ভারতনা নাবা ফবগী মশিং খ্বাইদগী য়াম্না লৈবা লৈবাক অমা ওইনা খ্বাইদগী মকোক থঙবা মফম কন্দুনা লৈরি। নাবা ফবা অপুনবা মশিং অসি ঙসি লাখ ৫৪ (৫৪,২৭,৭০৬) হেনবা ঙমখ্রে। ভারত্তা মালেমগী অপুনবা নাবা ফবগী ২১%গী চাংদা অমসুং অপুনবা কেসকীনা ১৮.৬%কী চাংদা লৈরি।

অতোপ্পা লৈবাকশিংগা চাংদম্নবদা ভারতনা খ্বাইদগী নেম্বা কেস ফেতেলিতীগী চাং (সি.এফ.আর.) লৈদুনা থাক ঙাক্না লৈরি।

মালেমগী সি.এফ.আর. অসিনা ঙসি ফাওবগী ওইনা ২.৯৭% লৈবা অসিগা চাংদম্নবদা ভারতকী লৈরিবা চাং অসিনা ১.৫৬% নি।

ভারতকী মীওই মিলিয়নগী মনুংদা শিবগী চাং অসি মালেমগী ওইনা খ্বাইদগী নেম্বশিংগী মনুংদা লৈরি। মীওই মিলিয়ন্দা মী শিবগী মালেমগী চাংচৎ অসিনা ১৩০ ওইবা মতমদা ভারতকীনা ৭৩ ওইরি।

হৌখিবা পুং ২৪দা মীওই ৭৫,৬২৮ নাবা ফবগী পাউ লাকপগা লোয়ননা ভারতনা নোঙমদা নাবা ফবা মশিং য়াম্না লাকপগী চৎনবী ঙাক্না চৎলি।

লৈবাক্কী ওইবা নাবা ফবগী চাং লেপ্তনা হেনগত্তুনা ৮৩.৮৪%দা লৈরিবা অসিদা নোঙমদা মীওই য়াম্না নাবা ফবগী মওং অসিসু উবা ফংলি।

হৌখিবা পুং ২৪দা নাবা ফখিবশিংগী মনুংদগী ৭৪.৩৬%তি রাজ্য/য়ু.তি. ১০দগী লাকখি। মহারাস্ত্রানা মশিং খ্বাইদগী য়াম্বা ওইরি অমসুং আন্ধ্র প্রদেশ অমসুং করনাতকানা তুং ইন্দুনা চৎলি।

অপুনবা এক্তিব কেসকী চাউরাক্না ৭৭%সু রাজ্য/য়ু.তি. ১০দগীনি। মহারাস্ত্রানা এক্তিব কেস লাখ ২.৬ হেন্না লৈদুনা খ্বাইদগী মকোক্তা লৈরি।

ঙসি ফাওবগী ওইনা লৈবাক অসিগী অপুনবা পোজিতিব কেসকী মনুংদগী এক্তিব কেসনা ১৪.৬০% খক্তমক ওইরি।

ভারতনা নুমিৎ ১২নি থংন থংননা এক্তিব কেসকী মশিং লাখ ১০দগী তানা লৈবগী চৎনবী ঙাক্লি। ঙসি ফাওবগী মনুংদা লৈরিবা অপুনবা এক্তিব কেসকী মশিং অসি ৯,৪৪,৯৯৬ নি।

হৌখিবা পুং ২৪দা লৈবাক অসিদা অনৌবা কেস ৭৯,৪৭৬ লাকখি।

অনৌবা কেসশিং অসিগী ৭৮.২%দি রাজ্য/য়ু.তি. ১০দগীনি। মহারাস্ত্রাদা মমাংগী নুমিত্তগী তাথনা অনৌবা কেস চাউরাক্না ১৬,০০০ লাকখি। কেরলা অমসুং করনাতকানা অনৌবা কেস মথংশিৎনা ৯২৫৮ অমসুং ৮০০০ হেনবা লাক্তুনা অনিশুবা অমসুং অহুমশুবদা লৈরি।

হৌখিবা পুং ২৪দা মীওই ১০৬৯ লৈখিদে।

হৌখিবা পুং ২৪দা লৈখিদবা মীওইগী ৮৪.১%দি রাজ্য/য়ু.তি. ১০দগীনি।

ঙরাং মহারাস্ত্রাদা মীওই ৪২৪ লৈখিদবগা লোয়ননা চাদা ওইবা চাং অসি ৩৯.৬৬ ওইখি অমসুং করনাতকানা মীওই ১২৫ লৈখিদবগা লোয়ননা তুং ইনখি।

*****