নোংমদা তেস্ত তৌবা ঙম্বগী পান্দম ফংলবা মতুংদা, ভারতনা হৌখিবা নুমিৎ নিনিদা কোবিদ-১৯ তেস্ত তৌবগী চাং হেনগৎলক্তুনা নোংমদা তেস্ত লাখ ১০ হেন্না পাংথোক্লে। লৈবাক শীনবা থুংনা নুমিৎ নিনি থংন-থংন্না সেম্পল লাখ ১১.৭০ হেন্না তেস্ত তৌখ্রে। হৌখিবা পুং ২৪দা সেম্পল ১১,৬৯,৭৬৫ হেন্না তেস্ত তৌখ্রে।

নোংমদা মশিং য়াম্না তেস্ত পাংথোকপা ঙম্বগী থাক অসি লৈবাক অমতনা পাংথোকপা ঙমদ্রি। নোংমগী তেস্ত তৌবগী চাং ৱাংখৎলকপগা লোয়ন্না, অপুনবা তেস্ত তৌখিবা মশিং করোর ৪.৭গী ময়া য়ৌরে। হৌজিক ফাওবদা অপুনবা তেস্ত তৌখিবা মশিং ৪,৬৬,৭৯,১৪৫নি।

নোংমদা তেস্ত তৌবগী চাং য়াম্না ৱাংলবসু, নোংমগী পোজিতিপ ওইবগী চাং অসি চাদা ৭.৫গী মখাদা লৈরি অদুগা অপুনবা পোজিতিপ ওইবগী চাং চাদা ৮.৫গী মখাদা লৈরি। কেন্দ্র সরকারগী লমজিং মখাদা রাজ্যশিং/য়ু.তিশিংনা তেস্ত, খোঙ্গুল লিবা, লায়েংবগী থবকশিং মাইপাক্না পাংথোকপগী ফলশিং মসিদা মমি তারে।

পাক-শন্না তেস্ত য়াম্না পাংথোকপা অসিনা ঙন্না খঙদোকপা, নাইতোম লৈহনবা অমসুং মতম চানা লায়েংবা ঙমহল্লে। য়ুমদা নাইতোম লৈরিবশিং অমসুং হোস্পিতালশিংদা লৈরিবশিং ফজনা লায়েংবদগী শিবগী চাং হন্থরকপনি। শিবগী চাং চাদা ১গী মখাদা লৈনবা পান্দম অমগা লোয়ন্না থবক পায়খৎপদগী ভারতকী কেস ফেতালিতি রেত(সি এফ আর) অসি চাদা ১.৭৪দা লৈরে অমসুং তপ্না তপ্না হন্থরক্লি।

লৈবাক শীনবা থুংনা দাইগনোস্তিক লেবশিং হাংদোকপগী মহৈ ওইনা ভারতনা তেস্ত তৌবগী চাং হেনগৎলকপনি। হৌজিক ফাওবদা সরকারগী লেব ১০২৫ অমসুং লনাইগী লেব ৬০৬ য়াওনা লৈবাক শীনবা থুংনা অপুনবা লেব ১৬৩১ লৈরে।

হায়রিবা লেবশিং অদুদি :

রিএল-তাইম আর.তি পি.সি.আর তেস্তিং লেবস : ৮২৭(সরকার :৪৬৫+লনাই: ৩৬২)

ত্রুনেত তেস্তিং লেবস : ৬৮৩(সরকার : ৫২৬ + লনাই : ১৫৭)

সি.বি.এন.এ.এ.তি তেস্তিং লেব : ১২১ (সরকার :৩৪+লনাই:৮৭)

কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিনৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.in  অমসুং @MoHFW_INDIA দা চংবীয়ু ।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক technicalquery.covid19[at]gov[dot]in দা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]in অমসুং ত্বুইতশিংগী ওইনা @CovidIndiaSeva শীজিন্নবা য়াগনি ।

কোবিদ-১৯গী মতাংদা ৱাহং অমা হেক্ত হংনিংবা লৈরবদি হেল্থ অমসুং ফেমিলি ৱেলফিয়ার মিনিস্ত্রিগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫(তোল ফ্রি)দা কোল তৌবীয়ু । কোবিদ-১৯গী মতাংদা রাজ্যশিং/য়ুতিশিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdf দা ফংগনি ।

******