(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• অপুনবা পোজিতিব কেসকী চাদা ১৫.১১খক এক্তিব কেসলোদনি
• অপুনবা এক্তিব কেসকী চাদা ৭৬ খ্বাইদগী চাউনা শোকহল্লিবা স্তেত ১০দা লৈরি
• ফগৎলকপগী চাংগী ঙসি চাদা ৮৩.৩৩ য়ৌরে‍, হৌখিবা পুং ২৪ মীওই ৮৬,৪২৮ ফগৎলক্তুনা দিসচার্জ তৌখ্রে
• কোবিদ-১৯গী অৱাবা অসিনা আয়ুশকী লমদা “রিসর্স কলচর” অমগী থৌনা পোকহনখ্রে
• উপ-রাস্ত্রপতিনা কোবিদ-১৯ অনাবশিং অমসুং মাংজিল থাদুনা থবক তৌরিবা লান্মীশিংদা হন্থনা য়েংবগী থৌদোকশিং য়ানিংদবা ফোঙদোকখি
• হকশেল মন্ত্রীনা সরকারনা কোবিদ লৈরবসু রিপ্রদক্তিব মেতর্নেল ন্যুবোর্ন, চাইল্দ এন্দ এদোলেসেন্স হেল্থ, ত্যুবর্ক্যুলোসিস, কেমোথেরপী, দাইলাইসিস অমসুং অহল ওইরবশিংগী লায়েংগুম্বা ইসেন্সিএল সর্ভিসশিং অসি লেপ্তনা ফংহন্নবা পোসিলীগী মতাংদা ফোঙদোকখি

ভারতনা এক্তিব কেস পর্সেন্তেজ তপ্না তপ্না হন্থরকপগী ত্রেন্দ থম্লি, অপুনবা পোজিতিব কেসকী চাদা ১৫.১১খক এক্তিব কেসলোদনি, অপুনবা এক্তিব কেসকী চাদা ৭৬ খ্বাইদগী চাউনা শোকহল্লিবা স্তেত ১০দা লৈরি

ভারততা অপুনবা পোজিতিব কেসকী চাদা ওইবা এক্তিব কেস মশীং তপ্না তপ্না হন্থরকপগী ফীভম উরি‍। হৌজিক হৌজিক লৈবাকসিগী অপুনবা পোজিতিব কেসকী চাদা ১৫.১১ খক্তমক এক্তিব কেস ওইদুনা মশীং ৯,৪০,৪৪১ ওইরি‍। ওগস্ত ১দা চাদা ৩৩.৩২ ওইরমবদগী সেপ্তেম্বর ৩০দা চাদা ১৫.১১ লৈদুনা থা অনি অসিদা এক্তিব কেস তঙ্খায় হেন্না হন্থরে‍। ভারতকী ফগৎলকপগী চাংগী মথক্তা কাখৎলক্লিবা পাদম অসি ঙসি চাদা ৮৩.৩৩ য়ৌরে‍। হৌখিবা পুং ২৪ মীওই ৮৬,৪২৮ ফগৎলক্তুনা দিসচার্জ তৌখ্রে‍।  অপুনবা ফগৎলকখ্রবা কেস ৫১,৮৭,৮২৫ ওইরি‍। ফখ্রবা কেস অমদি এক্তিব কেস অনিগী খেন্নবা অসি লাখ ৪২ (৪২,৪৭,৩৮৪) লানখ্রে‍। ফগৎলকপগী মশীং হেনগৎলকপগা লোয়ননা খেন্নবা অসি লেপ্পা লৈতনা হেনগৎলক্লি‍। লৈবাকসিদা এক্তিব কেসলোদ মশীং হন্থরকপগা লোয়ননা, সেপ্তেম্বর ২২দগী হৌরগা হৌজিক হৌজিক নারিবা মশীং অসি লাখ ১০গী মখাদা থম্বা ঙম্লে‍। এক্তিব কেসকী চাদা ৭৬ হেনবদি স্তেত ১০ হায়বদি মহারাস্ত্র, কর্নাতকা, কেরলা, অন্ধ্র প্রদেশ, উত্তর প্রদেশ, তামিল নাদু, ওরিসা, অসাম, ছত্তিসগর অমসুং তেলঙ্গনাদা লৈরি‍। মহারাস্ত্রনা এক্তিব কেস মশীং ২,৬০,০০০ লৈদুনা খ্বাইদগী য়ামবা ওইরি‍। তেস্ত, ত্রেস, ত্রেস, ত্রীত, তেক্নোলোজীগী লাল্লোং ইন্দুনা, স্তেত অমসুং য়ু.তি.শিংদা থুনা ফগৎলকপগী ফীভম উবা ফংলি‍। স্তেত অমসুং য়ু.তি. ১৪দা এক্তিব কেস মশীং ৫,০০০গী মখাদা লৈরি‍। ফখ্রবা কেসশিংগী মরক্তা চাদা ৭৮দি স্তেত/য়ু.তি. ১০দা লৈ‍। তেলি অসি মহারাস্ত্রনা ফগৎখ্রবা মীশিং ১০,০০,০০০ ওইদুনা মকোক থারি অদুগা ফখ্রবা মীশিং ৬,০০,০০০ ওইদুনা অন্ধ্র প্রদেশনা তুং ইন্নরি‍। হৌখিবা পুং ২৪দা অনৌবা কন্ফার্ম্দ কেস মশীং ৮০,৪৭২ থেংনখি‍। অনৌবা কেসশিং অসিগী চাদা ৭৬তি স্তেত অমসুং য়ু.তি. ১০দগীনি‍। মহারাস্ত্রদা খ্বাইদগী য়াম্না অনৌবা কেস ১৫,০০০ থেংনখি অমদি কর্নাকতানা অনৌবা কেস মশীং ১০,০০০ থেংনদুনা অনিসুবদা লৈখি‍। হৌখিবা পুং ২৪দা শিখিবা মীশিং ১,১৭৯ ওইখি‍। মসিগী মনুংদা চাদা ৮৫গী ময়াদি মহারাস্ত্র, কর্নাতকা, পঞ্জাপ, তামিল নাদু, উত্তর প্রদেশ, ৱেস্ত পেঙ্গল, দিল্লী, ছত্তিসগর, মধ্য প্রদেশ অমসুং অন্ধ্র প্রদেশ হায়রিবা স্তেত/য়ু.তি. ১০ অসিদনি‍। নৌনা শীখিবা মীশিংগী চাদা ৩৬ হেনবদি মহারাস্ত্রদা (মীওই ৪৩০ শিদুনা) থেংনখি‍।

