প্রধানমন্ত্রীগী লোইশঙ
নিংতম লালহৌগী শকখঙবীদ্রবা অথৌবশিংগী ৱারীশিং হান্না খঙনবা মন কী বাত্তা প্রধান মন্ত্রীনা ওজাশিং অমসুং মহৈরোইশিংদা তকশিল্লি
Posted On:
30 AUG 2020 3:04PM by PIB Imphal
মন কী বাতকী খ্বাইদগী নৌবা ৱারোলদা, নিংতম লালহৌগী শকখঙবীদ্রবা অথৌবশিংগী ৱারিশিং হান্না খঙনবা প্রধান মন্ত্রীনা ওজাশিং অমসুং মহৈরোইশিংদা তকশিল্লি।
প্রধান মন্ত্রীনা হায়খি কনাগুম্বা অমনা মহাক্কী মাইপাকপা নিংশিংলকপা মতমদা, মতম পুম্নমক্তা ওজা অমা নিংশিংই। কোবিদ লাইচৎকী খুদোংচাদবা মায়োক্নরিবা ওজাশিংনা অৱাবা অসি অনৌবা খুৎলায়শিং অমসুং তেক্নোলোজি শীজিন্নদুনা খুদোংচাবা অমা ওন্থোক্লে অমসুং মখোয়না খুদোংচাবশিং অদু মহৈরোইশিংদা ফংহল্লে। মহৈরোইশিংদা অনৌবা ইজুকেসন পোলিসিগী কান্নবশিং ফংহনবদা ওজাশিংনা মরুওইবা থৌদাং অমা লৌগনি হায়না অচেৎপা থাজবা থম্লি।
মহাক্না হায়খি,২০২২দা লৈবাক অসিনা মসিগী ৭৫সুবা নিংতম্বা চহি পাংথোক্কনি অমসুং হৌজিক্কী মহৈরোইশিংনা ঐখোয়গী নিংতম লালহৌগী অথৌবশিং মশক খঙবা অসি য়াম্না মরুওই। ঐখোয়গী মহৈরোইশিংনা নিংতম লালহৌগী পুৱারি অমসুং মখোয়গী অকোয়বগী ফিবমশিং খঙবা মতমদা, মহৈরোইশিংগী লমচৎ-শাজৎতা মসিগী মমি তাবা ঐখোয়না উবা ফংগনি।
প্রধান মন্ত্রীনা হায়খি, মখোয়না লৈরিবা জিলাশিংদা নিংতম লালহৌ মনুংদা থোকখিবা থৌদোক অমগী মতাংদা থিজিন্নবা মহৈরোইশিংদা রিছর্সকী তোপিক অমা পীগদবনি। মহৈরোইশিংনা মখোয়গী সহরদা লৈবা নিংতম লালহৌগা মরী লৈনবা মফম অমদা চৎনবা থৌরাং তৌবা য়াই। ঐখোয়গী চহি ৭৫সুবা নিংতম্বগী থৌরম পাংথোক্নবা ঐখোয়গী নিংতম লালহৌগী অথৌবশিংগী শৈরেং অমসুং থিয়েতরগী ৱারি ৭৫ ইনবা স্কুলশিংগী মহৈরোইশিংনা ৱারেপ লৌগদবনি।
মহাক্না হায়খি হায়রিবা থবকশিং অসিনা লৈবাক্কীদমক থৱায় থাখিবা অদুবু অকাউবগী লৈরোলনুংদা লৈখ্রবা শকখঙবীদ্রবা অথৌবা লাখ কয়াগী ৱারিশিং মাংলোমদা পুখৎলকপা ঙমগনি। সেপ্তেম্বর ৫দা পাংথোক্কদৌরিবা ওজাগী নুমিৎ থৌরম পাংথোক্নবা ওজাশিং থৌরাং তৌগদবনি।
*****
(Release ID: 1649791)
Visitor Counter : 160
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam