ত্রাইবেল এফিয়র্সকী কেন্দ্র মন্ত্রী শ্রী অর্জুন মুন্দানা হয়েং গান্ধী জয়ন্তি (ওক্তোবর ২, ২০২০)গী থৌরম অসিদা রাজ্যগী মন্ত্রী, ত্রাইবেল এফিয়র্সকী মন্ত্রী শ্রীমতি রেনুকা সিংহ অমসুং ত্রাইবেল এফিয়র্স মন্ত্রালয়গী সেক্রেতরী শ্রী দীপক খন্দেকর য়াওবা বর্চুএলগী খুত্থাংদা ভারতকী খাইদগী চাউবা খুৎ-শা হৈবগী অমসুং ওর্গানিক্কী পোত্থোকশিং য়োনফম, ত্রাইব ইন্দিয়া ই.-মার্কেৎপ্লেস (market.tribesindia.com) হৌদোক্লগনি। প্রধান মন্ত্রীগী ভারতপু আত্মানির্ভর অমসুং মরোমদোম লেপচবা ঙমহনবা হায়বা মঙলান অসিগী শরুক অমা ওইনা ত্রাইবেল এফিয়র্স মন্ত্রালয়গী মখাদা ত্রাইফেদনা পাঙথোক্লিবা মশক থোকপা থৌওং অসিনা লৈবাক শিনবা থুংনা লৈরিবা ত্রাইবেল ইন্তর্প্রাইসশিংগী পোত্থোকশিং অমসুং খুৎ-শা হৈবগী মতিক অসিবু মীয়ামদা খঙহন্দুনা মখোয়গী পোত্থোকশিং অসি হকথেংননা য়োনবদা তেংবাংগনি অমসুং মসিনা ত্রাইবেল শেন্মিৎলোনবু দিজিতাইজেসনগী হীরমদা পুশিল্লকপগী অচৌবা খোঙথাং অমা ওইহনগনি। থৌরম অসিদা শ্রী মুন্দানা ত্রাইবেলগী ইচিল-ইনাওশিংগী তেংবাংবদা পান্দম থম্বা অতোপ্পা ত্রাইফেদকী থৌওং কয়া অমসু হৌদোক্কনি। মসিগী মনুংদা য়াওরিবশিংদি- রিশিকেশ অমসুং কোলকতাদা ত্রাইব ইন্দিয়াগী ১২৩শুবা অমসুং ১২৪শুবা আউৎলেৎ হাংদোকপা; ঝারখন্দ অমসুং ছতিসগরগী ত্রাইবেলগী অনৌবা পোত্থোকশিং য়াওহনবা; ত্রাইফেদ/ত্রাইব ইন্দিয়াগা এমাজোনগা মখোয়গী সেল্লর ফ্লেক্স প্রোগ্রামগী মনুংদা য়াওদুনা খুৎশম্নবগী থৌওংশিংনি। শ্রী অর্জুন মুন্দানা ত্রাইফেদ অমসুং ত্রাইব ইন্দিয়াগী পাকুর খোইহীসু লোঞ্চ তৌগনি। মসিগী খোইহী অসি ঝারখন্দগী পাকুরদগী সন্থল ত্রাইবশিংনা খোমজিনবা মলতি ফ্লরেল অমসুং উমংগী অতেকপগী মগুন চেনবা মহৌশাগী ১০০% ওইবা খোইহীনি।

ত্রাইব ইন্দিয়া মার্কেৎপ্লেস অসি লৈবাক শিনবা থুংবদা তোঙান তোঙানবা খুৎ-শা হৈবা, ফিশা-লোনশা অমসুং মহৌশাগী ওইবা চানবা পোত্থোকশিং পীবা ঙম্নবা পোত্থোক পুথোকপা ত্রাইবেল লাখ ৫ হেন্না য়াওহন্দুনা খ্বাইদগী ফবা ত্রাইবেলগী পোত্থোকশিং মীয়ামদা য়ৌহনবগী পান্দম থম্বা ত্রাইফেদকী থৌওং অমনি। মসিদা পোৎ পীগদৌরিবশিং অসিদা মরন্নাই ওইবা ত্রাইবেল আর্তিসান, ত্রাইবেল এস.ঐচ.জি.শিং,  ত্রাইবেলগা থবক তৌমিন্নবা লুপ/এজেন্সী/এন.জি.ও.শিং য়াওরি। প্লেৎফোর্ম অসিনা ত্রাইবেলগী পোত্থোক পীবশিংদা মখোয় মশাগী পোৎ য়োনবশিং অমসুং দিস্ত্রিব্যুতরশিং, ত্রাইফেদকী আউৎলেৎকী নেৎৱর্ক অমসুং ই.-কম্মর্স পার্ত্নরশিংগা লোয়ননা ই.-মারকেৎপ্লেস অসিদা মশাগী একাউন্তকী খুত্থাংদা পোৎ য়োনবগী মখল য়াম্বা চেনেলগী ফেসিলিতী পীদুনা তেংবাংগনি।

