ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀଙ୍କୁ ଭେଟିଲେ ଆଫଗାନିସ୍ତାନର ଜାତୀୟ ପୁନର୍ଗଠନ ଉଚ୍ଚ ପରିଷଦ ଅଧ୍ୟକ୍ଷ ଡଃ ଅବଦୁଲ୍ଲା ଅବଦୁଲ୍ଲା
Posted On:
08 OCT 2020 1:08PM by PIB Bhubaneshwar
ଆଜି (ଅକ୍ଟୋବର 8, 2020) ଆଫଗାନିସ୍ତାନର ରାଷ୍ଟ୍ରୀୟ ପୁନର୍ଗଠନ ଉଚ୍ଚ ପରିଷଦର ଅଧ୍ୟକ୍ଷ ଡଃ ଅବଦୁଲ୍ଲା ଅବଦୁଲ୍ଲା ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ସାକ୍ଷାତ କରିଛନ୍ତି । ସରକାରଙ୍କ ପ୍ରଥମ ପଡ଼ୋଶୀ ନୀତିକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ଭାରତ ଏବଂ ଆଫଗାନିସ୍ତାନ ମଧ୍ୟରେ ଐତିହାସିକ ସମ୍ପର୍କକୁ ଆହୁରି ସୁଦୃଢ କରିବା ପାଇଁ ଭାରତର ଦୀର୍ଘସ୍ଥାୟୀ ପ୍ରତିବଦ୍ଧତାକୁ ସୁନିଶ୍ଚିତ କରିଛନ୍ତି । ଦୁଇ ନେତା ଦ୍ୱିପାକ୍ଷିକ ଏବଂ ଆଞ୍ଚଳିକ ସ୍ୱାର୍ଥ ଉପରେ ଆଲୋଚନା କରିଥିଲେ । ଡଃ ଅବଦୁଲ୍ଲା ଅବଦୁଲ୍ଲା ଆଫଗାନିସ୍ତାନ ଶାନ୍ତି ପ୍ରକ୍ରିୟା ଏବଂ ଦୋହାରେ ଚାଲିଥିବା ଆଲୋଚନା ବିଷୟରେ ପ୍ରଧାନମନ୍ତ୍ରୀଙ୍କୁ ସୂଚନା ପ୍ରଦାନ କରିଥିଲେ ।
ଦ୍ୱିପାକ୍ଷିକ ପ୍ରସଙ୍ଗ ସହିତ ଆଫଗାନିସ୍ତାନ ସହ ଭାରତର ବିକାଶ ସହଯୋଗ ଉପରେ ଆଲୋଚନା ହୋଇଥିଲା ।
ଆଫଗାନିସ୍ତାନରେ 3 ବିଲିୟନ ଆମେରିକୀୟ ଡଲାରର ନିବେଶ ପାଇଁ ଭାରତର ପ୍ରତିବଦ୍ଧତାକୁ ଡଃ ଅବଦୁଲ୍ଲା ଅବଦୁଲ୍ଲା ପ୍ରଶଂସା କରିଥିଲେ । ଏଥିଯୋଗୁଁ ଆଫଗାନିସ୍ତାନର 34ଟି ପ୍ରଦେଶ ଉପକୃତ ହେଉଛି ।
ଆଫଗାନିସ୍ତାନରେ ନିରନ୍ତର ଶାନ୍ତି ଏବଂ ସମୃଦ୍ଧତା ପାଇଁ ଭାରତର ପ୍ରତିବଦ୍ଧତାକୁ ପ୍ରଧାନମନ୍ତ୍ରୀ ଦୋହରାଇଥିଲେ ଏବଂ ଆଫଗାନିସ୍ତାନରେ ବ୍ୟାପକ ତଥା ସ୍ଥାୟୀ ଅସ୍ତ୍ରବିରତି ଉଲ୍ଲଂଘନ ଉଦ୍ୟମକୁ ସ୍ୱାଗତ କରିଥିଲେ ।
ଜାତୀୟ ସୁରକ୍ଷା ପରାମର୍ଶଦାତା ଶ୍ରୀ ଅଜିତ ଡୋଭାଲ ଅକ୍ଟୋବର 7ରେ ଡଃ ଅବଦୁଲ୍ଲା ଅବଦୁଲ୍ଲାଙ୍କୁ ଡାକି ଆଫଗାନିସ୍ତାନରେ ଶାନ୍ତି ପ୍ରକ୍ରିୟା ଏବଂ ଏହାର ସଂଶ୍ଳିଷ୍ଟ ବିଷୟ ସହିତ ଆଫଗାନିସ୍ତାନରେ ବୃଦ୍ଧି ପାଉଥିବା ହିଂସା, ଆଞ୍ଚଳିକ ଶାନ୍ତି ଓ ନିରାପତ୍ତା ଉପରେ ଆଲୋଚନା କରିଥିଲେ ।
ଆସନ୍ତାକାଲି ଅର୍ଥାତ୍ ଅକ୍ଟୋବର 9, 2020ରେ ଡଃ ଅବଦୁଲ୍ଲା ଅବଦୁଲ୍ଲାଙ୍କୁ ବୈଦେଶିକ ବ୍ୟାପାର ମନ୍ତ୍ରୀ ଡଃ ଏସ. ଜୟଶଙ୍କର ସାକ୍ଷାତ କରିବେ ।
**********
(Release ID: 1662832)
Visitor Counter : 206
Read this release in:
English
,
Urdu
,
Marathi
,
Hindi
,
Bengali
,
Assamese
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam