তগী মিয়েং মসি ফংনবা তঙাইফদবা লৈরি, হায়না দাঃ মাহেন্দ্র নাথ পান্দেনা হায়খি

ভারত সরকারগী স্কীল দিবলপমেন্ত অমসুং ইন্তরপ্রেন্যুরশীপকী মিনিস্তর দাঃ মাহেন্দ্র নাথ পান্দেনা ইকাই খুম্নরবা প্রধান মন্ত্রী শ্রী নরেন্দ্র মোদীগী মহুৎ ওইনা অমসুং মশাগী শরুক ওইনা ঙরাং ১১৫শুবা চহিগী ওইবা সেসন অসিদা পি.ঐচ.দি. চেম্বরবু থাগৎপা ফোংদোকখ্রে। মহাক্না ইকাই খুম্নরবা প্রধান মন্ত্রী শ্রী নরেন্দ্র মোদীগী লুচিং অমসুং কোবিদ মনুং অসিদা মহাক্না লৌখৎলিবা খোহথাং কয়া অসিবু থাগৎপা ফোংদোক্লি। দাঃ পান্দেনা হায় মদুদি স্কীল ইন্দিয়া হায়বা অসিগী ৱাখল্লোন অসি খোঙলম পরিং অমা ইন্দিয়া অমসুং মপান্দা শেম্বনি। মহাক্না হায় মদুদি স্তেত অমসুং দিস্ত্রীক্তশিংদা লৈরিবা ঐখোয়গী স্কুলগী ইকোসিস্তেম অমসুং স্কীল দিপার্তমেন্তনা পুন্না অনৌবা ৱাখল্লোন কয়া পুথোক্তুনা কোবিদ লায়চৎকী মনুং থা ৭ অসিদা লান্থেংনবদা মতেং পাংলি। স্কীলিং, রি- স্কীলিং, অপ-স্কীলিং অমসুং ইন্দস্ত্রী-কনেক্তা স্কীলিং অসি য়ু.এস.দি. ত্রিলিয়ন ইকোনোমী ৫গী অমসুং সেলফ-রিলিএন্তগী মিয়েং মসি ফংনবা তঙাইফদবা লৈরি হায়না পনখি।

অকুপ্পা ৱারোলগীদমক:

ওল ইন্দিয়া ইন্সতিত্যুৎ ওব আয়ুর্বেদনা এমিতী য়ুনিবর্সিতীগা আয়ুর্বেদ রিসর্চকীদমক য়ানচেদা খুৎয়েক পীনখ্রে

আয়ুশ মন্ত্রালয়না হকশেলদা আয়ুশকী পথাপ পাক চাউহন্নবা অমসুং শেমগৎনবগীদমক মপাং শেম্বগী থৌরাং মখা চত্থরকপা ওইনা ওল ইন্দিয়া ইন্সতিত্যুৎ ওব আয়ুর্বেদ (এ.আই.আই.এ.), নই দিল্লীনা মন্ত্রালয় অসিগী মখাদা মেমোরেন্দম ওব অন্দর্স্তেন্দিং অমা এমিতী য়ুনিবর্সিতীগা লোইননা ওক্তোবর ৭, ২০২০দা খুৎয়েক পীনখ্রে। য়ানচে অদুনা আয়ুর্বেদিক সাইন্সেস্তা রিসর্চ হেনগৎহন্নবা মীৎয়েং থম্লি। মপাং ওইনরিবা অসিনা আয়ুর্বেদতদা নত্তনা মালেম শিনবা থুংনা আয়ুর্বেদগী সাইন্সকা মরী লৈনবা লৌশিং কয়া চাউখৎনবা হোৎনবা অমসুং শন্দোক্নবা হোৎনবদা মশক থোকপা রিসর্চ খরগী ফল লাক্কনি হায়না পানরি। মসিনা মহৌশাগী লৌশিংবু মোদর্ন সাইন্সকা পুনশিনগনি অমসুং আয়ুর্বেদগী রিসর্চতা অনৌবা মাইওন অমা পুরক্লগনি।

