نئی دہلی 06  اکتوبر   :   

ہندوستان میں کل فعال معاملوں کے فیصد کے طور پر فعال معاملوں میں مسلسل کمی درج کی جا رہی ہے۔

اس وقت ملک میں کل مثبت معاملوں کا صرف13.75فیصد ہی فعال معاملے ہیں جو 9،19،023 ہے۔

فعال معاملوں کے فیصد کا کم ہوتا ٹرینڈ ریکوری معاملوں کے بڑھتے فیصد کی حمایت میں ہے۔

ریکوری کے کل معاملے 56،62،490 ہیں۔ ریکوری معاملوں اور فعال معاملوں کے درمیان کا فرق 47 لاکھ  ( 743467) کو پار کر گیا ہے۔

ریکوری کی بڑھتی تعداد کے ساتھ یہ فرق مسلسل بڑا ہو رہا ہے۔

زیادہ تعداد میں ریکوری ہونے سے قومی ریکوری شرح میں اور بہتری آئی ہے اور یہ84.70 فیصد تک بڑھ گیا ہے۔ پچھلے 24 گھنٹے میں 57،787 مریض ٹھیک ہوئے ہیں اور انہیں چھٹی دے دی گئی ہے جبکہ تصدیق شدہ نئے معاملے 61267 ہیں۔

پچیس ریاستوں/ مرکز کے زیر انتظام خطوں میں تصدیق شدہ نئے معاملوں کے مقابلے میں نئی ریکوری زیادہ ہو گئی ہے۔

ریکوری کے نئے معاملوں میں سے 74 فیصد معاملے 10 ریاستوں/ مرکز کے زیر انتظام خطوں مہاراشٹر، آندھراپردیش، کرناٹک، تمل ناڈو، کیرالہ، اترپردیش، اڈیشہ، دہلی، چھتیس گڑھ اور مغربی بنگال میں مرکوز ہیں۔

واحد مہاراشٹر میں ایک دن میں سب سے زیادہ تقریبا 13000 لوگ ٹھیک ہوئے ہیں۔

پچھلے 24 گھنٹوں میں 61267 نئے تصدیق شدہ معاملے سامنے آئے ہیں۔

نئے معاملوں میں سے 75 فیصد معاملے 10 ریاستوں اور مرکز کے زیر انتظام خطوں سے ہیں۔ مہاراشٹر میں سب سے زیادہ 10000 مریض ریکور ہوئے ہیں۔ اس کے بعد کرناٹک میں 7000 سے زیادہ مریض ٹھیک ہوئے ہیں۔

پچھلے 24 گھنٹوں میں 884 لوگوں کی موت ہوئی ہے۔

ان میں سے تقریبا 80 فیصد اموات مہاراشٹر، کرناٹک، اترپردیش، تمل ناڈو، مغربی بنگال، آندھراپردیش، پنجاب، چھتیس گڑھ، دہلی اور مدھیہ پردیش جیسی دس ریاستوں/ مرکز کے زیر انتظام خطوں میں ہوئی ہیں۔

کل اموات میں سے 29 فیصد سے زیادہ موتیں مہاراشٹر (263 موتیں ) میں ہوئی ہیں۔

**************

م ن۔ن ا ۔م ف  

U:6127