ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟ
ଭାରତର ଅଧିକ ଆରୋଗ୍ୟ ହାର ଅବ୍ୟାହତ
• କ୍ରମାଗତ 5 ଦିନ ଧରି ନୂତନ ସଂକ୍ରମିତଙ୍କ ତୁଳନାରେ ଅଧିକ ସୁସ୍ଥ
• ଆରୋଗ୍ୟ ହାର ବୃଦ୍ଧି ପାଇଁ ଅତିକ୍ରମ କଲା ଶତକଡା 81 ଭାଗ
Posted On:
23 SEP 2020 11:00AM by PIB Bhubaneshwar
ବିଭିନ୍ନ ଦକ୍ଷ ପଦ୍ଧତି ଅନୁସରଣ ଓ କ୍ରମାଗତ ନମୁନା ପରୀକ୍ଷା ବୃଦ୍ଧି ଯୋଗୁଁ ଦେଶରେ ସୁସ୍ଥତା ହାର ବୃଦ୍ଧି ପାଇବାରେ ଲାଗିଛି । କ୍ରମାଗତ 5 ଦିନ ଧରି ନୂତନ ସଂକ୍ରମିତଙ୍କ ତୁଳନାରେ ଅଧିକ ରୋଗୀ ଆରୋଗ୍ୟ ଲାଭ କରିଛନ୍ତି ।
ଦେଶରେ ଗତ 24 ଘଣ୍ଟା ମଧ୍ୟରେ 89,746 ଜଣ ସୁସ୍ଥ ହୋଇଥିବା ବେଳେ 83,347 ଜଣ ନୂତନ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥିସହିତ ଦେଶରେ 45,87,613 ଜଣ କରୋନାରୁ ଆରୋଗ୍ୟ ଲାଭ କରିଛନ୍ତି, ଯାହାକି ଆଜି ଶତକଡା 81.25 ପ୍ରତିଶତରେ ପହଞ୍ଚିଛି । ପୃଥିବୀର ମୋଟ କରୋନାରୁ ସୁସ୍ଥ ହୋଇଥିବା ରୋଗୀଙ୍କ ମଧ୍ୟରୁ ଶତକଡା 19.5 ଭାଗ ଭାରତ ବୋଲି ଜଣାପଡିଛି । ଦେଶରେ ନୂତନ ସଂକ୍ରମିତଙ୍କ ତୁଳନାରେ ଅଧିକ ସୁସ୍ଥ ହେଉଥିବା ବେଳେ ଏହାର ପ୍ରଭାବ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡିକ ଉପରେ ମଧ୍ୟ ପଡିଛି । ବର୍ତ୍ତମାନେ ଦେଶର 17 ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ନୂତନ ସଂକ୍ରମିତଙ୍କ ତୁଳନାରେ ଅଧିକ ରୋଗୀ ସୁସ୍ଥ ହୋଇଛନ୍ତି । ମୋଟ ଆରୋଗ୍ୟ ଲାଭ କରିଥିବା ରୋଗୀଙ୍କ ମଧ୍ୟରୁ ଶତକଡା 75 ଭାଗ 10ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ବୋଲି ଜଣାପଡିଛି । ଏଗୁଡିକ ହେଲା – ମହାରାଷ୍ଟ୍ର, କର୍ଣ୍ଣାଟକ, ଆନ୍ଧ୍ରପ୍ରଦେଶ, ଉତ୍ତରପ୍ରଦେଶ, ତାମିଲନାଡୁ, ଓଡିଶା, ଦିଲ୍ଲୀ, କେରଳ, ପଶ୍ଚିମବଙ୍ଗ ଓ ହରିୟାଣା । ମହାରାଷ୍ଟ୍ରରୁ ସର୍ବାଧିକ 20,000 ସଂକ୍ରମିତ ଦିନକରେ ସୁସ୍ଥ ହୋଇଛନ୍ତି । ଏହାପଛକୁ ଆନ୍ଧ୍ରପ୍ରଦେଶରୁ 10,000 ସୁସ୍ଥ ହୋଇଥିବା ଜଣାପଡିଛି ।
**********
(Release ID: 1658347)
Visitor Counter : 170