କେନ୍ଦ୍ର ସରକାରଙ୍କ ପରୀକ୍ଷା, ଚିହ୍ନଟ ଓ ଚିକିତ୍ସା ଭଳି ତ୍ରିମୂଖୀ ରଣନୀତି ଯୋଗୁଁ ଦେଶରେ ଆରୋଗ୍ୟ ହାର ବୃଦ୍ଧି ପାଇବା ସହ ମୃତ୍ୟୁହାର ମଧ୍ୟ ହ୍ରାସ ପାଇବାରେ ଲାଗିଛି । ଗତ 5 ମାସ ମଧ୍ୟରେ ମୋଟ ସଂକ୍ରମିତଙ୍କ ତିନି ଚତୁର୍ଥାଂଶ କରୋନାରୁ ସୁସ୍ଥ ହୋଇଥିବା ବେଳେ କେବଳ ଏକ ଚତୁର୍ଥାଂଶ ସଂକ୍ରମିତ ଏବେ ସକ୍ରିୟ ଚିକିତ୍ସାଧୀନ ଅଛନ୍ତି । ଅଧିକରୁ ଅଧିକ ରୋଗୀ ସୁସ୍ଥ ହୋଇ ହସ୍ପିଟାଲ (ଗୁରୁତର ଓ ଜଟିଳ ଲକ୍ଷଣଯୁକ୍ତ) ଓ ଘରୋଇ ଏକାନ୍ତବାସ (ସାଧାରଣ ଓ ସ୍ୱଳ୍ପ ଲକ୍ଷଣଯୁକ୍ତ) ମୁକ୍ତ ହେଉଥିବା ବେଳେ ସୁସ୍ଥ ରୋଗୀଙ୍କ ସଂଖ୍ୟା ପାଖାପାଖି 26 ଲକ୍ଷରେ ପହଞ୍ଚିଛି । କେବଳ ଗତ 24 ଘଣ୍ଟା ମଧ୍ୟରେ 60,177 ଜଣ ଆରୋଗ୍ୟ ଲାଭ କରିଛନ୍ତି । ଏଥିସହ ଦେଶରେ ହାରାହାରି ଆରୋଗ୍ୟ ହାର ଶତକଡା 76.28ରେ ପହଞ୍ଚିଛି ।

ମୋଟ ସଂକ୍ରମିତଙ୍କ ତୁଳନାରେ 3.5ଗୁଣ ଅଧିକ ରୋଗୀ ସୁସ୍ଥ ହୋଇଛନ୍ତି, ଯାହାଫଳରେ ମୋଟ ସଂକ୍ରମିତଙ୍କ ତୁଳନାର ସକ୍ରିୟ ରୋଗୀଙ୍କ ସଂଖ୍ୟା ମାତ୍ର 21.90 ରହିଛି । ଅଧିକରୁ ଅଧିକ ରୋଗୀ ସୁସ୍ଥ ହେଉଥିବା ଯୋଗୁଁ ସକ୍ରିୟ ରୋଗୀଙ୍କ ତୁଳନାରେ ଆରୋଗ୍ୟ ଲାଭ କରୁଥିବା ରୋଗୀଙ୍କ ସଂଖ୍ୟା ମଧ୍ୟ ବୃଦ୍ଧି ପାଇଛି । ଏହା 18 ଲକ୍ଷ ଟପି ବର୍ତ୍ତମାନ 18,41,925ରେ ଆଜି ପହଞ୍ଚିଛି ।

ବିଶ୍ଵରେ କୋଭିଡ ପରିଚାଳନାକୁ ଆଖିଆଗରେ ରଖି ଆମ ଦେଶରେ ମଧ୍ୟ ସେହିପ୍ରକାରର ମଧ୍ୟ ପଦକ୍ଷେପ ନିଆଯାଇଛି । ପ୍ରଥମ ପଦକ୍ଷେପ ସ୍ୱରୂପ ଘରକୁ ଘର ସର୍ଭେ କରି ସଂକ୍ରମିତଙ୍କ ସଂସ୍ପର୍ଶରେ ଆସିଥିବା ରୋଗୀମାନଙ୍କୁ ଠାବ କରାଯାଉଛି । ସଂକ୍ରମିତଙ୍କୁ ଶୀଘ୍ର ଠାବ କରାଯାଇ ମାମୁଲି ଓ ଅଳ୍ପ ଲକ୍ଷଣଯୁକ୍ତ ରୋଗୀମାନଙ୍କୁ ଘରୋଇ ଏକାନ୍ତବାସ ଏବଂ ଜଟିଳ ଓ ଅଧିକ ଲକ୍ଷଣଯୁକ୍ତ ରୋଗୀମାନଙ୍କୁ ହସ୍ପିଟାଲରେ ଶୀଘ୍ର ଚିକିତ୍ସା କରାଯାଇପାରୁଛି ।

