হকশেল অমসুং য়াইফ-য়ুম্বাল মন্ত্রালয়
ভারতনা নাবা ফগৎলকপগী চাং ৱাংবগী লম্বীদা চংশিল্লি
নুমিৎ ৫নি শুবা ওইনা থংনা-থংনননা অনৌবা কেসশিংদগী নৌনা নাবা ফগৎলকপশিংনা হেনখ্রে
নাবা ফগৎলকপগী চাং মখা তানা ৱাখৎলক্লি, ৮১% লানখ্রে
Posted On:
23 SEP 2020 11:00AM by PIB Imphal
ভারতনা অকনবা অমসুং কান্নরবা লালোংশিং, খুৎশম্ননা থবক তৌমিন্নদুনা অমসুং মাংজৌননা খোঙথাংশিং লৌখৎপগা লোয়ননা নাবা ফগৎলকপশিংগী মশিংনা খংহেন হেনগৎলকপগী রিপোর্ত তৌরক্লি। থংনা-থংননা নুমিৎ মঙানি শুবা ওইনা ভারত্তা নৌনা নাবা ফগৎলকপগী মশিংনা অনৌবা কেসশিংদগী হেনখ্রে।
হৌখিবা পুং ২৪দা লৈবাক অসিদা ৮৯,৭৪৬ নাবা ফগৎলকপগী রেজিস্তর তৌখি অম রোমদা নৌনা কনফর্ম তৌখিবা কেসশিংগী মশিং অসি ৮৩,৩৪৭ ওইখি।
মসিগা লোয়ননা পুন্না নাবা ফগৎলকখিবশিংগী মশিং অসি ৪৫,৮৭,৬১৩ ওইখি। ঙসিগী ওইনা নাবা ফগৎলকপগী রেৎ অসি ৮১.২৫% ওইখি।
মালেমগী ওইনা ভারতনা নাবা ফগৎলকপগী কেস অসি খ্বাইদগী য়াম্লি। মসিনা মালেমগী নাবা ফগৎলকখ্রবশিংগী ১৯.৫% ওইরি।
ভারতনা অনৌবা কেসশিংদগী নাবা ফগৎলকপগী মশিংনা হেন্না রেকোর্দ তৌবা অসিগুম্না অয়াম্বা রাজ্যশিং/য়ু.তি.শিংনা চৎনবী অসি ঙাক্না চৎলি।
রাজ্য/য়ু.তি. ১৭তা অনৌবা কেসশিংদগী নৌনা নাবা ফগৎলকপশিংনা হেল্লি।
নৌনা নাবা ফগৎলকখিবা কেসশিংগী ৭৫%দি রাজ্য/য়ু.তি. তরাদগী রিপোর্ত তৌরক্লি মখোয় অদুদি মহারাস্ত্র, কর্নাতকা, অন্ধ্র প্রদেশ, উত্তর প্রদেশ অমসুং তামিল নাদু, ওরিশা, কেরেলা, ৱেস্ত বেঙ্গল অমসুং হরিয়ানা হায়রিবশিং অসিনি।
মহারাস্ত্রনা নৌনা নাবা ফগৎলকপা কেস ২০,০০০ হেনখিবগা লোয়ননা মখা তানা মকোক্তা লৈরি। নোংমগী ওইনা ফগৎলকখ্রবশিংদা অন্ধ্র প্রদেশতগী ১০,০০০ হেন্না ওইখি।
*****
(Release ID: 1658042)
Visitor Counter : 165