"ত্রাইবস ইন্দিয়া ই-মার্কেৎপ্লেস, ভারতকী খ্বাইদগী চাওবা হেন্দিক্রাফ অমসুং ওর্গানিক্কী পোত্থোকশিংগী কৈথেল অসি ত্রাইবেলগী পুন্সি অমসুং মহিং হোংদোকহন্নবা অতোপ্পা মশক থোকপা থৌরাং অমনি। লাইচৎ লৈজরবসু, ত্রাইফেদকী লান্মীশিংনা পোৎ চৈ য়োন্দুনা ত্রাইবেলশিংগী সোসিও-ইকোনোমিক চাউখৎনবগী পান্দম ফংনবগীদমক অনৌবা নোর্মেল অসিদা চঙশিল্লি," হায়না শ্রী অর্জুন মুন্দা, কেন্দ্রগী ত্রাইবেল এফিয়র্স মন্ত্রীনা ওনলাইন্দা ত্রাইবস ইন্দিয়া ই-মার্কেৎপ্লেস (market.tribesindia.com); প্রধান মন্ত্রীগী ভারতপু আত্মনির্ভর ফংহ্নন্নবা অমসুং মরোমদোম লেপচবা ঙমহন্নবগী খোঙজংগী শরুক ওইনা ত্রাইফেদনা লৌখৎপা অনৌবা খোঙথাং অসি ওক্তোবর ২, ২০২০দা হৌদোকপদা ফোংদোকখি।

লৈবাক অসিদা লৈরিবা ত্রাইবেল ইন্তর্প্রাইজশিংনা পুথোকপা পোৎলমশিং অমসুং হেন্দিক্রাফশিং উৎলিবা অমসুং মখোয়গী পোত্থোকশিংবু হকথেংননা য়োনবীবা অসিগুম্বা অনৌবা খোঙথাং অসি ত্রাইবেল কম্মর্সপু দিজিতাইজ তৌবদা চাওনা মতেং পাংলগনি। ভর্চুএল ওইনা হৌদোকপগী থৌরম অদুদা শ্রীমতি রেনুকা সিংহ, ত্রাইবেল এফিয়র্সকী  রাজ্যগী মন্ত্রী, শ্রী রুদ্রা কুমার, রুরেল ইন্দস্ত্রী মন্ত্রী, ছতিশগর অমসুং শ্রী দীপক খন্দেকর, সেক্রেতরী ত্রাইবেল এফিয়র্স মন্ত্রালয়না শরুক য়াখি। শ্রী রমেস চান্দ মীনা, চিয়র্মেন ত্রাইফেদ, শ্রী প্রবির কৃষ্ণ, মেনেজিং দিরেক্তর, ত্রাইফেদ, মন্ত্রালয় অমসুং ত্রাইফেদকী মকোক থোংবা ওফিসিএলশিংসু ভর্চুএল ওইনা হৌদোকখিবা থৌরম অদুদা শরুক য়াখি।

থৌরম অসিদা, শ্রী মুন্দানা ত্রাইফেদকী ত্রাইবেল ইচীল ইনাওশিংবু শৌগৎকদবা অতোপ্পা থৌরাং কয়াসু হৌদোকখি। হায়রিবশিং অসিদা, ত্রাইব ইন্দিয়াগী ১২৩ শুবা অমসুং ১২৪ শুবা আউলেৎ রিশিকেস অমসুং কোলকতাদা; ঝার্খন্দ অমসুং ছতিশগরদগী অনৌবা ত্রাইবেলশিংগী পোত্থোকশিং হাপচিনবা; ত্রাইফেদ/ত্রাইব ইন্দিয়াগা এমাজোনগা মখোয়গী সেল্লর ফ্লেক্স প্রোগ্রামদা পুনশিনবা য়াওরি। মহাক্না ত্রাইফেদ অমসুং ত্রাইব ইন্দিয়াগী পকুর খোইহীসু হৌদোকখি। মসি ১০০% মহৌশাগী খোইহী ওইবা লৈখল শুবা, উমংগী অশেংবা, ঝার্খন্দগী পকুরগী সন্থল ত্রাইবেলশিংনা লোকপা খোইহীনি।

