PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 28 AUG 2020 6:18PM by PIB Imphal

Coat of arms of India PNG images free download

 

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

 

  • নুমিৎ নিনি থংন-থংননা ভারতনা নুমিৎ খুদিংগী সেমপল লাখ ৯ হেন্না তেস্ত তৌখি, অপুনবা তেস্ত তৌখিবগী মশিং অদু কোতি ৪গী ময়া নকখ্রে
  • হৌখিবা চয়োল ২দা কোতি ১গী মথক্তা তেস্ত তৌখ্রে
  • হৌখিবা পুং ২৪ অসিদা অনাবা ৬০,১৭৭ নাবা ফখিবগা লোইননা ভারতকী কোবিদ-১৯দগী নাবা ফগৎলকপগী চাং লাখ ২৬কী ময়া য়ৌরে
  • কোবিদ-১৯দগী নাবা ফগৎলকপগী চাং চাদা ৭৬.২৮ য়ৌরে
  • কেস ফেতেলিতী রেৎ মখা তানা চাদা ১.৮২দা হন্থরে
  • এক্তিব কেসকী মশিং অসি অপুনবা কোবিদ কেসকী চাদা ২২ খক্তনি

নুমিৎ নিনি থংন-থংননা, ভারতনা নুমিৎ খুদিংগী সেমপল লাখ ৯ হেন্না তেস্ত তৌখি, অপুনবা তেস্ত তৌখিবগী মশিং অদু কোতি ৪গী অনৌবা পীক ময়া নকখ্রে, হৌখিবা চয়োল ২দা কোতি ১গী মথক্তা তেস্ত তৌখ্রে

কেন্দ্র সরকারগী “তেস্ত, ত্রেক এন্দ ত্রীত”কী স্ত্রেতেজীদা অহেনবা মীৎয়েং চংশিন্দুনা ভারতনা থংন-থংননা নিনিসুবা নুমিৎকী ওইনা নুমিৎ খুদিংগী কোবিদ-১৯ সেমপল লাখ ৯ হেন্না তেস্ত তৌখ্রে। ভারতনা নোংমদা তেস্ত লাখ ১০ তৌবা ঙম্বগী কেপাসিতী অদু হান্নদগী শেমখ্রে। হৌখিবা পুং ২৪দা সেমপল ৯,০১,৩৩৮ তেস্ত তৌখ্রে। লেপ্তনা হেগৎলকপগা লোইননা তেস্ত তৌবগী অ[ুনবা মশিং অদু কোতি ৪গী ময়া নক্না য়ৌখ্রে। হৌজিক ফাওবদা তৌখিবা তেস্তশিংগী অপুনবা মশিং অদু ৩,৯৪,৭৭,৮৪৮ য়ৌখ্রে। হৌখিবা চয়োল অনিদা কোবিদকীদমক্তা সেমপল কোতি ১গী মথক্তা তেস্ত তৌখ্রে। মিলিয়ন অমদা তেস্ত তৌবগী মশিংদুসু য়াম্না য়াংনা ২৮,৬০৭দা হেনগৎলকপা উবা ফংখি। থাক ৱাংখৎলক্লিবা অমসুং অহোংবা লাক্লিবা রেসপোন্স অসিনা লৈবাক অসিদা তেস্তিং তৌবগী চাং অসি পাকশন্না হেনগৎলকপা তেস্তিং স্ত্রেতেজী অমা পুরকপা ঙম্লিবনি। স্ত্রেতেজী অসিগী মতুং ইন্না চৎপা ঙম্নবা, লৈবাক অসিদা লৈরিবা তেস্তিং লেবকী নেতৱার্ক অসি লেপ্তনা কনখৎহল্লি, মসিদা হৌজিক ফাওবগী ওইনা লৈবাক অসিদা লৈবা লেব ১৫৬৪ য়াওরি; সরকারগী সেক্তরদগী লেব ৯৯৮ অমসুং লনাইগী লেব ৫৬৬ য়াওরি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1649171

অপুনবা কোবিদ কেস মশীংদগী এক্তিব কেসকী চাংনা চাদা ২২ খক্তমক ওইরে, নাবা ফগৎলকপা মশীং লাখ ২৬ য়ৌরে। এক্তিব কেস মশীংদগী লাখ ১৮ হেনখ্রে

হৌখিবা থা মঙা অসিদা, কোবিদ-১৯ কেসকী ৪ থোকপগী ৩ হেন্না নাবা ফখ্রে অমসুং ৪ থোকপগী ১ খক্তমক হৌজিক এক্তিব ওইরি। অনাবা মশীং হেন্না ফগৎলকপগা লোইননা অমসুং হোম আইসোলেসন্দগী (ময়াই ওইবা অমসুং মাইল্দ ওইবা কেসশিংগী) অমসুং হোস্পিতালদগী দিসচার্জ তৌখিবগা লোইননা, ভারতকী কোবিদ-১৯দগী নাবা ফরবগী মশীং অসি লাখ ২৬ য়ৌশিল্লক্লে। হৌখিবা পুং ২৪ অসিদা অনাবা ৬০,১৭৭ নাবা ফখি। মসিগা লোইননা লৈবাক অসিগী ওইনা কোবিদ-১৯দগী নাবা ফগৎলকপগী চাং চাদা ৭৬.২৮ য়ৌরে। নাবা ফবগী মশীং অসি এক্তিব কেস মশীংগী শরুক ৩.৫ য়ৌরে, মসিনা অপুনবা কেস মশীংগী চাদা ২১.৯০ ওইরি। নাবা ফগৎলকপগী মশীং হেনগৎলকপা হায়বসিনা নাবা ফবা অমসুং এক্তিব কেসকী মরক্তা লৈবা খেন্নবা হেনগৎলক্লি। লাখ ১৮ লানখিবগা লোইননা খেন্নবা মশীং অসি ঙসি ফাওবদা ১৮,৪১,৯২৫ য়ৌরে। হৌজিক ফাওবগী ওইনা, লৈবাক অসিদা দি.সি.ঐচ. ১৭২৩, দি.সি.ঐচ.সি.৩৮৮৩, অমসুং সি.সি.সি. ১১,৬৮৯ লৈদুনা অপুনবা ওইনা আইসোলেসন বেদ ১৫,৮৯,১০৫, ওক্সিজেন য়াওবা ফমুং ২,১৭,১২৮ অমসুং আই.সি.য়ু. ৫৭,৩৮০ লৈরে। পোজিতিব কেসশিংবু মতীক চানা লাইয়েংবনা শিবগী চাংসু কা হেন্না নেম্লকপগা লোইননা ঙসিফাওবদা ১.৮২% তমক লৈরে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1649147

দা. হর্শ বর্ধন্না দিজিতেল ওইনা এম.জি.এম. মেদিকেল কোলেজ, ইন্দোরগী সুপর স্পিসিয়েলিতী ব্লোক শঙ্গাখ্রে

হকশেল অমসুং য়াইফ য়ুম্বালগী কেন্দ্র মন্ত্রী দা. হর্শ বর্ধন্না মধ্য প্রদেশকী মুখ্য মন্ত্রী শ্রী শিবরাজ সিংহ চৌহানগা লোয়ননা দিজিতেল ওইনা ইন্দোরগী মহাত্মা গান্ধী মেমোরিয়েল কোলেজদা সুপর স্পেসিয়িলিতী ব্লোক (এস.এস.বি.) শঙ্গাখ্রে। থৌরম অদুদা হকশেল অমসুং য়াইফ য়ুম্বালগী রাজ্য মন্ত্রী শ্রী অশ্বিনি কুমার চৌবেসু শরুক য়াখি। মেদিকেল কোলেজ অসি এন.সি.দি.সি. সেরো সর্ভে অমগীদমক নোদেল এজেন্সীসু ওইরি।  এস.এস.বি. অসি প্রধান মন্ত্রী স্বস্থ সুরক্ষা য়োজনা (পি.এম.এস.এস.ৱাই.)গী মখাদা লুপা করোর ২৩৭ চাংনা শাবনি। হকশেল মন্ত্রীনা হায়খি মদুদি কোবিদ-১৯ থেংননবা হোৎনরিবশিং অসি মপাঙ্গল কনখৎহন্নবগীদমক কেন্দ্রনা মধ্য প্রদেশদা এন.৯৫ মাস্ক লাখ ১৩.৯৯, পি.পি.ই. লাখ ৭.৯৭, ঐচ.সি.ক্যু. লাখ ৫৪ অমসুং ভেন্তিলেতর ৬৭৯ পীখ্রে।

