ঙসি ইনকম তেক্স বিভাগনা ফেসলেস ইনকম তেক্স এপ্পীলস লোঞ্চ তৌখ্রে। অরুবা মওংদা নম্থাক তৌবা, তেক্স চাউনা মৎপা, সেন্সিতিব অমসুং সর্চকী হীরমশিং, মালেমগী তেক্স অমসুং ব্লেক মনী এক্তকী থৌওংশিং নত্তনা ফেসলেস এপ্পীলগী মনুংদা ফেসলেস ইকোসীস্তেমগী মখাদা তেক্সকী এপ্পীল খুদিংমক ফেসলেসকী থৌওংদা ৱারোইশিন পুরক্কনি। মসিগী মরী লৈনবা গেজেৎ নোতিফিকেসনশিংসু ঙসি ফোঙখ্রে।

নীংশিংবা য়াবা ৱাফম অমা ওইনা ওগস্ত ১৩, ২০২০দা প্রধান মন্ত্রীনা “নুং ফাওনা উবা য়াবা তেক্সেসন – পুকচেল শেংবশিংবু ইকায় খুম্নবা”গী শরুক অমা ওইনা ফেসলেস এসেসমেন্ত অমসুং তেক্স থীবশিংগী চার্তর লোঞ্চ তৌবা মতমদা সেপ্তেম্বর ২৫, ২০২০গী পন্দিৎ দীন দয়াল উপাধ্যায়গী মপোক কুমওন্দা ফেসলেস এপ্পীলসু লোঞ্চ তৌগনি হায়না লাউথোকখিবা লৈখ্রবনি। মসিগা লোয়ননা হন্দক্কী চহি খরা অসিদা ইনকম তেক্স বিভাগনা তেক্স থীবগী থৌওং লাইথোকহন্নবা অমসুং তেক্স থীবশিংনা পথাপ অসি ইনবদা লাইহন্নবা হায়দুনা হকথেংনবা তেক্সকা মরী লৈনবা শেমদোকপা কয়া অমা পুরকখ্রবনি।

ফেসলেস এপ্পেলগী মখাদা হৌজিক্তগী হৌনা এপ্পীলগী ই.-এলোকেসন তৌবা, নোতিশশিংগী অমসুং ৱাহং পাউখুমশিংবু ই.-কম্ম্যুনিকেসন তৌবা, ই.-ভেরিফিকেসন/ই.-ইঙ্ক্বেরী তৌবদগীনা ই.-হ্যারিং অমসুং অরোইবা ওইনা এপেলেৎ ওর্দরগী ই.-কম্ম্যুনিকেসন তৌবা ফাওবগী ইনকম তেক্সকী এপ্পীলশিং অসি ওনলাইন্দা পাঙথোক্কনি অমসুং মসিনা এপ্পীল তৌরিবা মীওই অমসুং বিভাগকী মরক্তা হকথেংননা থেংনবগী তঙাই ফদবা অমত্তা লৈহল্লরোই। তেক্স তীবা মীওই নত্ত্রগা মখোয়গী মখোয়গী কাউন্সেলশিং অমসুং ইনকম তেক্স বিভাগকী মীওইশিংগী মরক্তা হকথেংননা থেংননরোই। তেক্স থীবশিংনা মখোয়গী য়ুমদগী ৱারোলশিং পীশিনবা য়াহন্দুনা মখোয়গী মতম অমসুং রিসোর্স মাঙলরোই।

ফেসলেস এপ্পীল তৌবগী পথাপ অসিদা অহোংবা নাইনা য়েংশিনবা (দাইনেমিক জুরিসদিক্সন) অমসুং দোক্যুমেন্ত আইদেন্তিফিকেসন নম্বর (দি.আই.এন.) য়াওবা নোতিশশিং পীবগী থৌওংশিংগী মখাদা দেতা এনালাইতিক্স অমসুং এ.আই.গী খুত্থাংদা কেস য়েন্থোকপগী থৌওং য়াওগনি। অহোংবা নাইনা য়েংশিনবগী থৌওংগী শরুক অমা ওইনা থৌওং অসিবু মওং চুম্বা অমসুং অচুম্বা ওইহন্নবা পান্দম থমদুনা শহর অমদা দ্রাফৎ এপেল্লেৎ ওর্দর শেমগনি অমসুং মসি য়েংশিনবগী থৌওং অসিনা অতোপ্পা শহর অমদা পাঙথোক্কনি। মসিগী এপ্পীল অসিনা তেক্স থীবশিংদা নুংঙাইবা অমসুং কোমহনবা ওইহনবতা নত্তনা ৱায়েল চুম্বা অমসুং মওং নাইবা এপ্পীল ওরদর ওইহন্দুনা মখা তানা থোক্লক্কদবা লীগেলগী ওইবা হীরম কয়া অমসু য়াম্না হন্থহনগনি। অনৌবা পথাপ অসিনা ইনকম তেক্স বিভাগকী থৌওং নীংথিনা পাঙথোকপা, মনুং-মপান ফাওনা উবা অমসুং মীয়াম্না থাজবা হেনগৎহনবদা য়াম্না তেংবাংগনি।

সি.বি.দি.তি.দা লৈরিবা দেতাশিং অসিগী মতুং ইন্না ঙসি ফাওবদা বিভাগ অসিদা কম্মিস্নর (এপ্পীল)গী থাক্তা লৈবা এপ্পীল লাখ ৪.৬ হেন্না পন্দুনা লৈরি। মসিগী মনুংদগী চাউরাক্না এপ্পীল লাখ ৪.০৫দি, হায়বদি অপুনবা এপ্পীল অসিগী চাউরাক্না ৮০%, ফেসলেস এপ্পীলস মেকানিজমগী মখাদা পায়খৎকনি অমসুং হৌজিক লৈরিবা কম্মিস্নর (এপ্পীল)গী চাউরাকপা ৮৫%সু কেসশিং অসিবু ফেসলেস এপ্পীলগী থৌওং অসিগী মখাদা ৱারোইশিন পুরক্নবা শিজিন্নগনি।

****