অকুপ্পা ৱারোলগীদমক:

"মেন্তেল হেল্থ: কোবিদ-১৯গী মতুংদা য়েংশিনবা"গী মতাংদা ভর্চুয়েল্লী ওইনা পাংথোকখিবা ইন্তরনেস্নেল কনফরেন্স শ্রী থাৱরচান্দ গেহলোতনা হৌদোকখ্রে

সোসিয়েল জস্তিস অমসুং এমপৱারমেন্তগী কেন্দ্রগী মন্ত্রী শ্রী থাৱরচান্দ গেহলোতনা ঙসি ভিদিও কনফরেন্সিংগী খুৎথাংদা মফম অসিদা ভর্চুয়েল ওইনা “ মেন্তেল হেল্থগী মতাংদা ইন্তরনেস্নেল কনফরেন্স: কোবিদ-১৯গী মতুংদা য়েংশিনবা” হায়বা থৌরম অসি পাংথোকখ্রে৷ কনফরেন্স অদুদা ওস্ত্রেলিয়া-ইন্দিয়া ইন্সতিত্যুতকী দিরেক্তর প্রোফেসর ক্রেগ জেফ্রীনা থৌরম মপু ওইখি৷ থৌরম হৌদোকপদা ৱা ঙাংলদুনা শ্রী থাৱরচান্দ গেহলোতনা মালেম শিনবা থুংনা লেপ্পা লৈতনা হেঙ্গৎলক্লিবা মেন্তেল হেল্থ অদু পুথোক্তুনা ৱা ঙাংখ্রে৷ মহাক্না ভারত সরকারগী মমাংদা পুথোকখ্রবা ইনিসিয়েতিবশিং খুদম ওইনা মধ্য প্রদেশকী সেহোরদা নেস্নেল ইন্সতিত্যুত ওফ মেন্তেল হেল্খ রিহেবিলিতেসন লিংখৎখিবা, মেন্তেল হেল্থ ইসুশিং অসি থেংন্নবগীদমক কিরন মেন্তেল হেল্থ রিহেবিলিতেসন হেল্পলাইন থমখিবা অদুগী মতাংদা মহাক্না হায়খ্রে৷

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           অসাম: অসামদা ঙরাং পেসেন্ত ২,৫৬১ দিসচার্জ তৌখ্রে, মসিনা দিসচার্জ তৌখিবগী চাং অদু চাদা ৮২.৮৭% য়ৌখ্রে। দিসচার্জ তৌখিবা পেসেন্তশিংগী অপুনবা মশিং অদু ১,৫৭,৬৩৫নি অমসুং এক্তিব পেসেন্তশিংনা ৩১,৭৮৬নি।

•          মিজোরাম: মিজোরামদা ঙরাং কোবিদ-১৯গী কনফর্ম কেস অনি অমুক থেংনখ্রে। অপুনবা কেস ২,১৫০নি, এক্তিব কেসনা ২৩১নি।

•          নাগালেন্দ: অনৌবা কেস ৫৩ থেংনখিবগা লোইননা নাগালেন্দগী কোবিদ-১৯গী অপুনবা মশিং অদু ৬,৭১৫ য়ৌখ্রে। ফগৎখিবগী কেসনা ৫,৪৪৪নি অমসুং এক্তিব কেসনা ১,১৪২নি।

•          সিক্কিম: সিক্কিমদা কোবিদ-১৯না মরম ওইরগা অনি অমুক শিখ্রে অমসুং অনৌবা কেস ১৮ থেংনখ্রে। সিক্কিমদা কোবিদ-১৯গী এক্তিব কেসশিংগী মশিং অসি ৫৯০ শুখ্রে। হৌজিক ফাওবদা সিক্কিমদা মীওই ২৫৩৪ কোরোভাইরসতগী ফরবা মতুংদা দিসচার্জ তৌখ্রে।

•          কেরলা: নোংমদা কোবিদ-১৯গী কেস অসি ১০,০০০ হেনখিবা অমসুং তেস্ত তৌবদা পোজিতিব ওইবগী চাং অসি চাদা ১৫ য়ৌশিল্লকপগা লোইননা, কেরলা সরকারনা মতম অসিগী ওইনদি বারশিং অমসুং বিয়র অমসুং ৱাইন পার্লরশিং হাংদনবা ৱারেপ লৌখ্রে। ঔজিক লৈরিবা ফিভম অসিদা, লনাইগী বারশিংনা কাউন্তর সেলস খ্ক্তমক তৌরি, মদুসু নুংদাংগী পুং ৫ ফাওবদং। অহানবা ওইনা নোংমা খ্ক্তদা কেস ১০,০০০ হেন্দুনা. কেরলাদা ঙরাং কনফর্ম কেস ১০,৬০৬ লৈখি। মতম অসিমক্তদা লাইনা অসিদগী পেসেন্ত ৬,১৬১ ফগৎখ্রে। হায়রিবা অনিমক অসি হৌজিক ফাওবদা নোংমদা খবাইদগী হেন্না ৱাংবা ওইখি। হৌজিকমক্কীদি, পেসেন্ত ৯২,১৬১ লাইয়েংদুনা লৈরি অমসুং রাজ্য শিনবা থুংনা মীওই লাখ ২.৬৭না ওবজার্ভেশন তৌদুনা লৈরি। শিখিবশিংগী মশিং অসি ৯০৬নি।

•          তামিল নাদু: কোইম্বাতোরগী কোদিসিয়া ত্রেদ ফেবর কমপ্লেক্সতা লৈবা কোবিদ কেয়র সেন্তর (সি.সি.সি.)দা কোবিদ-১৯গী অনিশুবা অসীম্তমেতিক পেসেন্ত অমা লৈখিদবনা মতুংদা মসিনা মরম ওইরগা লাইয়েংবগী ফেসিলিতীশিং য়াম্না ৱাৎপা অদুগী ময়োক্তা ইন-পেসেন্তশিংগী সেক্সন কয়া অমনা ইরাং হৌরকপদগী মথংগী নুমিত্তা, জিলাগী এদমিনিস্ত্রেশন্না ফেসিলিতী অসিদা ফমুং খরদা ওক্সিজেন সপ্লাই হাপ্নবগী প্লান অদু লাউথোকখি। সেপ্তেম্বরদা কুদ্দলোরদা কোবিদ-১৯ কেসশিং হন্থখ্রে; জিলাগী কলেক্তরনা হায়খি মদুদি হেন্না ফবা সর্ভিলেন্স সীস্তেম, ফিবর কেম্পশিং মশিং হেনগৎহনবা  অমসুং ঙন্না খঙদোকপা অমসুং লাইয়েংবনা কেসশিং হন্থহনবদা মতেং পাংখি। তামিল নাদুদা য়ুমশকৈশা নুমিত্তা কোবিদ-১৯গী অনৌবা কেস ৫,৪৪৭ থেংনখি অমসুং মসিগা মরী লৈননা ৬৭ শিখি। মসিনা রাজ্য অসিগী ইনফেক্সনগী মশিং অদু ৬,৩৫,৮৫৫ য়ৌহনখি অমসুং শিবগী মশিংনা ৯,৯৮৪ য়ৌহনখ্রে।