অকুপ্পা ৱারোলগীদমক :

দা হর্শ বর্ধন্না পার্নর্শিপ ফোর মেতর্নেল, ন্যুবোর্ন এন্দ চাইল্দ হেল্থস (পি.এম.এন.সি.ঐচ.) ‘একাউন্তেবিলিতী ব্রেকফাস্ত’তা ৱা ঙাংখ্রে

হকশেল অমসুং য়াইফ য়ুম্বালগী কেন্দ্রগী মন্ত্রী দা হর্শ বর্ধন্না ঙসি ভিদিও কনফরেন্সকী খুত্থাংদা পার্নর্শিপ ফোর মেতর্নেল, ন্যুবোর্ন এন্দ চাইল্দ হেল্থস (পি.এম.এন.সি.ঐচ.) ‘একাউন্তেবিলিতী ব্রেকফাস্ত’তা শরুক য়াখ্রে। থৌরম অসি হ্বাইৎ রিবন এলাইন্স (দবল্যু.আর.এ.) অমসুং এব্রী ৱুমেন এব্রী চাইল্দ (ই.দবল্যু.ই.সি.)না পুন্না হোস্ত তৌখিবা থৌরমনি। চহি অসিগী থিম অসি কোবিদ লায়চৎ অসিদগী চাবোকপী অমদি অঙাংশিংগী হকশেলগী লমদা ৱানা ফংলকখিবা কান্নবশিং অদু ঙাক্নবা হোৎনবগী মতাংদনি। চাবোকপী অমসুং অঙাংগী হকশেলগী লম অসিদা কোবিদ-১৯না পীরিবা চৈথেংগী মতাংদা ৱা ঙাংলদুনা, দা হর্শ বর্ধন্ন হায়খি “নুপীশিং, অঙাংশিং অমসুং ইখৎলক্লিবশিংনা খ্বাইদগী হেন্না চৈথেং ফংলি অমদি অথুবদা খোঙথাং লৌখৎপা মথৌ তারি।” মহাক্না হায়খি জাতিগী থাক্তা, হকশেল অমসুং য়াইফ য়ুম্বাল মন্ত্রলায়না রাজ্যশিংদা নুপী, অঙাং অমদি ইখৎলক্লিবশিংদা হেল্থক্যের সর্ভিস পুম্নমক লেপ্তনা ফংহন্নবা হোৎন্নবা য়াথং পীখি অমসুং মহাক্না মসি হকথেংননা রাজ্য পুম্নমক্কী হকশেল মন্ত্রীশিংগা লোয়ননা লৌখৎখিবনি; “কোবিদ লায়চৎ অসিনা মরম ওইদুনা অৱাবা কয়া হেল্থ সিস্তেমদা পীজরবসু ঐখোয়না সর্ভিসশিং অসি নুপী, অঙাং অমদি ইখৎলক্লিবশিংদা লেপ্তনা ফংহন্নবা মীৎয়েং থম্নবা চাং নাইনা দাইলোগ চত্থরি।” মন্ত্রীনা সরকারনা কোবিদ লৈরবসু রিপ্রদক্তিব মেতর্নেল ন্যুবোর্ন, চাইল্দ এন্দ এদোলেসেন্স হেল্থ (আর.এম.এন.সি.এ.ঐচ.), ত্যুবর্ক্যুলোসিস, কেমোথেরপী, দাইলাইসিস অমসুং অহল ওইরবশিংগী লায়েংগুম্বা ইসেন্সিএল সর্ভিসশিং অসি লেপ্তনা ফংহন্নবা পোসিলীগী মতাংদা ফোঙদোকখি, খুন্নাইগী শোত্থরবা মীওই কাংলুপদগী মীওই মিলিয়ন ৫০০রোমদা কান্নবা পীরিআ সরকারগী অয়ুশমান ভারত - পি.এম. জে.এ.ৱাই.গী মখাদা লেম্না তেস্ত তৌরি অমসুং সরকারগী হেল্থ ফেসিলিতীশিংদা কোবিদকী লায়েং চত্থরি অমসুং মেদিকল কন্দিসনশিংদা কোবিদসু চাহল্লি।

অকুপ্পা ৱারোলগীদমক :

কোবিদ-১৯গী অৱাবা অসিনা আয়ুশকী লমদা “রিসর্স কলচর” অমগী থৌনা পোকহনখ্রে

কোবিদ-১৯গী লায়চৎ অসিনা হকশেল ফহন্নবা অমসুং লায়না ঙাকথোক্নবা আয়ুশকী লমদা লৈরিবা পাম্বৈশিংদা মীৎয়েং চিংশিল্লক্লি। মীয়াম্না শক খঙবিদ্রিবা অদুদি আয়ুশকী লম অসিদা খুদম-চাংদমদা য়ুম্ফম ওইবা স্তদীশিং লৌখৎপগী লৈবাক পুম্বদা ওইরক্লিবা চৎনবীগী মওং অসিনি। লোলগী খেৎনবা থমদনা মার্চ ০১, ২০২০দগী জুন ২৫, ২০২০ ফাওবা আয়ুর্বেদাগী খোঙথাংশিং লৌখৎপা য়াওনা কোবিদ-১৯গী রেজিস্তর ত্রাইএলশিংগীদমক ক্লিনিকেল ত্রাইএল রেজিস্ত্রীগী মপুং ফবা সর্চ অমা তৌনবা স্তদী অমা পাঙথোকখি। হায়রিবা মতম অসিগী মনুংদা আয়ুর্বেদা রেজিস্তর তৌখিবা অনৌবা ত্রাইএলশিংগী মশিং অসি ৫৮ ওইখি। ওগস্ত ২০২০গী অনৌবা রিপোর্তশিংনা ক্লিনিকেল ত্রাইএল রেজিস্ত্রী ওফ ইন্দিয়া (আই.তি.আর.আই.)দা রেজিস্তর তৌরকখিবা ত্রাইএল ২০৩গী মনুংদা ৬১.৫%দি আয়ুশকী লমশিংদগী ওইরি হায়না উৎখি। রেজিস্তর তৌখিবা ত্রাইএল ৫৮গী মনুংদা, ৫২ (৮৯.৬৬%)দি ইন্তর্বেনস্নেল ত্রাইএলশিংনি অমসুং ৬ (১০.৩৪%)না ওবজর্বেস্নেল ত্রাইএলশিংনি। অয়াম্বা ত্রাইএলশিং অসিদা তার্গেৎ পোপুলেসন ওইনা নুপা-নুপী অনিমক্তগী মীয়াই চল্লবা মীওইশিংনা শরুক য়ারি।পুন্না ত্রাইএল ৫৩ (৯১.৩৮%)না চহি ১৮ নত্রগা মথক্কী মীওইশিং শরুক য়াহল্লি অমসুং ত্রাইএল ৫ (৮.৬২%)না চহি ১৮গী মখাদা লৈবা মীওইশিং শরুক য়াহল্লি। সেন্ত্রেল কাউন্সিল ফোর রিসর্স ইন অয়ুর্বেদিক সাইন্সেসকী রিসর্সররশিংনা ইবা অনৌবা পেপরনা ত্রাইএল রেজিস্ত্রীগী মশিং অমসুং স্পোন্সরশিপ, স্তদীগী মখলগী অকুপ্পা মরোল অমসুং স্তদীগী মতম অমসুং দিজাইনগী ৱারোল য়াওনা আয়ুর্বেদাদা য়ুম্ফম ওইবা কোবিদ-১৯ ক্লিনিকেল ত্রাইএলশিংগী মরমদা অকুপ্পা মারোল ফংহল্লি। মখা তানা, মসিনা রেজিস্ত্রেসনগী তাং অমসুং স্তদী অসি তশেংনা হৌখিবা তাং অমসুং শরুক য়াহল্লিবা মীওইশিংগা মরী লৈনবা ইপাউ অসি ত্রেক তৌরি অমসুং হায়রিবশিং অসি মার্চ ০১. ২০২০দগী জুন ২৫.২০২০ ফাওবদা সি.তি.আর.আই.দা রেজিস্তর তৌরকপা ত্রাইএলশিংগী ই-পাউদা য়ুম্ফম ওইরগা পুনশিন্দুনা, উৎতুনা অমদি এনালাইসেস তৌরি।