 “ই.-মার্কেৎপ্লেস অসিনা মশিং য়াম্লবা ত্রাইবেলশিং অমসুং আর্তিসানশিংবু পুশিনবা ঙমহনবদা তেংবাংগনি অমসুং ওনলাইন্দা কার্বার তৌবগী কান্নবশিং হকথেংননা পীগনি। মসিনা বি.২.বি. ত্রেদকী কান্নবা ফংহন্দুনা উমংগী পোত্থোক মচাশিং অমসুং হিদাক্কী পাম্বীশিংদা তাংদুনা লৈবা ত্রাইবেলশিংগা অচৌবা পোৎ লৈবা মীওইশিং অমসুং মেন্যুফেকচররশিংগা শম্নহনগনি। মসিনা মখা তানা ঐখোয়গী লৈবাক অসিগী ত্রাইবেলগী মীওইশিংগী পুন্সি-মহিং শোইহন্দনবা তেংবাংগনি অমসুং মখোয়বু মরোমদোম লেপচবা ঙমহনবদা য়াম্না তেংবাংগনি”, হায়না ত্রাইফেদকী মেনেজিং দাইরেক্তর প্রবীর কৃষ্ণনা হায়খি।

ভারত পুম্বগী ত্রাইবেলগী পোত্থোকশিংবু (খুৎ-শা হৈবগী পোত্থোক অমসুং অতোপ্পা) মফম অমদা পুন্সীন্দুনা উৎলিবা ই.-মার্কেৎপ্লেস অসি ৱেব অমসুং মোবাইলদগী (এন্দ্রোইদ অমসুং আই.ও.এস.) কস্তমর অমসুং রেজিস্তর তৌরবা ত্রাইবেল বেন্দরশিংনা চঙবা য়াবা মতমগা চান্নবা ই.-কম্মর্সকী প্লেৎফোর্ম অমনি।

থৌরম অসিদা ত্রাইবেল আর্তিসান অমসুং পোত্থোক পীবা মীওইশিংবু মীয়ামগী মরক্তা চন্দুনা চাউখৎহন্নবা খুমাং চাউশিলহনবগী মতাংদা তুং কোইনা তেংবাংগদবা ত্রাইফেদকী অতোপ্পা খোঙথাংশিং অমসুং খুৎশম্নবশিংসু লোঞ্চ তৌবগী থৌওংসু য়াওগনি।

রিশিকেশ অমসুং কোলকতাগী অনৌবা ত্রাইব ইন্দিয়াগী আউৎলেৎ অনিঃ প্রধান মন্ত্রীগী “বী ভোকেল ফোর লোকেল”গী পাউজেল অসিবু খুমাং চাউশিলহনবা অমসুং পোৎ য়োনবগী খুত্থাংদা ত্রাইবেল আর্তিসানশিংগী পুন্সি মহিং ফগৎহন্নবা হায়দুনা ত্রাইফেদনা মখোয়গী পোৎ য়োনবগী থবক অসি লৈবাক শিনবা থুংনা চাউথোক্নবা হোৎনরি। ত্রাইব ইন্দিয়াগী ১২৩শুবা অমসুং ১২৪শুবা আউৎলেৎ অসি মথংশিৎনা  রিশিকেশ অমসুং কোলকতাদা হাংদোক্কনি।

ভারতকী রাজ্য ২৭তগী আর্ত অমসুং ক্রাফৎকী পোত্থোকশিং পৈশিনবতা নত্তনা আউৎলেৎ অসিনা বন ধনগী তঙাই ফদবা পোত্থোকশিং অমসুং হৌজিক চৎলিবা লায়চৎ অসিগী তঙাই ফদবা ওইরিবা ইম্ম্যুন কনখৎহনবগী পোত্থোকশিংদসু মিৎয়েং চঙগনি।

ঝারখন্দ অমসুং ছতিসগরগী অনৌবা পোত্থোকশিংগী পরেং: মসিগী খোঙথাংশিং অসিগী মথক্তা ত্রাইব ইন্দিয়াগী পোত্থোকশিংগী মনুংদা ঝারখন্দ অমসুং ছতিসগরগী অনৌবা কাঙলুপ অনিগী পোত্থোকশিংসু য়াওহল্লগনি। ত্রাইব ইন্দিয়ানা ছতিসগরগী ত্রাইবেল আর্তিসানশিংনা শাবা খুৎ-শা হৈবগী অমসুং লৈতেংগী পোত্থোক কয়া অমসু নৌনা শক তাক্লি। মসিগী মথক্তা য়াইঙং অমসুং ফদিগোম মকুপ, অচার অমসুং সুক্নাদা ফংবা মঙ্গেদগী শেম্বা ইম্লি চুস্কীগুম্বা থক্নবা পোৎলমক্যাসু য়াওরি।

