প্রধানমন্ত্রীগী লোইশঙ

সেপ্তেম্বর ১২দা প্রধান মন্ত্রী ‘গৃহ প্রবেসম’ শরুক য়াগনি অমসুং পি.এম.এ.ৱাই-জি.গী মখাদা মধ্য প্রদেশতা শাবা য়ুম লাখ ১.৭৫ শঙ্গাগনি

Posted On: 10 SEP 2020 5:38PM by PIB Imphal

ভিদিও কনফরেন্সকী খুৎথাংদা সেপ্তেম্বর ১২দা প্রধান মন্ত্রী শ্রী নরেন্দ্র মোদী ‘গৃহ প্রবেসম’ শরুক য়াগনি অমসুং প্রধান মন্ত্রী অৱাস য়োজনা-গ্রামিন(পি.এম.এ.ৱাই-জি)গী মখাদা মধ্য প্রদেশতা শাবা য়ুম লাখ ১.৭৫ শঙ্গাগনি। হায়রিবা য়ুমশিং অসি হৌজিক মায়োক্নরিবা কোবিদ-১৯ লাইচৎ মনুংদা শাবনি।

থৌরম অদুদা মধ্য প্রদেশকী চীফ মিনিস্তরসু শরুক য়াগনি। থৌরম অসি দি.দি নিউজদা লাইভ তেলিকাস্ত শন্দোক্কনি।

নুঙগীৱারোল

“২০২২ ফাওবদা মী খুদিংমক য়ুম লৈহনবা’ হায়বা প্রধান মন্ত্রীগী পান্দম অমগী মখাদা ২০১৬গী নবেম্বর ২০দা প্রধান মন্ত্রী অৱাস য়োজনা-গ্রামিন হৌদোকখি। হৌজিক ফাওবদা প্রোগ্রাম অসিগী মখাদা লৈবাক শীনবা থুংনা য়ুম করোর ১.১৪ শাখ্রে। হৌজিক ফাওবদা মধ্য প্রদেশ রাজ্যদা লায়রবা য়ুমথোঙ লাখ ১৭ স্কিম অসিগী কান্নবা ফংখ্রে। মখোয় য়ুম লৈতবা নৎত্রগা ফিবম চাদবা য়ুমশিংদা লৈবা লায়রবা মীওইশিংগী য়ুমথোঙশিংনি।

প্রধান মন্ত্রী অৱাস য়োজনা-গ্রামিনগী মখাদা, বেনিফিসরি অমদা লুপা লাখ ১.২০গী চাদা ১০০গী গ্রান্ত পীগনি। মসিদা কেন্দ্রগী শরুক্না চাদা ৬০ অমসুং রাজ্যগী শরুক্না চাদা ৪০নি। প্রধান মন্ত্রী অৱাস য়োজনা-গ্রামিনগী মখাদা শারিবা য়ুমশিংগী ফন্দশিং জিওতেগ তৌরবা ফোতোশিংগী খুৎথাংদা শাগৎলিঙৈগী তোঙান-তোঙানবা তাঙ্ককশিং য়েংশিল্লবা মতুংদা বেনিফিসরিশিংগী বেঙ্ক একাউন্তদা ইন্সতোলমেন্ত মরি থোক্না চঙহনখি। স্কিম অসিনা ২০২২ ফাওবদা য়ুম করোর ২.৯৫ শানবা পান্দম থম্লি।

য়ুম শাবগী মতেং পাংবগী মথক্তা, বিনিফিসরিশিংদা মহাত্মা গান্ধী নেসনেল রুরেল ইমপ্লোইমেন্ত গরেন্তি স্কিম(এম জি এন আর ই জি এস)গী মখাদা নুমিৎ ৯০/৯৫গী  শিন্মি অমগী খুৎশুমল ফংহল্লি অমসুং শ্বাছ্চ ভারত মিসন-গ্রামিন, এম.জি.এন.আর.ই.জি.এস নৎত্রগা অতোপ্পা ফন্দগী মখাদা তোইলেৎ শানবা লুপা ১২,০০০গী শেন্থং পীরি। স্কিম অসিগী মখাদা ভারত সরকার অমসুং রাজ্য/য়ু.তি সরকারশিংগী অতোপ্পা স্কিমশিং পুনশিনবগী খুদোংচাবশিং য়াওরি। প্রধান মন্ত্রী উজ্জৱালা স্কিমগী মখাদা এল.পি.জি কন্নেক্সন পীরি, মৈ শম্লি, জল জিবন মিসনগী মখাদা অফবা থক্নবা ঈশিং ফংহল্লি। অহেনবা খুদোংচাবশিং ফংহন্নবা মধ্য প্রদেশ সরকারনা মসিগী “সমৃদ্ধ পর্য়াবাস অভিয়ান”গী মখাদা অতোপ্পা স্কিম ১৭ হায়বদি সোসিএল সেকুরিতি, পেন্সন্স স্কিম, রেসন কার্দ, প্রধান মন্ত্রী কাউসাল বিকাস য়োজনা, নেসনেল রুরেল লাইভলিহুদ মিসন অসিনচিংবা হাপচিল্লে।  

*****



(Release ID: 1653130) Visitor Counter : 208