অকুপ্পা ৱারোলগীদমক :

হকচাং ফবা পুন্সি মহিং অমা লৈনবা “দিনচার্য়া” অমসুং “রিতুচার্য়া”গী ৱাখল্লোল ইন্নবা উপ-রাস্ত্রপতিনা পাউতাক পীখ্রে, কোবিদ-১৯ অনাবশিং অমসুং মাংজিল থাদুনা থবক তৌরিবা লান্মীশিংদা হন্থনা য়েংবগী থৌদোকশিং য়ানিংদবা ফোঙদোকখি

অফবা হকচাং অমসুং অফবা পুক্নিং-ৱাখলগী মরুওইবগী মতাংদা ঙরাং উপ-রাস্ত্রপতি এম.বেনিকাইয়া নাইদুনা হায়খি ঐখোয়না হকচাং ফবা পুন্সি মহিং অমা লৈনবা “দিনচার্য়া” অমসুং “রিতুচার্য়া”গী ৱাখল্লোল ইনগদবনি। “কোবিদ মতুংদা মালেমগী অনা-লায়েং-নৌনা হৌদোকপা” হায়বা পান্দম অসিদা ভিদিও কনফরেন্সকী খুৎথাংদা এফ.আই.সি.সি.আই হিলগী ১৪সুবা ইদিসন হৌদোকপা থৌরমদা উপ-রাস্ত্রপতিনা হায়খি লাইচৎ অসিনা ঐখোয়দা হকচাং ফনা অমসুং পুক্নিং-ৱাখল ফনা লৈবগী মরুওইবা অদু তম্বীরে অমসুং লায়নাদগী ঙাকথোক্নবা মচি ওইবা চীঞ্জাক চাদুনা হকচাং ফনা থমগদবনি। কোবিদ-১৯ অনাবশিং অমসুং মাংজিল থাদুনা থবক তৌরিবা লান্মীশিংদা হন্থনা য়েংবগী থৌদোকশিং য়ানিংদবা ফোঙদোক্লদুনা উপ-রাস্ত্রপতিনা হায়খি অসিগুম্বা থৌওংশিং য়ারোইদবনি অমসুং ফগৎলক্লিবশিং মাঙহনবনি। কোবিদ পোজিতিপ ওইবা নৎত্রগা কোবিদ অনাবা অমগা শম্নরুবশিং ঐখোয়না মীরাইরোইদবনি। ঐখোয়না মীনুংশি উৎকদবনি অমসুং কোবিদ-১৯গী মতাংদা অফবা পাউজেল শন্দোক্কদবনি। কোবিদ-১৯না মালেমগী ওইনা পুক্নিং-ৱাখল লাংতক্নবা থোকহল্লে অমসুং মীওই খরদা ৱাখলগী লায়না নাহল্লে। অহলশিং, মখোয়গী সেবা তৌরিবশিং, ৱাখলগী লায়না লৈবা অনাবশিং অমসুং তোল্লবা মীওইশিংগী পুক্নিং-ৱাখল ফনা লৈনবা অখন্নবা মিৎয়েং চঙগদবনি। কোবিদ-১৯ অনাবশিং অমসুং মাংজিল থাদুনা থবক তৌরিবা লান্মীশিংদা হন্থনা য়েংবগী থৌদোকশিং থোক্লে। অসিগুম্বা থৌওংশিং য়ারোইদবনি অমসুং ফগৎলক্লিবশিং মাঙহনবনি। কোবিদ পোজিতিপ ওইবা নৎত্রগা কোবিদ অনাবা অমগা শম্নরুবশিং ঐখোয়না মীরাইরোইদবনি। ঐখোয়না মীনুংশি উৎকদবনি অমসুং কোবিদ-১৯গী মতাংদা অফবা পাউজেল শন্দোক্কদবনি। মহাক্না হায়খি ঐখোয়গী অনা-লায়েংগী থবকশিং মপাঙ্গল কনখৎহন্নবা ঐখোয়না মালেমগী খ্বাইদগী ফবশিং লৌশিনগদবনি। অৱাংবা থাক্কী তেক্নোলোজি অমসুং অফবা খুৎলায়শিং য়াওনা মেদিকেলগী খুৎলায়শিং শাবগী লমদা লৈরিবা অৱাৎশিং অসি মেনশিন্নবা লনাই কম্পেনিশিংনা অত্মনির্ভর ভারত অভিয়ানগী খুদোংচাবশিং লৌগদবনি।

