ঙাকশেল মন্ত্রালয়
ঙাক-শেল মন্ত্রী শ্রী রাজনাথ সিংহনা নোঙথক্কী লান্মীশিংদা মখোয়গী ৮৮শুবা এয়র ফোর্স নুমিৎকী য়াইফ পাউজেল পীখ্রে
Posted On:
08 OCT 2020 12:48PM by PIB Imphal
ঙাকশেল মন্ত্রী শ্রী রাজনাথ সিংহনা ঙসি নোঙথক্কী লান্মীশিং অমসুং মখোয়গী ইমুং-মনুংশিংদা ইন্দিয়ন এয়র ফোর্স (আই.এ.এফ.)কী ৮৮শুবা এয়র ফোর্স নুমিৎ ২০২০গী য়াইফ পাউজেল পীখ্রে। মহাক্কী ৱারোল অমদা মহাক্না অসুম্না হায়খি, “চহি ৮৮ খোঙফম চেৎনা থবক তৌবা, কত্থোকপা অমসুং নীংথিনা মথৌ পাঙথোকপা অসিনা ঙসিদি অতৈনা কিনিংঙাই অমসুং শাথিবা শাফু অমা ওইরবা এ.আই.এফ.কী খোঙচৎ অসিবু শক তাক্লি”।
ঙাকশেল মন্ত্রীনা ফোঙদোকখিবদা লৈবাক অসিনা মসিগী হিগোক মচু শেৎপা নুপা অমসুং নুপীশিং অসিগীদমক্তা চাউথোকচবা ফাওই অমসুং শিঙনবা কয়া থেংননবা অমসুং য়েক্নবা কয়াবু মাইথিবা পীগে হায়না লেপ্লিবা খোঙফম অসিবু ইকায়-খুম্নরি হায়খি। “ঐখোয়না এ.আই.এফ.না মতমগা চানবা অমসুং লৈবাক্কী পোত্থোকপু শৌগৎপগী খুত্থাংদা মসিগী লান-শোক্নবগী মতিক হেনগৎহন্নবগীদমক্তা খোঙফম চেৎনা লৈরি” হায়না শ্রী রাজনাথ সিংহনা ত্বীৎ তৌখি।
ঙাকশেল মন্ত্রীনা এ.আই.এফ.না খুদোংচাদবা কয়া থেংনরবসু লৈবাক্কী নোঙথক অসিবু মতম পুম্বদা ঙাক শেন্দুনা লৈগনি হায়বগী থাজবা লৈ হায়বা ৱাফম ফোঙদোকখি। “নখোয়না মতম পুম্বদা মাই পাকপা ওইসনু”।
*****
(Release ID: 1662682)
Visitor Counter : 121
Read this release in:
Tamil
,
Malayalam
,
Bengali
,
Assamese
,
English
,
Urdu
,
Hindi
,
Marathi
,
Punjabi
,
Gujarati
,
Telugu