প্রধানমন্ত্রীগী লোইশঙ
ভারত-শ্রী লঙ্কাগী ভর্চুএল বাইলেতরেল সম্মিত্তা প্রধান মন্ত্রীনা পীখিবা ৱারোল
Posted On:
26 SEP 2020 5:36PM by PIB Imphal
এক্সিলেন্সী,
প্রধান মন্ত্রী
মহিন্দা রাজাপকশা
খুরুমজরি,
আয়ুবোভন,
ভনকম
এক্সিলেন্সী,
ঐহাক্না অদোম্বু ভর্চুএল মীফম অসিদা তরাম্না ওকচরি, অদোমগী ইহান হানবা ওফিসিএল ওইবা খোংচৎ ওইনা ভারত্তা লাকপদা হরাউ তরাম্না ওকচগনি। চেবাও অসি অদোমগী মফমদা মতম চুপ্পদা লৈরগবনি। হৌজিক ওইরিবা ফিবম অসিগী মনুংদা, ঐখোয়না ভর্চুএল সম্মিৎ অসি পাঙথোকপদা হরাউজৈ। সম্মিৎ অসিগীদমক ঐহাক্না পীজখিবা চেবাওদু অদোম্না তরাম্না ওকপীরে, মসিগীদমক অদোম্বু অদুক্কী মতীক থাগৎচরি।
অদোম্না প্রধান মন্ত্রীগী ফম পুরকপদা ঐহাক্না হরাউ তয়াম্বা ফোংদোকচরি। পার্লিয়ামেন্তকী মীখলদা চাওনা মায় পাকখিবগীদমক অদোমগী মফমদা অমুক্কসু হন্না হরাউবা ফোংদোকচরি। পুৱারী ওইহৌরগদবা মায় পাকপা অসিনা অদোমগী লুচিং অসিদা মীয়াম্না থাজৈ হায়বা উৎলে। ভারত অমসুং শ্রী লঙ্কা অনিগী মাইকৈ য়াম্না মরী অসি চহী লিশিং কয়াদগী লৈরক্লবনি। ঐহাক্কী লৈঙাক্কী য়ুম্থংনবনা অহানবা পোলিসী ওইগদবনি অমসুং সাগর দোক্ত্রিনগী মখাদা, ঐখোয়না শ্রী লঙ্কাগা লৈনরিবা মরী অসিদা ঐখোয়না মরুওইবা অমসুং অখন্নবা মীৎয়েং থম্লি। ভারত অমসুং শ্রী লঙ্কানা বিমস্তেক, আইওরা, সার্ক ফোরমশিংদা নক্না মতেং তাথোক তাশিন তৌনরি।
ঐখোয়গী পার্তীনা হন্দক ইনৌ নৌনা মায় পাকখিবসিগী মতুংদা, ভারত অমসুং শ্রী লঙ্কা অনিগী মরীদা অনৌবা পুৱারী ওইরগদবা পন্দুপ অমা হাপচিল্লে। লৈবাক অনীগী মীয়াম্না অনৌবা আসা অমসুং ইথিলগা লোইননা ঐখোয়দা য়েংলি। ঐহাক্না থাজৈ মদুদি পার্লিয়ামেন্ততা অদোম্না ফংখিবা অয়াবা অমসুং অদোমগী পোলিসীশিংদা চাওনা শৌগৎখিবা অসিনা লৈবাক অনিনা মতেং পীনবগী হীরম খুদিংদা খুমাং চাউশিলহনবদা মতেং পাংলগনি।
হৌজিক্তি ঐহাক্না প্রধান মন্ত্রী রাজাপকশাদা মহাক্কী হৌদোক ৱারোল পীবীনবা হায়জরি।
খঙহঞ্জবাঃ মসি চাওরাক্না হনবা ৱাহন্থোক্নি। অশেংবা ৱারোলদুমক্তি হিন্দিদা পীখি।
*****
(Release ID: 1659394)
Visitor Counter : 164
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam