হকশেল অমসুং য়াইফ-য়ুম্বাল মন্ত্রালয়

অপুনবা কোবিদ কেস মশীংদগী এক্তিব কেসকী চাংনা চাদা ২২ খক্তমক ওইরে

নাবা ফগৎলকপা মশীং লাখ ২৬ য়ৌরে। এক্তিব কেস মশীংদগী লাখ ১৮ হেনখ্রে

Posted On: 28 AUG 2020 12:06PM by PIB Imphal

কেন্দ্রগী থৌরাংশিং তুংইনবগা লোইনা "তেস্ত, ত্রেক, ত্রিৎ"কী খোংথাং মায় পাক্না পায়খৎপনা ভারত্তা নাবা ফবগী চাং লেপতনা ৱাংখৎলক্তুনা শিবগী চাং হন্থরক্লি। হৌখিবা থা মঙা অসিদা, কোবিদ-১৯ কেসকী ৪ থোকপগী ৩ হেন্না নাবা ফখ্রে অমসুং ৪ থোকপগী ১ খক্তমক হৌজিক এক্তিব ওইরি।

Description: Image

অনাবা মশীং হেন্না ফগৎলকপগা লোইননা অমসুং হোম আইসোলেসন্দগী (ময়াই ওইবা অমসুং মাইল্দ ওইবা কেসশিংগী) অমসুং হোস্পিতালদগী দিসচার্জ তৌখিবগা লোইননা, ভারতকী কোবিদ-১৯দগী নাবা ফরবগী মশীং অসি লাখ ২৬ য়ৌশিল্লক্লে। হৌখিবা পুং ২৪ অসিদা অনাবা ৬০,১৭৭ নাবা ফখি। মসিগা লোইননা লৈবাক অসিগী ওইনা কোবিদ-১৯দগী নাবা ফগৎলকপগী চাং চাদা ৭৬.২৮ য়ৌরে।

নাবা ফবগী মশীং অসি এক্তিব কেস মশীংগী শরুক ৩.৫ য়ৌরে, মসিনা অপুনবা কেস মশীংগী চাদা ২১.৯০ ওইরি। নাবা ফগৎলকপগী মশীং হেনগৎলকপা হায়বসিনা নাবা ফবা অমসুং এক্তিব কেসকী মরক্তা লৈবা খেন্নবা হেনগৎলক্লি। লাখ ১৮ লানখিবগা লোইননা খেন্নবা মশীং অসি ঙসি ফাওবদা ১৮,৪১,৯২৫ য়ৌরে।

কেন্দ্র সরকারনা ভারত্তা কোবিদ-১৯ য়েংশিন্নবা হোৎনবদা অহেনবা অমসুং ফগৎনিংঙাই ওইবা খোঙথাং কয়া  মালেমগী থাক্তা লৌখৎখ্রে। য়ুম-য়ুমদা সর্বে তৌদুনা ঙন্না খঙদোকহৌনবা মীৎয়েং থম্বা অমসুং কন্তেক্ত ত্রেসিং তৌদুনা তেস্ত তৌবগী মশীং হেনগৎপগা লোইননা পোজিতিব কেস ঙন্না খঙদোকপদা মতেং পাংদুনা লেপতনা মপাঙ্গল কনহল্লি। মসিনা কনফার্ম্দ ওইরবা পোজিতিব কেসশিংবু মাইল্দ অমসুং য়াইমরপ ওইবা লাইওংশিংগীদমক য়ুমদা য়েংশিনবী অমসুং অরুবা লাইওং লাকপশিংগীনা হোস্পিতালদা পুখত্তুনা তোখাইনা থমহৌবা ঙমহল্লি।

কেন্দ্র সরকারনা লৈবাক শীনবা থুংনা হোস্পিতালগী ইনফ্রাস্ত্রকচরবু কোবিদকীদমক খাইদোক্লবা ফেসিলিতী অহুম খায়দোক্তুনা মপাঙ্গল কনখৎহনখ্রে – আই.সি.য়ু. বেদ, ভেন্তিলেতরনচিংবা য়াওবা অরুবা লাইওংশিং লাইয়েংনবগীদমক কোবিদ খক্তগী ওইবা হোস্পিতাল (দি.সি.ঐচ.); ওক্সিজেন বেদ অমসুং দোক্তর ওন কোল ফেসিলিতী লৈবা কোবিদ খক্তগী ওইবা হেলথ সেন্তর (দি.সি.ঐচ.সি.); সিসোলেসন বেদ লৈবা কোবিদ কেয়র সেন্তর (সি.সি.সি.)নি। হৌজিক ফাওবগী ওইনা, লৈবাক অসিদা দি.সি.ঐচ. ১৭২৩, দি.সি.ঐচ.সি.৩৮৮৩, অমসুং সি.সি.সি. ১১,৬৮৯ লৈদুনা অপুনবা ওইনা আইসোলেসন বেদ ১৫,৮৯,১০৫, ওক্সিজেন য়াওবা ফমুং ২,১৭,১২৮ অমসুং আই.সি.য়ু. ৫৭,৩৮০ লৈরে। পোজিতিব কেসশিংবু মতীক চানা লাইয়েংবনা শিবগী চাংসু কা হেন্না নেম্লকপগা লোইননা ঙসিফাওবদা ১.৮২% তমক লৈরে।

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA  দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid19@gov.in দা থাবীয়ু অমসুং অতোপ্পশিংগী ওইনা ncov2019@gov.in and @CovidIndiaSevaদা থাবীয়ু।

কোবিদ-১৯গী ক্বেরীশিংগীদমক হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী) দা কোল তৌবীয়ু রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf দা ফংবীগনি।

*****



(Release ID: 1649193) Visitor Counter : 5