କୋଭିଡ-19ର ମୁକାବିଲା ଦିଗରେ ଦେଶ ଆଉ ଏକ ଗୁରୁତ୍ୱପୂର୍ଣ୍ଣ ସଫଳତା ହାସଲ କରିଛି । ଦିନକରେ 10.5 ଲକ୍ଷରୁ ଅଧିକ କରୋନା ପରୀକ୍ଷା ପ୍ରଥମ ଥର ପାଇଁ କରାଯାଇ ଏକ ରେକର୍ଡ ସୃଷ୍ଟି କରାଯାଇଛି ।

ଗତ 24 ଘଣ୍ଟା ମଧ୍ୟରେ 10,55,027ଟି ନମୁନା ପରୀକ୍ଷା କରାଯାଇଛି, ଯାହାଫଳରେ ପ୍ରତ୍ୟେକ ଦିନ 10 ଲକ୍ଷରୁ ଉର୍ଦ୍ଧ୍ଵ ପରୀକ୍ଷାର ଲକ୍ଷ୍ୟ ପୂରଣ ହୋଇପାରିଛି ।

ଏହି ସଫଳତା ସହ ଦେଶରେ ମୋଟ ନମୁନା ପରୀକ୍ଷା 4.14 (4,14,61,636) କୋଟିରୁ ଅଧିକକୁ ଅତିକ୍ରମ କରିଛି । କେନ୍ଦ୍ର ସରକାର ବିଶ୍ଵର କୋଭିଡ-19 ରଣନୀତି ପରୀକ୍ଷା, ଚିହ୍ନଟ ଓ ଉପଚାରକୁ ତ୍ୱରାନ୍ୱିତ କରିଛି । ଏଥିରେ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡିକ କେନ୍ଦ୍ର ସରକାରଙ୍କୁ ସଂପୂର୍ଣ୍ଣ ସହଯୋଗ କରିଛନ୍ତି । ବ୍ୟାପକ ନମୁନା ପରୀକ୍ଷା ଯୋଗୁଁ ସଂକ୍ରମିତଙ୍କୁ ଶୀଘ୍ର ଚିହ୍ନଟ କରାଯାଇପାରିଛି । ଏହାଫଳରେ ସେମାନଙ୍କ ସଂସ୍ପର୍ଶରେ ଆସିଥିବା ବ୍ୟକ୍ତିମାନଙ୍କୁ ମଧ୍ୟ କମ ସମୟ ମଧ୍ୟରେ ଠାବ କରାଯାଇପାରିଛି । ଏଥିଯୋଗୁଁ ମାମୁଲି ଲକ୍ଷଣ ଥିବା ରୋଗୀମାନଙ୍କୁ ଘରୋଇ ଏକାନ୍ତବାସରେ ରଖାଯିବା ସହ ଅଧିକ ଲକ୍ଷଣଯୁକ୍ତ ଓ ଜଟିଳ ମାମଲାଗୁଡିକର ହସ୍ପିଟାଲରେ ଉପଚାର କରାଯାଉଛି । ନମୁନା ପରୀକ୍ଷାର ସାମର୍ଥ୍ୟ ବୃଦ୍ଧି ତଥା ମୋଟ ପରୀକ୍ଷା ଅଧିକ ହେବା ଫଳରେ ନିୟୁତ ପିଛା ପରୀକ୍ଷା ବୃଦ୍ଧି ପାଇ ଆଜି 30,044ରେ ପହଞ୍ଚିଛି ।

ଡବ୍ଲୁଏଚଓ ଏହାର ନିୟମାବଳୀରେ ଜନସ୍ୱାସ୍ଥ୍ୟ ଓ ସାମାଜିକ କଟକଣା ସମ୍ପର୍କରେ କୋଭିଡ ମାମଲାଗୁଡିକ ଉପରେ ବ୍ୟାପକ ନଜର ରଖିବାକୁ ପରାମର୍ଶ ଦେଇଛି । ପ୍ରତ୍ୟେକ ଦେଶ ଦିନକୁ ନିୟୁତ ପିଛା ଅନ୍ୟୁନ 140ଟି ନମୁନା ପରୀକ୍ଷା କରିବା ପାଇଁ ଡବ୍ଲୁଏଚଓ ପରାମର୍ଶ ଦେଇଛି । ସେଦୃଷ୍ଟିରୁ ବିଚାର କଲେ ଦେଶର ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ଏହି ସଂଖ୍ୟାକୁ ଅତିକ୍ରମ କରିବାରେ ସଫଳ ହୋଇଛନ୍ତି । କେତେକ ରାଜ୍ୟରେ ସଂକ୍ରମିତଙ୍କ ସଂଖ୍ୟା ଜାତୀୟ ହାରଠାରୁ ମଧ୍ୟ କମ ରହିଛି । ବ୍ୟାପକ ନମୁନା ପରୀକ୍ଷା ସାମର୍ଥ୍ୟ ବୃଦ୍ଧି ସହ ପରୀକ୍ଷାଗାର ସଂଖ୍ୟାରେ ମଧ୍ୟ ଉନ୍ନତି ଘଟିଛି । 1003ଟି ସରକାରୀ ଓ 580ଟି ଘରୋଇ ଏହିପରି 1583ଟି ପରୀକ୍ଷାଗାର ଆଜି ନମୁନା ପରୀକ୍ଷା କରିବାର ସୁବିଧା ରହିଛି ।

ନିର୍ଦ୍ଦେଶାବଳୀ ଓ ପରାମର୍ଶ ପାଇଁ ଭିଜିଟ୍‌ କରନ୍ତୁ: https://www.mohfw.gov.in/ and @MoHFW_INDIA ।

କୋଭିଡ୍‌ ସଂକ୍ରାନ୍ତ ବୈଷୟିକ ପ୍ରଶ୍ନ ପଠାଇବା ପାଇଁ covid19[at]gov[dot]in ଏବଂ ଅନ୍ୟାନ୍ୟ ପ୍ରଶ୍ନ ncov2019[at]gov[dot]in and @CovidIndiaSeva ।

କୋଭିଡ-19 ସଂକ୍ରାନ୍ତ କୌଣସି ପ୍ରଶ୍ନ ମଧ୍ୟ ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟର ହେଲ୍‌ପଲାଇନ ନଂ – +91-11-23978046 କିମ୍ବା 1075 (ନିଃଶୁଳ୍କ)କୁ ପଚରା ଯାଇପାରିବ ।

ରାଜ୍ୟଗୁଡିକର ହେଲ୍‌ପଲାଇନ ନଂ: https://www.mohfw.gov.in/pdf/ coronvavirushelplinenumber.pdfରେ ଉପଲବ୍ଧ ।

*********