মশিং য়ামশিল্লক্ত্রবা পহাদিয়া ত্রাইবশিংনা পকুর খোইহী অসি পুথোকই। মখোয়না পকুর খোইহী অসি ত্রাইফেদকীদমক তন ৩ পুথোকখ্রে।

থৌরম অদুদা ৱা ঙাংলদুনা শ্রী অর্জুন মুন্দানা হায়খি মদুদি ত্রাইবস ইন্দিয়া ই-মার্কেৎপ্লেস অসি ত্রাইফেদনা ত্রাইবেলশিংগী তোঙান-তোঙানবা হেন্দিক্রাফ, হেন্দলুম, মহৌশাগী চীঞ্জাক সোর্সিং তৌনবা পোথোক পুথোকপা ত্রাইবেল লাখ ৫ পুখৎনবা অমসুং মীয়ামদা ত্রাইবেলগী খ্বাইদগী ফরবা পোত্থোকশিং ফংহন্নবা পান্দম থম্লিবা চাওরবা খোঙথাং অমনি। সপ্লাইয়রশিং অসিগী মরক্তা ত্রাইবেল আর্তিসান, ত্রাইবেল এস.ঐচ.জি., ত্রাইবেলশিংগা খুৎশম্নরিবা ওর্গনাইজেসন/এজেন্সী/এন.জি.ও.শিং য়াওরি। প্লেৎফোর্ম অসিনা ত্রাইবেল সপ্লাইয়রশিংদা ওম্নি চেনেল ফেসিলিতী অমা মখোয়গী পোত্থোকশিং মশাগী রিতেলর অমসুং দিস্ত্রিব্যুতরশিং, ত্রাইফেদকী নেৎৱার্ক আউৎলেৎ অমসুং ই-কম্মর্স পার্তনরশিংগা লোইননা মখোয়গী ই-মার্কেৎপ্লেস্কী একাউন্ততা পীরি।

মহাক্না হায়খি মদুদি ত্রাইফেদকী খোঙথাং অসিনা ত্রাইবেলগী পোত্থোকশিং অমসুং হেন্দিক্রাফশিং উৎনবা হোৎনবসিনা ত্রাইবেল ফোরেস্ত দ্বেল্লরশিং অমসুং আর্তিসানশিংবু নেসনেল অমসুং ইন্তর্নেসনেল কৈথেলদা পুথোকপীরগনি। অসিগুম্বা হৌদোকপা অসিনা মখা তানা অসিগুম্বা খুন্নাইসিগী শেন্মিৎলোন চাওখৎহনগনি অমসুং মখোয়বু মীয়াম্না শকখঙনবা হেনগৎহনগনি। কোলকতা অমসুং রিশিকেশতা অনৌবা ত্রাইবস ইন্দিয়া শোরুম অনী হাংলে তাবদা য়াম্না নুংঙাইবা ফাওই। ঐখোয়না ঐখোয়গী লৈবাক অসিবু আত্মিনির্ভর ফংনবগীদমক ইথৌদাং পাংথোক্কদবনি। ত্রাইবেল এফিয়র্স মন্ত্রালয় অসিনা ত্রাইবেল আর্তিসানশিংবু হেন্না স্কিল লৈনবগীদমক স্কিল দিবেলপমেন্ততা হেন্না মীৎয়েং চঙবা পাম্মি অমসুং মসিনা মখোয়গী ত্রাইবেল পোত্থোকশিংগীদমক কৈথেল পীবীগনি। পকুর খোইহী লোকপা হায়বসি অকোইববুসু কায়দবা মওংদা অমসুং তুং কোইনা চৎপা মওংদা লমদম অদুগী নহাশিংনা পাংথোকই। লৈখল য়াম্বা খোইহী মখল অসি লৈ অমসুং পাম্বী মখল কয়াদগী খোমজিন্দুনা পুথোকপনি। মসি লৈরিক অমসুং লৈহীদগী খোইশিংনা খোম্লকপা ১০০% মহৌশাদগী লোকপা খোইহীনি।

শ্রী আর.সি. মীনানা মহাক্কী ৱারোলদা হায়খি মদুদি ত্রাইফেদনা অসিগুম্বা থৌরাংশিং চাওনা মায় পাক্নবা হোৎনরি। হৌজিক ফাওবদা অতোপ্পা মীওই কয়ানা খঙনদ্রিবা ত্রাইবেলশিংগী পোথোকশিং পুথোক্লি অমসুং য়োনবীরি। মসিনা অপীকপা ত্রাইবেল কাংবুনা পুথোকচবা অমসুং খোমজিঞ্জবা ত্রাইবেলশিংগী পোত্থোক্তা মীৎয়েং থম্মি।

শ্রী দীপক খন্দেকরনা মহাক্কী ৱারোলদা হায়খি মদুদি ই-মার্কেৎপ্লেস অমসুং ঝার্খন্দগী পকুরদগী সন্থল ত্রাইবেলশিংনা লোকচবা, হিদাক লাংথক্কী মগুন য়াম্না য়াওবা পকুর খোইহী হৌদোকপা হায়বসি পুৱারী ওইহৌরগদবা থৌরম অমনি। মহাক্না ত্রাইফেদপু ত্রাইব ইন্দিয়া শোরুম ১৪ হাংদোকপগীদমক থাগৎপা ফোংদোকখি।

শ্রী প্রভির কৃষ্ণনা হায়খি মদুদি ই মার্কেৎপ্লেস অসিনা ঐখোয়বু ত্রাইবেল অমসুং আর্তিসানশিংগী পোত্থোকশিং পুথোকপদা মতেং পাংলি অমসুং মসিনা মখোয়দা ওনলাইন ত্রেদকী কান্নবা খুদক্তা ফংহল্লি। মসিনা মাইনর ফোরেস্ত প্রদ্যুস অমসুং মেদিসিনেল প্লান্ততা তাংজবা ত্রাইবেলশিংগা চাওনা লৈবা/পুথোকপশিংগা বি.২.বি.গী ত্রেদ তৌনবা য়াহল্লগনি। মসিনা ঐখোয়গী লৈবাক অসিগী ত্রাইবেল মীয়ামগী হিংনবগী লম্বী পীগনি অমসুং মখোয়বু মরোমদোম লেপচনবগী লম্বী পীরগনি।

ভারতকী লম কয়াদগী ত্রাইবেলগী পোত্থোকশিং (প্রদ্যুস অমসুং হেন্দিক্রাফ) মফম অমদা উত্থোক্লিবা ই মার্কেৎপ্লেস অসি অনৌবা ই কম্মর্স প্লেৎফোর্ম অমনি মসি ৱেব অমসুং মোবাইল (এন্দ্রোইদ অমসুং আই.ও.এস.)তা কস্তমর অমসুং রেজিস্তর তৌরবা ত্রাইবেল ভেন্দরশিংনা য়েংবা য়াগনি।

থৌরম অসিদা অতোপ্পা ত্রাইবেল আর্তিসান অমসুং সপ্লাইয়রশিং তুং কোইনা চাউখৎনবা অমসুং শক্তি পীনবা ত্রাইফেদকী থৌরাং কয়াসু হৌদোকখি।

রিশিকেশ অমসুং কোলকতাদা অনৌবা ত্রাইব ইন্দিয়া আউৎলেৎ অনীঃ প্রধান মন্ত্রীগী "বি ভোকেল ফোর লোকেল"গী পাউজেলবু মাংজিল থানা পুখৎলদুনা অমসুং ত্রাইবেল আর্তিসানশিংগী পুন্সি মহিংবু কৈথেলগী থোংদা চাউখৎপা পুরক্তুনা, ত্রাইফেদনা মখোয়গী রিতেল ওপরেসনশিং লৈবাক অসিগী মফম খুদিংদা পাকথোক চাওথোক্নবা হোৎনরি। অনৌবা আউৎলেৎ অনী, ত্রাইবস ইন্দিয়াগী ১২৩ অমসুং ১২৪ শুবা আউৎলেৎ অনীসু রিশিকেশ অমসুং কোলকতাদা মথংশিৎনা হাংদোকখি। পোত্থোকশিং স্তোক তৌবগী মথক্তা – ভারতকী রাজ্য ২৭তগী আর্তস অমসুং ক্রাফশিংগী আউৎলেৎশিংনা ভন ধন অমসুং ইম্ম্যুনিতী বুস্তরগুম্বা হৌজিক ওইরিবা কোরোনা লাইচৎকী মনুংদা তঙাইফদবা পোৎলমশিংদনা হেনা মীৎয়েং থম্লি।

