ਸਿਹਤ ਤੇ ਪਰਿਵਾਰ ਭਲਾਈ ਮੰਤਰਾਲਾ
ਭਾਰਤ ਨੇ ਲਗਾਤਾਰ ਦੂਜੇ ਦਿਨ ਰੋਜ਼ਾਨਾ 9 ਲੱਖ ਤੋਂ ਵੱਧ ਨਮੂਨੇ ਟੈਸਟ ਕੀਤੇ ਕੁੱਲ ਟੈਸਟਾਂ ਦੀ ਗਿਣਤੀ 4 ਕਰੋੜ ਦੀ ਨਵੀਂ ਉਚਾਈ ਦੇ ਨੇੜੇ-ਤੇੜੇ
Posted On:
28 AUG 2020 1:15PM by PIB Chandigarh
ਪਿਛਲੇ 2 ਹਫ਼ਤਿਆਂ ਦੌਰਾਨ 1 ਕਰੋੜ ਤੋਂ ਵੱਧ ਟੈਸਟ ਕੇਂਦਰ ਸਰਕਾਰ ਵੱਲੋਂ ਟੈਸਟ, ਟਰੈਕ ਤੇ ਟਰੀਟ ਦੀ ਰਣਨੀਤੀ ਉੱਪਰ ਪੂਰਾ ਧਿਆਨ ਦਿੱਤੇ ਜਾਣ ਦੇ ਮੱਦੇਨਜ਼ਰ, ਭਾਰਤ ਨੇ ਲਗਾਤਾਰ ਦੂਜੇ ਦਿਨ ਰੋਜ਼ਾਨਾ ਕੋਵਿਡ-19 ਦੇ 9 ਲੱਖ ਤੋਂ ਵੱਧ ਨਮੂਨੇ ਟੈਸਟ ਕੀਤੇ ਹਨ । ਭਾਰਤ ਰੋਜ਼ਾਨਾ 10 ਲੱਖ ਟੈਸਟ ਕਰਨ ਦੀ ਸਮਰੱਥਾ ਪਹਿਲਾਂ ਹੀ ਹਾਸਲ ਕਰ ਚੁੱਕਾ ਹੈ । ਪਿਛਲੇ 24 ਘੰਟਿਆਂ ਦੌਰਾਨ 9, 01, 338 ਨਮੂਨੇ ਟੈਸਟ ਕੀਤੇ ਗਏ ।
ਇਸ ਨਿਰੰਤਰ ਵਾਧੇ ਨਾਲ ਕੁੱਲ ਟੈਸਟਾਂ ਦੀ ਗਿਣਤੀ 4 ਕਰੋੜ ਦੇ ਨੇੜੇ-ਤੇੜੇ ਪਹੁੰਚ ਰਹੀ ਹੈ । ਅੱਜ ਦੀ ਤਰੀਕ ਤੱਕ ਕੁੱਲ ਟੈਸਟਾਂ ਦੀ ਗਿਣਤੀ 3, 94, 77, 848 ਤੱਕ ਪਹੁੰਚ ਗਈ ਹੈ । ਪਿਛਲੇ 2 ਹਫ਼ਤਿਆਂ ਦੌਰਾਨ ਕੋਵਿਡ ਲਈ 1 ਕਰੋੜ ਤੋਂ ਵੱਧ ਨਮੂਨੇ ਟੈਸਟ ਕੀਤੇ ਗਏ ਹਨ ।
![](http://static.pib.gov.in/WriteReadData/userfiles/image/image001ZP6G.jpg)
ਪ੍ਰਤੀ 10 ਲੱਖ ਲੋਕਾਂ ਪਿੱਛੇ, ਟੈਸਟ ਕੀਤੇ ਜਾਣ ਵਾਲਿਆਂ ਦੀ ਗਿਣਤੀ ਵੱਧ ਕੇ 28, 607 ਹੋ ਗਈ ਹੈ । ਜ਼ੋਰਦਾਰ ਟੈਸਟਿੰਗ ਦੇ ਕਾਰਨ ਹੀ ਪੋਜ਼ਿਟਿਵ ਕੇਸਾਂ ਦੀ ਅਰੰਭਕ ਪੜਾਅ ਤੇ ਹੀ ਸ਼ਨਾਖ਼ਤ ਹੋ ਰਹੀ ਹੈ , ਉਨਾਂ ਦੇ ਸੰਪਰਕ ਵਿੱਚ ਆਉਣ ਵਾਲੇ ਵਿਅਕਤੀਆਂ ਦਾ ਛੇਤੀ ਪਤਾ ਲਗਾਇਆ ਜਾ ਰਿਹਾ ਹੈ ਤੇ ਏਕਾਂਤਵਾਸ ਦੇ ਨਾਲ-ਨਾਲ ਸਮੇਂ ਸਿਰ ਤੇ ਕਾਰਗਰ ਇਲਾਜ ਵੀ ਯਕੀਨੀ ਬਣਾਇਆ ਜਾ ਰਿਹਾ ਹੈ ।
ਟੈਸਟਿੰਗ ਰਣਨੀਤੀ ਵਿੱਚ ਦੇਸ਼ ਭਰ ਵਿੱਚ ਟੈਸਟਿੰਗ ਦਾ ਜਾਲ ਵਿਆਪਕ ਕੀਤਾ ਜਾ ਰਿਹਾ ਹੈ। ਇਸ ਰਣਨੀਤੀ ਦੇ ਚੱਲਦਿਆਂ ਦੇਸ਼ ਵਿੱਚ ਟੈਸਟ ਕਰਨ ਵਾਲੀਆਂ ਪ੍ਰਯੋਗਸ਼ਾਲਾਵਾਂ ਦਾ ਤਾਣਾ-ਬਾਣਾ ਲਗਾਤਾਰ ਮਜ਼ਬੂਤ ਹੋ ਰਿਹਾ ਹੈ , ਜਿਸ ਵਿੱਚ ਅੱਜ 1564 ਪ੍ਰਯੋਗਸ਼ਾਲਾਵਾਂ ਮੌਜੂਦ ਹਨ । ਇਨਾਂ ਵਿੱਚੋਂ 998 ਲੈਬਾਰਟਰੀਆਂ ਸਰਕਾਰੀ ਖੇਤਰ ਅਤੇ 566 ਪ੍ਰਾਈਵੇਟ ਖੇਤਰ ਵਿੱਚ ਹਨ ।
ਐਮਵੀ /ਐਸਜੇ
(Release ID: 1649269)
Visitor Counter : 196
Read this release in:
Urdu
,
English
,
Hindi
,
Marathi
,
Manipuri
,
Bengali
,
Assamese
,
Gujarati
,
Odia
,
Tamil
,
Telugu
,
Malayalam