আয়ুশ
আয়ুশ মন্ত্রালয়না পুনেদা রিজনেল ফিসিলিতেসন সেন্তর ফোর মেদিসিনেল প্লান্তস সেক্তর লিংখৎখ্রে
Posted On:
01 OCT 2020 1:32PM by PIB Imphal
আয়ুশ মন্ত্রালয়গী সেক্রেতরী বাইদ্যা রাজেশ কোতেচানা বর্চুএলগী থৌরম অমগী খুত্থাংদা সেপ্তেম্বর ২৯, ২০২০দা আয়ুশ মন্ত্রালয়গী মখাদা মহারাস্ত্রাগী পুনে য়ুনিবর্সিতীগী সাবিত্রিবাই ফুলেদা নেস্নেল মেদিসিনেল প্লান্তস বোর্দ (এন.এম.পি.বি.)গী নোংচুপথংবা মফমশিংগী ওইবা রিজনেল কম ফেলিসিতেসন সেন্তর অমা শঙ্গাখ্রে। পদ্মভুশন দাঃ বিজয় ভাতকার, নালান্দা য়ুনিবর্সিতীগী চান্সেল্লর; আর.সি.এফ.সি. (দবল্যু.আর.)গী কো-ওর্দিনেতর অমসুং বোতানী বিভাগকী মকোক প্রোফঃ দাঃ এ.বি. অদে অমসুং এন.এম.পি.বি.গী সি.ই.ও. দাঃ জে.এল. শাস্ত্রীসু থৌরম অদুদা শরুক য়াখি।
থৌরম অদুদা ৱা ঙাংবদা শ্রী কোতেচানা হিদাক পাম্বী থাবদা এন.এম.পি.বি.না পান্দম থম্লিবা অসিবু ফংহন্নবা আর.সি.এফ.সি.না পাঙথোকপা থৌদাংশিংগী মতাংদা মিৎয়েং চঙখি। মহাক্না আত্মানির্ভর ভারতকী শরুক অমা ওইনা পাঙথোক্কদৌরিবা মনা-মশিং থাবগী থবকশিংবু খুমাং চাউশিলহন্নবা আয়ুশ মন্ত্রালয়না হোৎনরিবা থবকশিংগী মতাংদা কুপ্না তাকখি।
হৌজিক ফাওবদা এন.এম.পি.বি.না ইং ২০১৭-১৮দগী হৌদুনা লৈবাক অসিগী তোঙান তোঙানবা মফমশিংদা হিদাক্কী পাম্বীশিংগী মরমদা থবক তৌরিবা মগুন লৈবা ইন্সতিত্যুসন/য়ুনিবর্সিতী খরদা রিজনেল কম ফেলিসিতেসন সেন্তর (আর.সি.এফ.সি.) ৬ হাঙদোকখ্রে। মসিগী আর.সি.এফ.সি.শিং অসিনা স্তেৎ মেদিসিনেল প্লান্তস বোর্দ (এস.এম.পি.বি.)/স্তেৎ ফোরেস্ত/এগ্রিকলচর/হোর্তিকলচর বিভাগশিংগুম্বা তোঙান তোঙানবা রাজ্যগী থাক্তা লৈবা বিভাগশিংগা লোয়ননা মসিগী তোঙান তোঙানবা স্কিমশিংগী থবক পায়খৎনবা এন.এম.পি.বি.গী শাংদোকপা মশা অমা ওইনা মথৌ তৌই।
![](http://static.pib.gov.in/WriteReadData/userfiles/image/image001L0QJ.jpg)
অনৌবা আর.সি.এফ.সি.-নোংচুপথংবা মফমশিংগী ওইবা অসিনা গোৱা, গুজরাত, মহারাস্ত্রা, রাজস্থান, দদ্রা অমসুং নগর হবেলি অমসুং দামন অমসুং দ্যুগী রাজ্য/য়ু.তি.শিংদা এন.এম.পি.বি.গী থবকশিং পাঙথোকপা অমসুং য়েংশিনবদা মতেং পাঙবগী থবক তৌগনি। মসিগী সেন্তর অসিনা তোঙান তোঙানবা আয়ুশকী ফারমাসীশিংগী খুত্থাংদা কৈথেলগা শম্নহবগী থৌওংগা লোয়ননা পাম্বীশিং ঙাক-শেনবা অমসুং থাবগী থবকশিংদা তেংবাংগনি।
*****
(Release ID: 1660615)
Visitor Counter : 159