ঝার্খন্দ অমসুং ছতিশগরগী অনৌবা পোথোকশিং: অসিগুম্বা খোঙথাংশিং অসিগী মথক্তা, অনৌবা ত্রাইবেলগী পোত্থোকশিংসু পুথোক্নবা লৈরি। ত্রাইবস ইদিয়ানা ছতিশগরগী ত্রাইবেল আর্তিসানশিংনা শেমজবা ফজরবা হেন্দিক্রাফ অমসুং দিকোরেতিব আইতেমশিং পুথোকখ্রে। মসিগী নাকন্দা, সুকনাদা শেম্বা য়াইঙং অমসুং ফদিগোম পাউদর, অচার অমসুং ইম্লি চস্কিগুবা মঙ্গেদগী শেম্বা তেঞ্জি দ্রিঙ্কশিংগুম্বা স্পাইসশিং লৈরি।

পকুর খোইহীঃ পকুর জিল্লা, ঝার্খন্দগী ত্রাইবেল সন্থল খুন্নাইনা খোই লোকপগী চৎনবীবু শেল ওন্থোকপা য়াই হায়বগী খুদম অমা শেমখ্রে। পকুর খোইহী লোকপা হায়বসি অকোইববুসু কায়দবা মওংদা অমসুং তুং কোইনা চৎপা মওংদা লমদম অদুগী নহাশিংনা পাংথোকই। লৈখল য়াম্বা খোইহী মখল অসি লৈ অমসুং পাম্বী মখল কয়াদগী খোমজিন্দুনা পুথোকপনি। মসি লৈরিক অমসুং লৈহীদগী খোইশিংনা খোম্লকপা ১০০% মহৌশাদগী লোকপা খোইহীনি। মহৌশাগী লৈখল শুবা খোইহী অসি এন্তি-ওক্সিদেন্ত অমসুং এন্তিসেপ্তিক ভিতামিন, ন্যুত্রিএন্ত, এঞ্জাইম অমসুং অতোপ্পা হর্বেলগী ওইবা অতোপ্পা সুপর ফুদনা মহুৎ শিনবা ওইথোক্লরোইদবা কয়া য়াওরি। মসি মহাও মখল অনীদা ফংই হায়বদি করঞ্জ অমসুং মলতিগ্লোরেল (ৱাইল্দ)

ত্রাইবস ইদনিয়া এমাজোন সেল্লর ফ্লেক্স প্রোগ্রামগা পুনবাঃ এমাজোনগা মতম কুইনা মপাং ওইদুনা চৎমিন্নরকপগী মহৈনা খুমাং চাউশিল্লদুনা হৌজিক্তি সেল্লর অমসুং আর্তিসানশিংদা ত্রাইবস ইদনিয়া প্রদক্তশিং ভারত অমসুং মালেমগী মফমশিংদা য়োনবা য়ারে অমসুং মসিনা ত্রাইবেলনা মপু ওইজবা অমসুং চলাইজবা হেন্দিক্রাফকী চাউখৎপা হেনগৎনবা, ত্রাইফেদ (ত্রাইবস ইন্দিয়া)না হৌজিক্তি এমাজোনগী সেল্লর ফ্লেক্স প্রোগ্রামদা শরুক য়ারগনি। মসিগী প্রোগ্রাম অসি এমাজোনগী ৱেয়র হাউজিং , ইনভেন্তরী মেনেজমেন্ত অমসুং সেল্লরশিংগা সিপ্পিং তৌনবা হোৎনবনি। ত্রাইবস ইন্দিয়ানা সেল্লর ফ্লেক্স প্রোগ্রামগী শরুক অমা ওইরবনা ত্রাইবস ইন্দিয়া গুদস্না এমাজোনগী ৱেতরহাউজদা পুথোক পুশিন তৌবগী মমল হন্থরগনি অমসুং মসিনা ঐখোয়গী আর্তিসানশিং অমসুং সেল্লরশিংদা মখোয়গী ইনভেন্তরীশিং হেন্না চলাইবা নুংঙাইরগনি। এমাজোন্দগী ফংলিবা মতেং অমসুং এক্সপর্তাইজশিং অসিনা ত্রাইবস ইন্দিয়াগী শরুক অমা ওইরিবা০ আর্তিসান অমসুং ৱিবর লিশিং কয়াদা শক্তি পীরগনি।

******