অকুপ্পা ৱারোলগীদমক :

সরকারনা সি.পি.এস.ই.গী শেলওন, থবক পাংথোকপগী মঙম অমসুং হেন্না শেন্দোন ফংবা হেনগৎহন্নবদা অকনবা মিৎয়েং থম্লি: শ্রী প্রকাশ জাবাদেকর

হেভি ইন্দস্ত্রিজ অমসুং পব্লিক ইন্তরপ্রাইজেজগী মন্ত্রী শ্রী প্রকাশ জাবড়েকরনা হৌজিক থোক্লিবা লায়চৎ মতমসিদা সেন্ত্রেল পব্লিক সেক্তর ইন্তরপ্রাইজেজ(সি.পি.এস.ই.)না লৌরিবা মরুওইবা থৌদাং অসিবু থাগৎলদুনা ফোংদোকখি, পি.এস.য়ু.শিং অসি ঐখোয়গী লৈবাক্কী ওইনা চাউথোক্নিংঙাই ওই অমদি সরকারনা মসিগী য়ুনিৎশিংসিদা থবক্কী মঙম, শেলওন অমদি শেন্দোং হেনগৎহন্নবা অকনবা মিৎয়েং থম্লি। মন্ত্রী অসিনা রাজ্য মন্ত্রী শ্রী অর্জুন রাং মেঘৱালগা লোয়ননা ঙসি ইরোমদোম লেপচবা ঙম্বা, অমুক হন্না শেমগৎপা ঙম্বা অমদি হান্নগী ফীভমদা অমুক হঞ্জিলহল্লকপা ঙম্বা ভারত হায়না মিংথোনবা মচং ওইবা ৱাফম অসি হৌদোকখি। মচং ওইবা ৱাফম অসি লায়চৎ অসিগী মতমদা পি.এস.ই.শিংনা লৌখিবা থৌদাং অদুনি। (e-Compendium) শ্রী জাবাদেকরনা লায়চৎ অসিগী মতমদা পি.এস.ই.শিংনা তৌখিবা থবকশিং অসি থাগৎখি। শ্রী জাবারেকরনা হায়খি, “লায়চৎ অসিগী মতমদা চাদা ৯৯ মৈ ফংহনখি, চাউরাক্না এল.পি.জি. য়েন্থোক্নবা ২৪,০০০মুক, রিতেল আওতলেৎ ৭১,০০০, এস.কে.ও.দিলর ৬,৫০০ অসি মীয়ামগী মতেং পাংনবা নুমিৎ চুপ্পা হাংদুনা থমখি।” সি.পি.এস.ই.গী চাদা ১০০রোম পোৎশিং পুথোক-পুশিন তৌবা অমদি পোৎলমশিং পুথোকখি হায়না মন্ত্রীনা থাগৎলদুনা হায়খি, “এল.পি.জি. সিলিন্দর করোর ৭১রোম অসি মীয়ামদা ফংহনখি, ও.এম.সি.শিংনা কঞ্জুমরশিংদা এপ্রীলদগী জুনফাওবা থা ৩মুক্কী ওইনা লুপা করোর ১৩০০গী শেলগী তেংবাংগা লোয়ননা করোর ২১রোমগী লেম্না গ্যাস হান্নবা পীখ্রে।” চাউরাক্না মেত্রিক তোন মিলিয়ন ৩৩মুক পুথোক-পুশিন তৌখি অদুগা সি.পি.এস.ই.শিংনা লৈবাক অসিদা শন্দোক্তুনা লৈরিবা অচৌবা অমদি লাপ্না লৈবা মফমশিংদা লৈবা হোসপিতালশিংদা ২০১দা হকশেলগী ওইবা তেংবাং ওইনা চাউরাক্না ফমুং ১১,০০০মুক ফংহনখি।”মহাক্না মখা তানা ফোংদোকখি।

অকুপ্পা ৱারোলগীদমক :

শ্রী পিয়ুশ গোয়ালনা লাইচৎ অসিনা পীরিবা খুদোংচাদবশিং কোকহন্নবগীদমক খাঙবা কনবা, অপুনবগী পাঙ্গল, অমসুং থৌওংশিংবু নৌনা ইঞ্জিনীয়র তৌবদা মীৎয়েং থম্লি

