ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ

ଭାରତ-ଶ୍ରୀଲଙ୍କା ଦ୍ଵିପାକ୍ଷିକ ଭର୍ଚୁଆଲ ଶିଖର ସମ୍ମିଳନୀରେ ପ୍ରଧାନମନ୍ତ୍ରୀଙ୍କ ଉଦଘାଟନୀ ଅଭିଭାଷଣ

Posted On: 26 SEP 2020 5:36PM by PIB Bhubaneshwar

ମହାମହିମ ପ୍ରଧାନମନ୍ତ୍ରୀ ମହିନ୍ଦା ରାଜପକ୍ଷ,

ନମସ୍କାର,

ଆୟୁବୋଭାନ,

ୱଣକ୍କମ,

ମହାମାନ୍ୟ,

ମୁଁ ଆପଣଙ୍କୁ ଏହି ଭର୍ଚୁଆଲ ଶିଖର ସମ୍ମିଳନୀକୁ ହାର୍ଦ୍ଦିକ ସ୍ଵାଗତ କରୁଛି । ସବୁବେଳ ପରି ପ୍ରଥମ ସରକାରୀ ଭାରତ ଗସ୍ତରେ ଆପଣଙ୍କୁ ସ୍ଵାଗତ କରି ଆମେ ବହୁତ ଖୁସି ଅନୁଭବ କରିବୁ । ଆପଣଙ୍କୁ ସବୁବେଳେ ନିମନ୍ତ୍ରଣ ରହିବ । ବର୍ତ୍ତମାନର ପରିସ୍ଥିତି ଦୃଷ୍ଟିରୁ ଏହି ଭର୍ଚୁଆଲ ଶିଖର ସମ୍ମିଳନୀ ନେଇ ମୁଁ ଖୁବ ଖୁସି । ଆପଣ ଏହି ଶିଖର ସମ୍ମିଳନୀ ପାଇଁ ନିମନ୍ତ୍ରଣ ରକ୍ଷା କରିଥିବାରୁ ମୁଁ ଆପଣଙ୍କୁ ଧନ୍ୟବାଦ ଜଣାଉଛି ।

ଆପଣ ପ୍ରଧାନମନ୍ତ୍ରୀ ଭାବେ ଦାୟିତ୍ଵ ଗ୍ରହଣ କରିବା ଯୋଗୁଁ ମୁଁ ଅଭିନନ୍ଦନ ଜଣାଉଛି । ସଂସଦୀୟ ନିର୍ବାଚନରେ ଏସଏଲପିପିର ବୃହତ ବିଜୟ ପାଇଁ ମଧ୍ୟ ମୋର ଅଭିନନ୍ଦନ । ଏହି ଐତିହାସିକ ବିଜୟ ଆପଣଙ୍କ ଉପରେ ଜନତାଙ୍କ ବିଶ୍ଵାସକୁ ପ୍ରତିପାଦିତ କରିଛି । ଭାରତ ଓ ଶ୍ରୀଲଙ୍କା ମଧ୍ୟରେ ଥିବା ବହୁମୂଖୀ ସମ୍ବନ୍ଧ ହଜାର ହଜାର ବର୍ଷର ପୁରୁଣା । ମୋର ପ୍ରଥମେ ପଡୋଶୀ ଦେଶ ନୀତି ଓ ମୋର ସରକାରଙ୍କ ସାଗର ନୀତି ଯୋଗୁଁ ଆମେ ଭାରତ-ଶ୍ରୀଲଙ୍କା ମଧ୍ୟରେ ସଂପର୍କକୁ ଯଥେଷ୍ଟ ମହତ୍ଵ ଦେଇଥାଉ ଏବଂ ବିମଷ୍ଟେକ, ଆଇଓଆରଏ ଓ ସାର୍କ ସମ୍ମିଳନୀରେ ମଧ୍ୟ ଉଭୟ ଦେଶ ସମାନ ମତ ପୋଷଣ କରିଛନ୍ତି । ନିକଟରେ ଆପଣଙ୍କ ଦଳର ବିଜୟ ଭାରତ-ଶ୍ରୀଲଙ୍କା ସମ୍ପର୍କରେ ଏକ ଐତିହାସିକ ଅଧ୍ୟାୟ ଯୋଡିବା ପାଇଁ ବିରାଟ ସୁଯୋଗ ଆଣିଦେଇଛି । ଉଭୟ ଦେଶର ଜନସାଧାରଣ ଅତ୍ୟନ୍ତ ଉତ୍ସାହ ଉଦ୍ଦୀପନାର ସହ ଏହାକୁ ଚାହିଁ ବସିଛନ୍ତି । ମୁଁ ଦୃଢ ନିଶ୍ଚିତ ଯେ, ଆପଣ ପାଇଥିବା ବିଜୟ ଏବଂ ସଂସଦରୁ ମିଳୁଥିବା ଆକୁଣ୍ଠ ସମର୍ଥନ ଯୋଗୁଁ ଆମର ଦ୍ଵିପାକ୍ଷିକ ସହଯୋଗ ଆହୁରି ସୁଦୃଢ଼ ହେବ ।

ମୁଁ ବର୍ତ୍ତମାନ ପ୍ରଧାନମନ୍ତ୍ରୀ ରାଜପକ୍ଷଙ୍କୁ ତାଙ୍କର ଉଦଘାଟନୀ ଭାଷଣ ଦେବା ପାଇଁ ଅନୁରୋଧ କରୁଛି ।

 

**********



(Release ID: 1659413) Visitor Counter : 192


Read this release in: English , Urdu , Hindi , Marathi , Manipuri , Bengali , Assamese , Punjabi , Gujarati , Tamil , Telugu , Kannada , Malayalam