PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 25 SEP 2020 6:21PM by PIB Imphal

Coat of arms of India PNG images free download

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  • অহানবা ওইনা, নোংমদা কোবিদ তেস্ত লাখ ১৫ রোম পাংথোক্লে, অপুনবা তেস্ত মশিং হেনগৎলক্তুনা করোর ৭কী ময়া য়ৌরে
  • হৌজিক ফাওবদা অনাবা লাখ ৪৭.৫ (৪৭,৫৬,১৬৪) হেন্না নাবা ফখ্রে। হৌখিবা পুং ২৪দা অনাবা মীওই ৮১,১৭৭ পুং নাবা ফখি
  • লৈবাক্কী ওইনা নাবা ফগৎলকপগী চাংসু ৱাংখৎলক্ল, ঙসিদি চাদা ৮১.৭৪ য়ৌরে
  • অনৌবা নাবা ফগৎলকপগী কেস চাদা ৭৩ রাজ্য/য়ু.তি. ১০দগী লাক্লি
  • মেদিকেল এজুকেসনগী লমদা ইতিহাসিক ওইবা শেমদোকপা, নেস্নেল এদুকেসন কমিশন লিংখৎপগা লোয়ননা ওতোনোমস বোর্দ মরিসু লিংখৎখ্রে
  • পেসেঞ্জর করোর ১ হেনবনা দোমেস্তিক ওপরেসন নৌনা হৌখিবদগী নোংথক্কী লম্বীদা চৎনখি

ভারতকী নাবা ফবগী চাং খম থেংনা হেনগত্তুনা লাখ ৪৭.৫ লানখ্রে, রাজ্য/য়ু.তি. ১০না অনৌবা নাবা ফবগী কেসতা চাদা ৭৩ হাপকৎলি

অনাবা লাখ ৪৭.৫ (৪৭,৫৬,১৬৪) হেন্না নাবা ফখ্রে। অনাবা মীওই ৮১,১৭৭ পুং ২৪গী মনুংদা নাবা ফখি। ঙসি নাবা ফখিবগী কেসনা এক্তিব কেস (৯,৭০,১১৬)তগী লাখ ৩৮ (৩৭,৮৬,০৪৮) য়ৌনা লান্থোকখ্রে। নাবা ফগৎলকপগী নম্বর অসিনা পুক্নিং থৌগৎলদুনা লৈবাক্কী ওইনা নাবা ফগৎলকপগী চাংসু ৱাংখৎলক্লি। ঙসিদি চাদা ৮১.৭৪ য়ৌরে। অনৌবা নাবা ফগৎলকপগী কেস চাদা ৭৩ রাজ্য/য়ু.তি. তরাদগী লাক্লি, রাজ্যশিংদুদি মহারাস্ত্রা, অন্ধ্র প্রদেশ, কর্নাতাকা, তমিল নাদু, উত্তর প্রদেশ, ওরিশা, দিল্লী, কেরলা, নোংচুপ বেঙ্গাল অমসুং অসমনি। মহারাস্ত্রনা অনৌবা নাবা ফগৎলকপা মশীং ১৭,০০০কা লোইননা মকোক চিংলি। অন্ধ্র প্রদেশনা নোংমদা মীওই ৮০০০ নাবা ফখি। অনৌবা কনফার্ম কেস ৮৬,০৫২ হৌখিবা পুং ২৪ অসিদা লৈবাক অসিদা লাকখি। অনৌবা কেস অসিগী চাদা ৭৫দি রাজ্য/য়ু.তি. তরাদগী লাকপনি। মহারাস্ত্রদগী অনৌবা কেস ১৯,০০০ লাকখি। অন্ধ্র প্রদেশ অমসুং কর্নাতাকাদগী ৭০০০ হেন্না লাকখি। হৌখিবা পুং ২৪ অসিদা মীওই ১,১৪১ লৈখিদ্রে। মসিগী মনুংদা চাদা ৮৩না রাজ্য/য়ু.তি. ১০দগীনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1659012

পুৱারিদা খ্বাইদগী চাউবা থবক অমা ভারতনা পাংথোক্লে, নোংমদা তেস্ত য়াম্না পাংথোকপগী রেকোর্দ থম্লে, অহানবা ওইনা, নোংমদা কোবিদ তেস্ত লাখ ১৫ রোম পাংথোক্লে, অপুনবা তেস্ত মশিং হেনগৎলক্তুনা করোর ৭গী ময়া য়ৌরে

কোবিদ-১৯গী ময়োক্তা থেংন্নবা ভারতনা পুৱারি ওইরবা থবক অমা পাংথোক্লে। অচৌবা মাইপাকপা অমদা, অহানবা ওইনা নোংমদা কোবিদ তেস্ত লাখ ১৫গী ময়া পাংথোকপা ঙম্বগী রেকোর্দ অমা থম্লে। হৌখিবা পুং ২৪দা তেস্ত ১৪,৯২,৪০৯ পাংথোক্তুনা অপুনবা তেস্ত মশিং করোর ৭ (৬,৮৯,২৮,৪৪০)য়ৌগদৌরে।নোংমদা তেস্ত তৌবা মশিং হেনগৎলকপা অসিনা লৈবাক অসিদা তেস্ত পাংথোক্নবা মচা-মথুমশিং হেনগৎলকপা অদু ফজনা উৎলে। শুপ্নগী নুমিৎ ৯দা তেস্ত করোর ১ পাংথোকখি। ঙসি ফাওবদা তেস্ত পর মিল্লিয়ন(তি পি এম) ৪৯,৯৪৮ লৈরি। ঙসি ফাওবদা লৈবাক অসিগী পোজিতিপ ওইবগী রেত চাদা ৮.৪৪দা লৈরি। তেস্ত তৌনবা দরকার ওইবশিং হেনগৎলকপদগী, রাজ্যশিং/য়ু.তিশিংদা নোংমদা তেস্ত তৌবা মশিংসু হেনগৎলক্লে। রাজ্যশিং/য়ু.তিশিং ২৩না লৈবাক্কী তেস্ত পর মিল্লিয়ন(৪৯,৯৪৮)অসিদগী হেন্না তেস্ত পর মিল্লিয়ন লৈরে। সরকারগী লেব ১০৮৪ অমসুং লনাইগী লেব ৭৩৪ য়াওনা তেস্তিং নেতৱার্ক হৌজিক পুন্না ১৮১৮ য়ৌরে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1658910

দা. হর্শ বর্ধন্না এম্স, নই দিল্লীগী ৬৫শুবা মপোক কুমওনগী থৌরম হৌদোকখ্রে

হকশেল অমসুং য়াইফ য়ুম্বাল মন্ত্রালয়গী কেন্দ্র মন্ত্রী অমসুং এম্সকী প্রসিদেন্ত দা. হর্শ ভর্ধন্না, হকশেল অমসুং য়াইফ য়ুম্বাল মন্ত্রালয়গী কেন্দ্রগী রাজ্য মন্ত্রী এস.ঐচ. অশ্বিনি কুমার চৌবে য়াওবা এম্স নই দিল্লীগী ৬৫শুবা মপোক কুমওন পালন হৌদোকখ্রে। ঙসিগী নুমিৎ অসিদা এম্সতা অন্দর গ্রেজ্যুৎকী মহৈ তম্বা হৌখি অমসুং ১৯৫৬তা এম.বি.বি.এস.কী অহানবা বেচকী ক্লাস নুমিৎ অসিদা হৌখি। হ্যুমেন রিসোর্স অমসুং দিবেলপমেন্ত মন্ত্রালয়গী নেস্নেল ইন্সতিত্যুৎ রেঙ্কিং ফ্রেমৱার্ক (এন.আই.আর.এফ.)কী মেদিকেল ইন্সিত্যুসনশিংগী মরক্তা অহানবা রেঙ্ক তারকপদা এম্সকী ফ্রেতর্নিতীবু থাগৎপা ফোঙদোক্লদুনা, দা. হর্শ বর্ধন্না এম্স, নই দিল্লী লিংখৎখিবা মতমদা ১৯৬৫তা ভারতকী পার্লিয়ামেন্তনা মসি লিংখৎপদা থমখিবা পান্দমশিং অদু থুংবা ঙমহনবদা অমসুং মসিনা মখা তানা হেল্থক্যের সর্ভিসশিং, এজুকেসন অমসুং রিসর্চকী অৱাংবা থাক অমা ফংবা ঙম্নবা লেপ্তনা হোৎনরিবা অসিদা অপেনবা ফোঙদোকখি। ভারতনা কোবিদ-১৯গী মায়োক্তা লান্থেংনবগী মতাংদা, দা. হর্শ বর্ধন্না হায়খি, ভারতকী নাবা ফগৎলকপগী চাং মখা তানা ৱাংখৎলকপা অমসুং লৈখিদবগী চাংনা লেপ্তনা হন্থরকপা অসিনা ঐখোয়গী প্রধান মন্ত্রী শ্রী নরেন্দ্র মোদীগী থৌনা লৈবা লুচিং মখাদা রাজ্য অমসুং য়ু.তি. পুম্নমক্না লৌখৎলিবা কোবিদ-১৯ লাকশিন্নবা লালোং অসি মাই পাক্লে হায়না উৎলি। ঐখোয়না তেস্ত তৌবা অসি মাই পাক্না হেনগৎহল্লি মসিনা ঙসিদি লাখ ১৫গী ময়া য়ৌবগা লোয়ননা লৈবাক অসিদা তেস্তিং লেব ১৮০০ হেন্না লৈহনবা ঙমখ্রে। কোবিদ-১৯গী লায়েংবগী অমদি বেক্সিনশিংগী লম অসিদা সাইন্তিফিক্কী ওইবা দিবেলপমেন্তশিং অসিদা ঐহাক্না থাজবা থম্লি অমদি ভারতনা অথুবদা কোবিদ-১৯গী মায়োক্তা লান্থেংনবা অসিদা মাই পাকপা ঙমগনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1658991

মেদিকেল এজুকেসনদা  ইতিহাসিক ওইবা শেমদোকপা: নেস্নেল এদুকেসন কমিশন লিংখৎখ্রে

মেদিকেল এজুকেসনগী লমদা ইতিহাসিক ওইবা মওংদা নৌনা শেমদোক্তুনা ওতোনোমস বোর্দ মরী লৈবা নেস্নেল মেদিকেল কমিসন(এন.এম.সি.) অসি অসি কেন্দ্র সরকারনা চৎনবা হৌহনখ্রে। মসিগা কোন্ননা চহি কয়া লিরবা মেদিকেল কাউন্সিল ওফ ইন্দিয়া(এম.সি.আই.) অসি মুত্থৎখ্রে। এন.এম.সি. অসিগা কোন্ননা অন্দর গ্রেজুএৎ অমসুং পোস্ত গ্রেজুএৎ মেদিকেল এজুকেসন বোর্দশিং, মেদিকেল এসেসমেন্ত অমসুং রেতিং বোর্দ অমসুং ইথিক্স অমসুং মেদিকেল রেজিস্ত্রেসন বোর্দ হায়রিবা ওতোনোমস বোর্দ মরী অসি এন.এম.সি. অসি মতেং পাংননবা নুমিৎ অদুদগী মথৌ পাংথোকপা হৌহনখ্রে। ইতিহাসিক ওইবা মওংদা শেমদোকপা অসিনা মেদিকেল এজুকেসন অসি নুং-পান শেংনা উবা, অফবা অমদি থৌদাং লৌবা ঙম্বরোমদা মমায় ওনশিলহল্লক্লগনি।  মরুওইনা অহোংবা অসিদা রিগুলেতর অসি ‘সেলেক্তেদ’ নত্রগা ‘মেরিৎ’ ওইবা মওংদা ‘ইলেক্তেদ’ হাইবা রিগুলেতর অসিগী মায়োক্তা ওইনা খল্লগনি। অমকপা লৈতনা পুকচেল শেংবা, প্রোফেস্নেলিজম ওইবা, নিংথিনা খং-হৈরবা অমদি মরেপ শুনা ৱাংবা নুপা অমসুং নুপীশিংনা হৌজিক মেদিকেল এদুকেসন অসি অনৌবা মওংদা শেমদোকপা অসি মাংজিল থাহন্নবগীদমক্তা লমজিংহনখ্রে। 

