కోవిడ్ -19 మహమ్మారి సమయంలో దేశ వ్యాప్తంగా వలస కార్మికులతో సహా కార్మిక సంక్షేమం, ఉపాధి కోసం కేంద్ర ప్రభుత్వం అపూర్వమైన చర్యలు తీసుకుందని కేంద్ర కార్మిక, ఉపాధి మంత్రి ఈ రోజు చెప్పారు. దానిని ఆయన వివరించారు:

➢ కార్మిక రంగం ఉమ్మడి జాబితాలో ఉంది, అందువల్ల, రాష్ట్ర, కేంద్ర ప్రభుత్వాలు ఇందుకు సంబంధించిన వివిధ అంశాలపై చట్టం చేయవచ్చు. ఇంకా, వలస కార్మిక చట్టంతో సహా చాలావరకు కేంద్ర కార్మిక చట్టాలను రాష్ట్ర ప్రభుత్వం ప్రత్యేకంగా అమలు చేస్తోంది

➢ లాక్డౌన్ అయిన వెంటనే, భవన, ఇతర నిర్మాణ కార్మికుల సెస్ ఫండ్ నుండి నిర్మాణ కార్మికులకు ఆర్థిక సహాయం అందించాలని సూచిస్తూ అన్ని రాష్ట్ర ప్రభుత్వాలు / యుటిలకు కార్మిక, ఉపాధి మంత్రిత్వ శాఖ నుండి ఆదేశాలు జారీ అయ్యాయి. వలస కార్మికులలో అత్యధిక శాతం భవన నిర్మాణ కార్మికులు అని అంచనా. ఇప్పటి వరకు సుమారు రెండు కోట్ల వలస కార్మికులకు వివిధ రాష్ట్రాలు నిర్వహిస్తున్న బిల్డింగ్, ఇతర నిర్మాణ కార్మికుల సెస్ ఫండ్ నుండి నేరుగా రూ.5000.00 కోట్లు నేరుగా వారి ఖాతాలోకే వేయడం జరిగింది.➢ వలస కార్మిక చట్టం నిబంధనల ప్రకారం, వలస కార్మికుల నమోదును ఆయా రాష్ట్ర ప్రభుత్వాలు చేయవలసి ఉంది, డేటాను రాష్ట్ర ప్రభుత్వాలు నిర్వహించాలి. కోవిడ్-19 పరిస్థితుల్లో, లాక్డౌన్ సమయంలో వారి స్వదేశాలకు వెళుతున్న వలస కార్మికుల డేటాను సేకరించడానికి కార్మిక, ఉపాధి మంత్రిత్వ శాఖ చొరవ తీసుకుంది. వివిధ రాష్ట్ర ప్రభుత్వాల నుండి సేకరించిన సమాచారం ఆధారంగా, కోవిడ్-19 సమయంలో సుమారు కోటి వలస కార్మికులు తమ సొంత రాష్ట్రానికి తిరిగి వెళ్లారు.

➢ లాక్డౌన్ సమయంలో వలస కార్మికుల సమస్యలను పరిష్కరించడానికి, కార్మిక, ఉపాధి మంత్రిత్వ శాఖ దేశవ్యాప్తంగా 20 కంట్రోల్ రూములను ఏర్పాటు చేసింది. ఈ కంట్రోల్ రూమ్‌ల ద్వారా కార్మికుల 15000 కు పైగా ఫిర్యాదులు పరిష్కారం అయ్యాయి, కార్మిక, ఉపాధి మంత్రిత్వ శాఖ జోక్యం కారణంగా రెండు లక్షలకు పైగా కార్మికులకు వారి వేతనాలు సుమారు రూ. 295 కోట్లు చెల్లించేలా చర్యలు తీసుకున్నారు..

➢ లాక్డౌన్ తరువాత, ప్రధాన మంత్రి గరీబ్ కల్యాణ్ యోజనతో దేశంలోని పేద, నిరుపేద, అసంఘటిత రంగ కార్మికులకు సహాయం చేయడానికి రూ.1.7 లక్షల కోట్ల ప్యాకేజీ మొదలైంది. ఈ ప్యాకేజీ కింద 80 కోట్ల మందికి 5 కిలోలు గోధుమ / బియ్యం, 1 కిలో పప్పుధాన్యాలు అందించారు. 2020 నవంబర్ వరకు లబ్ధిదారులందరికీ ఉచితంగా ఆహార ధాన్యాలు అందించడం జారుతుంది. ఈ కష్టకాలం ఒక సవాలే అయినప్పటికీ ఎవరూ ఆహారం లేకుండా ఉండకూడదు అన్నదే ప్రభుత్వ లక్ష్యం.

➢ మహాత్మాగాంధీ నరెగా కింద రోజుకు వేతనాలు రూ. 182 నుండి రూ. 202కి పెంచడం జరిగింది .

➢ వ్యవసాయం, మత్స్య, ఆహార ప్రాసెసింగ్ రంగాల కోసం మౌలిక సదుపాయాల లాజిస్టిక్స్, నైపుణ్య నిర్మాణం, పాలనా సంస్కరణలను బలోపేతం చేసే చర్యలను ప్రభుత్వం ప్రకటించింది.

