মালেমগী ওইবা চাউনা মাই পাকপা অমা ওইনা, মালেমগী ওইনা কোবিদ-১৯ নাবা ফগৎলকপশিংগী মশিংদা ভারতনা য়ু.এস.এ.দগী হেন্দুনা মকোক থংবা লৈবাক ওইখ্রে।

কোবিদ নাবা মীওই লাখ ৪২ হেন্না নাবা  ফগৎলকপা অমসুং দিসচার্জ তৌখিবগা লোয়ননা ভারতনা নাবা ফগৎলখীবগী অপুনবা মশিং খ্বাইদগী য়াম্না রিপোর্ত তৌরকখ্রে। ভারতনা হৌজিক মালেমগী ওইনা পুন্না নাবা ফগৎলকখিবা অসিগী ১৯%গী ময়াদা ওইরি। মসিনা লৈবাক অসিগী নাবা ফগৎলকপগী চাং অসি ৮০%গী ময়া (৭৯.২৮%) য়ৌহনখ্রে।

পুন্না নাবা ফগৎলকখিবা অসি খোঙজেল য়াংনা হেনগৎলক্লি।

তেস্ত তৌবা কনশিনবা, স্তেন্দর্দ ৱাংবা ক্বালিতী লৈবা ক্লিনিকেল ক্যেরগা লোয়ননা খুদক্তা সর্ভিলেন্স তৌবা অমসুং ত্রেক তৌবগী খুত্থাংদা কেন্দ্রনা লুচিংদুনা মীৎয়েং চংবা, তৌবা ঙম্বা অদু উৎতুনা, ঙন্না খংদোক্নবা কান্নরবা পাম্বৈশিং লৌখৎতুনা মালেমগী থাক্তা মাই পাকপা ঙমখি।

কোবিদ-১৯গী মায়োক্তা অকনবা মওংদা লান্থেংনবা অসিদা ভারতনা হৌখিবা পুং ২৪দা নোংমা খক্তদা নাবা ফগৎলকপগী চাং খ্বাইদগী য়াম্না ৱাংবগী অমুক হন্না রেজিস্তর তৌখি। পুন্না নাবা ফগৎলকখিবা ৯৫,৮৮০ রিকোর্দ তৌখি।

নৌনা নাবা ফগৎলকখিবা কেসশিং অসিগী ৯০%দি রাজ্য/য়ু.তি. ১৬তগী রিপোর্ত তৌরকখি।       

নৌনা নাবা ফগৎলকখ্রবা কেসশিং অসিগী ৬০%দি রাজ্য মঙাদগী রিপোর্ত তৌরকখি মখোয় অদুদি মআরাস্ত্র, তামিল নাদু, অন্ধ্র প্রদেশ, কর্নাতকা অমসুং উত্তর প্রদেশনি।

নোংমদা নাবা ফগৎলকখিবা অসিদা মহারাস্ত্র খক্তদগী ২২,০০০ (২৩%) ওইখি অমসুং অন্ধ্র প্রদেশতগী ১১,০০০ হেন্না (১২.৩%) ওইখি।

পুন্না নাবা ফগৎলকখিবগী ৯০%দি রাজ্য/য়ু.তি. ১৫দগী রিপোর্ত তৌরকখি।

কেসলোদ খ্বাইদগী য়াম্লিবা মকোক থংবা রাজ্য মঙা, মহারাস্ত্র, তামিল নাদু, অন্ধ্র প্রদেশ, কর্নাতকা অমসুং উত্তর প্রদেশ অসিনসু পুন্না নাবা ফগৎলকখিবগী মশিংদা খ্বাইদগী য়াম্বা ওইরি।

