ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ସାମାଜିକ ସଶକ୍ତିକରଣ ପାଇଁ କୁତ୍ରିମ ବୁଦ୍ଧିମତା (ରେଜ 2020) ଭର୍ଚୁଆଲ ସମ୍ମିଳନୀକୁ ଆସନ୍ତା 5 ତାରିଖ ସନ୍ଧ୍ୟା 7ଟାରେ ଉଦଘାଟନ କରିବେ । ଆସନ୍ତା 5 ରୁ 9 ତାରିଖ ମଧ୍ୟରେ ଅନୁଷ୍ଠିତ ହେବାକୁ ଥିବା ଏହି ବୃହତ ଭର୍ଚୁଆଲ ଶିଖର ସମ୍ମିଳନୀ ଇଲେକ୍ଟ୍ରୋନିକ୍ସ, ସୂଚନା ପ୍ରଯୁକ୍ତି ମନ୍ତ୍ରଣାଳୟ ଏବଂ ନୀତି ଆୟୋଗର ମିଳିତ ଆନୁକୁଲ୍ୟରେ ଆୟୋଜିତ ହେଉଛି । ସ୍ୱାସ୍ଥ୍ୟ ସେବା, କୃଷି, ଶିକ୍ଷା ଓ ସୂଚନା ପ୍ରଯୁକ୍ତି ଇତ୍ୟାଦି କ୍ଷେତ୍ରରେ କୁତ୍ରିମ ବୁଦ୍ଧିମତାର ଆବଶ୍ୟକତା ଓ ସାମାଜିକ ପରିବର୍ତ୍ତନ ନେଇ ଏହି ସମ୍ମିଳନୀରେ ଯୋଗ ଦେବାକୁ ଥିବା ବିଶ୍ଵର ପ୍ରତିନିଧିଗଣ ସେମାନଙ୍କ ମତ ବିନିମୟ କରିବେ । ଏହି ଶିଖର ବୈଠକରେ ବୈଶ୍ଵିକ ମହାମାରୀ ମୁକାବିଲାରେ କୁତ୍ରିମ ମେଧାର ଆବଶ୍ୟକତା, ପ୍ରୟୋଗ ଓ ଅନ୍ୟାନ୍ୟ ବିଷୟ ନେଇ ଗୁରୁତ୍ୱପୂର୍ଣ୍ଣ ଆଲୋଚନା ମାନ ହେବ ।

ରେଜ-2020 ଶିଖର ସମ୍ମିଳନୀରେ କୁତ୍ରିମ ବୁଦ୍ଧିମତା ପାଇଁ କାର୍ଯ୍ୟ କରୁଥିବା ଷ୍ଟାର୍ଟଅପମାନଙ୍କ ସମ୍ପର୍କରେ ମଧ୍ୟ ଆଲୋଚନା ହେବ । ଅକ୍ଟୋବର 6 ତାରିଖ ଦିନ ହେବାକୁ ଥିବା କୁତ୍ରିମ ବୁଦ୍ଧିମତା ଷ୍ଟାର୍ଟଅପ ଆଲୋଚନାରେ ବଛା ବଛା ଷ୍ଟାର୍ଟଅପ କମ୍ପାନୀଗୁଡ଼ିକୁ ଏଥିରେ ଅନ୍ତର୍ଭୁକ୍ତ କରାଯିବ । ବିଶ୍ଵର ତୃତୀୟ ବୃହତ ଷ୍ଟାର୍ଟଅପ ଇକୋସିଷ୍ଟମ ଭାବେ ପରିଚିତ ବିଜ୍ଞାନ ଓ ପ୍ରଯୁକ୍ତିବିଦ୍ୟା ପ୍ରତିଷ୍ଠାନ ଆଇଆଇଟି ଓ ଅନ୍ୟାନ୍ୟ ତତସମ୍ପର୍କୀୟ ଅନୁଷ୍ଠାନମାନ ଏଥିରେ ଯୋଗଦେବେ । କୁତ୍ରିମ ବୁଦ୍ଧିମତା ଯୋଗୁଁ ଭାରତର ଅର୍ଥନୀତି 2035 ସୁଦ୍ଧା 975 ବିଲିୟନ ଡଲାରରେ ପହଞ୍ଚିବ ବୋଲି ଏହାର ବିଶେଷଜ୍ଞମାନେ ଆକଳନ କରିଛନ୍ତି ।

ସବ କା ସାଥ ସବ କା ବିକାଶ ଆହ୍ଵାନ ସତ୍ଵେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଦେଶର ସାମଗ୍ରିକ ଅଭିବୃଦ୍ଧି ପାଇଁ ସମସ୍ତଙ୍କ ନିମନ୍ତେ କୁତ୍ରିମ ବୁଦ୍ଧିମତା ଯୋଜନାର ପରିକଳ୍ପନା କରିଛନ୍ତି । ଏହାଫଳରେ ଭାରତ ଆନ୍ତର୍ଜାତିକ କ୍ଷେତ୍ରରେ କୁତ୍ରିମ ବୁଦ୍ଧିମତାର ନେତୃତ୍ଵ ନେବା ସହ ସାମାଜିକ ସଶକ୍ତିକରଣ ଦିଗରେ ମଧ୍ୟ ପ୍ରମୁଖ ଭୂମିକା ଗ୍ରହଣ କରିବ ।      

ରେଜ-2020 (http://raise2020.indiaai.gov.in/) ଯୋଗୁଁ ଚିନ୍ତାଧାରାର ବିନିମୟ ସହ କୁତ୍ରିମ ବୁଦ୍ଧିମତା ସମ୍ପର୍କରେ ଗଣ ସଚେତନତା ମଧ୍ୟ ସୃଷ୍ଟି କରାଯାଇପାରିବ ।

ରେଜ-2020 ବିଷୟରେ

ରେଜ-2020 ମାଧ୍ୟମରେ ଦେଶର ସାମାଜିକ ପରିବର୍ତ୍ତନ ଲାଗି ପ୍ରଥମଥର ପାଇଁ କୁତ୍ରିମ ବୁଦ୍ଧିମତାର ବିଶ୍ଵସ୍ତରୀୟ ବୈଠକ ଆୟୋଜନ ହୋଇଛି । ଭାରତ ସରକାରଙ୍କ ସୂଚନା ପ୍ରଯୁକ୍ତି ମନ୍ତ୍ରଣାଳୟ ଦ୍ଵାରା ଆୟୋଜିତ ହେଉଥିବା ଏହି ବୈଠକରେ ବିଶ୍ୱବ୍ୟାପୀ କୁତ୍ରିମ ବୁଦ୍ଧିମତା ଶିଳ୍ପର ପ୍ରତିନିଧି ଓ ବିଦ୍ଵାନମାନେ ଯୋଗଦେଇ ମତ ବିନିମୟ କରିବେ ।

ୱେବସାଇଟ: http://raise2020.indiaai.gov.in/

**********