•          কর্নাতকা: ঙসি মুখ্য মন্ত্রীনা, কোবিদ কন্ত্রোল তৌনবগী পাম্বৈশিংগী মতাংদা খন্ননবা জিলা ১১গী দিপ্যুতী কমিশনরশিং, সি.ই.ও.শিং, দি.ঐচ.ও.শিং অমসুং এস.পি.শিংগী মীফম অমা কৌখ্রে। মরক অসিদা এজুকেশন দিপার্তমেন্তনা ওক্তোবর ১২দগী ওনলাইন এজুকেশন সমৱেদা সিরীজ ২ মখা চত্থনবা ৱারেপ লৌখ্রে, মসিদা ক্লাস ৫,৬,৭গী মহৈরোইশিংগী পরা তাক্কনি হায়না এজুকেশন মন্ত্রী, সুরেশ কুমারনা হায়খি। কর্নাতকাদা পোজিতিব কেস ১০,৯৪৭ লৈখিবগা লোইননা য়ুমশকৈশা নুমিত্তা নোংমা খক্তদা কোবিদকী কেস খ্বাইদগী হেন্না ৱাংবা থেংনখি, মসিনা অপুনবা মশিং অদু ৬,৬৮,৬৫২ য়ৌহনখি। হৌজিক এক্তিব কেস অসি ১,১৬,১৫৩ শুখ্রে। মরক অসিদা কোবিদনা মরম ওইরগা নৌনা ১১৩ অমুক শিখ্রে, মসিনা অপুনবা মশিং অদু ৯,৫৭৪ য়ৌহনখ্রে।

•          অন্ধ্র প্রদেশ: হৌজিক ফাওবদা রাজ্য অসিদা মীওই ১,৪৭৫দগী প্লাস্মাগী য়ুনিৎ ১,৮৩৮ খোমগৎখ্রে অমসুং প্লাস্মা থেরাপীনা মীওই ১,৩৮৫ লাইয়েংখ্রে। প্লাস্মাগী মশিং খ্বাইদগী য়াম্না দোনেত তৌরকখিবা অসি গুন্তুর জিলাদা মীওই ৩২২না  তৌরকখি অমসুং মীওই ৩০২ লাইয়েংখি। রাজ্য অসিদা পোজিতিব কেসশিংগী অপুনবা মশিং অসি ৭,৩৪,৪২৭দা হেনগৎখ্রে অদুগা এক্তিব কেস ৪৯,৫১৩দা লৈরি। হৌখিবা পুং ২৪দা রাজ্য অসিদা পুন্না সেমপল ৬৬,৭৬৯ তেস্ত তৌখি। মীওই ৬,৩৪৯ অমুক ফখিদুনা ফখিবশিংগী মশিং অদু ৬,৭৮,৮২৮ য়ৌহনখ্রে। ঙরাং ৩৪ অমুক শিখিবগা লোইননা শিখিবশিংগী মশিং অদু ৬,০৮৬দা হেনগৎখ্রে।

•          তেলঙ্গানা: হৌখিবা পুং ২৪দা অনৌবা কেস ১৮৯৬ থেংনখি, ২০৬৭ ফগৎখি অমসুং ১২ শিখিবগী পাউ লৈখি; কেস ১৮৯৬কী মনুংদা জি.ঐচ.এম.সি.দগী কেস ২৯৪ থেংনখি। অপুনবা কেস: ২,০৬,৬৪৪; এক্তিব কেসশিং: ২৬,৩৬৮; শিখিবশিং: ১২০১; দিসচার্জ তৌখিবশিং: ১,৭৯,০৭৫। য়ুমশকৈশা নুমিত্তা তেলঙ্গানা সরকারনা উনলোক ৫.০গী মখাদা গাইদকাইনশিং থোকখি, অদুবু স্কুলশিং অমসুং সিনেমাশিং অমুক হন্না হাংদোকপগী মতাংদা ৱারেপ অমত্তা লৌখিদে। রাজ্য সরকারনা ওক্তোবর ১৫দগী বিজনেস তু বিজনেস (বি.তু.বি) একজিবিশন পাংথোকপগী অয়াবা পীরদুনা গাইদলাইনশিং থোকখ্রে।

ফেক্ত চেক

*****