প্রধানমন্ত্রীগী লোইশঙ

প্রধান মন্ত্রী শ্রী নরেন্দ্র মোদীনা 'রেস্পোন্সিবল এ.আই. ফোর সোসিএল ইম্পাৱরমেন্ত ২০২০' সম্মিৎ ওক্তোবর ৫গী নুংথিল পুং ৭ তাবা মতমদা হৌদোক্কনি

রেজ ২০২০ – আর্তিফিসিএল ইন্তেলিজেন্সকী মতাংদা মেগা ভর্চুএল সম্মিৎ ওক্তোবর ৫-৯ ফাওবা পাংথোক্কনি

সম্মিৎ অসিদা মালেমগী এ.আই. ইন্দস্ত্রীদগী মীহুৎশিংনা খন্ন নৈনগনি

Posted On: 03 OCT 2020 5:30PM by PIB Imphal

প্রধান মন্ত্রী শ্রী নরেন্দ্র মোদীনা রেজ ২০২০ রেজ ২০২০ – 'রেস্পোন্সিবল এ.আই. ফোর সোসিএল ইম্পাৱরমেন্ত ২০২০' কৌবা আর্তিফিসিএল ইন্তেলিজেন্স (এ.আই.)গী মতাংদা মেগা ভর্চুএল সম্মিৎ অমা ওক্তোবর ৫গী নুংথিল পুং ৭ তাবা মতমদা পাংথোক্কনি।

ইলেক্ত্রোনিক অমসুং ইনফোর্মেসন তেক্নোলোজী (মৈতী) মন্ত্রালয় অমসুং নিতি আয়োগ্না মেগা ভর্চুএল সম্মিৎ এ.আই. ওক্তোবর ৫-৯, ২০২০ শিন-লাংদুনা পাংথোক্কনি।

রেজ ২০২০ অসি খুন্নাইদা অহোংবা পুরক্নবা, পুম্নমকপু কোনশিন্নবা অমসুং হেলথকেয়র, এগ্রিকলচর, এজুকেসন অমসুং স্মার্ত মোবিলিতী অমসুং অতোপ্পা হীরম কয়াদা শক্তি পীনবগীদমক এ.আই. শীজিন্নবগী লম্বী য়াৎনবগীদমক ৱাখল লান্নগদবা মালেমগী ৱাখল্লোনশিংগী মীফম ওইরগনি।

রেজ ২০২০দা, মালেমগী মফম কয়াদগী আর্তিফিসিএল ইন্তেলিজেন্স  রিসর্চ, পোলিসী অমসুং ইন্নোবেসনগী দেলিগেৎ অমসুং এক্সপর্তশিংনা শরুক য়াগনি। সম্মিৎ অসিদা 'লাইচৎকী শেম শানবগীদমক এ.আই. শীজিন্নবা', 'দিজিতাইজেসনগী পীরিবা ইন্নোবেসনশিংগী মচাক', 'ইনক্লুজিব এ.আই.', 'মায় পাক্লবা ইন্নোবেসন অমা ওইহন্নবগী মপাং' অসিনচিংবা কয়াদা সেক্তর কয়া পুন্দুনা খন্ন-নৈনগনি।

রেজ ২০২০ সম্মিৎ অসিনা আর্তিফিসিএল ইন্তেলিজেন্সকা মরী লৈনবা হীরমশিংদা পায়খৎলিবা স্তার্ত অপশিং উৎকনি। এ.আই. সোলুসন চেলেঞ্জগী থোংদা খল্লবা স্তার্ত অপশিংনা ওক্তোবর ৬, ২০২০দা পাংথোক্কদবা এ.আই. স্তার্ত অপ পিৎচ ফেস্ততা মখোয়গী সোলুসনশিং উৎকনি। মসি ভারত সরকারনা লেপ্পা লৈতনা তেক ওন্ত্রপ্রিনরশিং অমসুং স্তার্ত অপশিংদা এক্সপোজর, রিকগনিসন অমসুং গাইদেন্স পীদুনা মতেং পাংলিবা খোংথাংগী শরুক অমনি।

মালেমগী স্তার্ত অপ, ইলাইৎ সাইন্স অমসুং আই.আই.তি.গুম্বা তেক্নোলোজী ইন্সতিত্যুসনদা খ্বাইদগী চাওবা অহুমশুবা ওইরদুনা মপাঙ্গল কনবা অমসুং মফম খুদিংদা ফংবা দিজিতেল ইনফ্রাস্ত্রকচর অমসুং অনৌবা শেম্বা স্তেম মিলিয়ন কয়ানা চহী খুদিংগী গ্রেজুএৎ লোইরদুনা ভারতনা আর্তিফিসিএল ইন্তেলিজেন্স চাওখৎনবা হোৎনবদা মালেমগী লুচিংবা ওইবগী ফিবম লৈ। ইন্দস্ত্রী এনালিস্তশিংনা পান্নরি মদুদি এ.আই.না ভারতকী শেন্মিৎলোন্দা ২০৩৫ ফাওবদা বিলিয়ন $৯৫৭ হাপচিল্লবা য়ারি।

সবকা সাথ সবকা বিকাসকী ইথিলগা লোইননা, প্রধান মন্ত্রী শ্রী নরেন্দ্র মোদীনা এ.আই.বু অপুনবা ওইনা চাওখৎপা পুরক্নবা, 'এ.আই. ফোর ওল'গী থৌরাংবু মপাঙ্গল পীনবা হোৎনরি। প্রধান মন্ত্রীগী ৱাখল্লোন্না মমাই চুম্লদুনা ভারতনা অথুবদা মালেমসিদা মঙাল লৈনা হৌগৎলক্কদৌরি, মসি আর্তিফিসিএল ইন্তেলিজেন্স খক্তদা নত্তে, অদুবু এ.আই.বু খুন্নাই অসিদা চাওখৎপা পুরক্নবগীদমক করম্না মমাই চুমগদগে হায়বসিদসুনি।

রেজ ২০২০ (http://raise2020.indiaai.gov.in/)না এ.আই. চাওখৎপা পুরক্নবগীদমক মীয়াম ৱাখল তামিন্ননবা ৱাখল্লোন লান্নবগী থবক পায়খৎকনি।

রেজ ২০২০গী মরমদাঃ

রেজ ২০২০ অসি মসিগী মনুং ইহান হানবা খুন্নাইদা অহোংবা পুরক্নবা, পুম্নমকপু কোনশিন্ননবা অমসুং এ.আই.না শক্তি পীনবগীদমক ভারতকী ভিজন অমসুং রোদ্মেপ পুদুনা চৎকদবা আর্তিফিসিএল ইন্তেলিজেন্সকী ৱাখল্লোনশিং লান্ননবগী মীফম অমনি। ভারত সরকারনা ইলেক্ত্রোনিক অমসুং ইনফোর্মেসন তেক্নোলোজী মন্ত্রালয়গা লোইননা শিল্লদুনা থৌরম অসিনা মালেমগী ইন্দস্ত্রী লিদরশিং, মরুওইবা ৱাখল্লোন পীবা কাংবু, সরকারগী মীহুৎ অমসুং একাদেমিয়াশিংনা পাক চাওনা শরুক য়াগনি।

ৱেবসাইৎঃ http://raise2020.indiaai.gov.in/

******



(Release ID: 1661370) Visitor Counter : 4