পাকুর খোইহীঃ ঝারখন্দগী পাকুর জিলাগী সন্থাল ত্রাইবেল খুন্নাইনা খোই য়োকপগী থবকপু কারবারদা ওন্থোকপগী মতিক শিজিন্নদুনা খুদম অমা পীরি। খোইহী খোমজিনবগী থবক অসি মফম অসিগী নহাশিংনা অকোয়বগা চান্নবা মওংদা অমুক্কা হন্না শিজিন্নবা য়াবগী থৌওংদা য়ুম্ফম ওইদুনা পাঙথোক্লি। অশেঙবা মলতিফ্লোরাগী খোইহী অসি তোঙান তোঙানবা লৈ অমসুং পাম্বীশিংদগী লৌবনি। মসি খোইশিংনা খোম্বা মহিশিংদগী লৌবা মহৌশাগী ১০০%গী পোত্থোক্নি। মহৌশাগী মলতিফ্লোরাগী খোইহী অসি অতোপ্পা চিঞ্জাক্না পীবা ঙমদবা এন্তি-ওক্সিওদেন্ত অমসুং এন্তিসেপ্তিক ভিতামিন, ন্যুত্রিএন্ত, ইঞ্জাইম অমসুং অতোপ্পা হর্বেলগী মগুনশিং ফংবগী অফবা পাম্বৈ অমনি।

খোইহী অসি মহাও অনিদা ফংগনি – করঞ্জ অমসুং মলতিফ্লোরেল (লম্লক্কী)।

ত্রাইব ইন্দিয়ানা এমাজোন সেল্লর ফ্লেক্স প্রোগ্রামদা য়াওবাঃ পোৎ য়োনবশিং অমসুং আর্তিসানশিংনা ত্রাইব ইন্দিয়াগী পোত্থোকশিংবু ভারত অমসুং মালেম শিনবা থুংনা য়োলহনবদা তেংবাংবগী থৌওং পাঙথোক্লিবা এমাজোনগা মতম শাংনদগী লৈরক্লিবা মরী অসিবু অনৌবা থাক্ত পুখৎপা অমসুং ত্রাইবেলনা মপু ওইদুনা চলায়রিবা খুৎ-শা হৈবগী পোত্থোকশিংগী কার্বারগী শাহৌ লৌবদা হেনগৎনবা হায়দুনা ত্রাইফেদ (ত্রাইব ইন্দিয়া)না হৌজিক এমাজোন সেল্লর ফ্লেক্স প্রোগ্রামগা খুৎশম্নরগনি। মসিগী প্রোগ্রাম অসিনা ৱেয়রহাউজিং, পোত্থোকশিং শেন্নবা অমসুং য়োল্লিবশিংদগী থাবগী এমাজোনগী ফজবা থৌওংশিং শিজিন্নবগী পান্দম থম্লি। ত্রাইব ইন্দিয়ানা হৌজিক এমাজোন সেল্লর ফ্লেক্স প্রোগ্রামগী শরুক অমা ওইরবনিনা ত্রাইব ইন্দিয়াগী পোত্থোকশিংবু এমাজোনগী পোৎ-থমফমশিংদা য়ৌহনবদা চঙবা শেল অসি হন্থরগনি অমসুং মসিনা ঐখোয়গী আর্তিসানশিং অমসুং পোৎ-য়োল্লিবশিংনা মখোয়গী পোত্থোকশিং শেন্নবদা হেন্ননা নুংঙাইহল্লগনি। এমাজোন্দগী ফংগদৌরিবা ঙাক্লৌ অমসুং লৌশিংগী তেংবাং অসিনা ত্রাইব ইন্দিয়াগী শরুক ওইরিবা আর্তিসান অমসুং ফি-লোনবা মীওই লিশিং কয়াবু মপাঙ্গল হাপ্লগনি।

ত্রাইফেদনা খোঙথাংশিং অসি মাই-পাকপা ওইনবা কন্না হোৎনরি অমসুং মসিনা খুন্নাইশিং অসিগী মীওইশিংগী শিন্মিৎলোনগী য়াইফ য়ুম্বালদা চাউখৎপা পুরক্তুনা মখোয়বু অতোপ্পা মীয়ামগী মরক্তা তিলহন্দুনা চাউখৎহনগনি।

*****