হরদীপ সিংহ পুরিনা এস.দবল্যু.এম.গী থৌরমশিং নীংথিনা পাঙথোকপগীদমক্তা অনৌবা থৌওং শিজিন্নখিবগী মওং উৎপা কম্পেন্দিয়ম অমসুং দাইনামিক জি.আই.এস. পোর্তেল মীয়ামদা লান্থোকখ্রে

ভারতকী শহরশিংনা কোবিদ-১৯ থেংনবগী ৱারোলশিং: সেনিতেসনগী মিৎয়েংদগী য়েংবগী ৱারোল পুথোকখ্রে

রাজ্য।শহরশিংনা হৌখিবা চহি ৬তা থেংনখিবা ৱাফমশিং হায়নবগী সেসন ফম্বা অমসুং স্বচ্ছতম ভারত অমা ওইহন্নবা মথংগী খোঙথাং য়াৎপা

এস.বি.এম.-য়ু.গী মখাদা হৌজিক ফাওবগী ওইনা অর্বান লোকেল বোদী (য়ু.এল.বি.) ৪৩২৭বু ও.দি.এফ. ওইরে হায়না লাউথোকখ্রে

য়ুম য়ুমদা মীওইশিংনা শিজিন্নগদবা অমাংশঙ লাখ ৬৬ অমসুং কম্ম্যুনিতী/মীয়ামগী অমাংশঙ লাখ ৬ হেন্না শাবা লোইখ্রে

হৌজিক ফাওবগী ওইনা শহর ১৩১৯না ও.দি.এফ.+ অমসুং শহর ৪৮৯না ও.দি.এফ.++ ওইনা শক খঙখ্রে

শহর ২৯০০+ হেনবদা লৈবা অমাংশঙ ৫৯৯০০ অসি গুগল মেপ্তা লাইব ওইহনখ্রে

এস.দবল্যু.এম.গী মখাদা ৱার্দশিংগী ৯৭%তি য়ুম্থোং খুদিংদা ফত্ত-হৌদি চত্তুনা খোম্বগী খুদোংচাবা লৈ

ৱার্দশিংগী ৭৭%তি ফত্ত হৌদিশিংগী হৌরকফম খন্দোক্তুনা খায়দোকপগী খুদোংচাবা লৈ অমসুং অপুনবা ফত্ত-হৌদিগী ৬৭% অসি প্রোসেস তৌরি- ইং ২০১৪দা প্রোসেস তৌবগী চাং ১৮% লৈরম্বা অদুদগী শরুক ৪ হেনগৎলে

এম.ও.ঐচ.য়ু.এ.না ফত্ত-হৌদি লৈতবা শহরশিংগী ওইবা স্তারগী থাক খায়বগী মতুং ইন্না ইন্দোর, অম্বিকাপুর, নবি মুম্বাই, সুরৎ, রাজকোৎ অমসুং মৈসুরু অসি স্তার-৫গী শহর ওইরে, শহর ৮৬না স্তার-৩ অমসুং শহর ৬৪না স্তার-১ ওইরে

স্বচ্ছ সরবেক্সন ২০২০দা মীওই করোর ১২না শরুক য়াখি

খুন্নাইগী মীপুম খুদিংবু মান্নবা থাক্তা লৈহনবা অমসুং মীপুম খুদিংবু শরুক য়াবা হায়বা মহাত্মানা খঞ্জরম্বা অদুগী মতুং ইন্না সেনিতেসনগী থৌমীশিং অমসুং ফত্ত-হৌদি খোম্বা মীওইশিংগী পুন্সি-মহিং নুংঙাইনা লৈবগী মতাংদা মিৎয়েং চঙখ্রে

ফত্ত-হৌদি খোম্বা মীওই ৮৪,০০০ হেনববু মীয়ামগী মরক্তা তিলহনখ্রে অমসুং সেনিতেসনগী থৌমী লাখ ৫.৫ হেনবনা তোঙান তোঙানবা য়াইফ য়ুম্বালগী স্কিমশিংগী মনুং চলহনখ্রে

য়ু.এল.বি. ৩২০০গী ওফিসিএল ৬০০০ হেনবনা শরুক য়াবা কেপাসিতী বিলদিং ৱর্কশোপ ১৫০ হেন্না পাঙথোকখ্রে