অকুপ্পা ৱারোৱগীদমক: https://pib.gov.in/PressReleseDetail.aspx?PRID=1659029

প্রধান মন্ত্রী শ্রী নরেন্দ্র মোদী অমসুং জাপানগী প্রধান মন্ত্রী হিজ এক্সিলেন্সী সুগা য়োশিহিদেগা লোইননা ফোন্দা ৱারী শানখ্রে

প্রধান মন্ত্রী শ্রী নরেন্দ্র মোদীনা ঙসি জাপানগী প্রধান মন্ত্রী হিজ এক্সিলেন্সী সুগা য়োশিহিদেগা লোইননা ফোন্দা ৱারী শানখি। প্রধান মন্ত্রীনা প্রধান মন্ত্রী সুগাবু জাপানগী প্রধান মন্ত্রী ওইনা খল্লকপদা হরাওবা ফোংদোকখ্রে অমসুং মহাক্কী পান্দম ফংবা ওইরসনু হায়না য়াইফ-মঙ্গোল পীখ্রে। লুচিংবা অনিনা ভারত-জাপান স্পিসিএল স্ত্রেতেজিক অমসুং গ্লোবেল পার্তনর্শিপনা হৌখিবা চহি খরসিদা অদুক্কী মতীক খুমাং চাউশিলহল্লে হায়না য়ানখি অমসুং মরী অসিবু তুংদা নাকল অনিমক্কী থাজবা অমসুং মগুনশিং লান্নদুনা হেন্না ফগৎহন্নীংবগী অপাম্বা ফোংদোক্নখি। লুচিংবা অনিনা লৈবাক অনিগী মরক্তা লৈনরিবা মরী অসি কোবিদ-১৯ য়াওনা হৌজিক ওইরিবা মালেমগী শিংনবশিং অসিদা হেন্না চুশিন্নহল্লি হায়না য়ানখি। মখোয়না ফ্রী, ওপন অমসুং ইনক্লুসিব ওইবা ইন্দো-পেসিফিক লমদম অমগী শেন্মিৎলোনগী আর্কিতেকচর অমা মতীক চাবা সপ্লাই চেন অমা শাগৎনবা অমসুং মসিগা মরী লৈননা, অতোপ্পা ৱাখল মান্নবা লৈবাকশিংগা লোইননা ভারত অমসুং জাপানগী মরক্তা মতেং পাংনবদা তরাম্না ওকমিন্নবদা লুম্না লৌনখি। প্রধান মন্ত্রীনা প্রধান মন্ত্রী সুগাবু কোবিদ-১৯ লাইচৎকী ফিবম অসি খরা শাফরকপগা চহিগী ওইবা লৈবাক অনিগী মীফমগীদমক ভারত্তা লেংবীরক্নবা ফোংদোকখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1658956

ঙসিদগী অয়ুশ মিনিস্ত্রীনা থবক মফমশিংদা য়োগা ব্রেক হৌদোক্লগনি

কোবিদ-১৯ প্রোতোকোল মরম ওইদুনা লেপ্তুনা লৈরুরবা “য়োগা ব্রেক” থৌওংশিং পুখৎনবা অয়ুশ মিনিস্ত্রীনা ঙসিদগী হৌনা অমুক চৎথবা হৌখ্রে। মসিগী মিনিত মঙাগী প্রোতোকোল অসি মীয়াম্বু থবক মফমদা য়োগা তৌনবা পীবনি অমসুং মখোয়বু থবক্তগী ঙাইহাক পোত্থাদুনা মশা তেকখৎপা অমসুং অমুক হন্না থবক্তা চিংশিনগনি। অয়ুশ মিনিস্ত্রীনা এম.দি.এন.আই.ৱাই.গা লোয়ননা মিনিত মঙাগী য়োগা ব্রেক প্রোতোকোল পীদুনা স্ত্রেস হন্থহনবা, তেকখৎহনবা অমসুং থবক্তা অমুক পুক্নিং চিংশিনহনবা অসি ২০১৯দা থবক মফমশিংদা শেমগৎখি। প্রোতোকোল অসি য়োগাগী লমদা হৈথোইরবা কাংলুপ অমনা শেমগৎপনি মসিদা তারাসানা, কাতি চক্রসানা অসিনচিংবা অমসুং নাদিসোধানা ভ্রামারি প্রানায়ামা অমসুং ধ্যানাসু য়াওরি। প্রোতোকোল অসি ত্রাইয়েল বেসিস ওইনা ২০২০গী জানুৱারিদা শরুক য়ারিবশিংনা পীনরকপা অপাম্বদগী হৌদোকখিবনি। অয়ুশ মিনিস্ত্রীনা নই দিল্লীদা লৈরিবা অয়ুশ ভবন অমসুং এম.দি.এন.আই.ৱাই.দা ঙসি য়োগা ব্রেক (ৱাই-ব্রেক) প্রোতোকোল মওং উৎপা অমসুং শাজেল তৌবা হান্নগী মফমদা হনজিনখ্রে। হৌজিক লৈরিবা হকশেলগী মওং অসি য়েংলগা মরুওইবা ওইনা লৌরিবা অসি শ্বরগী শাজেল (প্রনায়ামা)অসিনা মসিনা লঙ্গসগী মথৌ কনখৎল্লি। য়োগাগী মওং উৎপা অমসুং শাজেল তৌবা অসি অয়ুশ ভবন্দা নুমিৎ খুদিংগী মিনিত ১০পীগনি অমসুং শরুক য়াগদবশিংনা মফম অসিদা য়াওবা য়াগনি। য়াম্না অচেৎপা নিয়ম থাপ্না লৈনবা সরকারগী চৎন পথাপ চৎনগনি। অয়ুশ মিনিস্ত্রীনা মসিগী খুদোংচাবা অসি নই দিল্লীগী আই.এন.এ.গী জি.পি.ও. কম্প্লেক্সদা লৈরিবা স্তাফ অমসুং ওফিসরশিংদা লাক্লিবা চয়োল অসিদা লেম্না ফংহনগনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1658770

