ভারতনা কোবিদ-১৯গী লান্থেংদা অনৌবা পন্দুম অমা য়ৌবা ঙম্লে। ইহান হানবা ওইনা, মমাংদা তৌখিদ্রবা মওংদা নোংমা খক্তদা কোবিদ তেস্ত লাখ ১০.৫ তৌবা ঙমখ্রে।

হৌখিবা পুং ২৪ অসিদা তেস্ত ১০,৫৫,০২৭ তৌদুনা ভারতনা লৈবাক অসিগী তেস্ত তৌবা ঙম্বগী চাংদা নুমিৎ খুদিংগী সেম্পল লাখ ১০ তৌদুনা মপাঙ্গল কনখৎলক্লি।

মাই পাকপা অসিগা লোইননা, অপুনবা তেস্ত তৌবগী মশীংসু কোতি ১.১৪ (৪,১৪,৬১,৬৩৬) য়ৌখ্রে। মালেমগী থাক্তা ওইরক্লিবা কোবিদ-১৯গী মতৌ অসি য়েংদুনা কেন্দ্র সরকারনা রাজ্য/য়ু.তি. লৈঙাকশিংগা লোইননা লেপ্পা লৈতনা লৌখৎলকপা "তেস্ত, ত্রেক, অমসুং ত্রিৎ"কী লাঞ্জং লৌখত্তুনা থবক ওইনা ওন্থোক্লকখিবনি। খোংজেল য়াংনা তেস্ত তৌবদা মীৎয়েং থমদুনা পোজিতিব কেসশিংবু ঙন্না খঙদোকপা ঙম্লে অমসুং মখোয়গা শোক্না শম্নরুবশিংবু মতম চানা খঙদোকপা ঙমলি। মসিগী মতুংদা লাইওং কয়া উত্তবা কেসশিংবুনা য়ুমদা নত্ত্রগা ফেসিলিতী পীদুনা তোখাইনা থম্লি অমসুং কা হেন্না ফিবম শোকপা অরুবা অনাবশিংগীনা হোস্পিতালদা পুখৎলি।

তেস্ত তৌফম হেনগৎলকপা অমসুং তেস্ত তৌবগী মশীং হেনগৎলকপনা হৌজিক্তি মিল্লিয়ন অমদা তেস্ত তৌবগী চাংসু ৱাংখৎলক্লে। ঙসি ফাওবদা ৩০,০৪৪ য়ৌরে।

দব্ল্যু.ঐচ.ও.গী চৎন-কাংলোন পীরিবা "পব্লিক হেলথ ক্রাইতেরিয়া তু এদজস্ত পব্লিক হেলথ এন্দ সোসিএল মিজর্স ইন দি কন্তেক্স ওব কোবিদ-১৯" গী মতুং ইন্না কোবিদ-১৯গী চিংনবা য়াবা কেসশিং য়েংশিন্নবা পাউতাক পীরি। দব্ল্যু. ঐচ.ও.না হায়বগী মতুং ইন্না লৈবাক অমনা নোংমদা মিল্লিয়ন অমদা লৈবা মীশিংদা তেস্ত ১৪০ তৌগদবনি হায়রি। তোঙান-তোঙানবা রাজ্যশিংদা লৈবাক অসিগী চাংচত্তা লৈবা পোজিতিবিতী রেত্তগী তানা লৈরি।

তেস্ত তৌনবগী লৌখৎলকপা থৌরাংশিংনা লৈবাক অসিগী লেবকী নেৎৱার্কসু তপ্না তপ্না হেনগৎলক্লি। ঙসি ফাওবদা সরকারগী লেব ১০০৩ অমসুং প্রাইবেৎ লেব ৫৮০ শুবগা লোইননা লৈবাক অসিদা অপুনবা ওইনা ১৫৮৩ লৈরে। মসিগী মনুংদাঃ

• রিএল তাইম আর.তি. পি.সি.আর.দা য়ুম্ফম ওইবা তেস্ত তৌনবা লেবঃ ৮১১ (সরকারগী ৪৬৩+ প্রাইবেৎঃ ৩৪৮)
• ত্রুনাৎতা য়ুম্ফম ওইবা তেস্তিং লেবঃ ৬৫১ (সরকারগী ৫০৬+ প্রাইবেৎঃ ১৪৫)
• সি.বি.এন.এ.এ.তি.দা য়ুম্ফম ওইবা তেস্তিং লেবঃ ১২১ (সরকারগী ৩৪+ প্রাইবেৎঃ ৮৭)

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA  দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid19[at]gov[dot]in দা থাবীয়ু অমসুং অতোপ্পশিংগী ওইনা ncov2019[at]gov[dot]in and @CovidIndiaSevaদা থাবীয়ু।

কোবিদ-১৯গী ক্বেরীশিংগীদমক হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী) দা কোল তৌবীয়ু  রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf দা ফংবীগনি।

*******