উকুপ্পা ৱারোলগীদমক: https://pib.gov.in/PressReleseDetail.aspx?PRID=1649276

প্রধান মন্ত্রীনা পি.এম.-জে.দি.ৱাই. চহী ৬ মাই পাক্না মপুং ফারকপদা হরাউবা ফোংদোকখ্রে

প্রধান মন্ত্রী শ্রী নরেন্দ্র মোদীনা জন ধন য়োজনা চহী ৬ মাই পাক্না মপুং ফারকপদা হরাউবা ফোংদোকখ্রে। প্রধান মন্ত্রীনা হায়খি, "ঙসিদগী চহী তরুক্কী মমাংদা, প্রধান মন্ত্রী জন ধন য়োজনা বেঙ্ক শীজিন্নদ্রিবশিংবু বেঙ্ক শীজিন্নহন্নবগী পান্দমদা হৌদোকখি। হায়রিবা থৌরাং অসিনা অহোংবা কয়া অমা পুরকখ্রে, মসিনা মীওই কোতি কয়াদা কান্নবা পীদুনা লাইরবা কোকহন্নবা থৌরাং কয়াগী য়ুম্বী ওইরে। প্রধান মন্ত্রী জন ধন য়োজনাবু থাগৎপা ফোংদোকচরি, মসিনা ইমুং কয়াগী তুংগী ফিবম শাফহল্লে। কান্নবা ফংখ্রবা কয়াগী মনুংদগী খুঙ্গংগী লম অমসুং নুপীশিংনা অয়াম্বনি। ঐহাক্না পি.এম.-জে.দি.ৱাই.বু মাই পাক্নবা হোৎনবদা চোকথবা লৈতনা হোৎনখিবা খুদিংমকপুসু থাগৎপা ফোংদোকচরি।"

অকুপ্পা ৱারোলগীদমক:  https://pib.gov.in/PressReleseDetail.aspx?PRID=1649133

প্রধান মন্ত্রী মোদীনা দিফেন্সকী খুৎলায় শাবগী হীরমদা আত্মানির্ভর ভারত ওইবগী সেমিনারদা ৱা ঙাংখ্রে
প্রধান মন্ত্রী শ্রী নরেন্দ্র মোদীনা ঙরাং ভিদিও কনফরেন্সকী খুত্থাংদা পাঙথোকপা দিফেন্সকী খুৎলায় শাবগী হীরমদা আত্মানির্ভর ভারত ওইবগী সেমিনারদা ৱা ঙাংখ্রে। দিফেন্সকী খুৎলায় শাবগী হীরমদা আত্মানির্ভর ওইবগী তঙাই ফদবশিংদা মিৎয়েং চংলদুনা প্রধান মন্ত্রীনা ঐখোয়গী পান্দমদি দিফেন্সকী পোত্থোক পুথোকপা, অনৌবা তেক্নোলোজী পুথোকপা হেনগৎপা অমসুং দিফেন্স সেক্তরদা প্রাইবেৎ প্লেয়ারশিংদা মশক থোকপা থৌদাং শিন্নবা অসিনি হায়খি। ঙাকশেল মন্ত্রী শ্রী রাজনাথ সিংহ অমসুং মহাক্কী কাংবু অপুনবনা মিসন মোদতা লেপ্পা লৈতনা থবক পায়খৎপা অসিবু থাগৎপা ফোঙদোক্লদুনা প্রধান মন্ত্রীনা হায়খিবদা ঙসিগী সেমিনার অসিগী মতুংদগী দিফেন্সকী পোত্থোক পুথোকপদা মরোমদোম লেপচবা ঙম্বগী পান্দম অসি হেন্না চেৎশিল্লগনি হায়খ্রে। প্রধান মন্ত্রীনা মতমগা চান্নবা অমসুং মরোমদোম লেপচবা ঙম্বা ভারত অমা শেম্বা ঙম্নবগীদমক্তা দিফেন্স সেক্তরদা ইশানা ইশাবু থাজবগী মওং অমগী তঙাই ফদবা লৈ হায়খি। দিকেদ কয়াদগী পন্দুনা লাক্লবা সি.দি.এস. খনবগী ৱারেপ হৌজিক্তি লৌরে অমসুং মসিনা অনৌবা ভারতকী মমি তাহল্লে। চীফ ওফ দিফেন্স স্তাফ খনখিবা অসিনা ভারতকী লৈরিবা ফোর্স অহুমগী মরক্তা তেংবাংনবা হেনগৎহল্লে অমসুং দিফেন্সকী পোত্থোকশিং লৈবদসু হেনগৎহল্লে। মসিগা মান্ননা ওতোমেতিক রুতকী খুত্থাংদা দিফেন্স সেক্তরদা এফ.দি.আই.গী শরুক ৭৪%গী অয়াবা পীবা অসিনা অনৌবা ভারতনা মশাদা থাজবগী থৌওং অদু তাক্লি হায়না মহাক্না মিৎয়েং চংখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1649031

