نئی دلّی ،19 ستمبر / عالمی سطح پر ایک بڑی کامیابی حاصل کرتے ہوئے بھارت نے کووڈ – 19 سے صحت یابی کے معاملے میں امریکہ پر  سبقت حاصل کرتے ہوئے پوری دنیا میں پہلا مقام حاصل کر لیا ہے ۔

          بھارت میں کل صحت یابی کی تعداد  42 لاکھ سے زیادہ  ( 4208431 ) تک پہنچ گئی ہے ، جنہیں اسپتالوں سے چھٹی دے دی گئی ہے ۔ پوری دنیا میں  صحت یاب ہوئے  افراد   میں 19 فی صد  بھارت کا حصہ ہیں  اور اس طرح بھارت کی  صحت یابی کی شرح   تقریباً 80 فی صد (79.28 فی صد ) ہو گئی ہے ۔

          کل صحت یابی کی شرح میں  تیزی سے اضافے کا مشاہدہ کیا جا سکتا ہے ۔

          مرکز کی قیادت میں زیادہ اور  پُر زور طریقے سے ٹسٹنگ  کے ذریعے   مریضوں کی جلد نشاندہی    ،  مخصوص  علاج اور موثر اقدامات   ، تیز تر نگرانی  اور  رابطوں کا پتہ لگانے  سمیت   معیاری طبی دیکھ بھال  کے نتیجے میں   یہ عالمی کامیابی حاصل ہوئی ہے ۔

          کووڈ – 19 کے خلاف  مضبوطی اور سختی کے ساتھ  لڑائی میں بھارت نے  پچھلے 24 گھنٹے میں   ایک ہی دن میں  صحت یابی کی سب سے اونچی شرح درج کی ہے ۔   پچھلے 24 گھنٹے کے دوران    کل  95880 افراد شفا یاب ہوئے ہیں ۔

          نئے معاملات  میں 90 فی صد معاملات  16 ریاستوں / مرکز کے زیر انتظام علاقوں    میں  سامنے آ رہے ہیں ۔

          صحت یابی کے نئے معاملات میں سے تقریباً 60 فی صد کی اطلاع  5 ریاستوں سے ہے  ، جن میں  مہاراشٹر ، تمل ناڈو ، آندھرا پردیش ، کرناٹک اور اتر پردیش شامل ہیں ۔

          صرف مہاراشٹر میں  22 ہزار سے زیادہ  23 فی صد صحت یاب ہوئے ہیں ، جب کہ آندھر ا پردیش میں 11ہزار سے زیادہ ( 12.3 فی صد ) ایک ہی دن میں صحت یاب ہوئے ہیں ۔

          صحت یاب  ہونے والے مریضوں میں   90 فی صد کا تعلق 15 ریاستوں / مرکز کے زیر انتظام علاقوں سے ہے ۔

          سب سے زیادہ مریضوں والی 5 ریاستوں میں مہاراشٹر ،  تمل ناڈو ، آندھرا پردیش ، کرناٹک  اور اتر پردیش شامل ہیں ، جنہوں نے  سب  سے زیادہ   صحت یابی  کی شرح  بھی حاصل کی ہے ۔

          بھارت میں صحت یاب ہونے والوں کی تعداد مسلسل بڑھ رہی ہے ۔  یہ ریاستوں / یو ٹی میں مربوط موثر کارروائی اور   بہتر حکمت عملی کے نتیجے میں ہے ۔ صحت اور خاندانی بہبود کی وزارت نے  دیکھ بھال  ، طبی بندوبست اور  علاج کے لئے جامع  معیاری پروٹوکول  جاری کئے ہیں ۔ عالمی سطح پر سامنے آنے والے  مشاہدات سے  اِن کو مسلسل  مستحکم کیا جا رہا ہے اور نظر ثانی کی جا رہی ہے ۔ بھارت نے  ریمڈیسور   ، پلازما اور  ٹسلی زماب وغیرہ   تحقیقاتی طریقۂ علاج کے معقول    استعمال  کی اجازت دی ہے ۔

          نئی دلّی کے ایمس نے  ریاستوں  / مرکز کے زیر انتظام علاقوں میں  طبی بندوبست  ، آئی سی یو کے ڈاکٹروں کی صلاحیوں کو " نیشنل  ای – آئی سی یو آن کووڈ – 19 مینجمنٹ " کے ذریعے  ڈاکٹروں کی صلاحیت میں اضافہ کیا ہے ۔ ہفتے میں  2 دن ، منگل اور جمعہ  کو  ہونے والے اجلاس  سے ملک گیر سطح پر  صحت یاب ہونے والے افراد کی تعداد میں قابلِ قدر اضافہ ہوا ہے  اور  شرح اموات میں تیزی سے کمی آئی ہے ۔

          مرکز مسلسل  صورتِ حال کا جائزہ لے رہا ہے  اور ریاستوں / مرکز کے زیر انتظام انتظام علاقوں کی حکومتوں کو امداد فراہم کر رہا ہے ۔  ریاستوں / مرکز کے زیر انتظام علاقوں  میں  کئی  اعلیٰ سطحی  ماہروں پر مشتمل  مرکزی ٹیمیں  تعینات کی گئی ہیں ۔ یہ  انہیں  گھیرا بندی   ، نگرانی  ، ٹسٹنگ   کو مستحکم کرنے   اور موثر طبی بندوبست میں  مدد کرتی ہیں ۔ انہوں نے  بھارت میں زیادہ  صحت یابی  اور شرح اموات  کو کم رکھنے  میں  ، جو  سردست  1.61 فی صد ہے ،  بہت مدد کی ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( م ن ۔ و ا ۔ ع ا ) 

U. No.  5646