“অয়ুশ ফোর ইম্ম্যুনিতী” কেম্পেন অসিগী শরুক অমা ওইনা অয়ুশ মন্ত্রালয়না নোবেল ই-মরাথোন অমা সপোর্ত তৌই

হকচাং ফনা অমসুং লাইনাদগী ঙাকথোক্নবা খোংথাংশিংদা মীৎয়েং থম্লিবা মন্ত্রালয় অসিগী থা অহুমগী কেমপেন্দ “অয়ুশ ফোর ইম্ম্যুনিতী”গী শরুক অমা ওইনা নোভেল ই-মরাথোন অমা তৌনবা সোসিয়েল সাইন্সকী রাজাগিরি কলেজ অমসুং কোচিদা লৈরিবা রাজাগিরি ব্যুজিনেসকা অয়ুশ মন্ত্রালয়গা খুৎশম্নখ্রে৷ তেক্নোলোজী, লমজেল চেনবা, চেরিতী অমসুং ৱেল্নেস প্রোগ্রামশিং পুনশিন্নবনা মরম ওইরগা হায়রিবা থৌরম অসিনা শরুক য়ারিবা মীওইশিংগী পুন্সিদা হেন্না অফবা অমসুং হকচাং ফবা হেঙ্গৎলগনি হায়দুনা থাজনরি৷ হায়রিবা ই-মরাথোন অসি কোবিদনা মরম ওইরগা শোকহল্লিবা অঙাংশিং অদু সপোর্ত তৌবগী মরম অমা ওইনা অমসুং হৌজিক চৎথরিবা লাইনা-লাইচৎ অসিগী মনুংদা শরুক য়ারিবা মীওইশিংবু হকচাং ফনা লৈননবগীদমক পাংথোকপনি৷ চেনবগী চাংদম্নবা অদু মপুং ফানবগীদমক মখোয়না শাংলবা নুমিৎ ১০নিগী মতম ফংই৷ ৱেল্নেস এপ অমনা শরুক য়ারিবা মীওইশিং অদুগী রিদিং অদু সেন্ত্রেলাইস সোফতৱেয়র এপ্রিকেসন্দা শমদুনা সেন্তর সরভর(কম্প্যুতর) অমদা শমদুনা পুনশিল্লগনি৷ ভারততগী অমসুং মতোপ্পা মফমশিংদগী শরুক য়াগদৌরিবা মীওই চাওরাক্না ৮০০০রোম্না হায়রিবা নোভেল ইভেন্ত অসিদা শরুক য়াবগী থজবা লৈ৷

অকুপ্পা ৱারোলগীদমক: https://pib.gov.in/PressReleseDetail.aspx?PRID=1658770

কোবিদ-১৯ লায়েংবদা বাসা (আধাতোদা বাসিকা) অমসুং গুরুচিগী কান্নবশিংগী মতাংদা অয়ুস মিনিস্ত্রিনা ক্লিনিকেল স্তদি পাংথোক্লগনি

কোবিদ-১৯ পোজিতিপ ওইরবশিংগী লাইওংশিং লায়েংনবা বাসা(আধাতোদা বাসিকা) অমসুং গুরুচিগী কান্নবশিংগী মতাংদা ক্লিনিকেল স্তদি পাংথোক্নবা পুখৎলকপা ৱাফম অমা হন্দক অয়াবা পীখ্রে। মসিনা “রেন্দমদা, ওপন লেবেল থ্রী আমর্দ” ওইনা থিজিনগনি অমসুং সি.এস.আই.আরগী য়ুনিৎ অমা ওইরিবা আই.জি.আই.বিগা লোয়ন্না ওল ইন্দিয়া ইন্সতিতুৎ ওফ অয়ুর্বেদা, নিউ দিল্লিদা পাংথোক্কনি। ফংলকপা ফলশিং য়েংশিনবা, ক্লিনিকেল অমসুং লেবোরেতোরিগী পেরামিতরশিং অমসুং থিজিনবগী লোজিস্তিকশিংগী মতাংদা মেথোদোলোজি য়াওবা অকুপ্পা ৱাফমশিং থৌরাং তৌরে। থিজিনবা অসিদা অয়ুসকী থিজিনবা মওংগা চুনবা অখন্নবা কেস রিপোর্ত ফোরম(সি আর এফ) অমা শীজিন্নগনি। অনৌবা মতম অসিগী মেদিসিনগী অখঙ-অহৈশিং য়াওবা তোঙান তোঙানবা হিরমশিংগী অখঙ-অহৈশিংগী কাংবু অমনা সি.আর.এফ অমসুং স্তদি প্রোতোগোলশিং হন্না য়েংশিনখ্রে অমসুং মখোয়গী পাউতাকশিং লৌখ্রে। ইন্সতিতুসনেল ইথিক্স কম্মিতি (আই ই সি)গী দরকার ওইবা অয়াবশিং ফংলবা মতুংদা থিজিনবা অসি পাংথোক্কনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1658943

