প্রধান মন্ত্রী শ্রী নরেন্দ্র মোদীনা আই.আই.তি. গুৱাহাতীগী কনভোকেসন্দা ভিদিও কনফরেন্সকী থোংদা ঙসি ৱা ঙাংখি।

গ্যানম বিগ্যান সহিতম য়ত গ্যাত্বা মোস্যসে অশুভাৎ পল্লদুনা প্রধান মন্ত্রীনা হায়খি মদুদি সাইন য়াওরবা লৌশিংনা খুদোংচাদবা কয়া কোকহন্নবগী লম্বীনি।

মহাক্না আই.আই.তি.গুম্বা ইন্সতিত্যুসনশিংনা ঙসি খুমাং চাউশিল্লক্লিবসিগীদমক চাউথোকপা পোকচৈ হায়রদুনা হায়খি মদুদি অনৌবা পুথোক্তুনা লৈবাক অসিবু চহী লিশিং কয়া মতেং পাংলকখ্রে।

প্রধান মন্ত্রীনা নহাশিংদা তুংগীদমক শেম শাদুনা মতীক চানা লৈনবা হায়রদুনা ভারতকী তুংলমচৎ হায়বসি মখোয়গী মংলান অমসুং পান্দমশিংদুনি হায়না ফোংদোকখি। মসিগী লম্বীদা আই.আই.তি. গুৱাহাতীনা চঙশিল্লি হায়রদুনা হরাউবা ফোংদোকখি।

প্রধান মন্ত্রীনা ইন্সতিত্যুৎ অসিনা লৈবাক অসিবু একাদেমিক সেসনশিং পাঙথোকপদা অমসুং রিসর্চ ৱার্ক কয়া লাইচৎ অসিগী মনুংদা পাঙথোক্তুনা লৈবাক অসিবু মরোমদোম লেপচবা ঙম্বা ওইহন্নবগীদমক হোৎনরিবসিদা হরাউবা ফোংদোকখি।

প্রধান মন্ত্রীনা হায়খি মদুদি নেসনেল এজুকেসন পোলিসী ২০২০ অসি ২১শুবা চহী চাদা ভারতপু সাইন্স অমসুং তেক্নোলোজীদা মালেমগী লুচিংবা অমা ওইনবগীদমক তঙাইফদবা অমনি।  শ্রী মোদীনা হায়খি মদুদি এন.ই.পি. ২০২০ অসি মলতি দিসিপ্লিনরী ওইনা শেমখি অমসুং মসিনা তোঙান-তোঙানবা কোর্সশিং খনবগী খুদোংচাবা পীরি অমসুং মলতি এন্ত্রী অমসুং একজিৎ পোইন্তশিং পীরি।

প্রধান মন্ত্রীনা এন.ই.পি.না নেসনেল রিসর্চ ফাউন্দেসন অমা সাইন্স নত্ত্রগা হ্যুমেনিতীগী লমদা রিসর্চ ফন্দিং অমসুং দিসিপ্লিন খুদিংমক্কী ফন্দ তৌরিবা ফন্দিং এজেন্সীশিংগা খুৎশম্ননা চৎনবা হোৎনরি।

প্রধান মন্ত্রীনা হায়খি মদুদি এন.ই.পি.না ফোরেন য়ুনিবর্সিতীশিংবু মখোয়গী ওফশোর কেম্পসশিং ভারত্তা লিংখৎপগী অয়াবা পীরি, মসিনা ভারতকী মহৈরোইশিংবু মালেমগী থাক্তা পুথোকপীরগনি। মহাক্না হায়খি মদুদি, এন.ই.পি. অসিনা ভারতপু মালেমদা এজুকেসনগী ময়োল্লম অমা ওইহনলগনি।

শ্রী নরেন্দ্র মোদীনা হায়খি মদুদি অৱাং নোংপোক লমদম অসি ভারতকী এক্ত ইস্ত পোলিসীগী ময়োলনি অমসুং ভারতকী খা নোংপোক এসিয়াগী মরীগী থোংনি। লৈবাকশিং অসিগা লৈনরিবা মরী অসি কলচর, কম্মর্স, কন্নেক্তিবিতী অমসুং কেপাসিতীনি। মহাক্না হায়খি মদুদি, এজুকেসন হায়বসি অতোপ্পা অনৌবা মেদিয়ম অমা ওইগদৌরি অমসুং আই.আই.তি. গুৱাহাতীনা মসিগী মরুওইবা ময়োল ওইবা য়াগনি। মসিনা অৱাং নোংপোক লমদম্বু অনৌবা মশক অমা অমসুং অনৌবা খুদোংচাবা অমা পীরগনি।

প্রধান মন্ত্রীনা হায়খি মদুদি অনৌবা খুদোংচাবা কয়া সরকার অসিনা অৱাং নোংপোক লমদম অসিদা রেলৱে, হাইৱে, এয়রৱে অমসুং ঈশিংগী লম্বী কয়া শেমদুনা ইনফ্রাস্ত্রকচর চাউখৎনবা মরুওইবা মীৎয়েং চঙদুনা খুদোংচাবা কয়া শেম্লি।  

প্রধান মন্ত্রীনা কনভোকেসন অসিদা নহা ওইরিবা ফেলো ৩০০ রোমদা পি.ঐচ.দি. পীখিবদা হরাউবা ফোংদোকখি অমসুং মখোয়দা লৈবাক অসিবু হেন্না ফগৎনবা রিসর্চ তৌনবা হাইজখি। মহাক্না মহৈরোইশিংদা লমদম অসিদা চাউখৎপা য়াবা অনৌবা রিসর্চতা মাই ওনশিন্নবা পুক্নিং চিংশিনখি।

প্রধান মন্ত্রীনা আই.আই.তি. গুৱাহাতীদা লমদম অসিদা খুদোংথীবা থোক্লকপা মতমদা য়েংশিনবা ঙম্নবগীদমক দিজাস্তর মেনেজমেন্ত অমসুং রিস্ক রিদক্সনগী সেন্তর অমা হাংনবা তকশিনখি।

*****