প্রধান মন্ত্রী জন-ধন য়োজনা (পি.এম.জে.দি.ৱাই.) – ফাইনান্সিএল ইনক্লুজনগী নেস্নেল মিসন অসি মায় পাকনা ইমপ্লিমেন্ত তৌখিবা চহি তরুক মপুং ফাখ্রে

প্রধান মন্ত্রী জন ধন য়োজনা (পি.এম.জে.দি.ৱাই.) অসিনা মরু ওইবা খোঙথাং অমা ওইদুনা মসি মালেমগী ওইনা খ্বাইদগী চাউবা ফাইনান্সিএল ইনক্লুজনগী খোঙথাং অমনি। পি.এম.জে.দি.ৱাই.গী ৬শুবা মপোক কুমওনদা কেন্দ্রগী ফাইনান্স অমসুং কোর্পরেৎ এফিয়র্সকী মন্ত্রী শ্রীমতি নির্মলা সিতারমননা স্কিম অসিগী কান্নবা অদু অমুক হন্না ফোঙদোকখি “পি.এম.জে.দি.ৱাই. অসি মোদী সরকারনা মীয়ামগীদমক লৌখৎলিবা শেন্মীৎলোন ফগৎনবা খোঙথাংশিং অসিগী হৌরকফম ওইরি। মসি দাইরেক্ত বেনিফিৎ ত্রান্সফরশিং, কোবিদ-১৯গী শেলগী তেংবাং, পি.এম.-কিসান, এম.জি.এন.আর.ই.জি.এ.গী মখাদা খুশুমল হেনগৎহনবা, শীখিবা অমসুং নারকপদা ইন্সুরেন্সনা কোনশিনবা অমা হেক্তা ওইরবসু অহানবা খোঙথাংদি মীওই খুদিংমক্তা বেঙ্ক একাউন্ত লৈহনবা অসি পি.এম.জে.দি.ৱাই.না মপুং ফানা ঙমখ্রে।” হায়না মহাক্না ফোঙদোকখি। পি.এম.জে.দি.ৱাই. অসি মোদী সরকারনা মীয়ামগীদমক লৌখৎলিবা শেন্মীৎলোন ফগৎনবা খোঙথাংশিং অসিগী হৌরকফম ওইরি। লুপা কোতি লাখ ১.৩১ চংদুনা পি.এম.জে.দি.ৱাই. হৌরকপদগী বেনিফিসরী কোতি ৪০.৩৫ হেনবদা বেঙ্ক শীজিন্নহনখ্রে খুঙ্গংগী পি.এম.জে.দি.ৱাই. একাউন্ত ৬৩.৬%; নুপীগী পি.এম.জে.দি.ৱাই. একাউন্ত ৫৫.২%
অকুপ্পা ৱারোলগীদমক
: https://pib.gov.in/PressReleseDetail.aspx?PRID=1649091

সেন্ত্রেল ইন্সতিত্যুৎ ওব হোতেল মেনেজমেন্ত এন্দ ইনিদিয়ন ইন্সতিত্যুৎ ওব তুরিজম এন্দ ত্রাবেল মেনেজমেন্তনা এক ভারত শ্রেস্থ ভারতকী মখাদা কোবিদ-১৯ লাইচৎ মনুংদা তোঙান-তোঙানবা থৌরাং কয়া পায়খৎখি