বিহারগী লেজিস্লেতিব এসেমব্লীদা জেনরেল ইলেক্সন  – মীখলগী সেদ্যুল

ইলেক্সন কম্মিসন ওব ইন্দিয়ানা ঙসি বিহার স্তেৎ লেজিস্লেতিব এসেমব্লী ২০২০গী জেনরেল ইলেক্সন ২০২০গী সেদ্যুল লাওথোকখ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1658980

খরিফ কুমগী মমাং চহিগী মান্নবা মতমদা লৌরোক থাখিবা হেক্ত্যার লাখ ১০৬৬.০৬ অদুগা চাংদম্নবদা হন্দক্কী চহিদা ঐচ.এ. লাখ ১১১৬.৮৮দা লৌরোক থাখি

লৌউ-শিংউ অমসুং লৌউবশিংগী য়াইফ য়ুম্বাল মন্ত্রালয় অমসুং কেন্দ্র সরকারনা মীসন প্রোগ্রামশিং অমসুং ফ্লেগশিপ স্কিমশিংবু মাই পাক্নহন্নবা থৌওং খুদিংমক পাঙথোক্তুনা হোৎনরি। ভারত সরকারনা হীরম অসিদা চঙগদবা লৌরোক থানবা মরু, তিলহাৎ হিদাক, হার, খুৎশু-খুৎলাই অমসুং শেলগী তেংবাংশিং মাংজৌননা ফংহনবগী থৌওং অসিনা লায়চৎ অসিগী লোকদাউনগী মনুংদা ফাওবা পাক চাউরবা লম কয়াদা অমদা লৌরোক থাবা য়াহল্লিবনি। ঙসি ফাওবগী ওইনা খরিফকী লৌরোক থানবা লমগী পাক চাউবা কয়া হেনগৎহন্নবা হোৎনবদা কোবিদ-১৯গী চৈথেং অমত্তা ফংবা উদ্রি। মসিগী মরু ওইবা মহৈদি মতম চানা থবক পাঙথোক্লিবা, তেক্নোলোজী শিজিন্নরিবা অমসুং সরকারগী স্কিমশিংগী খুদোংচাবা কয়া লৌরিবা লৌউবশিংনা ফংগনি। মমাং চহিগী মান্নবা মতমদা লৌরোক থাখিবা হেক্ত্যার লাখ ১০৬৬.০৬ অদুগা চাংদম্নবদা হন্দক্কী চহিগী ওইনা অপুনবা লমগী পাক চাউবা অসি ঐচ.এ. লাখ ১১১৬.৮৮নি। খরিফ কুমগী ওইনা লৌরোক থাবগী অরোইবা মশিং অসি ওক্তোবর ১, ২০২০দা লোইশিল্লগনি হায়বগী থাজবা লৈরি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1658997

কোবিদ-১৯গী মতুংদা মহৌশাবু খ্বাইদগী মরু ওইবা রিকোভরী প্লান ওইনা থম্নবা লৈবাকশিংদা ভারতনা হায়জখ্রে

এনভাইরোনমেন্ত, ফোরেস্ত অমসুং ক্লাইমেত চেঞ্জকী মন্ত্রী শ্রী প্রকাশ জবদেকরনা মহৌশাবু খ্বাইদগী মরু ওইবা রিকোভরী প্লান ওইনা থম্নবা “সস্তেনেবল দিভেলপমেন্তগীদমক এক্সন অমসুং দিলিভরীগী য়ু.এন.দিকেদ” হৌরকপদা খুৎশম্নদুনা পুন্না চৎমিন্নবা অমসুং “মহৌশাগা চুশিন্ননা হিংমিন্নবা” হায়রিবা ভিজন অসি মশক খঙনবা লৈবাকশিংদা হায়জখ্র৷ ২০২০গী মতুংদা লৈগদৌরিবা বাইওদাইভরসিতী: পৃথিবী অসিদা লৈরিবা থৱাই পানবা জিবা পুম্নমক্কীদমক ফ্যুচর অমা শেমগৎপা, হায়রিবা মিনিস্তিরিয়েল রাউন্দতেবল দাইলোগকী ভরচুয়েল মীফম অসিদা শ্রী জবদেকরনা ভারতকী মহুৎ শিন্দুনা শরুক য়াখ্রে৷ মিনিস্তিরিয়েল অদুনা বাইওদাইভরসিতী য়োকখৎপদা অমসুং সস্তেন্নেবল দিভেলপমেন্তদা ময়াম তাথোক তাশিন তৌননবগীদমক লাক্কদৌরিবা বাইওদাইভরসিতীদা য়ুমফম ওইদুনা পাংথোক্কদৌরিবা য়ুনাইতেদ নেসন সম্মিত অসিদগী চয়োল অমা ঙনখৎতুনা চাইনানা য়ুম্বু ওইদুনা মিনিস্তিরিয়েল মীফম অদু পাংথোকখি৷ থৌরম অদুদা তোঙান তোঙানবা লৈবাকশিংগী মিনিস্তিরিয়েল রিপ্রজেন্তেতিব ১৫রোমগা লোইননা রিজনেল রিপ্রজেন্তেসন অমসুং মরী লৈনবা ইন্তরনেস্নেল ওর্গনাইজেসনশিংগী মকোকশিংনা শরুক য়াখি৷ থৌরম অদুদা শ্রী প্রকাশ জবদেকরনা ৱা ঙাংলদুনা অসুম্না ফোংদোকখ্রে মদুদি মীওইবগী পুন্সিদা মতেং পাংলিবা মহৌশাগী রিসোর্সশিং অসি মওং মরিল তাদনা শিজিন্নবা অমসুং মাংহল্লিবা অসি কোবিদ-১৯ লাইনা লাইচৎ অসিনা ময়েক শেংনা তাকখ্রে৷