➢ ఒక సంవత్సరం పదవీకాలంలో రూ .10,000 / - వరకు హామీ అవసరం లేని అనుషంగిక మూల ధన రుణం, సుమారు 50 లక్షల మంది చిల్లర వ్యాపారులకు తమ వ్యాపారాలను తిరిగి ప్రారంభించడానికి కేంద్ర ప్రభుత్వం పిఎం స్వనిధి పథకాన్ని ప్రారంభించినట్లు శ్రీ గంగ్వార్ తెలియజేశారు.

➢ స్వదేశానికి తిరిగి వెళ్ళిన వలస కార్మికుల ఉపాధిని సులభతరం చేయడానికి, ప్రధాన మంత్రి గరీబ్ కల్యాణ్ రోజ్గార్ అభియాన్ 116 జిల్లాల్లో మిషన్ మోడ్‌లో ప్రారంభమైంది. ఈ ప్రచారం కింద, ఈ వలస కార్మికుల ప్రమేయంతో గ్రామీణ మౌలిక సదుపాయాలు ఏర్పాటవుతాయి, సుమారు రూ. 50,000 కోట్లు ఈ ప్రయోజనం కోసం ఖర్చు చేస్తారు. ఇదే విధంగా, వలస కార్మికుల ఉపాధిని సులభతరం చేయడానికి రవాణా మంత్రిత్వ శాఖ రోడ్లు, రహదారులు మొదలైన వాటి నిర్మాణానికి వలస కార్మికుల ఉపాధి కోసం అనేక ప్రాజెక్టులుప్రారంభం అయ్యాయి.

➢ వలస కార్మికులు, అసంఘటిత రంగ కార్మికులు, ఎంఎస్‌ఎంఇ రంగాన్ని బలోపేతం చేయడం, గ్రామీణ ఆర్థిక వ్యవస్థను ప్రోత్సహించడం కోసం ఉపాధి అవకాశాలు కల్పించడానికి ప్రత్యేకంగా ఆత్మ నిర్భర భారత్ ఆధ్వర్యంలో ఇరవై లక్షల కోట్ల ఆర్థిక ప్యాకేజీని ప్రారంభించారు.

➢ కార్మికులకు వారి ఇపిఎఫ్ ఖాతా ద్వారా కనీస ఆర్థిక సహాయం అందించడానికి, ప్రధాన మంత్రి గరీబ్ కల్యాణ్ యోజన ఆధ్వర్యంలోని కార్మిక, ఉపాధి మంత్రిత్వ శాఖ ఇపిఎఫ్ సభ్యులందరికీ తమ ఇపిఎఫ్ ఖాతాలో జమ చేసిన మొత్తం ప్రావిడెంట్ ఫండ్‌లో 75% ఉపసంహరించుకునేందుకు అనుమతి ఇచ్చింది. ఇప్పటి వరకు సుమారు రూ. 39,000 / - కోట్లు ఇపిఎఫ్ఓ సభ్యులు ఉపసంహరించుకున్నారు.

ఫిర్యాదులు లేదా ఏదైనా ఆపదలో ఉన్న వారు మాట్లాడడానికి 20 ప్రాంతీయ కార్యాలయాలలో కోవిడ్-19 కాల్ సెంటర్ల ఏర్పాటు చేసినట్లు తెలిపారు. తెలంగాణ, ఆంధ్ర ప్రదేశ్ రాష్ట్రాలు, పుదుచ్చేరి రాష్ట్రంలోని యానాం, మాహే లకు సంబధించి హైదరాబాద్ ప్రాంతీయ కార్యాలయంలో 9496204401 / 8328504888/8552008109 ఈ నంబర్లకు సంప్రదించవచ్చు

➢ పని కోసం గమ్యస్థానానికి తిరిగి వస్తున్న వలస కార్మికుల ప్రయోజనార్థం కార్మిక, ఉపాధి మంత్రిత్వ శాఖ 2020 జూలై 27 న అన్ని రాష్ట్ర ప్రభుత్వాలు / యుటిల కోసం సలహా మార్గదర్శకాలను జారీ చేసింది. ఈ మార్గదర్శకాల ప్రకారం, రాష్ట్రాలు / యుటిలు ఉపాధి కోసం తిరిగి వస్తున్న వలస కార్మికుల సంక్షేమం కోసం వివిధ చర్యల అమలును సమన్వయం చేయడానికి రాష్ట్ర స్థాయి నోడల్ అధికారిని ప్రతిపాదించాలని ఆదేశించారు. ఇంకా, ఆరోగ్య, కుటుంబ సంక్షేమ మంత్రిత్వ శాఖ రూపొందించిన ప్రోటోకాల్ ప్రకారం వలస కార్మికులను పరీక్షించే పనిని వారి సొంత రాష్ట్రాలు సమన్వయం చేస్తాయి. వలస కార్మికులను సులభంగా గుర్తించడం, సంక్షేమ చర్యల కోసం సరైన డేటా బేస్ సిద్ధం చేయాలని రాష్ట్రాలను ఆదేశించారు. ఈ డేటా కేంద్ర ప్రభుత్వ వివిధ సామాజిక భద్రతా పథకాలకు నమోదు చేయడంలో కూడా దోహదపడుతుంది.

******