হাউজিং অমসুং অর্বান এফিয়র্স মন্ত্রালয় (এম.ও.ঐচ.য়ু.এ.)না ওক্তোবর ২, ২০২০দা ‘স্বচ্ছতাগী চহি ৬, বেমিসাল’ হায়না মিংথোনবা ৱেবিনার অমা শিন্দুনা স্বচ্ছ ভারত মিসন-অর্বান (এস.বি.এম.-য়ু.)গী চহি ৬ মপুং ফাবগী থৌরম পাঙথোক্কদৌরি। মহাত্মা গান্ধীগী চহি ১৫১শুবা মপোক কুমওন তাবা নুমিৎ অসিদা মিসন অসিনা চহি ৬কী মনুংদা মাই-পাকখিবশিংদা মিৎয়েং চঙদুনা অমসুং রাজ্য অমসুং শহরশিংনা মখোয়না থেংনরকপশিং হায়নদুনা হরাউবা ফোঙদোক্কনি। থৌরম অসিগী ৱেবিনার অসিদা রাজ্য মন্ত্রী (আই./সি.) অমসুং এম.ও.ঐচ.য়ু.এ.গী মন্ত্রী শ্রী হরদীপ সিংহ পুরিনা লুচিংগনি অমসুং এম.ও.ঐচ.য়ু.এ.গী সেক্রেতরী শ্রী দুর্গা শঙ্কর মিশ্রা অমসুং এম.ও.ঐচ.য়ু.এ.গী এদিস্নেল সেক্রেতরী শ্রী কমরান রিজবিসু শরুক য়াগনি।

মন্ত্রীনা ভারত শিনবা থুংনা অনৌবা থৌওং শিজিন্নদুনা মপং ওইবা ফত্ত হৌদিশিং শেন্নবা (এস.দবল্যু.এম.)গী থবকশিং পাঙথোকখিবগী ৱারোলশিং খোমজিনবগী অমসুং দাইনামিক জি.আই.এস. পোর্তেল অমসু লান্থোক্কনি। মসিগা লোয়ননা এন.আই.য়ু.এ.না শেম-শাবা ‘ভারতকী শহরশিংনা কোবিদ-১৯ থেংনবগী মওং: সেনিতেসনগী মিৎয়েংদগী য়েংবা’ গী ৱারোল অমা, নেস্নেল ফেসেল স্লদজ অমসুং সেপ্তেজ মেনেজমেন্ত এলাএন্স (এন.এফ.এস.এস.এম.)না খোমজিনবা সেনিতেসনগী থৌমীশিংগী ইথিল পীনিংঙাই ওইবা ৱারীশিং – “নীংহন্নদবা ফ্রন্তলাইনগী ৱারীশিং: ভারতকী সেনিতেসনগী থৌমীশিং” অমসুং অর্বান মেনেজমেন্ত সেন্তর (য়ু.এম.সি.)না শেম-শাবা সেনিতেসনগী থৌমীশিংগী তেক্ত কায়দনবা খুৎলায় অসিসু মন্ত্রালয়না মীয়ামদা পুথোক্কনি।

সেসন অসিগী অনিশুবা শরউক অসিনা খনগৎলবা রাজ্য অমসুং শহরশিংনা হৌখিবা চহি ৬ অসিদা থেংনখিবা থৌদোক কয়াগী মতাংদা ফোঙদোক্নবগী থৌওং মিৎয়েং চঙদুনা স্বচ্ছতম ভারত অমা ওহন্নবা মথংগী খোঙথাং য়াৎকনি। থৌরম অসিনা স্তেকহোলদরশিংনা অমনা অমদগী তমজবগী খুদোংচাবা অমসুং পীগনি অমসুং মিসন অসিগী মথংগী তাঙ্কক্কী মতাংদা করিগুম্বা খরা চাউরাক্না উবা ঙমহনগনি।

এস.বি.এম.-য়ু.না ইং ২০১৪দা হেক হৌদোকখিবা অদুদগী সেনিতেসন অমসুং মপং ওইবা ফত্ত-হৌদি শেন্নবগী মতাংদা মশক-থোক্না মাই-পাকপা ফংলে। হৌজিক ফাওবদা অর্বান লোকেল বোদী  ৪৩২৭পু ও.দি.এফ. ওইনা লাউথোকখ্রে। মসিগী থৌওং অসি মিসন অসিগী পান্দমদগী ফাওবা হেন্দুনা য়ুম য়ুমগী ওইনা অমাংশঙ লাখ ৬৬ অমসুং খুন্নাই/মীয়ামগী অমাংশঙ লাখ ৬ হেন্না শাবা ঙমখিবা অদুনা ওইথোকপা ঙমহল্লিবনি। ঙসি ফাওবগী মনুংদা শহর ১৩১৯না ও.দি.এফ.+ অমসুং শহর ৪৮৯না ও.দি.এফ.++ ওইনা শক খঙলিবা ও.দি.এফ.+ অমসুং ও.দি.এফ.++কী কাঙলোনগী খুত্থাংদা মিসন অসিনা হৌজিক অপুনবা সেনিতেসনগী থৌওংশিংদা মিৎয়েং চঙলি। মসিদগী অহেনবা ওইনা শহর ২৯০০+ হেনবদা লৈবা অমাংশঙ ৫৯৯০০ অসি গুগল মেপ্তা লাইব ওইহনখ্রে। মপং ওইবা ফত্ত-হৌদি শেন্নবগী মতাংদা ৱার্দশিংগী ৯৭%তি য়ুম্থোং খুদিংদা ফত্ত-হৌদি চত্তুনা খোম্বগী খুদোংচাবা লৈ, ৱার্দশিংগী ৭৭%তি ফত্ত হৌদিশিংগী হৌরকফম খন্দোক্তুনা খায়দোকপগী খুদোংচাবা লৈ অমসুং অপুনবা ফত্ত-হৌদিগী ৬৭% অসি প্রোসেস তৌরি- ইং ২০১৪দা প্রোসেস তৌবগী চাং ১৮% লৈরম্বা অদুদগী শরুক ৪ হেনগৎলে। এম.ও.ঐচ.য়ু.এ.না ফত্ত-হৌদি লৈতবা শহরশিংগী ওইবা স্তারগী থাক খায়বগী মতুং ইন্না অপুনবা ওইনা শহর ৬ (ইন্দোর, অম্বিকাপুর, নবি মুম্বাই, সুরৎ, রাজকোৎ অমসুং মৈসুরু) অসি স্তার-৫গী শহর ওইরে, শহর ৮৬না স্তার-৩ অমসুং শহর ৬৪না স্তার-১ ওইরে। অসিদা নত্তনা মিসন অসিনা সরকারগী প্রোগ্রাম অমা ওইরম্বদগী হৌজিক্তি মীয়ামগী ইহৌ অমা ওইনা শেমদোক্লক্লে। এম.ও.ঐচ.য়ু.এ.না চহিগী ওইনা পাঙথোকপা লু-নানবগী অকোনবা সর্ভে ওইরিবা স্বচ্ছ সরবেক্সন ২০২০দা মীওই করোর ১২ হেনবনা শরুক য়াখি হায়না হায়খিবগা লোয়ননা মসিনা অশেংবা ‘জন অন্দোলন’ অমা ওইরে। খুন্নাইগী মীপুম খুদিংবু মান্নবা থাক্তা লৈহনবা অমসুং মীপুম খুদিংবু শরুক য়াবা হায়বা মহাত্মানা খঞ্জরম্বা অদুগী মতুং ইন্না সেনিতেসনগী থৌমীশিং অমসুং ফত্ত-হৌদি খোম্বা মীওইশিংগী পুন্সি-মহিং নুংঙাইনা লৈহনবগী মতাংদা মিসন অসিনা মিৎয়েং চঙলি। মসিগী মতুং ইন্না ফত্ত-হৌদি খোম্বা মীওই ৮৪,০০০ হেনববু মীয়ামগী মরক্তা তিলহনখ্রে অমসুং সেনিতেসনগী থৌমী লাখ ৫.৫ হেনবনা তোঙান তোঙানবা য়াইফ য়ুম্বালগী স্কিমশিংগী মনুং চলহনখ্রে।

য়ু.এল.বি.গী ওফিসিএলশিং অমসুং স্তাফশিংগী কেপাসিতী বিলদিং তৌবা অসি মিসন অসিগী মরু ওইবা শরুক অমা ওইদুনা লাক্লি। মসিগী থৌওং অসিগী শরুক অমা ওইনা নেস্নেল ইন্সতিত্যুৎ ওফ অর্বান এফিয়র্স (এন.আই.য়ূ.এ.)গী তেংবাংগা লোয়ননা য়ু.এল.বি. ৩২০০গী ওফিসিএল ৬০০০ হেনবনা শরুক য়াবা কেপাসিতী বিলদিং ৱর্কশোপ ১৫০ হেন্না পাঙথোকখ্রে।

ভারত সরকারগী ফ্লেগশিপ প্রোগ্রাম অমা ওইরিবা স্বচ্ছ ভারত মিসন অসি ভারতকী মপাগী ১৫০শুবা মপোক কুমওন তারিবা ওক্তোবর ২, ২০১৯ ফাওবগী মনুংদা পান্দম ফংবা হায়না প্রধান মন্ত্রীনা ওক্তোবর ২, ২০১৪দা নই-দিল্লীগী রাজঘাত্তা হৌদোকখিবনি। এম.ও.ঐচ.য়ু.এ.না চুক্লি পায়রিবা মিসন অসিগী অর্বানগী শরুক অসিনা  মীয়ামগী লিচত-শাজত্তা অচৌবা অহোংবা অমা পুরকপগী খুত্থাংদা মতমগা চান্নবা অমসুং সাইন্তিফিক ওইবা ফত্ত-হৌদি শেন্নবগী থৌওং পাঙথোকপগা লোয়ননা অর্বান ভারতপু মপান্দা অমাংবা তৌবগী থৌওংদগী নিং-খা তম্বা হায়বগী পান্দম থম্লি।

***