অকুপ্পা ৱারোলগীদমক: https://pib.gov.in/PressReleseDetail.aspx?PRID=1658791

পেসেঞ্জর করোর ১ হেনবনা দোমেস্তিক ওপরেসন নৌনা হৌখিবদগী নোংথক্কী লম্বীদা চৎনখি

পেসেঞ্জর করোর অমা হেন্না ফ্লাইৎ ১,০৮,২১০দা মে ২৫, ২০২০দগী দোমেস্তিক ওপরেসন হৌবদগী পাইখি হায়না শ্রী হর্দীপ সিংহ পুরি, এম.ও.এস. সিবিল এবিএসন্না ফোংদোকখি। শ্রী পুরিনা মখা তানা হায়খি মদুদি দোমেস্তিক এবিএসন অসি কোবিদ মমাংগী মওং মতৌদা লাকপা হৌরে। সিবিল এবিএসন মন্ত্রীনা সেপ্তেম্বর ২৪, ২০২০দা থাদোকখিবা অপুনবা পেসেঞ্জর মশীং অসি ১,১৯,৭০২নি হায়খি অমসুং মতম অসিদা থুংখিবা পেসেঞ্জর মশীংনা ১,২১,১২৬নি হায়খি। মহাক্না মখা তারদুনা হায়খি মদুদি থাদোকখিবনা ১৩৯৩ অমসুং থুংলখিবা মশীংনা ১৩৯৪ ওইখি। কোবিদ-১৯গী মনুংদা, দোমেস্তিক সেদ্যুল তৌবা কম্মর্সিএল এয়র্লাইনগী ওপরেসন অসি মার্চ ২৫, ২০২০দগী লেপখিবনি। ওপরেসনশিং অসি থা অনীগী মতুংদা মে ২৫, ২০২০দগী অমুক চত্থবা হৌখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1659001

নোবেল ব্রুসেল্লা ভেক্সিন ব্রুসেল্লা এবোর্তস এস.১৯ দেলতা পার ভেক্সিন দি.বি.তি.–আই.সি.এ.আর. ত্রান্সফর তৌবা

বাইওতেক্নোলোজী দিপার্ত্মেন্ত (দি.বি.তি.)না ব্রুসেল্লা এবোর্তস এস.১৯ দেলতা পার ভেক্সিনগী থোংদা নোবেল ব্রুসেল্লাগী তেক্নোলোজী ভিদিও কনফরেন্সিংগী থোংদা হন্দক্কী চয়োলসিগী অঙনবা শরুক্তা পাঙথোকখি অমসুং য়ানচেরোল অমা খুৎয়েক পীনখি। ভেক্সিন অসি আই.সি.এ.আর.-ইন্দিয়ন ভেতেরিনরী রিসর্চ ইন্সতিত্যুৎ (আই.সি.এ.আর.-আই.ভি.আর.আই.), ইজাতনাগর, উত্তর প্রদেশনা দি.বি.তি.না ঙাক্লৌ পীবা ব্রুসেল্লোসিস প্রোজেক্তকী থোংদা শেমখিবনি, মসিদা জিন অমা ব্রুসেল্লা এবোর্তস এস.১৯ স্ত্রেন্দগী জিন অমা পুথোকখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1659034

 

পি.আই.বি. ফিল্দ ওফিসশিংদগী ফংবা পাউ

•     কেরলা: কেরলানা হৌজিক নোংমদা কোবিদ-১৯ পেসেন্তশিংগী মশিং হেনগৎলকপদা মরুশুবদা লৈখ্রে। রাজ্য অসিদা লাইনা অসিগী হৌজিক লৈরিবা ফিভম অসি তেস্ত পোজিতিব ওইবগী মতাংদা লৈবাক অসিগী চাংচত্তগী হেল্লি। লৈবাক অসিদা লৈরিবা অতোপ্পা রাজ্যশিংগা চাংদম্নবদা চয়োল অমদা চাদা কুনথ্রাগী চাংদা পেসেন্তশিংগী মশিং হেনগৎলকখি। ভাইরাই অসি খ্বাইদগী য়াম্না লৈবা মফম খুদম ওইনা কোঝিকোদে গুম্বা জিলাশিংদা ক্বাইক রেসপোন্স তীমশিং থাদোকখ্রে। হৌজিক্কী ওইনদা ভাইরস অসিগীদমক্তা মীওই ৪৫,৯১৯ লাইয়েংদুনা লৈরি অমসুং মীওই লাখ ২.১২ ক্বারন্তিন তৌদুনা লৈরি। শিবগী মশিং অসি ৬১৩ শুখ্রে।

•     তামিল নাদু: তামিল নাদুদা ক্লাস ১০-১২কীদমক্তা ওক্তোবর ১দগী স্কুলশিং হাদোক্লগনি; মসি পেরেন্তশিং নত্রগা গার্জিয়ানশিংদগী অইবা ওইনা অয়াবা ফংবগী মখা পোল্লি; ওনলাইন ক্লাসশিং, দিস্তেন্স এজুকেশনশিং মখাতানা অদুমক চত্থখিগনি। তিরুচীদা লৈবা হেল্থ ওফিসিয়েলশিংনা সেনিয়র সিতিজনশিংগী হকচাংগী ফিভম য়েংশিন্নবা ইলেক্তোরেল রোল শিজিন্নরগনি; হৌজিক-হৌজিক হেল্থ ওফিসিয়েলশিংনা নুমিৎ খুদিংগী রেসিদেন্ত ৩,০০০গী হকচাংগী ফিভম অদু য়েংশিল্লি অমসুং হায়রিবা কেম্পশিং অসিদা মীওই ৭৫০দগী স্বাব সেমপলশিং লৌখৎলি। কোইম্বাতোর সিতী মুনিসিপাল কোরপোরেশন (সি.সি.এম.সি.)না শগোলশেল নুমিত্তা চহি ২৭ শুরবা মীওই অমা কোবিদ-১৯ পোজিতিব ওইরে হায়না অরানবা রিপোর্ত পীবগীদমক্তা লনাইগী লেবোরেতরী অমা সীল তৌখ্রে।

