এস.জে.ভি.এন. লিমিতেদনা ২০২০-২১গী ওইনা ঙসি ভারত সরকারগা মেমোরেন্দম ওফ অন্দরস্তেন্দিং খুৎয়েক পীনখ্রে। এম.ও.য়ু. অসি ভারত সরকার(পাৱর)গী সেক্রতরী অমসুং এস.জে.ভি.এন.গী চেয়রমেন অমসুং মেনেজিং দিরেক্তর শ্রী নন্দলাল শর্মাগা খুৎয়েক পীনখি। এম.ও.য়ু. অদু ভিদিও কনফরেন্সকী থোংদা পীনখি।

এম.ও.য়ু. অদুদা থমখিবা পান্দমগী মতুং ইন্না এস.জে.ভি.এন.না ‘খ্বাইদগী ফবা’ কাংলুপকী মখাদা চহি অসিদা মৈ পুথোকপগী চাং অসি য়ুনিৎ মিলিয়ন ৯৬৮০ য়ৌনবা পান্দম য়ৌবা ঙমগদবনি। মসিগী মখা তানা স.জে.ভি.এন.না থবক্কী মঙম অমদি প্রোজেক্ত অসিবু য়েংশিন্নবগা মরি লৈনবা অতোপ্পা তার্গেৎশিংগা কোন্ননা ‘খ্বাইদগী ফবা’ কাংলুপকী মখাদা লুপা করোর ২৮৮০গী কেপিতেল এক্সপেন্দিচর(সি.এ.পি.ই.এক্স.) অমসুং লুপা করোর ২৮০০গী শেলওন লৈনবা তৌগদবনি। 

দিরেক্তর(পর্সোন্ল) শ্রীমতি গীতা কাপুর, দিরেক্তর(সিভিল) ঐস.ঐচ. এস.পি. বন্সল, দিরেক্তর(ফাইনান্স) এস.ঐচ. এ.কে. সিংহ অমসুং দিরেক্তর(ইলেক্ত্রিকেল) এস.ঐচ. সুশিল শর্মানা অতোপ্পা এস.জে.ভি.এন.গী মকোক থোংবা ওফিসিএলশিংগা এম.ও.য়ু. খুৎয়েক পীনবা অদুদা য়াওখি।

কনফরেন্স অদুদা ঐস.ঐচ. নন্দলালনা সেক্রতরী(পাৱর)দা মেগাৱাত ২০১৬কী চাংদা হাপ্পগা কোন্ননা এস.জে.ভি.এন.নাহৌখিবা শেনবা চহিদা লুপা করোর ৮৪৪.৯১ থিখিবা অসিগা য়েংনরুবদা শেনবা চহি ২০১৯-২০গী ওইনা মাগী শেয়র হোল্দরশিংদা লুপা করোর ৮৬৪গী অথুংবা ওইনা  থিখ্রে হাযনা খংহনখি। মহাক্না মখা তানা এস.জে.ভি.এন. সোলর প্রোজেক্ত অনি-লুপা ২.৭৩/য়ুনিৎকী তেরিফতা মেগাৱাৎ ১০০গী ধোলেরা সোলর প্রোজেক্ত অমসুং মেগাৱাৎ ১০০গী রাঘানেসদা সোলর প্রোজেক্ত হাপচিনখ্রে।  অদুগা গুজরাৎ উর্জা নিগম লিমিতেদ(জি.য়ু.ভি.এন.এল.)তগী মথংশিৎনা য়ুনিত্তা লুপা ২.৭৩ ওইখি।

এস.ঐচ. নন্দলাল শর্মানা হিমাচল প্রদেশ, উত্তরাখন্দ, নেপাল অমসুং ভুতান্দা হাইদ্রো প্রোজেক্ত তরাহুমদোই(১৩না থবক পাংথোকহল্লি হায়না পাউদমখি। মসিগী এস.জে.ভি.এন.গী অসিদা নত্তনা বিহারদা মেগাৱাৎ ১৩২০গী বক্সর থর্মেল প্রোজেক্তসু থবক পাংথোকহল্লি। মহাক্না মখা তানা এস.জে.ভি.এন.না ভারত অমসুং অতোপ্পা য়ুম্লোন্নবা লৈবাকশিংদা পাৱর প্রোজেক্তশিং তান্নরি অমদি এস.জে.ভি.এন. অসিনা নেপাল অমদি অরুনাচল প্রদেশকী সরকারশিংগা মখোয়গী লমশিংদা হাইদ্রোগী থবক তৌবা ঙম্নবগী কান্নবা লৌনবা ৱারী শান্নরি হায়না ফোংদোকখি।

এস.জে.ভি.এন.গী তীমদা মহাক্কী থাজবশিং অদ অমুক হন্না খংহনবা মতমদা এস.ঐচ. শর্মানা এস.জে.ভি.এন. অসি ২০২৩দা মেগাৱাৎ ৫০০০, ২০৩৯দা মেগাৱাৎ ১২০০০ অমসুং ২০০দা মেগাৱাৎ ২৫০০০গী চাংদা ইন্সতোল তৌবা ঙনম্নবগী পান্দম ফংনবগী মায়কৈরোমদা কন্না চংশিল্লক্লি হায়না ফোংদোকখি।  

*****