কেন্দ্রগী কম্মর্স অমসুং ইন্দস্ত্রী অমসুং রেলৱে মন্ত্রী শ্রী পিয়ুশ গোয়ালনা লৌউশিংউগী রিফোর্মশিং অসিবু ঐখোয়গী লৌমীশিংগী চাউখৎলোন্দা খ্বাইদগী মরুওইবা খোঙজং অমনি হায়না ফোংদোকখ্রে। 'ন্যু ৱার্ল্দ ওর্দর – আত্মনির্ভর ভারত'কী মতাংদা পাঙথোকপা ফেদরেসন ওব তেলঙ্গানা চেম্বর্স ওব কম্মর্স অমসুং ইন্দস্ত্রীগী থৌরম অমদা ঙসি ৱা ঙাংলদুনা মহাক্না হায়খি মদুদি লাইচৎ অসিনা পীরিবা খুদোংচাদবশিং কোকহন্নবগীদমক খাঙবা কনবা, অপুনবগী পাঙ্গল, অমসুং থৌওংশিংবু নৌনা ইঞ্জিনীয়র তৌবদা মীৎয়েং থম্লি।  ইন্দিয়ন রেলৱেগী থৌনাবু পল্লদুনা মহাক্না হায়খি মদুদি সেপ্তেম্বরগী নুমিৎ ২৯নিদা, অহেনবা ফ্রৈৎ চাদা ১৫ মমাং চহীগী চাংগা চাংদম্নবা হেনখি। শ্রী গোয়ালনা হায়খি মদুদি কোবিদ-১৯গী হৌরকপা মতমদা ভারত্তা মাস্ক, পি.পি.ই. কিৎ, তেস্তিং কিৎ অমসুং ভেন্তিলেতর অমত্তা শারমদে, অদুবু ঐখোয়গী ইন্দস্ত্রীশিংনা থৌনা লৈনা চোংথোক্লক্তুনা হৌজিক্তি ঐখোয়গী কোন্ননবা শাবগী মথক্তা পোৎলমশিং অসি মীরমদসু থাদোক্লে।

অকুপ্পা ৱারোলগীদমক :

পি.আই.বি. ফিল্দ ওফিসশিংদগী ফংবা পাউ

•           মহারাস্ত্র: মহারাস্ত্রদা হৌজিক তৌরিবা লোদাউন অসিনা সেপ্তেম্বর ৩০ লোইশিল্লকপদা, সরকার অসিনা রাজ্য অসিদা কোবিদ-১৯নামরম ওইরগা থা তরুক ময়া নক্না লোন্দুনা লৈরুরবা রেস্তোরেন্তশিং অমসুং বারশিং অমুক হন্না হাংদোক্নবগীদমক্তা ওইবা স্তেন্দার্দ ওপরেতিং প্রোসিজরশিং(এস.ও.পি.শিং) শেমখ্রে। মহারাস্ত্রদা হৌজিক ফাওবদা কোবিদ-১৯গী এক্তিব কেস লাখ ২.৬০ লৈরি।

•           গুজরাত: হৌখিবা পুং ২৪দা অনৌবা কেস ১,৩৮১ অমুক হনেগৎলক্তুনা লৈবাকপোকপা নুমিত্তা গুজরাতকী কোবিদ-১৯ কেসলোদ অদু ১,৩৬,০০৪দা হেনগৎখ্রে। সুরত্তগী মীওই মরি য়াওনা ইনফেক্সন্না মরম ওইরগা ১১ অমুক লৈখিদবগা লোইনননা রাজ্য শিখিবশিংগী অপুনবা মশিং অদু ৩,৪৪২দা হেনগৎখ্রে। হৌখিবা পুং ২৪গী মতম অসিগী মনুংদা লাইয়েংলবা মতুংদা মীওই ১,৩৮৩ দিসচার্জ তৌখ্রে, মসিনা ফগৎখিবশিংগী অপুনবা মশিং অদু ১,১৫,৮৫৯ য়ৌহনখ্রে। গুজরাতকী কেস ফগৎলকপগী চাং অসি এক্তিব কেস ১৬,৭০৩ লৈখিবগা লোইননা হৌজিক চাদা ৮৫.১৯ য়ৌখ্রে।

•           রাজস্থান: কোবিদ-১৯গী ময়োক্তা লান্থেংননবা খুদম ওইনা মাস্কশিং উপ্পা অমসুং সোসিয়েল দিস্তেন্স ঙাক্না চৎনবা প্রক্তিসশিং অসি চৎননবা মীয়ামদা পুক্নিং থৌগৎনবা ওক্তোবর ২দা রাজস্থান্দা মাস এৱেয়রনেস মুভমেন্ত হৌদোক্লগনি। রাজস্থানদা কোবিদ কেস লাখ ১.৩৩ থেংনখি অমসুং এক্তিব কেস ২০,৩৭৬ লৈরি।