•     কর্নাতকা: আশা ৱার্করশিংগী স্তাইক অদুগী মতুং ইন্নদুনা রাজ্য অসিদা লৈরিবা কন্ত্রেক্ত অমসুং আউৎসোর্চ হেল্থ ৱার্কর ৩০,০০০ ময়া নক্না শগোলশেল নুমিত্তা দ্যুতী তৌখিদে। য়াম্না তাংনা থোকপা থৌওং অমদা বল্লারি জিলাদগী কোবিদ-১৯ ৱারিয়রশিং অদুবু পেরেন্ত খরনা মখোয়গী মচাশিং অদু দোক্তরশিং অমসুং নর্সশিং অদুগী মমিং থোনগনি হায়না লেপ্লদুনা মখোয়বু ইকাইখুম্নবা উৎখি। মসিগী খোংথাং অসি পি.এম. নরেন্দ্র মোদিনা কর্নাতকাগী জিলা তরেত্তা শিবগী কেসশিং হেনগৎলকপগী মতাংদা থমোই শোক্না নুংঙাইতবা ফোংদোকখিবা অদুগী মরক্তা লাকখিবনি।

•     অন্ধ্র প্রদেশ: মীশিং মিলিয়না অমদা লাখ অমগী মথক্তা তেস্ত তৌখিবগা লোইননা, অন্থ্র প্রদেশতা কোবিদ-১৯গীদমক্তা অপুনববা মীশিংগী চাদা ১০ তেস্ত তৌখি। হৌজিক ফাওবদা পুন্না সেমপল ৫৩,৭৮,৩৬৭ স্ক্রীন তৌখি। মেদিকেল অমসুং হেল্থ দিপার্তমেন্ত কনখৎহন্নবা অমসুং কোবদি-১৯ লাইচৎ অসিগী য়েংলগা মরু ওইনা পেসেন্তশিংদা সার্বিসশিং হেনগৎনবা, রাজ্য অসিনা মেদিকেল অমসুং হেল্থ দিপার্তমেন্তদা অনৌবা স্তাফ লৌশিনখি। মরক অসিদা, স্তেত ত্রান্সপোর্ত কোরপোরেশন্না লাইচৎ অসিনা মরম ওইরগা তৌখিবা লোকদাউন অসিগী মরক্সিদা কার্গো সার্বিসশিংগীদমক্তা অফবা রেসপোন্স ফংখি। আর.তি.সি.না রাজ্য শিনবা থুংনা অমসুং হাদ্রবাদতসু কার্গো পুরি। 

•     তেলঙ্গানা: হৌখিবা পুং ২৪দা অনৌবা কেস ২৩৮১ থেংনখি, ২০১২১ ফগৎখি অমসুং ১০ শিখিবগী পাউ লৈখি; কেস ২৩৮১গী মনুংদা জি.ঐচ.এম.সি.দগী কেস ৩৮৬ থেংনখি। অপুনবা কেসশিং ১,৮১,৬২৭; এক্তিব কেসশিং: ৩০,৩৮৭; শিইবশিং: ১০৮০; দিসচার্জ তৌখিবশিং: ১,৫০,১৬০। কোবিদ-১৯ লাইচৎ থোরকখিবা অসিনা মরম ওইরগা থা ৬ লেপ্পুরবা মতুংদা হাইদ্রবাদতা সিতী বস সার্বিসশিং অমুক হন্না হৌরগনি। বসশিং অসিনা  মথৌ তাবা চেকশিন থৌরাংগা লোইননা মরু ওইবা রুত ২৫দা চেল্লি।  মাওইস্ত শিংনা ফেক এনকাউন্তরনি হায়না চিংনবশিং অদুগী প্রোতেস্ত তৌরদুনা সেপ্তেম্বর ২৮দা তেলঙ্গানা বন্দ কৌখ্রে।

•     অরুনাচল প্রদেশ: অরুনাচল প্রদেশতা অনৌবা পোজিতব কেস পুন্না ২৮৩ থেংনখি। হৌজিক রাজ্য অসিদা এক্তিব কেস ২,৩৩১ লৈরি।

•     অসাম: অসামগী হেল্থ মিনিস্তর হিমন্তা বিস্বা শর্মানা ত্বীত তৌরকখি মদুদি ঙরাং পেসেন্ত ২,৪৩২ দিসচার্জ তৌখ্রে। দিসচার্জ তৌখিবা পেসেন্তশিংগী অপুনবা মশিং ১,৩৫,১৪১ অমসুং এক্তিব পেসেন্তশিংগী মশিং ২৯,৮৩০ ঔইখি।

•     মনিপুর: মনিপুর কোবিদ-১৯গী অনৌবা পোজিতিব কেস ১৬১ লৈখিবনা অপুনবা মশিং অদু ৯,৫৩৭ য়ৌহনখ্রে। ফগৎলকপগী চাদা ৭৭ ওইখিবগা লোইননা কে্তিব কেস ২,১০৬ লৈরি।

•     মেঘালয়া: মেঘালয়াদা ঙসি কোরোনভাইরসতগী মইওই ১৯৯ ফগৎখ্রে: অপুনবা এক্তিব কেস ১,৯৭৭, বি.এস.এফ. অমসুং আর্মদ ফোর্সশিংগী অপুনবা মশিং ২১৯, অতোপ্পশিংগী অপুনবা মশিং ১,৭৫৮ অমসুং ফগৎখিবশিংগী অপুনবা মশিং ৩,০৫৮ ওইখি।

•     মিজোরাম: মিজোরামদা ঙরাং কোবিদ-১৯ অনৌবা কেস ২৬ কনফর্ম তৌখি। অপুনবা কেস ১,৭৮৬, এক্তিব কেস ৬৮১।