তুরিজম মন্ত্রালয়না চাং নাইনা এক ভারত শ্রেস্থা ভারতপু মীপুম তিংনা খঙনবগীদমক তোঙান-তোঙানবা থৌরাং কয়া পায়খত্তুনা হোৎনরি। কোবিদ-১৯ লাইচৎকী মনুংদা ফাওবা এন.সি.ঐচ.এম.সি.তি.দা এফিলিএৎ তৌবা ভারত সেন্ত্রেল ইন্সতিত্যুৎ ওব হোতেল মেনেজমেন্ত অমসুং ইন্দিয়ন ইন্সতিত্যুৎ ওব তুরিজম অমসুং ত্রাবেল মেনেজমেন্তনা এক ভারত শ্রেস্থা ভারতকী মতাংদা মে ৮, ২০২০দগী হৌদুনা ওগস্ত ২৪, ২০২০ ফাওবা তোঙান-তোঙানবা থবক কয়া পায়খৎলক্লি। মে, ২০২০দা, সেন্ত্রেল ইন্সতিত্যুৎ ওব হোতেল মেনেজমেন্ত ২০না মপাং ওইবা রাজ্য ৩২গা কোনশিল্লদুনা অমসুং মীওই ৬১৪১না শরুক য়ারদুনা থবক ২৭ পায়খৎখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1649132

য়ুনিয়ন এজুকেসন মিনিস্তরনা ভর্চুএল ওইনা অলিগর মুস্লিম য়ুনিভর্সিতিগী জৱাহরলাল নেহরু মেদিকেল কোলেজ (জে.এন.এম.সি.) একজাম সেন্তর শঙ্গাখ্রে
ভিদিও কনফরেন্সকী খুৎথাংদা য়ুনিয়ন এজুকেসন মিনিস্তর রমেস পোখ্রিয়াল ‘নিশঙ্ক’না ঙরাং অলিগর মুস্লিম য়ুনিভর্সিতিগী জৱাহরলাল নেহরু মেদিকেল কোলেজ একজাম সেন্তর শঙ্গাখ্রে। সরকারগী লুপা করোর অহুমগী গ্রান্তগা লোয়ন্না একজাম সেন্তর অসি শাবনি। থৌরম অদুদা য়ুনিয়ন মিনিস্তরনা হায়খি হৌজিক মালেম অসিনা মরুওইনা লাইরিক তাকপী-তম্বীগী লমদা কোবিদ-১৯ লাইচৎনা মরম ওইদুনা অকাইবা কয়া থেংনরবসু; ঐখোয়গী লাইরিক তমফমশিং অমসুং মহৈরোইশিং অৱাবা নংদনবা সরকারনা থবক পায়খৎলি। নিংতম লালহৌদা অলিগর মুস্লিম য়ুনিভর্সিতিনা মরুওইবা থৌদাং লৌখি অমসুং হৌজিক ফাওবা মরৈবাক নুংশিবগী অকনবা ইচেল অমা লৈরি। য়ুনিভর্সিতি অসি লৈবাক অসিগী মমল নাইদ্রবা লন অমনি। লৈবাক অসি কোবিদ-১৯ লাইচৎনা অৱাবা তাহল্লবা মতমদা মসিগী মেদিকেল কোলেজ অসি থাজবগী মঙাল অমা ওইরে। কোরোনাভাইরস লাইচৎনা ফিবম চাহন্দ্রবসু হিরম খুদিংমক্তা লেপ্তনা চাউখৎ-থৌরাংগী থবকশিং পায়খৎপগীদমক মহাক্না য়ুনিভর্সিতি অসিগী ভি.সি থাগৎখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1649056

 

পি.আই.বি. ফিল্দ ওফিসশিংদগী ফংবা পাউ

  • অরুনাচল প্রদেশ: অরুনাচল প্রদেশতা এক্তিব কেসশিংগী মশিং অদু লিশিং অমা লান্থোকখ্রে। হৌখিবা পুং ২৪ অসিগী মনুংদা অনৌবা পোজিতিব কেস ৭৮ থেংনখি। হৌজিক রাজ্য অসিদা এক্তিব পোজিতিব কেস ১০০৭ লৈরি। ফগৎলকপগী চাং অসি চাদা ৭২গী মথক্তা লৈ অমসুং হৌজিক ফাওবদা ২৬২১ ফখ্রে অমসুং হোসপিতালশিংদগী দসিচার্জ তৌখ্রে।
  • অসাম: অসামদা হৌখিবা পুং ২৪ অসিগী মনুংদা কোবিদ-১৯ পেসেন্ত ২৩৪৫ দিসচার্জ তৌখ্রে। রাজ্য অসিদা শগোলশেল ফাওবদা পেসেন্ত ৭৯৩০৭ দিসচার্জ তৌখ্রে অমসুং এক্তিব কেসশিংগী মশিং অদু ১৯২১৯ য়ৌখ্রে।
  • মনিপুর: মনিপুরদা হৌখিবা পুং ২৪গী মনুংদা, কোবিদ-১৯গীদমক্তা তেস্ত তৌবদা মীওই ১৪০ অমুক পোজিতিব ওইখ্রে। মসিগী মনুংদা ১১৯দি ত্রভেল হিস্তরী লৈখিদে। মীওই ১২৮ ফখ্রে অমসুং কোবিদ কেয়র সেন্তরশিংদগী দিসচার্জ তৌখ্রে। রাজ্য অসিগী ফগৎলকপগী চাং অসি ৬৯% নি। 
  • মেঘালয়া: মঘালয়াদা অপুনবা কোবিদ-১৯ কেস অসি ১২২২ য়ৌখ্রে। মখোয়শিং অসিগী মনুংদা ৪১৪দি বি.এস.এফ. অমসুং আর্মদ ফোর্সেসদগীনি অমসুং ৮০৮না অতোপ্পদগীনি। রাজ্য অসিদা হৌজিক ফাওবদা পুন্না পেসেন্ত ৮৯৯ ফখ্রে।
  • মিজোরাম: মিজোরামদা কোবিদ-১৯গী মশিং অদু ঙসি লিশিং অমা লানখ্রে।
  • নাগালেন্দ: নাগালেন্দদা ৱোখা জিলাগী কোবিদ-১৯ ইন-চার্জসু ওইরিবা দিপ্যুতী সি.এম., ৱাই. পতোননা জিলা অসিদা লৈরিবা ফিভম অদু য়েংশিনখ্রে। খুঙ্গং অমসুং কোলোনী খরদা চংথোক-চংশিন তৌবগী অথিংবা থম্লিবা অসিগী মতাংদা নুংঙাইতবা ফোংদোখি। কোবিদ-১৯ পোজিতিব কেসশিং থেংনবদগী জিলাগী এদমিনিস্ত্রশন্না কোহিমাদা মফম ৫ সীল তৌখ্রে।
  • মহারাস্ত্র। শগোলশেল নুমিত্তা মহারাস্ত্রদা কেস ১৪,৭১৮ থেংনখিবা অমসুং ৩৫৫ শিখিবগা লোইননা রাজ্য অসিদা কোরোনাভাইরস ইনফেক্সনশিংগী অপুনবা মশিং অদু হৌজিক ৭,৩৩,৫৬৮ অমসুং শিখিবগী মশিং অদু ২৩,৪৪৪ য়ৌখ্রে। পুনেদা নুমিৎ খুদিংগী কোরোনাভাইরস ইনফেক্সনগী অনৌবা কেস ১,০০০গী মথক্তা থেংনরিঙৈ মনুং অসিদা পুনে মুনিসিপাল কোরপোরেশন (পি.এম.সি.)না লাইচৎ অসিগী মায়োক্তা লান্থেংনবদা অফবা পাউ ফংলি। স্তেত কেপিতলদগী এক্তিব কেসশিংগী ৱাংবগী চাং পুনে হেঞ্জরবসু, পি.এম.সি.গী মফমশিংদা ফগৎলকপগী চাং অসি চাদা ৮০.৪৮ য়ৌরক্তুনা , চাদা ৮১.৩২গী চাংদা ফগৎলক্লিবা মুম্বাইগা তপ্না-তপ্না মান্নখৎলক্লি।