ভারতনা নাবা ফগৎলকপগী মশিং য়াম্না রিপোর্ত তৌবগী লম্বেল অমদা চংশিল্লী। মসি রাজ্যশিং/য়ু.তি.শিংদা অকনবা লালোংশিং পুন্না লৌখৎখিবগী ফলনি।হকশেল অমসুং য়াইফ য়ুম্বাল মন্ত্রালয়না ক্লিনিকেল মেনেজমেন্তগী পুম্নমক য়াওরবা স্তেন্দর্দ অমসুং লায়েং চত্থবগী প্রোতোকলশিং থোকখ্রে। মালেমগী ওইরক্লিবা ফীভম অসি য়েংলগা মসি চাং নাইনা শেমদোক্লি অমদি কনশিল্লহল্লি। ভারতনা রেমদেসেবির, কনভালেসেন্ত প্লাজমা অমসুং তোসিলিজুমবগুম্বা ‘ইনবেস্তিগেস্নেল থেরপীশিং পাকশন্না শীজিন্নবগী অয়াবা পীখ্রে অমদি প্রোনিং, হাই ফ্লো ওক্সিজেন শীজিন্নবা, নন-ইনবেসিব ভেন্তিলেসন, কোবিদ নাবা মীওইশিংগী নাবা ফগৎহনবদা মতেং পাংনবা স্তেরোইদশিং অমসুং এন্তি-কাওগুলেন্তশিং শীজিন্নবগী পাম্বৈশিং লৌখৎখ্রে।মাইল্দ অমসুং মোদরেৎ ওইবা কেশশিংগী য়ুম/ফেসিলীতী আইসোলেসন য়েংশিনবা, অনাবশিং মতম চানা লায়েংনবা পুবদা এম্বুলেন্সকী সর্ভিস ফগৎহনবনা অনাবশিংগী মেনেজমেন্ত মপুংফানা পাংথোকপা ঙমহল্লে।  

এম্স নই দিল্লীনা কোবিদ-১৯ মেনেজমেন্ত অমসুং সেন্তর ওফ এক্সিলেন্সতা ‘নেস্নেল ই-আই.সি.য়ু.গী’ খুত্থাংদা আই.সি.য়ু.শিংদা দপক্তরশিংগী ক্লিনিকেল মেনেজমেন্ত স্কিলশিং হেনগৎহনবদা রাজ্যশিং/য়ু.তি.শিংবু লুচিংলি। লৈবাকপোকপা অমসুং ইরাইদা চয়োল অমগী অনিরক পাংথোক্তুনা লৈবাক শিনবা থুংনা কেশশিং ফগৎলকপগী চাং হেনগৎহনবদা অমসুং শিবগী চাং তপ্না তপ্না হন্থহনবদা সেসনশিং অসিনা মতেং পাংলি। হৌজিক ফাওবদা লৈবাক পুম্বগী রাজ্য/য়ু.তি. ২৮গড়ী হোস্পিতালশিং শরুক য়াদুনা অসিগুম্বা নেস্নেল ই-আই.সি.য়ু. ১৯ পাংথোকখ্রে।

রাজ্যশিং/য়ু.তি.শিংগী সরকারশিংদা পাংলিবা তেংবাংশিং অদু কেন্দ্রনা চাং নায়না য়েংশিল্লি। অৱাংবা থাক্কী মল্তি-স্পিসিএলিস্ত সেন্ত্রেল তীম কয়া রাজ্যশিং/য়ু.তি.শিংদা থাজিনখ্রে। মসিনা লাকশিনবা, সর্বিলেন্স, তেস্ত তৌবা অমসুং ক্লিনিকেল মেনেজমেন্ত ফজনা তৌবা হেনগৎহনবদা মতেং পাংলগনি। কেন্দ্রনা হোস্পিতালশিং/হেল্থ ফেসিলিতীশিংদা মেদিকেল ওক্সিজেনগী অৱাৎপসু চাং নায়না য়েংশিল্লি। মসিনা ভারতকী ফগৎলকপগী চাং ৱাংখৎলকপা অমসুং হৌজিক ১.৬১% ওইরিবা কেস ফেসিতিতী রেৎ (সি.এফ.আর.) নেম্না থম্বদা মীৎয়েং চংবগী মরুওইবা থৌদাং অমা লৌরি।

*****