•           মধ্য প্রদেশ: মধ্য প্রদেশতা, রাজ্য সরকারনা নর্সিং হোম পুম্নমক অমসুং লনাইগী হোসপিতালশিংনা মখোয়গী রিসেপশন কাউন্তরদা কোবিদ-১৯ লাইয়েংনবগী প্রেস্ক্রাইব তৌরবা মমলশীং অদু দিসপ্লে তৌদুনা থম্বা অসি মেন্দেতরী ওইহনখ্রে। হৌজিক মধ্য প্রদেশতা এক্তিব কেস ২১,৩১৭ লৈরি।

•           অসাম: অসাম হেল্থ মিনিস্তরনা ত্বীত তৌরকখি মদুদি ঙরাং পেসেন্ত ১,৭০২ দিসচার্জ তৌখ্রে, মহাক্না মীয়ামদা লাইচৎ অসিবু লাকশিন্নবা অহকপা চেকশিন-থৌরাংশিং লৌখৎনবা হায়খ্রে। দিসচার্জ তৌখিবা পেসেন্তশিংগী অপুনবা মশিং ১,৪৩,৯৯৯ অমসুং এক্তিব পেসেন্ত ৩২,৫৩৯।

•           মনিপুর: মনিপুরদা অনৌবা কোবিদ-১৯ পোজিতিব কেস ২৯ থেংনখি। মীওই অমমুক লাইনা অসিনা মরম ওইরগা লৈখিদ্রে, মসিনা শিবগী মশিং অদু ৬৫ শুখ্রে।

•           মঘালয়া: মঘালয়াদা, অপুনবা এক্তিব কোবিদ-১৯ কেসশিংগী মশিং অদু ১,৪৭৬তা হেনগৎলকখ্রে, বি.এস.এফ. অমসুং আর্মদ ফোর্সশিংগী মশিং ৯৯, অতোপ্পশিংগী অপুনবা মশিং ১,৩৭৭ অমসুং ফগৎখিবশিংগী অপুনবা মশিং ৩,৯৪০।

•           মিজোরাম: মিজোরামদা ঙরাং কোবিদ-১৯গী অনৌবা কেস ২৮ কনফর্ম তৌখি। অপুনবা কেস ১,৯৮৬, এক্তিব কেস ৪১০।

•           নাগালেন্দ: অনৌবা কেস ৮৩ থেংনখিবগা লোইননা নাগালেন্দগী কনফর্ম কেসশিংগী অপুনবা মশিং অদু ৬,০৪০ য়ৌখ্রে। এক্তিব কেস ১,০৩৭ অমসুং ফগৎখিবশিংগী মশিং ৪৯৪২।

•           সিক্কিম: অনৌবা কেস ৪১ অমসুং ৭১ দিসচার্জ তৌখিবগা লোইননা সিক্কিমগী কোবিদ-১৯ এক্তিব কেসশিংগী মশিং অদু ৬৬৭ শুখ্রে।

•           কেরলা: ঙসি পাংথোকখিবা মীফম অদুদা রাজ্যগী কেবিনেতনা মথংগী থা অহুমগীদমক্তা দেস্তিত্যুত হোমশিং, মেন্তল হেল্থ সেন্তরশিং অমসুং মোনাস্তরীশিংগী ইনমেতশিংগীদমক্তা প্রোভিজন কিতলেম্না পীনবা ৱারেপ লৌখ্রে। মরক অসিদা, রাজ্য অসিদা ঙসি কোবিদনা মরম ওইরগা থা মঙা শুরবা অঙাং অমা য়াওনা অনি শিখ্রে, মসিনা শিখিবশিংগী মশিং অদু ৭২১ য়ৌখ্রে। হৌজিক পুন্না পেসেন্ত ৬১,৭৯১ লাইয়েংদুনা লৈরি অমসুং রাজ্য শিনবা থুংনা মীওই লাখ ২.৩৬ ওবজার্ভেশন তৌদুনা লৈরি।

•           তামিল নাদু: রাজ্য সরকারনা ওক্তোবর ৩১ ফাওবা থা অমগীদমক্তা, অহেনবা রেলেক্সেশনশিংগা লোইননা তি.এন.দা লোকদাউন শাংদোক্নবা ৱারেপ লৌখ্রে; ওক্তোবর ৩১ ফাওবা স্কুলশিং লোন্দুনা লৈখিগনি। তিরুচীদা কোবিদ-১৯ পোজিতিব ওইবগী চাং অসি সেপ্তেম্বরদা চাদা মঙাগী মখাদা হন্থখ্রে; সেপ্তেম্বরগী অহোবদা লোকদাউনগী নোর্মশিং কোমথোকপা মতমদা, ওফিসিয়েলশিংনা কেসশিং হেনগৎলকপা উবগী ওইথোকপা য়াবা লৈ হায়খি। তামিল নাদু সরকারনা হৌজিক চত্থরিবা কোবিদ-১৯ লোকদাউনগী মনুংদা ওক্তোবর ২ রাজ্য শিনবা থুংনা গ্রাম সভা মীফমশিং পাংথোক্নবা ওথোরিতীশিংনা অয়াবা পীখ্রে; কোবিদ-১৯গী মতাংদা পব্লিক এক্সপেন্সশিং, এৱেয়রনেস অমসুং চেকশিন-থৌরাংগী পাম্বৈশিং অমসুং রাজ্য অসিদা সিঙ্গল-য়ুস প্লাস্তিকশিংগী মতাংদা অথিংবা থম্বা অদু চৎনহন্নবা মীফমশিং অসিগী মনুংদা খন্নরগনি।

•           কর্নাতকা: রাজ্য অসিদা লৈবাকপোকপা নুমিত্তা য়ামলবা কোবিদ কেস ১০,৪৫৩ থেংনখি, মসিনা অপুনবা কেসশিংগী মশিং অদু ৫,৯২,৯১১ য়ৌহনখি। হাই কোর্তনা খঙবা ঙমখি মদুদি কোবিদ হোসপিতাল য়েংশিল্লিবা পেনেলশিংনা থ্ইদনা তৌখি অমসুং কোবিদ পেসেন্তশিংদা ওক্সিজেনগী ফংবগী মতাংদা রিপোর্ত অমা ফাইল তৌনবসু রাজভদা তাকলকখ্রে। ইলেক্সন কমিশন ওফ ইন্দিয়ানা লৈবাকপোকপা নুমিত্তা সিরাগী অমসুং মতম কুইনদগী পন্দুনা লৈরবা রাজারাজেশ্বরি নাগর কোন্সতিত্বেন্সীশিংগীনা নোবেম্বর ৩দা এসেম্বলী বাই-ইলেক্সনশিং লাউথোকখ্রে।

•           অন্ধ্র প্রদেশ: রাজ্য অসিনা কেন্দ্র সরকারগী অনৌবা গাইদলাইনশিং অসিগী মতুং ইন্না চৎনবা অনৌবা সীতিং এরেঞ্জমেন্তকা লোইননা আর.তি.সি. বসশিংনা চৎপগী অয়াবা পীনবা ৱারেপ লৌখ্রে; সীত অমগী পেসেঞ্জর অমা য়াহনগনি। মখাতানা আর.তি.সি.না কোরোনাভাইরসনা মরম ওইরগা লৈখিদবা স্তাফকী ইমুংশিংদা লাখ ৫ পীনবা ৱারেপ লৌখ্রে। ভাইরস অসিনা এমপ্লোয়ী ৪৫০০ ইনফেক্ত তৌরবা মতুংদা এমপ্লোয়ী ৭২ শিখি। হৌখিবা পুং ২৪দা ৱিশাখাপতনম জিলাদা কেস ৩৮১ থেংনখিবনা জিলা অসিদা কোবিদ পোজিতিব কেস অদু ৫০,৩৯৫দা হেনগৎখি, মসিনা অপুনবা মশিং অদু ৫০,৩৯৫ য়ৌহনখ্রে। হৌজিক ফাওবদা ফরবা মতুংদা হোসপিতাল কয়া অমদগী ৪৫,৮৯৪ দিসচার্জ তৌখ্রে।

•           তেলঙ্গানা: হৌখিবা পুং ২৪দা অনৌবা কেস ২১০৩ থেংনখি, ২২৪৩ ফগৎখি অমসুং ১১ শিখিবগী পাউ লৈখি; কেস ২১০৩গী মনুংদা জি.ঐচ.এম.সি.দগী কেস ২৯৮ থেংনখি। অপুনবা কেসশিং: ১,৯১,৩৮৬; এক্তিব কেসশিং: ২৯,৩২৬; শিখিবশিং: ১১২৭; দিসচার্জ তৌখিবশিং: ১,৬০,৯৩৩। দুব্বাক এসেম্বলী কোন্সতিত্বেন্সীগী মীখল অদু কোবিদ-১৯ গাইদলাইনশিং চেকশিন্না ইন্দুনা নোবেম্বর ৩দা পাংথোক্লগনি। বাই-ইলাক্সনশিং অসিদা ই.ভি.এম.শিং শিজিন্নরগনি, ই.সি.আই.না নোমিনেশন পেপরশিং মেনশিন্নবা, দিপোজিতশিং পীবা অমসুং ইলেক্তরগী সার্তিফিকেত লৌননবগীদমক্তা কেন্দিদেতশিংগীদমক্তা ওনলাইন ওপশনশিংসু পীখ্রে। ই.সি.আই.না মরু ওইনা পনখ্রে মদুদি তঙাইফদনা চৎকদবা কোবিদ-১৯ প্রোতোকোল অসি শোইদনমক্কী ইনগদবনি।

ফেক্ত চেক

*****