  • গুজরাত: রাজ্য অসিনা হৌখিবা পুং ২৪গী মনুংদা কোবিদ-১৯গী অনৌবা কেস ১,১৯০ থেংনখি, মসিনা অপুনবা মশিং অদু ৯১,৩২৯ য়ৌহনখি। অনৌবা কেস ২৫৮ থেংনবগা লোইননা সুরত জিলানা ২০,০০০গী তাঙ্কক হেনখ্রে। এহমদাবাদতা অণোবা কেস ১৬৩ থেংনখি অদুগা বদোদরাদগী কেস ১২৩ থেংনখি। মরক অসিদা শগোলশেল নুমিত্তা তেস্ত ৭৬,২২৭ তৌখিবগা লোইননা তেস্ত তৌখিবগী অপুনবা মশিং অদু লাখ ২০গী তাঙ্কক লানখ্রে।
  • রাজস্থান: রাজস্থানদা চীফ মিনিস্তরগী ওফিস (সি.এম.ও.)দা থবক তৌবা মীওই ৯ অমসুং চীফ মিনিস্তর রেসিদেন্স (সি.এম.আর.)দা থবক তৌবা স্তাফ মেম্বর অমা কোরোনাভাইরসকীদমক্তা তেস্ত তৌবদা পোজিতিব ওইখ্রে। মসিগী মতুং ইন্না সি.এম. অশোক গেহলোতনা মতম লেপখিবা অপোইন্তমেন্তশিং অমসুং মীতিংশিং কেন্সেল তৌখি। রাজস্থানগী কোবিদ-১৯গী অপুনবা মশিং অসি শগোলশেল নুমিত্তা অণোবা কেস ৬৩৩ থেংনখিবগা লোইননা পুন্না ৭৫,৩০৩ য়ৌখ্রে।
  • মধ্য প্রদেশ: রাজ্যগী মুখ্য মন্ত্রী, শিবরাজ সিং চৌহন্না হেল্থ দিপার্তমেন্ত অমসুং অতোপ্পা ওথোরিতীশিংদা কোবিদ-১৯গী লাইচৎ অসি লাকশিন্নবা রাজ্য অসিদা লৈরিবা জিলা ১০দা অখন্নবা মীৎয়েং চংনবা তাক্লকখ্রে।মধ্য প্রদেশ অসি এক্তিব কেসশিংগী মশিংগী মতাংদা ওইরবদি লৈবাক অসিদা ১৬শুবা পোইশন্দা লৈ।শগোলশেল নুমিত্তা এক্তিব কেসশিংগী মশিং অদু ১২,৪২২ য়ৌখি।
  • কেরলা: রাজ্য অসিদা কোবিদ-১৯ য়াংনা শন্দোরক্লিবা অসি য়েংলগা, হেল্থ দিপার্তমেন্তনা সেক্তর খরা হেন্না তেস্তিং তৌনবগীদমক্তা রিভাইজ তৌরবা সেন্তিনেল সর্ভিলেন্স প্লান অমা পুথোরকখ্রে। লোকল সেল্ফ-গোবর্নমেন্ত বোদীশিংদা চয়োল খুদিংগী সেমপলশিং খোমগৎনবা অমসুং কোবিদ তেস্তশিং পাংথোক্নবা তাক্লকখ্রে। মসিদা খ্বাইদগী চাউবা অহোংবা অদুদি সেন্তিনেল সর্ভিলেন্সকীদমক্তা আর.তি.-পি.সি.আর তেস্তশিংগী মহুত্তা রেপিদ এন্তিজেন এসেনা মহুৎ শিনবা। রাজ্য অসিদা ঙসি কোবিদনা মরম ওইরগা অমমুক শিখিবগী পাউ লৈখি, মসিনা শিখিবগী মশিং অদু ২৬৮ য়ৌহনখ্রে। কেরলা ঙরাং অনৌবা পোজিতিব কেস ২,৪০৬ থেংনখি। হৌজিক পেসেন্ত ২২,৬৭৩ লাইয়েংদুনা লৈরি অমসুং জিলা কয়া অমদা মীওই লাখ ১.৯৩ ওবজার্ভেশন তৌদুনা লৈরি।
  • তামিল নাদু: পুদুচেরীগী য়ুনিয়ন তেরিতোরীদা হৌখিবা পুং ২৪দা  কেস ৬০৪ অমসুং মাপল শিখিদুনা নোংমা খক্তদা কোবিদ-১৯ খ্বাইদগী য়াম্না হেনগৎলকপা থেংনখি। মসিনা অপুনবা কেসশিংগী মশিং অদু ১৩,০২৪ য়ৌহনখ্রে, এক্তিব কেসনা ৪৭৪৫ অমসুং শিবগী মশিংনা ১৯৯ য়ৌহনখ্রে। সাউথর্ন রেলৱেজগী তিরুচী দিভিজন্না ত্রেন সার্বিশিং লেপথোকখিবনা মরম ওইরগা এপ্রিলদগী জুলাই ফাওবদা পেসেঞ্জরদগী ফংলক্কদবা লুপা কোতি ১০০গী মথক্তা অমাংবা লৈখি। লাইচৎ অসিগী মনুংদা ফাওবা তামিল নাদুনা খ্বাইদগী য়াম্না ইনভেস্তমেন্তশিং চিংশিন্দুনা অতোপ্পা রাজ্যশিংদগী মকোক থোংখি, মসিনা থবক্কী খুদোংচাবা কয়া অমা পীগনি হায়না তি.এন.গী মুখ্য মন্ত্রী, এদাপদি কে. পলানিস্বামিনা হায়খি।
  • কর্নাতকা: প্রাইমরী অমসুং সেকেন্দরী এজুকেশন মিনিস্তর, সুরেশ কুমারনা হায়খি মদুদি ঐখোয়না হৌজিক ফাওবা স্কুলশিং করম্বা মতমদা হাংদোক্কনি নত্রগা হেক হাংদোরকপগা ক্লাসশিং করম্না তৌহনগনি হায়বা খঙদ্রি। রাজ্য অসিনা শগোলশেল নুমিত্তা কেস ৯,৩৬৮ থেংনবগা লোইননা হৌজিক ফাওবদা কোবিদ পোজিতিবশিংগী নোংমদা খ্বাইদগী য়াম্না হেগৎলকপা থেংনখি, মসিনা অপুনবা মশিং অদু ৩,০৯,৭৯২ য়ৌহনখি। মীওই ৩,৩৫৭না ভাইরস অসি লৌনখিবগা লোইননা বেঙ্গলুরুনা কেস অয়াম্বা থেংনখি।
  • অন্ধ্র প্রদেশ: রাজ্য অসিনা কোবিদকী পেসেন্তশিং লাইয়েংবগী সার্বিসতা মখোয়গী পুন্সি কৎথোকখিবা সরকারগী হোসপিতালশিংগী দোক্তরশিংগী ইমুং-মনুংশিংগী মতেং পাংনবা ৱারেপ লৌখ্রে। এ.পি. হেল্থ দিপার্তমেন্তনা থা অমগী মনুংদা ইমুং অদুগী মীওই অমদা সরকারগী থবক অমা পীনবা মসিগী মতাংদা খোংথাংশিং লৌখৎলগনি হায়বগী ওর্দর অমা থোকখ্রে।স্তেত দি.জি.পি. (পরিজনশিং)গী মতুং ইন্না, অন্ধ্র প্রদেশতা লৈবা জেলশিংদা প্রিজনর ১,৩৭৫, স্তাফ ২৪১ কোবিদ-১৯গীদমক্তা তেস্ত তৌবদা পোজিতিব ওইবা থেংনখি। রাজ্য অসিনা শগোলশেল নুমিত্তা পুন্না পোজিতিব কেস ৩.৯৩ থেংনখিবগা লোইননা লাখ ৪গী তাঙ্কক য়ৌশিল্লকখি।
  • তেলঙ্গানা: হৌখিবা পুং ২৪দা অনৌবা কেস ২৯৩২ থেংনখি, ১৫৮০ ফখি অমসুং ১১ শিখিবগী পাউ লৈখি; কেস ২৯৩২গী মনুংদা, জি.ঐচ.এম.সি.দগী কেস ৫২০ থেংনখি। অপুনবা কেসশিং: ১,১৭,৪১৫; এক্তিব কেসশিং: ২৮,৯৪১; শিখিবশিং: ৭৯৯; দিসচার্জ তৌখিবশিং: ৮৭,৬৭৫। রাজ্য অসিদা কোবিদ-১৯ তেস্ত তৌবগী কেপাসিতী হেগত্তুনা, হকশেল অমসুং য়াইফ য়ুম্বালগী দিপার্তমেন্তনা হৌখিবা চয়োল অমদা নুমিৎ খুদিংগী তেস্ত ৫০,০০০দগী ৬০,০০০ ফাওবা পাংথোক্লি হায়না হকশেলগী মন্ত্রী, ইতেলা রাজেন্দরনা হায়খি।

ফেক্ত চেক

*****



(Release ID: 1649357) Visitor Counter : 10