•     নাগালেন্দ: কেস ২,৭৮৬ (৪৭%) লৈখিবগা লোইননা আর্মদ ফোর্সেসনা নাগালেন্দগী কোবিদ-১৯ পোজিতিব চার্ত্তা মখাতানা  মকোক থোংদুনা লৈরি। হল্লকখিবশিংনা ১,৪৬২, ত্রেস তৌখিবা কন্তেক্তশিংনা ১,২১৬ অমসুং ফ্রন্তলাইন ৱার্করশিংনা ৩৩৬ ওইখি।

•     সিক্কিম: সিক্কিমদা অনৌবা কেস ৯৫, এক্তিব কেস ৬৭৯ থেংনখি অমসুং ফদুনা অমসুং দিসচার্জ তৌখিবা কেসশিংগী অপুনবা মশিং অদু ১,৯৯৪ শুখ্রে।

•     মহারাস্ত্র: শগোলশেল নুমিত্তা মহারাস্ত্রদা কোবিদ-১৯ ইনফেক্সন ১৯,১৬৪ থেংনখি, মসিনা অপুনবা মশিং অদু কেস লাখ ১২.৮২ য়ৌহনখি। রাজ্য অসিনা ৩২,২৮৪ শিখিবগী পাউ লৈখি। তৌইগুম্বসুং দেতা অদু নৈনবা মতমদা রাজ্য অসিগী জিলা ৩৬কী মনুংদা জিলা ২০দ ৯২.৯১% নত্রগা কেস লাখ ১১.৯২ থেংনখি অমসুং ৯৪% নত্রগা ৩২,২৮৪ শিখিবগী পাউ লৈখি। মুম্বাই, পুনে অমসুং থানে খক্তা নত্তনা; কোলহাপুর, সতারা, সোলাপুর, সাংলি, চন্রপুর অমসুং নাগপুরনা ইন্তেন্সিফাইদ কোবিদ মেনজমেন্ত আয়না খঙদোক্লবা খ্বাইদগী হেন্না শোকহল্লবা জিলাশিংনি। জিলাশিংদা ফমুংশিংগী মশিং, ওক্সিজেন সপ্লাই অমসুং ভেন্তিলেতরশিং মতিক চানা লৈবা অমসুং মতম অসিমক্তদা কন্তেক্তশিংগী পাকশন্না ত্রেসিং তৌনবগীদমক্তা হেল্থ ফেসিলিতীশিং হেনগৎহন্নবা খঙহনখ্রে।

•     গুজরাত: শগোলশেল নুমিত্তা গুজরাত্তা কোবিদকী মশিং অসি অনৌবা কেস ১,৪০৮ থেংনখিবগা লোইননা ১,২৮,৯৪৯ ওইখি হায়না স্তেত হেল্থ দিপার্তমেন্তনা হায়খি। মতম অসিমক্তদা পেসেন্ত ১,৪১০ হোসপিতালশিংদগী দিসচার্জ তৌখি, মসিনা ফগৎখিবা কেসশিংগী মশিং অদু ১,০৯,২১১দা হেনগৎহনখি। মসিগা লোইননা রাজ্য অসিগী ফগৎলকপগী চাং অসি চাদা ৮৪.৬৯দা হেনগৎখি।

•     রাজস্থান: রাজস্থান হেল্থ দিপার্তমেন্তনা কোরোনাভাইরস পেসেন্তশিংদা ওক্সিজেনগী সপ্লাই মতিক চানা ফংহন্নবা জয়পুরদা ওক্সিজেন মেন্যুফেকচরিংগী মতাংদা য়েংশিন্নবা ওক্সিজেন প্রোদক্সন ফর্মশিং অমসুং কমপনীশিংদা দ্রগ কন্ত্রোল ওফিসরশিং এপোইন্ত তৌখ্রে। জিলা অসিদা লৈবা মেদিকেল গ্যাস মেন্যুফেকচরিং য়ুনিৎশিংনা প্লান্ত অসিদা থোক্লিবা ওক্সিজেন প্রোদক্সন, সেলস অমসুং অতোপ্পা এক্তিভিতীশিংগী মতাংদা মরী লৈনবা দ্রগ কন্ত্রোল ওফিসরদা নোংমগী ওইবা ইনফোর্মেশন পীগনি।

•     ছত্তিসগর: ছত্তিসগরগী  রাজ্য অসিদা কোরোনা ভাইরস ইনফেক্সন লেপ্তনা হেনগৎলকপনা কোবিদ-১৯ তেস্ত তৌবগী চাং অসি য়াম্না হেনগৎলকখ্রে। হোসপিতালশিং অমসুং প্রাইমরী হেল্থ সেন্তরশিং নত্তনা কোরোনা তেস্তশিং অসি মোবাইল তীমশিংনসু তৌরি। কোরোনা ইনফেক্তেদ পেসেন্তশিং খঙদোক্নবা রেপিদ এন্তিজেন কিতশিংগী খুত্থাংদা তেস্ত তৌবগী খুদোংচাবা অসি সেন্তর ৮৩২দা হৌজিক-হৌজিক ফংলি। মসিগী মনুংদা, খুঙ্গংগী লমশিংদা সেন্তর ৫৩৯ লৈ, অদুগা সেন্তর ৩৬ অমনা অর্বান এরিয়াশিংদা লৈ। মরক অসিদা, আই.সি.এম.আর.না রাজ্য অসিগী জিলা তরেত্তা সেরো সর্ভিলেন্সকীদমক্তা সেমপলশিং লৌখৎপা লোইখ্রে।

ফেক্ত চেক

A stamp with the word true on a Whatsapp screenshot inquiring about eSanjeevani OPD. The headline states that eSanjeevani OPD launched by the government provides free medical teleconsultation to public.

*****



(Release ID: 1659165) Visitor Counter : 6