ଦେଶରେ କୋଭିଡ ପରିଚାଳନାକୁ ଅଧିକ ବ୍ୟବସ୍ଥିତ କରାଯାଇ ହସ୍ପିଟାଲ ଭିତ୍ତିଭୂମିକୁ ମଧ୍ୟ ସୁଦୃଢ କରାଯାଇଛି । ଆଇସିୟୁ ବେଡ ଓ ଭେଣ୍ଟିଲେଟର ଇତ୍ୟାଦି ଥାଇ ଉତ୍ସର୍ଗୀକୃତ କୋଭିଡ ହସ୍ପିଟାଲ (ଡିସିଏଚ), ଅମ୍ଳଜାନ ଶଯ୍ୟା ଓ ଆବଶ୍ୟକସ୍ଥଳେ ଡାକ୍ତରୀ ସେବା ସୁବିଧା ଥାଇ ଉତ୍ସର୍ଗୀକୃତ କୋଭିଡ ସ୍ୱାସ୍ଥ୍ୟ କେନ୍ଦ୍ର (ଡିସିଏଚସି) ଏବଂ ଏକାନ୍ତବାସ ଶଯ୍ୟାଯୁକ୍ତ କୋଭିଡ ସୁଧାର କେନ୍ଦ୍ର (ସିସିସି)ମାନ ବ୍ୟବସ୍ଥା କରାଯାଇଛି । ଆଜିସୁଦ୍ଧା ଦେଶରେ 1,723ଟି ଡିସିଏଚ, 3,883 ଡିସିଏଚସି ଓ 11,689 ସିସିସି ସହ ମୋଟ 15,89,105 ଏକାନ୍ତବାସ ଶଯ୍ୟା, 2,17,128 ଅମ୍ଳଜାନ ସହାୟକ ଶଯ୍ୟା ଏବଂ 57,380 ଆଇସିୟୁ ଶଯ୍ୟା ରହିଛି । ସଂକ୍ରମିତ ରୋଗୀମାନଙ୍କ ଦକ୍ଷ ଚିକିତ୍ସା ଯୋଗୁଁ ମୃତ୍ୟୁହାର ମଧ୍ୟ କ୍ରମାଗତ ଭାବେ ହ୍ରାସ ପାଇ ଆଜି ଏହା 1.82 ପ୍ରତିଶତରେ ପହଞ୍ଚିଛି ।    

ନିର୍ଦ୍ଦେଶାବଳୀ ଓ ପରାମର୍ଶ ପାଇଁ ଦେଖନ୍ତୁ: https://www.mohfw.gov.in/ and @MoHFW_INDIA ।

କୋଭିଡ୍‌ ସଂକ୍ରାନ୍ତ ବୈଷୟିକ ପ୍ରଶ୍ନ ପଠାଇବା ପାଇଁ covid19[at]gov[dot]in ଏବଂ ଅନ୍ୟାନ୍ୟ ପ୍ରଶ୍ନ ncov2019[at]gov[dot]in and @CovidIndiaSeva ।

କୋଭିଡ-19 ସଂକ୍ରାନ୍ତ କୌଣସି ପ୍ରଶ୍ନ ମଧ୍ୟ ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟର ହେଲ୍‌ପଲାଇନ ନଂ – +91-11-23978046 କିମ୍ବା 1075 (ନିଃଶୁଳ୍କ)କୁ ପଚରା ଯାଇପାରିବ ।

ରାଜ୍ୟଗୁଡିକର ହେଲ୍‌ପଲାଇନ ନଂ: https://www.mohfw.gov.in/pdf/ coronvavirushelplinenumber.pdfରେ ଉପଲବ୍ଧ ।

*********